美容扮靚 今日: 6 | 主題: 138058

積分: 11510

341^#

發表於 04-5-8 01:52 |只看該作者

Re: 請救救我的頭髮

ChoiYukBao,

哦~!原來今日係你~~~!!哈哈~!等我估到我頭都痕埋仲估緊你係邊個bk媽咪...嘻嘻.... :-P :-P :-P

支薑頭水堅呢~~~ :-P :-P :-P 無錯係呀,我頭一次用佢果陣都係俾佢辣到對眼同個咀,慶咗成晚,打電話俾我老公亞哥果陣我差啲粗口都嚟埋( :-P 佢係天然股東之一,啲貨係佢入既,我搵佢入貨,我中招唔投訴佢仲投訴邊個...哈哈...)~!但之後用第二第三次,就開始習慣,仲漸漸覺得辣得好過癮好舒服~!!!或者你試吓沖水嗰陣個頭抬高,啲水往後沖囉,咁樣會好啲,同埋佢主要都係天然成份,再加上佢唔落致癌化學成份(因為市面上多數既洗髮水都會加兩隻化學成份令洗髮水用少少都好勁起泡,睇落以為真係高濃縮,但實際上唔係),但係我自己用,我係過兩次洗頭水既,頭一次唔起泡係因為頭髮同頭皮本身污糟,所以好難起泡,但過左一次水再落第二次洗髮水,呢隻薑洗髮水就好起泡喇!你今日都見到我把頭髮有幾長啦~!但我每次落薑洗髮水洗頭都只係pump咗三下(即係三滴)咁大把...已經起泡到好夠洗成把長頭髮~!!!你都可以試吓好似我咁樣用,我覺得幾好,一來自己唔駛用咁多,二來洗兩次頭,把頭髮又真係乖咗好多,無咁癲婆(我今日都話咗我未用薑洗頭水洗頭既情況啦)...

至於護髮素,你用既方法完全正確架!查實護髮素如果當焗油照樣焗佢一陣甚至十五分鐘,個效果真係好過你就咁搽即過水架~!雖則都係無焗油咁靚效果,但係我個人覺得都接近囉!同埋,記緊用完護髮素/焗油後,千祈唔好用咁熱既水去沖洗頭髮,否則啲熱水去走哂啲油,咪同無搽過無分別囉!其實最好用'cool water'(我睇鬼佬書係咁講,點為之cool咁就大家個人感受喇...

),如果冬天或者自己唔受得咁凍,你都可以用溫水沖洗,總之都係嗰句,唔好高於人體體溫既溫度就得喇~!同埋又唔駛刻意留番少少護髮素/焗油响頭髮度唔沖乾淨佢,否則,恐防你頭皮頂唔順,會引致你有脫髮甚至頭油過多既問題出現....

再有問題就問我啦~!

私人傳訊

積分: 19

342^#

發表於 04-5-9 01:46 |只看該作者

Re: 請救救我的頭髮

bandband

知道!! 我下次一定頭仰後沖水:-P

我咪pm左個英文名過你知lor,,呢個只係上網上用既名,,如果就咁講呢個名未免太攪笑 :-P

今朝早起身, 真係成個頭服哂呀

不過過左一陣又漲返dd , anyway已經係一個好成績啦!!!

隻髮尾油真係好掂,,出街時勁"令"

等我用完家下支焗油, 遲下買埋你介紹個隻焗油

希望我都可以好似你咁,新長出黎既頭髮又直又貼!!!!!!

私人傳訊

積分: 11510

343^#

發表於 04-5-9 03:19 |只看該作者

Re: 請救救我的頭髮

哈哈~!大家咁話啦~!今晚我破咗戒...走去夜晚洗頭...=.= 無計!頭先我同老公成班FRIEND齊齊煲煙,我個頭臭到唔要得,所以惟有洗乾淨佢先...=.= 費時老公仔硬食我把臭頭(頭油味加煙味)~~~!!! :-P 我唔知係咪生完仔既關係,呢幾年真係無咗好多記性,依家你一講,我又醒番起你响

M響過朵俾我知...不過你响BK既LOGIN NAME又真係幾有中國味...

得閒就搵我啦~~~!!! :cry: 今日(星期日)係母親節,我無慶祝不但只仲要看舖..........anyway,

母親節快樂~~~!!!

私人傳訊

積分: 19

344^#

發表於 04-5-10 16:01 |只看該作者

Re: 請救救我的頭髮

你琴日點慶祝呀??我當然做左水魚同阿媽食左餐比平時貴既母親節餐。

我都食煙GA , 為左把頭髮本身想戒,, 不過見到你食都仲有把咁靚既頭辦,我都係遲D先 :-P :-P

我琴晚洗完頭特登唔用梳, D毛毛冇飛起呀,個頭仲滑左

不過呢唔知係咪公司D 冷氣, 到左下午個頭有D散, 仲可唔可以用髮尾油GA??

私人傳訊

積分: 11510

345^#

發表於 04-5-10 20:16 |只看該作者

Re: 請救救我的頭髮

我噚晚無咩點慶祝呀,都係放工同亞仔&老公出街食飯咋...:cry: 仲係我俾錢添...!!!不過噚晚我老公講錯野得罪我,要守"老婆服務令",所以食完飯佢都好順攤同我行咗陣街( :-x 佢平日唔肯行街架~!成日話腳痛)...至於亞仔就送咗束康乃馨俾我,撘地鐵番屋企嗰陣就猛咁冧我又鍚又嗲...

不過佢都係眼瞓,臨番屋企都玩嘢搞到又要俾我鬧~~~!!!

我媽咪噚晚都打長途電話番嚟,無計啦,佢依家住加拿大,我叫佢買啲佢鐘意既嘢,等佢六月番香港時我俾番錢佢~~~!!!

不過都開心架!兩母女噚晚卒之可以傾到心事,我媽咪啱啱信咗主又真係唔同啲!

我本來都想戒煙,不過煙癮實在太大,老公又食,班朋友(查實係老公朋友)又食,咁既環境真係好難戒到,

噚晚都俾亞媽哦,又問我係咪仲食煙,我只可以答:"食少咗..."真係~~~!!!

如果你日頭把頭髮散咗,你都可以照搽髮尾油.基本上隻髮尾油幾時搽都得,我自己洗咗頭嗰日至少都會搽三次架~!你都見過我把頭髮架啦,因為天生曲髮同埋髮尾剪得好碎又散,所以我要成日搽佢,等把頭髮(尤其髮尾)伏啲滑啲,所以幾時搽都可以,不過,如果你剩係搽髮尾,記緊一次過搽一滴好喇,如果成把頭髮三滴就夠.

私人傳訊

積分: 11510

346^#

發表於 04-5-11 10:14 |只看該作者

Re: 請救救我的頭髮

我依家正研製緊隻焗油for自己髮尾用(我髮尾比較散)...如果俾我成功研究到,我第一時間報料俾大家知我個配方呀....

:-P

私人傳訊

積分: 11510

347^#

發表於 04-5-13 09:51 |只看該作者

Re: 請救救我的頭髮

各位,

前日我同拍擋傾開偈(做新娘化妝髮型嗰個呢),先至証實到一件事,請注意...

原來我地唔可以成日梳頭架~!成日梳只會多開叉,補幾多焗油護理都唔掂!!!我朋友話佢自己一日頂多都係梳兩次頭,除非好亂先至梳多次,我望吓佢把秀髮,除咗一眼見到三條頭髮開叉外,又真係無乜噃...所以我呢幾日都全面地實行'唔好成日用梳梳頭政策'...

不過我都係一日用平梳(疏齒既梳)梳兩次,中間我會用手指梳,因為我係天生曲髮同埋長髮.暫時都覺得幾好,大家都可以試吓!

私人傳訊

積分: 11510

348^#

發表於 04-5-13 22:31 |只看該作者

Re: 請救救我的頭髮

UP.

私人傳訊

積分: 11510

349^#

發表於 04-5-16 18:39 |只看該作者

Re: 請救救我的頭髮

依家夏天到,大家有無諗住去髮廊修一修把頭髮??我好耐無去剪髮,唔知各位有無咩好師父介紹???我要平靚正架噃~~~!!!最好係油尖旺區啦~!近我~~~!!

私人傳訊

積分: 19

350^#

發表於 04-5-20 23:38 |只看該作者

Re: 請救救我的頭髮

bandband

我之前個幾日考試要閉關, 家下終於考完一身輕喇

我用用下支薑洗頭水呢,終於feel到的頭皮好慶arr,,如果唔係一早知係會咁,以為個頭會溶 :-P

不過呢唔知點解, 近排天氣熱一扎返頭髮 ,就會起頭皮, 可能d拉力問題, 今晚搽左少少髮尾油係d頭皮度, 唔知有冇幫助呢 ??

我遲d又黎搵你喇, 今次我會買上次你介紹個隻焗油(ban's ??)我個頭好似仲係未夠貼服(不過d髮質好左好多

)
仲有我好似聽過你講多支洗頭用交替用會好d, 仲有邊隻arm我用ga??

我覺得你家下把頭髮好靚bor (仲要係我老公最鍾意既髮型><~~~), 修下髮尾算啦

可惜我係天水圍剪開。對我黎講間間都一樣, 最緊要佢地知道你想要點剪, 同埋由頭到尾都係服你侍一個

私人傳訊

積分: 11510

351^#

發表於 04-5-20 23:54 |只看該作者

Re: 請救救我的頭髮

都唔係架! :cry: 我前年去過屋企樓下一間髮廊度修髮尾... :-x 但越剪越衰囉~!佢把牙剪無磨過,我個頭俾佢剪完仲開得仲多開叉呀~~~!!! :-x :-x :-x 激死我!!!

我唔想再案件重演囉~~~!!!

如果你出頭皮...你試吓洗完頭用啲護髮素輕輕捽吓有頭皮位置然後用溫水沖乾淨佢,咁會好啲架~!如果情況持續,你下次就嚟買蜂皇漿洗髮水喇~!就用呢支嚟同其他洗頭水交替咁用啦!

私人傳訊

yvonnel

複式洋房

積分: 466

352^#

發表於 04-5-21 13:44 |只看該作者

Re: 請救救我的頭髮

bandband, 我pm左你, please check

私人傳訊

積分: 11510

353^#

發表於 04-5-21 21:44 |只看該作者

Re: 請救救我的頭髮

yvonnel 寫道:
bandband, 我pm左你, please check

我已PM咗你嘞, PLS. CHECK

私人傳訊

積分: 19

354^#

發表於 04-5-22 01:05 |只看該作者

Re: 請救救我的頭髮

bandband

嘩,,家下冇人用牙剪la wor,除非屋企自已打薄d頭髮啦~
我個師傅仔都係由頭到尾一把剪,用力度輕力cut幾下, 已經打薄左

我之前俾人用牙剪剪完個頭,生出黎既頭髮更加粗劣, 真係"好傷"

我個師傅仔建議過呢, 佢話你睇下間salon d 師傅有無走黎走去, 即係一人服侍2,3個咁啦, 佢咁忙都無心機同你剪喇!

私人傳訊

積分: 11510

355^#

發表於 04-5-22 03:10 |只看該作者

Re: 請救救我的頭髮

ChoiYukBao,

m_ _m"...可以話俾你知果次我幫襯嗰間係....無人既~~~!!得一個師傅加一個收銀亞伯...

私人傳訊

積分: 19

356^#

發表於 04-5-23 01:07 |只看該作者

Re: 請救救我的頭髮

:lol: :lol: :lol: 冇..冇冇人?!!!俾我都唔敢入去!!

你係邊度剪ga...??有冇睇下佢執左未??

不過家下你又唔使咁擔心既, 裡面唔好太多人, 又唔好冇人lor

,,有幾個客係裡面都ok 架喇, 你就咁修剪下, 我擔保80元有找喇!!

私人傳訊

Qooo

複式洋房

積分: 254

357^#

發表於 04-5-23 08:33 |只看該作者

Re: 請救救我的頭髮

Hi! bandband

睇左你地兩頁0既留言喇,發覺我都係幫襯你做緊0既連鎖店買洗頭水同護髮用品,既然係咁,我真係唔可以放過呢個機會,問一問我依家0既問題,麻煩指教!

本身髮質:
幼,頭頂(以前)會易油,髮尾乾,依家新生係頭頂我見到係曲0既

我係舊年10月開始用Ban's 0既 anti-loss shampoo(yellow color),已經好work,生翻晒d頭髮,當時係亞媽買俾我,至今年3月用完,我自己再買,個sales就介紹,話ginger會有助生頭髮,我於是買左,但其實我貪心囉,根本黃色都已經ok

問題一:
我發覺新生0既頭髮比起以前會曲左,乾左,鬆散左,我d頭髮吹乾之後,成個頭都會一條條飛起,但髮型師話唔係開差,同埋我用ginger洗頭水時,會甩頭髮多過以前隻黃色洗頭水

聽你講ginger係for油髮,但我覺得我自己係混合性髮質(可能無呢種髮質0既,我自創) 頭頂從前好易會油,但髮尾永遠都乾,依家就成個頭都好乾, 但我都開心0既,因為真係生翻d頭髮,無左以前頭頂0個窿嘛!

問題二:
我都問左個sales,有咩野可以洗完頭服d,唔好彈起,我買左佢介紹0既 Ban - Hydrolyzed Protein Treatment Cream,我覺得如果查左落個頭時,等唔夠10分鐘係無用0既,但就算我等左10分鐘,幫助都係有限,都係鬆散,效果未預理想,但都要$298,都幾唔開心 ~~

問題三:
因為我懷疑係枝洗頭水攪到我d頭髮比以前更散,如果我停用,有無問題呢? 我覺得依家個頭頂無窿,我都好滿意,唔用會唔會甩翻頭髮?

唔好意思有咁多問題,希望回答

私人傳訊

積分: 11510

358^#

發表於 04-5-24 01:57 |只看該作者

Re: 請救救我的頭髮

ChoiYukBao 寫道:
:lol: :lol: :lol: 冇..冇冇人?!!!俾我都唔敢入去!!

你係邊度剪ga...??有冇睇下佢執左未??

不過家下你又唔使咁擔心既, 裡面唔好太多人, 又唔好冇人lor ,,有幾個客係裡面都ok 架喇, 你就咁修剪下, 我擔保80元有找喇!!

咁間嘢又犀利喎,由我兩年前幫襯佢到依家仲响度~~~!!!

間嘢响我屋企樓下對面馬路啲唐樓樓上舖咋...不過我見京港酒店又開咗間髮廊,$49蚊洗剪吹咋~~~!!!見佢新開,我諗我又係時候入去幫襯吓...剪髮尾~~~!!!哈哈哈~!我唔敢剪咁多,因為我頭髮幾經辛苦先至留到咁長,容乜易個師父剪得重手咗,要我由頭留過架?再者,我把天生鬈既頭髮,人地剪一吋就係一吋,但可能我剪啲頭髮就會自動彈上去,一吋變成無咗兩三吋咁...:cry: 好唔抵架~~~!!!

私人傳訊

積分: 11510

359^#

發表於 04-5-24 02:22 |只看該作者

Re: 請救救我的頭髮

Qooo,

如果以你既情況,你都係屬於油性髮質,睇髮質係睇頭皮,而唔係頭髮.

如果以你既情況,用唔到薑頭水既話,你可以轉番胎盤素洗髮水(即係你之前用黃色嗰隻呢),如果怕適應咗效果無咁好,你可以同第二啲油性髮質用既洗髮水同佢交替咁用.

至於護髮素,你可以買番啲較為爽滑既護髮素,甚至乎係草本護髮素(不過市面上有啲係較立身既...所以要小心揀),用嗰陣切忌唔好咁大pat,同埋一定要先响手掌上搓均,然後只係集中搽髮尾同頭髮中段,你屬於油性髮質,頭頂已經夠多油去滋潤,咁你就唔好搽任何潤髮既嘢响頭頂度喇;

除咗洗頭時用護髮素,你平時乾或者濕髮(洗完頭用完毛巾印乾後)都可以搽番ph髮尾油,一嚟伏啲無咁散,二嚟無咁易打結,三嚟頭髮無咁易開叉之餘仲要好順滑,一啲都唔立,好易俾頭髮吸收,一般嚟講,剩係搽髮尾只需搽一滴;如果成把長髮只需搽兩至三滴,一日搽幾次都唔會立,用得耐咗把頭髮會明顯比以前乖咗好多,容易打理.

如果支薑頭水未用完,你都可以停,不過個人認為,比著我,我會買番之前你用開嗰支胎盤素洗頭水(黃色)同薑頭水間斷咁用,用埋支薑頭水佢...不過,都好睇個人髮質情況而定,因為每個人既髮質都唔同,所受到既產品既程度同反應都唔同,所以都係憑自己感覺同埋觀察嚟揀選洗護產品,咁樣會好啲.同埋順便提多樣嘢,髮質唔會一世都唔變,好似呢刻你係油性,但當你改變你既洗髮產品同埋生活習慣等因素,佢日後都有機會變成中性甚至乾性,所以洗髮水並唔係一世用同一隻既,始終都要間唔中轉換吓既.

至於你買既 ban藍蓋焗油(鱟鯊稀焗油),你買時有無配埋佢嗰支精華油???如果你頭髮散,你一定要配埋嚟用噃...我依家係買緊$298一套(係包埋支精華油).同埋當然bk媽咪嚟買就有九折,三件產品以上八五折,但只限我舖頭.

如果焗油,比著我會介紹Ban's H2O焗油,我覺得用完佢無咁散,同埋都好補濕好滑,至少啱番油性髮質用嘛.我自己依家都用緊;除此之外,你都可以用綠茶焗油,呢隻又係有埋支精華油,但用後十分爽滑,但唔會散囉.如果唔用焗油,你都可以試吓我呢個方法,洗完髮後塗上護髮素(最好無任何動物油成份,甚至最好用專for油性或者防脫髮配方既護髮素)監粗當係焗油咁等佢十五分鐘(個人提議:包保鮮紙或者膠浴帽先至焗)後用溫水沖乾淨佢~!雖則無焗油咁好(始終護髮素營養少,質地同焗油亦唔同),但已經係我地一般要嚟頭髮急救既方法(萬一屋企咁啱無焗油既話),效果我個人覺得都唔錯,你可以試吓.

如果再有任何問題想問我,隨時入嚟再問,或者pm問我攞聯絡電話.