JoJo* 寫道:
kellylamyc,
(如果正在食緊飯的靚太, 請唔好睇以下果段)
我最記得自己生亞仔果陣, 一日到黑都叫姑娘幫我放便; 因為我第一日係見紅入院, 不過全日都只係見紅, 到半夜就有規律的痛, 不過就好似攪肚痛咁, 唔算好痛; 第一日放左便, 但亞仔未出世.
到左第二日, 醫生話幫我催生, 我又係咁叫姑娘幫我放便, 姑娘問我朝早有冇去大便, 我話有, 咁個姑娘就話唔駛放; 後來我同姑娘講:"姑娘, 你好人啦, 我真係好好屎架! 你幫我放啦! 我怕生到半路癩屎呀!"
跟住個姑娘係咁笑, 最後當然有幫我放便啦! 而我當然亦交足貨啦!
講起又講, 果枝放便真係幾得! 呢頭"0即"完唔夠一分鐘, 我即跑去廁所, 好彩住二人房, 去廁所只係幾步路, 如果唔係, 一定癩屎!
[quote]
kellylamyc 寫道:
jojo,
你好happy啦，阿根庭今年好有冠軍相我個人就like德國，不過，好多人都覺得佢地d波好悶
我都５知點答，可以更係順產好啦，康復得快好多，我半夜生kelly,幾個鐘之後已經可以落床四圍行
真係好鬼 c 痛囉，簡直超出預期幾倍！！吸氣同打針都試過，我覺得完全冇用囉，重好記得我痛到狂叫同死足住床欄，姑娘重要同我講 ”太太你冷靜d,床欄就黎爛啦”我個刻都冇理佢照叫照足住床欄，之後，諗返就覺得好好笑
希望５好嚇親你，不過，真係要有心理準備！
[/img]
發表於 
返回列表
