stkyo 發表於 11-8-31 05:12 
SORRY，唔係好記得D時間前同後，係個C FU話係病宅先，定係你病先？
未搬入黎個時住緊公屋, 運程開始差, 後尾搬左家陣呢層樓, 都係咁差啦, 我自己就仲差D添! 06年個陣, 霸王女唔知點解情緒好唔穩定, 成日喊, 又唔肯返學, 攪左半年, 我個陣都好迷信架, 咪搵C FU 睇囉!! (我話要睇風水, 大魚腸話唔睇, 因呢件事, 同大魚腸開左幾次片!!), 最後我堅持要睇!!
個C FU 上到黎, 睇完, 佢話呢層樓係病宅, 我地會輪流出事, 叫我地最好就搬, 我話冇錢再搬, 佢話暫時擺住D 野先, 頂得幾耐得幾耐啦!!(大魚腸同大姨婆唔信, 叫我咪攪咁多野!!) 咁如是者, 又過左兩年, 都係黑架, 冇好過。到左08年, 因為我d m有問題, 去睇e生, e生話可能子宮有事, 就做左個小手術抽d組織睇下, e生話怕係cancer, 好彩最後都冇事。
我d fd 話你咁黑, 不如去拜下黃大仙啦!! 咁我當時都6神無主, 乜野都要試下架啦!! 求左簽就去搵人解簽啦, 個解簽佬同我解完簽, 順便叫我作個福, 我話事旦啦, 寫左個地址比佢, 佢一睇, 話呢間屋唔住得架喎, 你好搬啦, 唔係會有事架!! (咦? 又同之前睇風水個c fu 講同一樣野!!)
咁我d fd 都有求簽, 咁大家又行去搵其他人解簽。我行過一個簽檔, 係女人黎既, 我見佢占卜都係2舊水, 咁我又行左入去啦!! 佢叫我寫個地址, 佢就開始搖個龜殼, 就一路寫野, 佢話: 你係咪最近做過手術呀? 我話係!! 佢又話: 你知唔知你間屋好唔掂呀? 我話: 下? 佢話: 你再好快d搬啦!! (我心諗, 連佢都咁講!!) 我話: 我冇能力搬啦!! 你可唔可以教我擺d野呀?! 佢話: 擺d野都唔係頂得好耐架咋, ok啦, 我教你擺啦, 不過最好就搬啦!!
我同大魚腸, 大姨婆講, 話3個唔同既c fu, 都講左同一樣野, 最好就搬屋。佢兩條友鬧到我cc下, 尤其是大姨婆, 話我多q餘, 邊有事丫, 搬你個頭呀!! 佢兩個都極力反對, 咁我唯有算啦, 但講真, 真係冇水, 點搬? 咁咪照住囉, 終於舊年我真係出事啦!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
mouth:望兩眼都打冷震，掂。。。咪攪我！
想比大E媽虐待下！
返回列表
