夫婦情感今日: 3|主題: 42737

收藏本版

發帖

返回列表

跳至頁

樓主: oguh

16 171819 20...59

hilewo

積分: 15699

341^#

發表於 12-8-8 15:05 |只看該作者

前個期我都成日係個腦度loop住鍾家欣首歌, 不過係"方悟到珍惜的意思"個句, 好不容易搣甩左,宜家又黎過, 個腦成日係度"孤單的滋味天知我"......

樓主快出D新野幫我洗下個腦啦

私人傳訊

oguh

子爵府

積分: 11575

342^#

發表於 12-8-8 15:06 |只看該作者

本帖最後由 oguh 於 12-8-8 15:06 編輯

騰雞精

「你咪咁騰雞啦！」我同Bruce講。
佢面都青晒，話：「我去打999！你等等！」
「喂！唔洗呀！你冷靜D先！」
Bruce一聲慘叫：「Jesus Christ！」

以上對話，唔知情況既人，以為佢比車撞或有生命危險。

其實係某日我係屋企用cutter界野，唔小心界到自己左手隻手指公，表面同少少肉飛左落黎，開頭都唔覺痛，過左幾秒D血流出來，我先覺得痛。我叫Bruce過來，本來想叫佢拿屋企既急救箱出來去消毒傷口。佢一見到我個傷口，即刻發左癲咁叫，然後有以上對話出現。

我當然阻止佢叫白車，但佢即刻車我去醫院度洗傷口，沿途騰晒雞咁，拿左銀包，又無拿車匙，拿左車匙，又唔記得關水喉。上到車，一直係架車到問：「Selina，你覺得點呀？痛唔痛呀？有無按實傷口呀？你唔好瞓著呀！」我一直用毛巾包實傷口，本來都唔係好擔心，比佢咁搞搞下，開始真係覺得自己有生命危險。

我同佢講：「我唔得喇......我覺得好凍.......再見喇Bruce........」
Bruce發嬲：「仲講笑！你流緊血呀！」

我真係唔明，點解佢咁大個人，有咩未見過、未試過呢？佢自己都試過住醫院差D無命啦，點解每次見到少少血都發晒癲？

傷口無咩事，唔洗聯針，但之後要去洗傷口。我每次洗完返來，我都問Bruce，你想唔想睇下我個傷口呢？佢係咁搖頭say no，我會拆開張紗布，露個傷口出來，伸去佢眼前迫佢睇，然後佢緊閉雙眼怪叫：「快D拿開你隻臭手！我聞到腐肉味！」

到佢自己病，都好好笑。之前講過，佢發燒燒到38度，就覺得自己會死；佢成日肚瀉，佢應該都慣架啦，瀉多兩次佢去同醫生講佢脫水要入醫院；有時佢無咩胃口或有胃氣，又話要去照胃鏡，好驚自己有幽門螺旋菌；有時打波扭親少少，就話自己無晒軟骨；頭痛又話自己個腦生瘤，要去照磁力共振。

由於佢成日都過份緊張，我都慣，次次佢同我講我都無反應。有次佢重感冒，係屋企一路瞓，一路咳，佢話：「幫我叫神父來，我唔得喇。」我打佢一下，叫佢繼續瞓。其間我無理佢，係廳自己睇下電視。

佢係睡房叫出來：「Selina！我要水！」
我拿左D暖水比佢。佢飲完繼續瞓，我又出去睇電視。
無耐，又叫：「Selina！我要抹汗！」
我幫佢用濕毛巾抹下身，覺得自己好似照顧緊一個重病既人。
過左一陣，我以為佢瞓左，係廚房整野食，所以聽唔到佢叫我。整完野食出廳食時，聽到佢不停又叫：「Selina！Selina！Selina！」

妖！我幾乎想掉左D野食落地。我衝入去，佢扮晒可憐話：「我叫左你好耐喇，我就快死喇，我唔得喇！」我去摸下佢額頭，退左燒，問：「咩事呀你！係咁叫！你都退左燒啦！」

「唔係，我好急呀，我要你扶我起身，你再唔扶我去廁所我忍尿忍死喇。」

上天，比我一個理由唔去殺左呢個男人。當時我心想。