翻睇最後兩集，劇本的確比劇拍得感人，有D部份文字描述得太好太妙太到位，拍出嚟點都局限咗。我想，夜華走咗呢三年，白淺係傷心，佢就好似一副空殼行屍走肉，佢身邊嘅人都唔會難過得俾佢少，因為個個都愛白淺，憐惜佢又再失去所愛，呢次更係比上次師父更絕望，因為大家都堅信墨淵會返嚟，但夜華種場跡象都係已經灰飛煙滅。其中四哥一直陪喺白淺身邊，佢最錫呢個妹，唔忍心見佢難過，但欲勸又無從，責備佢又唔忍心；狐帝狐后得一個女，想也不會好過；折顏話晒睇住白淺大，又親自帶佢上昆崙虛，咁多萬年來所有事，佢都有份參與；小阿離就更慘，冇咗父君，母親又唔知去咗邊，有時覺得大人對於一個小朋友嘅心情又有幾多照顧到？難為佢三年來都被禁足喺洗梧宮讀書。
花旗太太生活在花旗國，留意時差，你問我未必即時答到。
發表於 
好失落呢
返回列表
