第二任媽媽 發表於 12-11-29 01:16 
回覆 rose-mag 的帖子
唔該晒, 請問係咪用冰糖? 要浸兩個星期? 咁到收成就 LING 走D生果渣, KEEP 番 D 精 ...
其實用咩糖都得，冰糖好多人用，我未用過冰糖，因為我呢度買到D冰糖都係大大塊，
好難CUT細，又見唔到D細細粒晶粒冰糖賣，所以我一向用黃糖brown sugar，
白糖唔建議，因為有漂白劑唔夠健康，我試過加入少少蜜糖，有少少蜜糖香味。
見過台灣人用黑糖同蔗糖（即係片糖），話補身喎。
最少浸兩星期，我有時唔得閒去到三星期收成都OK，
隔咗渣飲D汁，每日唔好多過90ml，用凍水或加冰溝稀，唔好用熱水，
熱水會淥死D酵素，飲咗都冇用，而且加熱水會有少少酸味，唔係幾好飲。
我浸過唔係好多種，最好飲係蕃茄，出嚟多汁又甜。
蘋果、橙、菠蘿都好味，菠蘿泡較多又香，用過水蜜桃，麻麻地冇咩特別，
水蜜桃又唔平，就咁食好過。我剛剛浸完薑，我又好鍾意，
我會再浸蕃茄加薑，蕃茄加蘋果，呢兩隻最好味，但要加多少少水溝稀，
唔係甜死。奇異果浸完我麻麻地鍾意，浸時多泡但酒味好勁。
浸完D渣都食得架，不過係軟巴巴咁，有人用嚟做fruit punch，
我用過D渣做雪葩，味道都可以架，個蕃茄薑D渣全部都好好味，
蕃茄係淋咗D但仲係甜，薑就好似甜醃漬薑咁味，連D檸檬都係甜架，
所以我今次留番起晒D渣慢慢食。
花旗太太生活在花旗國，留意時差，你問我未必即時答到。
發表於 
我米梳氣時嗅完再倒左小小出來溝水飲啦，一啲嘔味都無噃仲好香檸檬味
我無落檸檬，唔知會唔會失敗呢
返回列表
