香港18區媽媽會 今日: 0 | 主題: 156994

積分: 2079

361^#

發表於 08-1-3 10:27 |只看該作者

因為爸爸仲放緊假. 佢接放學. 我唔駛咁趕整lunch. 真係輕鬆d.

stliu,

好彩你有工人姐姐. touch wood病了. 真係大昏迷可以快d好返的. 我有時一小小唔對路都要即食康鈣c或成藥. 一小小喉痛. 即刻鹽水漱口. 如果唔係病咗就麻煩. 無人照顧囝囝. 不過好多時可能意志上要知道頂住. 小小唔妥都好快無嘢. 希望你快d好返.

對於培正. 幼稚園淺反而ok. 因為一定直升小學. 所以都唔會再出去考其他私小. 所以都ok. 而且佢地接收返d幼稚園學生. 小學自己都應該知道點函接返d水平. 而且大部份小學都係中文小學. 都可以接受. 但中中都真係一個大問題. 可以的話點都唔想讀中文中學的. 雖然話未來, 中文方面都重要. 但好似無理由要咁去遷就學好中文而讀中中.

依家好多父母明白出去考私/直資學校都唔易. 因為好多小朋友都好叻的. 競爭一樣大. 所以培正相對一條龍煩少d係一個大賣點. 加上你所講的崔崎效應或者見培正近年d會考成績都唔錯. 所以都好多人報. 不過其實讀完小學都可以唔讀佢地中學出去考其他中學. 但人家唔知會諗當初都係想一路咁讀埋中學. 先應該選擇培正. 到頭來又唔上中學. 不過我之前search過. 都有媽媽話唔少英中都會收培小學生.

你囝囝好樂天派. 我放學時見親佢都好開心咁. 有次見工人抱住佢. 佢自己一邊唱歌一邊騎騎笑. 好開心. 係好架. 其實小朋友應該係要咁架.

我囝囝真係會話唔開心架. 一次佢去公園玩. 同其他哥哥玩到好開心. 唔肯走. 我講玩多陣要走啦. 佢走埋哥哥度同哥哥講"我好唔開心呀". 哥哥問佢點解. 我囝囝嘟著咀望一望我. 即係話我要佢走.
激c我

私人傳訊

積分: 2079

362^#

發表於 08-1-3 10:32 |只看該作者

豬仔媽媽,

其實你囡囡慢. 係唔係佢性格? 定係佢真真唔願食? 其他會唔會都慢? 有人性格滋油淡定. 有人急驚風嘛. 不過照睇你囡囡. 如果佢食得慢. 你話收嘢. 會唔會話好呢? 因為我囝囝一話收. 佢一定快快食. 佢要恐嚇的.

原文章由 豬仔媽媽 於 08-1-2 22:50 發表
wasyinyin,

你囝囝好得意, 識講自己唔開心, 我囡囡有時見到我話媽媽你唔開心, 我就話你e加食飯好似隻烏龜咁慢, 媽媽就會唔開心, 跟住佢就笑.

私人傳訊

積分: 2647

363^#

發表於 08-1-3 10:46 |只看該作者

wasyinyin,
係啊! 有個姐姐幫手真係好唔同. 因為就算我病到要瞓一整日都仲有個人幫手睇下仔仔. 所以我話, 全職媽媽呢份工真係唔易做架!

要俾十個叻你同豬仔媽媽先得呀!
其實我而家都係一有少少病的動靜都即刻去睇醫生, 一來覺得而家D菌勁左好多, 唔似以前咁"吽"一輪自己會好, 二來我病唔係問題,最怕唔覺意傳染左俾仔仔, 大家都會好明白,小朋友病仲慘過自己病呀!
培正實在有佢的"賣點", 所以先有咁多人報考呀! 其實培正中學係派位的, 咁即係唔會全部收晒培小, 係嘛? 亦好似你所講, 到時自然有家長為小朋友考其他學校.

總之,為左小朋友的事, 家長都係頭都大呀! 我估隨住1月15日的逼近, 應該會有越來越多家長開始緊張結果. 做乜好似等派彩咁架? 真係難為了香港的家長! ?-(

我仔係好鍾意笑架, 佢細細個我D朋友已經係咁講, 仲話工人姐姐係咪成日都同佢玩D會笑的遊戲? 令佢成日都笑

其實諗返轉頭, 應該要好多謝工人姐姐照顧得佢好好就真, 真係好感恩啊!希望佢可以保持呢個性格啦!

你仔仔都好搞笑, 識得同其他哥哥投訴你要佢走...

佢好鬼馬呀! 我仔都未識咁講, 我尋晚問返佢點解朝早唔開心,佢都唔識答我. 有時佢朝早起身鬧情緒(呢個情況唔常有), 我就會形容佢好似鬼佬有句說話: get out of bed on the wrong side, 即係一起身就諸事不順囉! :-( 好在佢唔係成日都咁樣, 如果唔係真係人都癲呀!

原文章由 wasyinyin 於 08-1-3 10:27 發表
因為爸爸仲放緊假. 佢接放學. 我唔駛咁趕整lunch. 真係輕鬆d.

stliu,

好彩你有工人姐姐. touch wood病了. 真係大昏迷可以快d好返的. 我有時一小小唔對路都要即食康鈣c或成藥. 一小小喉痛. 即刻鹽水漱口. ...

私人傳訊

積分: 2647

364^#

發表於 08-1-3 10:48 |只看該作者

豬仔媽媽,

係啊係啊! 會唔會你女女係屬於淡淡定呀, 唔逼得架? 我果時有個同事都係架, 食飯係慢慢食, 有時我地笑佢係數緊有幾多粒米呀!

好多時,我地已經食晒飯,佢仲係食左三份一左右. 冇所謂, 其實咁樣可能仲合符養生之道喎. 樣樣事都淡淡定咁, 幾好呀!

原文章由 wasyinyin 於 08-1-3 10:32 發表
豬仔媽媽,

其實你囡囡慢. 係唔係佢性格? 定係佢真真唔願食? 其他會唔會都慢? 有人性格滋油淡定. 有人急驚風嘛. 不過照睇你囡囡. 如果佢食得慢. 你話收嘢. 會唔會話好呢? 因為我囝囝一話收. 佢一定快快食. 佢要恐嚇 ...

私人傳訊

積分: 1139

365^#

發表於 08-1-3 13:49 |只看該作者

Hi, All,

好耐無見啦! 咁快又進入 2008 年了, 祝大家新的一年都開開心心啦

豬仔媽媽:

睇返您之前的留言, 我都覺得您囡囡其實都唔算食太少 (有d似我囡囡

), 會唔會一d食來食去都唔肥個類呀? 我覺得我囡囡係食來食去都唔肥個類(似她爸爸), 有時可以由下午午睡後不斷咁食唔停咀, 但都係偏瘦, 所以您都不用太擔心, 肯食就盡量讓她食,唔食就算啦... 您又或者可以向好的方面諗, 囡囡細細粒第日咪唔駛減肥囉~

wasyinyin & stliu,

如果培正收, 其實我都會考慮培正, 正如您們所說, 除了中中的問題外, 始終係一條龍, 而且學術成績都不斷在進步中, 雖然話幼稚園課程比較淺, 因為它們根本不需要考慮升小學問題, 可以讓小朋友快快樂樂渡過這三年, 相對亦提供很多親子的機會, 到小學才開始才催谷, 而且培正的規模真的越來越大, 旁邊正建起IT教育大樓, 會供培正中小學用, 資源很豐富, 課外活動亦非常活躍, 對小朋友日後的發展亦有一定的好處...

而KV亦是大部份人讚賞的幼稚園, 只是真的要考慮升小一的問題時, 就有點煩惱了... 一年收600個學生, 可以升入名小學的也有一百幾十, 但亦有很多要回到區內就讀, 您們知道一般是升讀哪一間小學嗎? 女仔除了DGS(私校), 還可以考慮哪些?

私人傳訊

積分: 2647

366^#

發表於 08-1-3 14:40 |只看該作者

kuyu0905,

其實我都好想仔仔係愉快學習的氣氛下渡過佢的幼稚園, 但係我自己又好認同0-6歲係學習的高峰期, 所以如果課程偏淺的學校, 我自己有少少保留?-( , 雖然話課餘時間我都可以教仔仔,但老實講, 我係在職媽媽,可以擺倒俾仔仔係學術方面的時間真係唔太多, 有時係有心無力囉. 故此, 我同老公都對根德園有幾好的感覺, 因為覺得佢真係有一套教小朋友的方法.
總之到時培正放榜, 肯定又有好多家長好頭痕!

原文章由 kuyu0905 於 08-1-3 13:49 發表
Hi, All,

好耐無見啦! 咁快又進入 2008 年了, 祝大家新的一年都開開心心啦

豬仔媽媽:

睇返您之前的留言, 我都覺得您囡囡其實都唔算食太少 (有d似我囡囡 ), 會唔會一d食來食去都唔肥個類呀? 我覺得我 ...

私人傳訊

豬仔媽媽

積分: 1353

367^#

發表於 08-1-3 15:01 |只看該作者

all,

係, 囡囡係淡淡定, 有錢'靜'

, 佢要我幫佢做嘢就要即刻,, 激c人.

如果我話收嘢, 佢真係話好, 跟住就話食另外d嘢, 我話唔準, 佢又無嘢.
佢係似爸爸, 做嘢係慢慢吞吞, 我就心急的人, 但爸爸食飯就好快?-(?-(?-(. 之於食唔肥就可能似我, 自己骨架都算幼細, 不過我肚臍都幾大

原文章由 stliu 於 08-1-3 10:48 發表
豬仔媽媽,

係啊係啊! 會唔會你女女係屬於淡淡定呀, 唔逼得架? 我果時有個同事都係架, 食飯係慢慢食, 有時我地笑佢係數緊有幾多粒米呀! 好多時,我地已經食晒飯,佢仲係食左三份一左右. 冇所謂, 其實咁樣可能仲合 ...

[ 本文章最後由豬仔媽媽於 08-1-3 15:09 編輯 ]

私人傳訊

豬仔媽媽

積分: 1353

368^#

發表於 08-1-3 15:05 |只看該作者

all,

囡囡今朝唔願起身, 攪到今朝一早就喊:-(:-(:-(
連老師都話佢今日唔多開心.

原文章由 stliu 於 08-1-3 10:46 發表
wasyinyin,
係啊! 有個姐姐幫手真係好唔同. 因為就算我病到要瞓一整日都仲有個人幫手睇下仔仔. 所以我話, 全職媽媽呢份工真係唔易做架! 要俾十個叻你同豬仔媽媽先得呀!
其實我而家都係一有少少病的動靜都即刻去睇 ...

私人傳訊

積分: 2647

369^#

發表於 08-1-3 15:25 |只看該作者

豬仔媽媽,

呵呵, 原來你女女係似爸爸,係淡定一族:-P , 咁就唯有因應佢的速度啦!
小朋友分階段發育, 唔使咁擔心啦!

原文章由 豬仔媽媽 於 08-1-3 15:01 發表
all,

係, 囡囡係淡淡定, 有錢'靜', 佢要我幫佢做嘢就要即刻,, 激c人.

如果我話收嘢, 佢真係話好, 跟住就話食另外d嘢, 我話唔準, 佢又無嘢.
佢係似爸爸, 做嘢係慢慢吞吞, 我就心急的人, 但爸爸食飯就好快?-(?-( ...

私人傳訊

積分: 1139

370^#

發表於 08-1-3 15:37 |只看該作者

stliu,

幼稚園真係好難十全十美, 有得必有失, 真係要睇人的需求... 針無兩頭利, 又想讀書好, 又想多群體社交活動/課外活動, 真係要付出很多時間/精神/金錢...

現在離培正放榜還有一段時間, 到時收了又要諗一輪, 唔收反而唔駛諗(無得諗), 叠埋心水讀KV

話說回來, 您們知道KV一般升讀什麼名校嗎?

私人傳訊

積分: 1139

371^#

發表於 08-1-3 15:45 |只看該作者

豬仔媽媽:

咁咪好囉, 囡囡似您, 食極都唔肥, 我囡囡都係, 其實我都唔想佢太肥, 而家小朋友好早就話要減肥

呢排天氣涷, 好多小朋友都唔願起床, 好在放了咁多日假, 囡囡都無話唔想返學, 仲認得隔離班的同學仔, 所以返學都幾開心, 但諗起第日返九龍塘要早咁多起身, 又覺得都幾辛苦

私人傳訊

積分: 2647

372^#

發表於 08-1-3 16:11 |只看該作者

kuyu0905,
嘻, 其實我睇你之前個post都想答你, 但唔知點解唔記得左, 記性真差.
我聽身邊人講, KV生入倒名校的, 都包括很多, dbs, dgs, spcc, 等都有good hope, maryknoll,亦有; 地區名校也不少. 有個朋友的女女, 派位不理想, 後來也考倒SFA, 似乎KV學生是有她的競爭力, 但我自己睇呢, 似乎好的女校, 很多仍係派位, 所以可能讀邊間幼園對入呢D學校都幫助不大, 反而係住址最重要. 當然, 仲有好多好好的男女校, 只係我認識不多. 而男校呢,就相反, 大多變了私校/直資, 就算一心做平民教育的英華都敵不過現實, 明年轉直資了... :-(
所以, 我老公先至一心諗住俾仔仔到時考私小/直資, 當咁樣諗返轉的時候, 就會覺得KV似乎比較合我地的要求. 我本身好鍾意宣道/禮賢. 但都不在考慮之列了... 當然, 呢D學校亦未必收啦! :mrgreen:

之前wasyinyin都講過, 寧我揀人好過人揀我, 所以我祝你培正有消息, 到時你先揀邊間啦!雖然係煩左少少?-( , 但起碼有得揀嘛! 1月15日真係好快就到了!

原文章由 kuyu0905 於 08-1-3 15:37 發表
stliu,

幼稚園真係好難十全十美, 有得必有失, 真係要睇人的需求... 針無兩頭利, 又想讀書好, 又想多群體社交活動/課外活動, 真係要付出很多時間/精神/金錢...

現在離培正放榜還有一段時間, 到時收了又要諗一輪, ...

私人傳訊

積分: 1139

373^#

發表於 08-1-3 16:30 |只看該作者

stliu,

好多謝您的意見, 正如您所說, 對女仔來說, 好多好的小學都是靠派位, 如Marynoll, 我們又沒有兄弟姊妹就讀, 我們又不在那兒教書, 又沒有相關宗教, 機會真的非常非常渺茫, 除非學您話事, 搬去九龍城區住, 機會就高很多, 但就不是個個可以 afford 得起...

至於私校, 除了dbs/dgs後, 我見有些私立名校e.g. SFA (聖方濟各)其實都有不少人說程度一般一般, 也並不見得比津校好, 如荃灣區的官立小學 (始終可以升往荃灣官中的機會大), 所以我覺得可以選擇的範圍其實也不多 ?-(

不過論基礎打得好, 就以根德園莫屬, 只是欠缺某程度上的透明度...

(P.S. 請問 SPCC 是那間小學的簡寫?

)

私人傳訊

積分: 2079

374^#

發表於 08-1-3 17:01 |只看該作者

kuyu0905,

其實好似你講咁. 如果好彩培正收. 我都一樣會有想讀的空間. 想讀原因除了一條龍唔駛煩之外. 仲有小朋友起碼讀到升中先開始有機會去其他學校(如果成績差要離校又別論). 咁佢地應該會好開心的. 完全唔駛再適應環境. 而且幼稚園又愉快開心. 小學又自己會自動函接到. 又係歷史耐嘅名校. 不過就係衝破唔到中中呢個結. 如果無人話到比我聽到升中時可以點樣其他選擇而唔想讀中中. 真係好彩收了都可能要放棄. 1/15其實好快到架

KV一年咁多畢業生. 真係百分比入到好小學會多. 而且如果讀到KV. 真係競爭力唔錯. 我時時認為間間幼稚園都會有人入到名校. 但如果剩低兩個位. KV畢業一定佔優的. 因為人家大致都知KV點教學生同學生d水準大慨係點. 真係養兵千日用在一時. 埋門一腳有幫助. 我去過KV K3 forum. 見唔少入到SFA. 因為KV好著重寫同操答題. 如果考用筆考的學校更著數. 不過可能報幾間只有一間要waiting. 而其他幼稚園. 可能考幾間. 會waiting list多少少.

囡囡嘅好多人都鐘意德望, SFA或者拔萃. 呢幾間程度都好高. 所以KV都有優勢的. 住我屋苑有位KV妹妹考到陳守仁. 因為陳守仁用英文考試. 所以佢英文底應該打得都唔錯. 不過佢好老積好定. 一d都唔似K3.

stliu,

你有無聽過KV嘅老師點? 因為學生多. 老師一定又多. 咁當中都會有d語氣或脾氣 ...... 除非每間學校都識有人教知多d. 如果唔係. 老師等於員工. 一定未必個個好脾氣. 但因為要將咁細小朋友交比老師. 總希望小朋友唔好因為老師.......而怕返學, 唔開心, 受言語上....如果我囝囝(任何一間學校)識講返比我聽老師唔係咁好嘅對答. 我一定心痛同替佢唔開心. 總之唔知當無. 知又唔可以當無 :cry:

豬仔媽媽,

淡淡定好架. 我都想自己淡定d. 但我人都急架. 都好怕人慢吞吞. 所以心血少.

[ 本文章最後由 wasyinyin 於 08-1-3 17:05 編輯 ]

私人傳訊

積分: 2647

375^#

發表於 08-1-3 17:04 |只看該作者

kuyu0905,
SPCC係聖保羅男女中學,佢的直屬小學亦係直資.
係啊, 真係唔係話搬屋就搬屋呀, 而且又有誰保證搬左屋一定入硬果間學校呢?
其實正如你所講, 針無兩頭利, 真係有辣有唔辣, 要學術好就可能有一D其他犧牲. 只係有時我都覺得, 有些學校真係有很多活動,家長當然好欣喜, 但係老師就做死, 每個人每天只有24小時, 佢用左好多時間來做其他活動, 教學方面呢? 當然, 有些老師係鐵人48, 但, 人的能力始終係有限. 或者, 學校少一D課外精彩, 老師可以更專心教學呢? 當然, 唔同意的大有人在, 但我咁諗就我咁信啦! 係咪好阿Q呢?

雖然我唔係教書, 但真係多多少少會覺得老師太多課餘野負責, 其實佢地都好慘呀!

原文章由 kuyu0905 於 08-1-3 16:30 發表
stliu,

好多謝您的意見, 正如您所說, 對女仔來說, 好多好的小學都是靠派位, 如Marynoll, 我們又沒有兄弟姊妹就讀, 我們又不在那兒教書, 又沒有相關宗教, 機會真的非常非常渺茫, 除非學您話事, 搬去九龍城區住, 機 ...

私人傳訊

積分: 2079

376^#

發表於 08-1-3 17:14 |只看該作者

stliu and kuyu0905,

其實搬真係唔保證好運抽到心儀學校. 就算搬到學校隔離幢樓都唔得

不過就係希望個網多d較好學校可以選擇同重要嘅係為了個中學網. 以及如果真真派唔到心儀, 總有個叩門機會. 跨區就一定更難叩到.

私人傳訊

積分: 2647

377^#

發表於 08-1-3 17:32 |只看該作者

wasyinyin,
其實我對幼稚園的所知都係呢度聽D,果度聽D.
但身邊有子女入讀KV的人, 似乎都對學校評價唔錯, 都係喜歡返學, 我自己會咁睇, 小朋友鍾意返學係學校比佢地感覺的第一個反射, 係冇得厄的. 所以呢樣野, 我都信. 我老公亦識得有同事/朋友仔女讀KV亦都係有類似的評語.

而我自己來睇呢, KV的老師亦都有較嚴的, 但嚴唔等如冇愛心的. 其實讀邊間學校真係好似買鋪大細咁, 唔讀過唔知架. 我見KV果邊討論區的mami們的子女似乎都幾鍾意老師啊! 面試當日亦見倒老師幾好, 印象幾好喎!
真係好零碎的資料呢?-( ! 我諗就算到我仔開學時,都未必可以話倒俾我聽學校係點架, 佢講野都係講D唔講D架! 都係要我好似做偵探咁週圍打聽先得呀!

原文章由 wasyinyin 於 08-1-3 17:01 發表
kuyu0905,

其實好似你講咁. 如果好彩培正收. 我都一樣會有想讀的空間. 想讀原因除了一條龍唔駛煩之外. 仲有小朋友起碼讀到升中先開始有機會去其他學校(如果成績差要離校又別論). 咁佢地應該會好開心的. 完全唔駛再 ...

私人傳訊

豬仔媽媽

積分: 1353

378^#

發表於 08-1-3 23:43 |只看該作者

all,

係當日interview, 我就覺得老師幾嚴肅, 加上當時環境好噪, 所以感覺就麻麻地, 但個日我去交留名費, 感覺又幾好, 佢地好友善,有問必答, 我都有問過個friend, 囝囝鍾唔鍾意返學等問題, 佢話囝囝鍾意, 老師都好nice, 我諗好睇遇到個什麼老師,加上遇到d什麼同學仔, 我個friend講, 佢囝囝都學咗d 懷嘢返來, e.g.吐口水...希望好地的小朋友都遇到好老師好同學.

講開Marynoll, 我上次聽個舊同學講另一個女舊同學, 佢囡囡係讀st. cat 為咗入Marynoll, 全家都就去洗禮想入天主教,但因為返教堂時間短, 所以唔可以洗禮, 佢地為由求神父, 神父都話唔可以因為想入某間小學而就去信教, 但最後都唔知點樣入咗,最終佢囡囡拿住20分派到Marynoll, 我老公聽完之後, 佢話我舊同學將來唔知會唔會落地獄, 我話你唔好咁黑心.
其實有好多家長想囝囡入到心儀學校, 真係用盡所有方法.

私人傳訊