前晚晚上~我男朋友叫bebe仔去查字典~將d唔識既英文生字查左佢~個時佢已經唔想查~但佢都有去查一陣~之後就叫左佢去訓~到左沉日早上~我就叫佢起身去學英文班~叫佢汁好d野~去食早餐~之後
佢就講~我根本唔鍾意用手去查字典~人人都有字典機~我點解要用手去查字典??
我話~媽咪未有錢買~等我儲好錢就會買嫁啦~查英文字典為你好~可以讓你加深印象嫁~我之前都解釋過比你知嫁啦~
佢話~我唔鍾意就係唔鍾意~
我話~你樣樣野都話唔鍾意嫁啦~
佢靜左一陣~之後~
佢話~咁你跟返爸爸咪有錢囉~佢大把錢啦~要咩有咩啦~佢咩都肯買嫁~你咁窮~你咩都唔買比我~你養我唔起~
我個一刻即喊左出黎~
我話~你究竟知唔知你呢家講緊咩野?你話我窮?養你唔起??就要我跟返你爸爸??你唔記得佢點打你啦?你唔記得媽媽點比佢打到入醫院啦?
佢唔出聲~我再講~
你好狠呀~~你好絕呀~你為左你自己需要錢~就叫媽咪同一個唔鍾意既人一齊~你為左錢~要媽咪返去一個打人既人身邊~你真係好狠心呀~
佢話~咁你真係窮呀麻~爸爸真係有錢呀麻~
我話~咁好~你返你爸爸身邊~去望清楚~究竟呢個咁有錢既人比到d咩野你~佢可能可以滿足你既物質~你買咩有咩~但唔代表佢比到愛你~比到時間你~你就去試下日日山長水遠咁返學~放學又山長水遠咁返屋企~
佢唔出聲企左係我房門口~
我話~你有無諗過我呢家既感受?媽咪教你~每講一句~做事之前都要諗清楚個後果~你可知道你呢家好傷我心呀???你話我窮~係呀~我係好窮~但我窮得開心~因為媽咪有你係我身邊~我見到你笑~見到你長大~媽咪就算幾窮都唔緊要~你想要既野~貴既媽咪係買唔起~但我有無買d平平地既比你呀??
佢話~有~
我話~咁咪係咁~你為左一部電腦字典機而唔要我呀??你真係咁鍾意錢咩?
佢唔出聲~
我話~你咁鍾意錢~對唔住~媽咪比唔到你~你返去你爸爸身邊~去汁野走~我會叫你爸爸黎接你~
之後我好狠咁~叫左佢出房~我話唔想見到佢~我話我愛錫既bebe仔~唔見左啦~唔會鍾意錢既bebe仔唔見左啦~你出去呀~
之後佢真係出左去汁野~
我叫佢汁野去學左英文班先~佢之後就走左~去左學英文~
係佢去學英文班個時~我就真係搵左佢爸爸~叫佢黎接走佢~同佢講~佢個仔要跟佢~之後佢都話好~佢話佢會攪掂~咁我講曬5月既時間表比佢聽~返學返幾點~放學放幾點~幾時返早幾時放早都講得好清楚~星期六同日要返幾點學咩野~每日要做d咩野~都講清楚~
等到bebe仔放英文班返黎~我同個仔只係講左4句說話~我話~你汁野啦~你汁好你d書~所有野~d衫我汁好曬嫁啦~d藥我都汁好~你自己汁左你要用既野~一陣你爸爸會黎接你~
佢話~哦~~好呀~~我呢家去汁啦~
過左一陣~佢問我可唔可以汁走d公仔~
我話~你鍾意汁走d咩就汁走啦~
之後到呢家~一句野都無講過~連電話都無收到一個~

我有做錯到嗎??我放佢走係應該嗎??
佢可知道佢好傷我心嗎??我呢幾年係唔係白費??一刀又一刀好狠咁插穿我個心~我從來無諗過~個仔會話我窮~話我養唔起佢~我明白到呢d事將來都可能會發生~但~發生得太突然~太快~太早啦~
5月~呢個5月~我咩都無曬~母親節?無啦~個仔生日?無啦~我咩都無曬啦~

我明白到可能比佢走一次~知錯會返轉頭~但我個心真係傷透~完全粉碎~
我好驚~好驚~好擔心~佢會打我個仔~
我真係好驚呀~~
呢個月~我可以捱得過嗎??
如果一個月後~佢都唔返黎~我可以點?
我完全唔知道~我呢家只識以淚洗面~
個心無時無刻都好痛~好痛~好痛....

私人傳訊

sasa0516

侯爵府

積分: 24874

瞓得好勳章

3657^#

發表於 10-5-3 10:38 |只看該作者

原帖由 ChammyMAMA 於 10-5-3 10:32 發表
我都想問你架喇,係咪仔仔又曳呢???有嘢就揾我地傾下啦,雖然幫唔到你,但講出嚟始終會好D架....

我知道講出黎我會好d~

多謝你地關心~好多謝你地~

私人傳訊

ChammyMAMA

瑪瑙宮

積分: 145167

好媽媽勳章醒目開學勳章畀面勳章

3658^#

發表於 10-5-3 10:47 |只看該作者

放心啦,我諗打就唔會打個仔嘅,往好處諗就算佢真係打個仔,個仔先會知道,邊個真係錫自己,你咪就當比自己放大假囉,有嘢就揾我地啦!!

緣是天意，份是人為，有緣相遇者，珍惜緣份的來臨

私人傳訊

ikle

男爵府

積分: 7999

好媽媽勳章

3659^#

發表於 10-5-3 11:08 |只看該作者

原帖由 ChammyMAMA 於 10-5-3 09:50 發表
我聽講食藥同打針會有副作用架.....

打超過十年，會好難懷孕
但到時我都唔會想懷孕啦

私人傳訊

阿藍2006

侯爵府

積分: 21473

好媽媽勳章畀面勳章

3660^#

發表於 10-5-3 11:09 |只看該作者

我諗而家既佢唔會話打個仔
因為佢想搶返你地2個返佢身邊,所以呢一刻佢唔會打個仔,但另一方面佢打個仔,個仔知道邊個先係真正錫佢,愛佢個個,所以唔好諗咁多負面野
我相信好多小朋友都好想得到物質上既野.因為我個仔而家就係咁,當某d人話買野比佢,佢就會跟個個人(咁當然係我親朋好友)仲會同我say bye,以前佢無得比較邊個有錢,邊個無錢,但而家呢一刻既佢,可以比較,咁佢當然覺得爸爸有錢,佢想要咩爸爸都可以比到佢,但當一個人冷靜落黎既時候,佢就會諗究竟自己想要咩,或者你放走佢,對你自己又好,對個仔又好,如果個一刻既你地繼續糾纏,結果比而家仲衰,比一個月時間冷靜,你又可以諗清楚,呢個應該點教,個仔又可以諗下自己有咩錯,我都唔敢講個仔將來會唔會咁,但我只知呢一刻,我只可做好呢個媽媽,我唔知將來窮定富,但我都會盡我能力去比最好既佢....你而家已經比最好既佢,只係佢呢一刻唔知,你自己唔食,都比個仔食,自己唔著靚衫,都比個仔著最好,做媽咪真係唔易,但要做一個咩都得既媽咪,唔係容易,有咩搵我地傾呀

原帖由 sasa0516 於 10-5-3 10:36 發表
前晚晚上~我男朋友叫bebe仔去查字典~將d唔識既英文生字查左佢~個時佢已經唔想查~但佢都有去查一陣~之後就叫左佢去訓~到左沉日早上~我就叫佢起身去學英文班~叫佢汁好d野~去食早餐~之後
佢就講~我根本唔鍾意用手去查字 ...

私人傳訊

181 182183184 185...264

跳至頁

返回列表

上一主題 • 下一主題

回覆

發帖

頻道

討論區

熱門搜尋：

單親天地 今日: 0|主題: 18398

單親天地今日: 0|主題: 18398