Nicnana 發表於 19-7-18 00:46
請問去英國讀書，係應該點揾資料架，應該從邊方面入手呢？同埋讀中學，大概要幾錢一年架？
...
正常起碼2-3年前搜尋資料，如果名校好多要求2年前報名既，近年多左大型既留英agent有出書介紹代辦既學校,可以留意一d心目中既學校，我自己偏向選當地寄宿生比較多/中國人及香港人比較少，國際生在2成以下，校舍大，學費4萬樓下，成績又唔太差，課外活動及會考課程岩自己等。之後比小朋友成績找2-3家agent問下（agent唔收錢，貨比3家），最遲留學前1年要有目標學校，
一般暑假後9月開始會有大型升學展，好多學校校長或代表會來香港同學生面試及考入學試，OK會直接收生，所以儘量按自己心儀學校去報，當然小朋友成績好可以選擇學校就多，篩選後可以在暑假時叫agent安排，自己直飛當地學校再決定，無時間就隔山買牛自己上學校網站去決定。
9月打後開始面試，11月前會有收生通知，學校5月會出收生確認信，呢段時間準備所有做留學簽證既文件，6月做簽證，9月頭開學。
學費包寄宿費大約3萬-5萬英鎊一年，其實3萬5到4萬既選擇都好多，加埋監護人費/機票/放假homes stay/雜費10萬港幣，讀中學全包預40-45萬港幣一年系ok既，北愛爾蘭最平，全包20幾萬都有可能，大學可以平番d。
最近英鎊低位，有錢可以入定d英鎊，自己覺得兌10都好抵，我仔讀完中三去讀Y10，預40幾萬一年，讀到大學畢業300萬到。
過去隔離教育王國EK，好多資料亦好多高人可以比到意見你。
發表於 
返回列表
