本帖最後由 嘈嘈閉 於 11-8-31 17:12 編輯
講來講去都係話警察無啦啦捉走左個著住64 tshirt0既男人,警員冇出示身份,所以你地覺得好似大陸化左..咁我想問下~邊個知道警員有冇0係佢耳仔邊講,我地係警察?又或者要求佢離開而佢又唔走呢??所以要比人抬走?
你又係睇電視,上網睇video睇番成件事既經過~咁點解你又一口咬定差人/政府唔0岩?你0係現場咩?你知道真實情況咩?你係被抬走的人咩?你咁肯定佢地冇警告之下而做野?根本你地d 80後/90後對政府只有唔好既印象,佢做咩你都話唔好架啦!所以你睇倒既野咪自然係唔好囉!
我相信如果當時出左事時,你班人咪只係話班警察廢,做唔倒野,連小小野都做得唔好,呢d不負責住的說話,我就有做警察既親戚親口講過好多示威其實有部份人刻意挑起事端,老x前老x後...onx仔咁鬧警察,特登上前撞下撞下咁..警察怕佢地會引發意外人踩人夾硬趕走佢地,此時此刻d人又話警察用暴力濫用警力...唉~當然你梗係話我幫住我d親戚咁講,但佢地有d仔細老婆嫩,可以的話都想安安定定咁過一日,邊會冇事搵自己麻煩,特登搵市民來搬搬抬抬?駁工傷咩?
我想講由其係d80後90後..唔好成日叫住保護hk,捍為hk既口號而出去攪事,好好努力工作,讀書...賺倒錢至出去遊行示威...呢度點解咁多bk mama會鬧你地,其實有好多有交稅又有貢獻過社會既mami,都唔滿意政府做法,但佢地都唔會咁激動啦!而係地連書都未讀好就話唔滿意呢樣0個樣,難聽d講..你地有咩貢獻過?淨係識攤大手板問政府可以比咩你地,咁你又比過咩政府呢個社會?有多餘精力去幫助有需要既人,例如入下義工團,幫助下呢個社會仲來得有意義,好過訓街啦!!我讀書唔多,屋企都唔係有錢人,由細到大都係政府資助我讀書,申請減免學費..令我至可以完成學業,我唔識咩政治理論,但我知道咩叫回饋社會,所以我假日會去做義工,0係呢個世界上,有好多國家冇hk咁多福利,我地算好好架喇!
不喜就插..反正講咁多都知冇咩用~因為你地中左毒!
我要講:我都係80後~85年出世~
曾經有一個可以讓我好好咁訓0既晚上，但係我冇珍惜到!到左起身勁眼訓0既時候先至後悔莫及，塵世間最痛苦莫過於此。 如果個天可以俾機會我番轉頭既話， 我會同周公講我愛佢，如果係都要0係玩bk0既時間上加一個期限，我希望係48小時。
發表於 
like
返回列表
