when she hit me in such a situation, she'll say "nub" and hit me and then look at me to see my reaction, so that's why I was puzzled should I ignore her in this case. but on the other hand I really treat hitting mami is a big fault
wongpsv 寫道:
ha... ha... 剛睇完你寫的教仔心得：媽咪容易犯的錯誤；其中我當然有中啦... 但當中既'打' – 99經常用仲要係次次都係得個講字(大隻講呀),99係好鍾意話打，你再係咁我就打你,但只係慣手勢咁「撻吓」個隻,有時都會真係攞野打下張'木台' ，你叫我個女點會驚吖，現在變左經常「還拖」，仲要跟埋99講你再係咁我打你架(死未跟足晒)，有時仲要好似你所講，到佢(阿女)覺得自己重嬲過阿媽嗰陣，就打番轉頭！
請教下我應該點同99講下．
szenam 寫道:
hi sandralo:
我個女依家22個月,舅父送左個掟籃球個d波波比我個女,上個星期我個女玩同表姐(5歲及7歲)一齊玩,我一開出來兩個表姐已經將d波掟到成地都係,第二日我個女之後就有樣學樣咁玩,最慘就係玩完叫佢執番d波佢唔肯執,我叫左好多次都話唔執仲用隻腳踢走佢,我好嬲打左佢隻腳一下之後入房唔理佢,佢喊左15分鐘左右我出去再問佢佢都堅持唔執,之後我同佢講我收埋佢唔再比佢玩,佢仲答我好潻,係個幾日佢連自己平時玩開d玩具都係咁周圍掟同唔執,我已經同佢講小朋友唔可以咁樣又試過話同佢一齊執佢都唔肯,一係就喊一係就話訓覺唔理你,仲有一樣就係佢仲打番你潻,就算你無閙佢佢仲經常講打,我知道個幾日我已經用錯方法,但係事後我問番佢你知唔知自己咁樣係唔啱,佢又答你知,叫佢以後唔好再咁樣佢又答你好,我仲錫佢話佢咁就乖,不過轉頭佢又係咁,我依家都唔知點樣佢之前唔係咁,麻煩你可唔可以教我點做呢?
遇上呢d時侯梗叫我姑奶&二叔幫我教仔, 話我地唔識教! 其實我地出親街食飯見人地d小朋友都可以坐得好定, 不知幾羨慕! 而家62唔鐘意同我仔去睇魚啦, 因為佢捉唔住我仔, 佢一走又驚佢整親(你知酒樓幾多熱水....等等危險啦)同佢出街食飯真係好頭痛!
chansc912 寫道:
icoico,
其實你女兒都已經好乖啦, 去街好少扭抱, 我諗真係學校去巴士站那段路問題, 因為大人都要行7-10分鐘(還要行樓梯), 如果同小朋友行起碼將時間加倍, 其實對小朋友來說算是吃力, 再加上是放學後, 你諗吓小朋友(只係2歲半)會將所有注意力及精力都會放在學校的遊戲,聽講等等, 所以佢放學叫攰都很正常. 雖然我此說不是鼓勵你去抱她, 但起碼你有同理心去看件事, 比我做法會係嘗試找另外一條容易行既路, 如無, 只有這條的話, 你可在上樓梯時同佢玩'猜包剪x', 猜嬴行三級至五級, 你盡量給她嬴, 待她有勝利感, 又或者在最後誰嬴有糖食或佢鐘意的食物.
另外, 你可同佢傾計時問她(不要在行這條路才問), 放學行去巴士站個條路係唔係好長好攰, 嘗試問她感受, 而你都要講返你的感受給她知, 等大家都知道, 講完之後第二曰, 你再同佢講, 如果誰在當日沒有叫攰咁叻就話比Daddy知, 等Daddy讚, 當然那天最終你是輸個位, 等佢或你講比Daddy知. 等小朋友好似好叻咁, 如想再加強給她叻的感受, 你可在她面前致電給外婆或麻麻知, 比佢知道她係超叻及可叻過媽咪.
雖然我不知是否可行, 亦都係請教顧問SandreLo好D, 總之我希望你可以盡快解決此問題.
努力!努力!
chansc912
, 我本身亦知道講寫道:
icoico,
你個case：你話小朋友曾喊足一個鐘，期間你有冇出聲？假如你有哦佢，即係俾咗反應！你可以掉轉頭諗吓，你係個小朋友，你唔高興阿媽唔抱，於是喊，你會喊幾耐？阿媽愈「話」你，你就愈要「表態」俾佢知你唔高興，持續你嘅「訴求」，但如果阿媽冇出聲，又冇鬧，又冇唔開心，又冇話嬲你，咁点呢？你重喊啲乜？喊咗一個鐘肚餓又点？
行為理論上，ignore係一定得，但好似chansc912咁講，小朋友都真係會攰，所以我建議唔好硬踫，試吓咁：
- 開始時唔駛抱即讚，見到佢開始攰，即刻話bb好乖自己行，媽咪抱你一陣啦，用番抱做獎，但要剩番一小段俾佢自己行。
- 一開始時已經要抱，即抱唔好有 condition，就嚟到時放低佢話好攰，要佢自己行，佢如果唔肯，企唔企硬由得你，你自問鬥唔過，唔想鬥，佢叫你抱就抱，唔好等佢扭，你想企硬，就預兩個鐘同佢企，又係三日一定得。
- 重有一招，故意俾佢知你「可能」因為佢唔想行，要佢搭校車，睇吓佢反應，但記住唔好嚇佢同要言出必行兩樣嘢，如果佢真係好攰，佢可能揀搭車，呢樣嘢拋出嚟純粹係睇佢反應，再 plan点做，唔係嚇！
GUI_GUI_NG 寫道:
我女女17個月, 她出街沒有耐性, 她喜歡自己行, 但她有自已的主見, 不肯拖住我跟住我行, 試過行埋一邊偷看她, 但她一樣自故自行, 不會怕不見了我們. 坐車總是不能坐定, 要落地, 多次對她說, 其他人坐定定, 叫她學學, 她好似聽不懂, 次次坐車都要準備餅乾及果汁, 才能安靜, 但食完, 飲完便會一樣落地, 是否應該罵她? 但她一定哭鬧, 怎麼辦?
在家中, 只有我會罵她, 個個錫她不得了, 雖然我是媽媽, 但都怕她嬲我, 她日日的成長, 哭罵的情況一日比一日多, 我要工作, 教她的時間不多, 工人視她如己出, 這是好, 但不多不少令她更嬌橫, 她很好動, 日日都不能停下. 到現在仍未懂說話, 但很明顯她是在呀呀學語, 是否太遲仍未懂說話? 叫她bb or ying ying, 她總是不大理睬, 她很有自己主見, 這樣令我覺得自己不懂教她, 是否她仍然很細, 因此不懂聽?請大家幫忙!!!
wingchingchu 寫道:
hi sansra,
I have to call you super nanny sandra, haha, thx for your detailed explaining1!!
1) After I realised the importance of praise, I gave it a try. I praised my bb girl on a morning when she's very fine and happy to stay with me, I said "ching ching is very nice today! ching ching didn't hit mami..." then she suddenly remember hitting and then "nub" (that's the word she said when she hit)and hit me :-( :-( (my c6 laughed, really c6!!!)
2) you know she doesn't just hit me on some reasonable occasion like "i'm trying to take away her things" but also suddenly hit on some unreasonable and unpredictable occasion like when we are having fun,
what should i do~~~
thx a lot!!!
connielam 寫道:
SandraLo,
請問如果小朋友常在大人傾計時插咀,尤其在跟的士司機傾路線,她又插,有時更又不給我講,話她正在同司機叔叔在傾,叫我不好插咀,(其實她正在插咀),我可以什樣做?
twg 寫道:
hi sandra
我試過揍佢放學之後(after 6.00pm)無比佢飲奶 & 食嘢, 佢都一樣走開!我地已經 after 8.00pm 至開飯, 佢都好似唔肚餓咁, 食 2 spoon 就走開嘞!
前晚我媽係度(of coz 佢想我仔食多d啦), 咁我唯有開vcd比佢一路睇一路食, 我照較時間, 同佢講鐘鐘響就收碗, 咁我地都有提下佢, 佢一停手我就 pause vcd, 佢就'bud'飯, 唔駛一個鐘就食晒(約大半碗兒童闊口碗), 我就同佢落公園踩單車, 佢好開心!
尋日返學, 我揍佢放學之後(after 6.00pm)比佢飲半杯朱古力奶 & 食咗半個圓形個隻提子飽 -- 佢自己request, 到食飯時(8:10 pm) 佢好知規矩, 同我講鐘鐘響就收碗, 叫我食快d, 唔係唔帶我落公園玩, ha!點知佢今次又真係食得好快喎, 無'mud'點出位 --- 我出位佢出位! (不過食飯時就好naughty:例如用 spoon 搞我碗飯, 擺小圖書/ 車仔落我碗飯度, 'bud' 佢 d 飯比我, 要餵我食飯), 我好辛苦至可以食完自己碗飯(因我 ignore 佢呢 d 動作, 佢擺落黎 d 嘢我就咁攞開, 無話佢, 佢再擺落黎我就收咗佢, 佢一路玩一路笑到 ka ka 聲一路食飯, 後來我都忍唔住收咗佢碗 & warn 佢 --- 因為佢擺魚骨 & tissue (rubbish) 落我碗! 收咗佢一次碗 & warn 咗佢之後就好好多, 坐定食埋最後個幾啖! (成餐飯佢只用咗約 35 min 食完)
臨落公園前鐘響(我較鐘預45 min), 佢笑住話自己叻, 鐘鐘響前食晒d飯, 唔駛比 mama 收碗
sandra, 請你分析下, any comment for his behaviour?
出街食飯就從來未試過坐定 :-( :-( , 請問有無辦法?如果佢發脾氣就仲衰, 飛碟飛spoon都試過, 我地不知幾embrassed, 有時6299仲叫我地係佢發緊脾氣時就下佢, 等佢唔好亂黎!
又成機呻下先:
我都知坐定定食係從小開始訓練, 我一開始就叫我6299唔好比工人抱住佢飲奶食飯, 不過都無用, 意見不接受, 到佢識行識走仲追住餵!!
我仔係 bb 時(好似係5 or 6 個月)同6299飲親茶或出街食飯都被 62 抱出去睇魚(有時佢扭都未扭!) --- 62 想我地食得舒服d, 幫我地揍仔, 唉!點知......., 久而久之, 佢就知可以唔駛坐定, 要佢坐定好似罰佢咁!試過點讚點氹, 玩玩具, 畫畫, 寫字都係咁, 無一個方法可以令佢坐得定, 我99仲話我仔好特別, 唔可以用正常方法教!
qkhui 寫道:
hi SandraLo, 你好ar. 我之前都有寫出來, 同埋都有一路用贊o既方法, 而仔仔開始返全日班, 最近我發覺仔仔有o的脾氣同反應, 我不知應怎樣處理, 而我亦重新再看這topic o既所有文章, 但都不是太清楚應怎樣處理
小兒4.5, 佢發脾氣時, 我會用ignore o既方法對付佢, 而佢會不停我叫我, 會越叫越大聲, 又會走來我身旁, 打我, 叫我, 迫我應佢為止, 佢唔會停, 噉我應該點對付佢, 我忍唔住叫佢停, 叫佢細聲先, 我先會再理你, 但都係無用.
有時popo 對佢要求一些事, 佢不高興都會打popo , 噉我見到應怎樣對佢, 叫佢同popo講對不起, 噉佢講完後, 我應怎樣, 真時真的比他們攪到不知應用什麼辦法....
請幫忙....
發表於 
返回列表
