大仔大女媽媽會 今日: 0|主題: 177861

jolo 寫道:
米奇,
真係好羨慕囡囡款 d 鞋仔, 粉色好靚呀....
上次對 elle 差不多, 又係貼貼o架... 不過係硬過軟皮, 好似波鞋咁....

LongYin 寫道:

我係慣左抱朗言瞓架。

我仲有四個星期日要做全職爸爸。

LongYin 寫道:

我係慣左抱朗言瞓架。

我仲有四個星期日要做全職爸爸。

jolo 寫道:
要著 襪 o架 .... .. 又衰左添 ~~
如果著 襪, 咪好煩囉 ..... 泡菜返放學, 要除要著o架.... ... 次次都好似同佢打交咁.......
大包好好笑o架... 佢學爬, 整紅整損手腳唔嘈, 不過一 high到塊面, 就算細細力即大喊....
老公話 : 『梗係啦... 塊面用o黎溝女o架o麻..』 :tongue: :tongue:

米奇 寫道:
大人著鞋都要著襪, bb更加要啦, 係唔係呢?

jolo 寫道:
泡菜唔 特別 like 同大人訓o架....
可能一向佢張床泊住我側, 大家平排, 佢伸手摸到我, 同一齊訓無咩分別...

LongYin 寫道:
朗言尼樣野好衰架，要佢自己瞓，十世都唔瞓，
一放落bb 床就好似將舊叉電放番入叉電器咁，
即刻精神晒。
反而我抱佢就15~30分鐘就瞓著，
之後先放番係bb 床瞓，如果果晚佢瞓得唔林，
咁我地先會放佢係大人床一齊瞓，
尤其係d 行雷落大雨夜晚，咁佢會有安全感，
瞓得好好多。
d 研究講，唔得記話係三歲定五歲前，都唔好迫佢地一個人瞓，
其實係安全情況下，佢地跟大人瞓，
對佢地既成長係較好既。

米奇 寫道:

唔知係唔係無試過半夜行雷閃電呢? 暫時佢都無試過因為行雷閃電而瞓唔著或嚇醒.

有時我覺得我囡囡好似過份獨立左d

LongYin 寫道:
米奇,
你咁快就俾你個囡一個人瞓呀？
怕唔怕對佢好大壓力呀？

jolo 寫道:
泡菜重好明顯明恰我 ...
例子 1 : 我餵奶, 食幾啖就頂出o黎玩... 老公餵, 乖乖食..
例子 2 : 我幫佢沖涼, 拍水踢水坐唔定... 老公 ? 坐定定任由魚肉....
例子 3 : 勁眼訓, 我抱住拍極搖極, 都扭來扭去唔訓... 老公"暗" 最耐十幾分鐘 .......... :tongue: :tongue:
老公重講明, 佢"暗"泡菜訓, 我唔準出聲, 否則大包聽到我把聲, 訓左都會撐番大對眼.......

米奇 寫道:
佢真係無野喎. 就好似我地初初唔知, 一路抱佢抱到佢瞓著先放床仔. 但好多時一放低就喊, 嗰時真係好辛苦, 仲要晚晚都係咁. 後尾健康院姑娘教比佢自己入睡 (小冊子都有講), 我第一晚就成功啦. 佢只係喊左一次, 我老公陪佢, 拍拍去心口仔3分幾鐘, 收左聲之後佢自己就瞓左覺喇. 自始之後, 佢都唔使我地抱佢就可以自己入睡. 只不過自從佢識自己起身之後, 心野唔肯即刻瞓咋.

LongYin 寫道:
o岩o岩果個星期六深夜米有行雷閃電加黑雨囉，
你兩公婆真好瞓。 [quote]
米奇 寫道:

唔知係唔係無試過半夜行雷閃電呢? 暫時佢都無試過因為行雷閃電而瞓唔著或嚇醒.

有時我覺得我囡囡好似過份獨立左d

LongYin 寫道:
我有四個幾星期可以用自然入睡尼個方法，
如果我太太係度，佢一定唔忍心試。