Re: 有冇四十歲左右準媽咪?? 大家傾傾苦與樂!
betty, 你做完馬屎未呀? 靚晒啦!
yammyma, 你轉寛頻呀?有冇著數呀? 我屋企仲係用緊dialup,好慢,遲啲搬番屋企應該會轉。
老公尋依兩晚晚nightｓｈｉｆｔ,日抖喺屋企（即係阿老豆到）瞓，要帶阿ｂ走佬費事嘈住佢，我而家喺家姐禽獸花園樹。自己間屋嘅裝修都７７８８嘞，如無意外，聽日同星期一＆二會番自己屋企抹屋。裝修唔係咁合意，唔知擺好傢俬之後會唔會好啲？ 
之前搵過一個風水帥傅睇過間屋，覺得佢唔係咁掂，不過有啲嘢都跟咗佢嘅意見。掙扎咗好耐，最終都決定再搵過一個風水帥傅嚟睇睇，佢聰日會嚟,會包埋睇相喎。今次哩個係bk啲人介紹,希望佢掂架啦。
我有個朋友識咗廿多年,啱啱知道佢老公有肝癌,而家仲未知係第幾期。佢老公係我介紹佢識,係我同事,唔同部門,都係46,7歲左右,不煙不酒,生活正常,真係冇諗過佢咁後生會生cancer。年紀越大,聽到愈多身邊朋友有哩啲重病,真係心寒。 
我老公家族好多cancer案例,老爺係肝癌(55歲byebye咗,奶奶係腸癌(60幾歲走咗),我成日都好擔心我老公會有事。佢前年都發覺有直腸息肉,割咗出嚟係良性,不過都有潛在危險,,因為父母有腸癌,啲仔女中招嘅機會比常人高好多,所以每兩年要做一次內窺鏡keep住check。生老病死這個不爭嘅現實,諗得多個人都會変得好灰。 :cry:
我係一個都幾八卦嘅人, believe in 因果, 風水命理。有果必有因 。
發表於 
返回列表
