本帖最後由 rose-mag 於 17-9-27 23:32 編輯
白毛毛 發表於 17-9-27 23:01 
無錯, 所然雖然我今早突然想起了宗主做帝君會是一絕, 但一來我又不忍他不是男一, 二來於我而言難免會想起 ...
帝君連天君都要顧忌佢，以前嘅天地共主，佢有佢嘅霸氣，佢有佢嘅驕傲，佢有佢嘅自信，唔俾藥王醫鳳九，因為佢知佢出手，鳳九一定無事，亦少受一點苦，去妖塔救鳳九以致受傷，佢滿身血奄奄一息，眼裡面只有一個鳳九，既可護佢周全，我何懼千瘡百孔，多多少少有一種大男人嘅氣概。
我未睇枕上書，純以三生三世電視劇睇，帝君既有斷情之意，亦有宣示四海八荒佢護鳳九之情，是捨又是不捨，是斷又似未斷，隨時隨地就咁又十萬八萬年過去。鳳九帝君呢一對初初我睇時，腦中閃過爺孫戀一詞，同墨淵司音有類似，但鳳九東華絕對係男女之情，墨淵司音卻有一半是師徒之義父女之情，書入面墨淵對司音嘅愛較淡，佢本人亦都藏得好深，只有自小一同成長嘅折顏至了解佢，劇入面就較明顯嘅時光不對人不對，適合嘅人唔以適當身份出現喺適當時間，就應咗折顏所講果句陰錯陽差。
小說入面同劇有少少出入，墨淵同夜華、白淺牽扯更深，夜華嘅仙胎一直寄居於墨淵元神之中，仙胎化身為一隻鳥蛋，夜華一早於昆崙虛認識司音，墨淵封印東皇鐘，元神碎散，係夜華幫佢收集元神碎片，因為樂胥娘娘食咗隻鳥蛋，夜華元神逼於出世為人，墨淵要自己收集番元神碎片，所以要用7萬幾年至可以重新為人，而夜華為咗白淺，殺四頭神獸取神芝草，用自己修為煉丹，令墨淵可以提早回歸，算係對墨淵護佢仙胎嘅報答，又為白淺還恩，墨淵以兄長身份養住夜華仙胎，又以兄長身份讓愛，完成了父神嘅心願，白淺以7萬年心頭血報墨淵兩萬年師徒之恩，以素素身份給予夜華一段刻骨銘心嘅愛，佢地三個其實三生三世互相牽連，命數嘅奇妙之處在於種種因緣起滅。
花旗太太生活在花旗國，留意時差，你問我未必即時答到。
發表於 
我曾經好輕輕地和我一個frd 話夜華好型點知畀人話不守婦道
傾吓講吓好happy 呢
返回列表
