影視娛樂 今日: 4 | 主題: 16084

積分: 28097

361^#

發表於 15-10-12 21:41 |只看該作者

Audrey1999 發表於 15-10-12 21:22
大家都希望宗主無死,只係詐死,其實是返回琅琊閣快快樂樂地生活下去

宗主其實自己都希望自己完成心願之後就快D死。佢有嚴重自厭、自毀傾向噶。佢覺得只有翻到戰場，以林殊既身份保家衛國，最後犧牲，先可以贖梅長蘇既罪，先可以洗白自己。

PS：如果佢唔死，但係唔同郡主一起，又有人唔滿意噶啦。

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

362^#

發表於 15-10-12 23:01 |只看該作者

引用：Quote:hugoma2015 發表於 15-10-12 21:17

原帖由 Audrey1999 於 15-10-12 發表
大家都希望宗主無死,只係詐死,其實是返回琅琊閣快快樂樂地生活下去

發展落去，你會發現好難唔死，佢身體牦損太多，佢根本係攞條命去搏，驚見唔到心願完成，於是越發拼命，高壽已經冇可能，可以生存咁耐已經好叻，何況生存佢仲痛苦，個心每日被自己嘅罪孽煎熬，只係劇中有郡主，令佢對生仲尚有一點留戀。

花旗太太生活在花旗國，留意時差，你問我未必即時答到。

私人傳訊

積分: 174135

363^#

發表於 15-10-12 23:17 |只看該作者

引用：Quote:rose-mag 發表於 15-10-12 16:37 第4

原帖由 hugoma2015 於 15-10-12 發表
當兵既打生打死，有時都真係唔知為乜。真係悲哀！

你睇翻靖王帶果D兵，又好得幾多？第9集，宗主咪喺靖王個 ...

其實做演員感情豐富至會演戲演得好，但感情豐富對一個普通人都係傷身，演員成日經歷不同角色，代入不同情緒，勞損係精神，而且大陸同香港拍戲都係一樣，紅就早接晚晚接早，tvb通告係最早06,最晚27,好人好姐捱得多都殘，但唔紅咩冇工開一樣死，邊個想一世做綠葉？有機會準會搏盡。而且有類演員係好鍾意演戲，好有心去做，唔係演完交差，呢類人會為演好角色花好多心機時間，有時入戲太深要抽離角色要好長時間，點解有人會演到抑鬱，演到同自己生活混淆，又有人要借助藥物酒精麻醉自己就係咁解。不過都係要睇演員自己定力同埋心理質素，演員中都有好多好人，胡歌霍建華袁弘鍾漢良呢班我真心覺得好好。

花旗太太生活在花旗國，留意時差，你問我未必即時答到。

私人傳訊

積分: 28097

364^#

發表於 15-10-12 23:30 |只看該作者

rose-mag 發表於 15-10-12 23:01
發展落去，你會發現好難唔死，佢身體牦損太多，佢根本係攞條命去搏，驚見唔到心願完成，於是越發拼命，高壽 ...

小說裡面郡主變心，佢就連最後一D留戀都無啦。其實小說裡面，水牛得到左江山，郡主得到左愛情，赤焰軍得到左清白，百姓得到左海晏河清既太平盛世，宗主雖然死左，但得以回復林殊既身份，大家各得其所，都未嘗唔喺一個HE。

我睇到而家，唔敢睇返前面果D，因為前面宗主身體仲幾好，睇住佢一日不如一日，對觀眾黎講都是一種煎熬……

私人傳訊

積分: 28097

365^#

發表於 15-10-12 23:46 |只看該作者

rose-mag 發表於 15-10-12 23:17
其實做演員感情豐富至會演戲演得好，但感情豐富對一個普通人都係傷身，演員成日經歷不同角色，代入不同情緒 ...

我聽劉濤講D花絮，話胡歌可以未埋位之前仲打打鬧鬧成個細路咁，一埋位就梅宗主上身，導演一叫CUT，就繼續打打鬧鬧。入戲出戲極快！

瑯琊榜個官方微博，拍攝期間每日都發一D拍攝花絮。有3段我比較印象深刻

1、郡主返雲南，去蘇宅同佢道別，兩人擁抱，郡主流淚，宗主講左句我都想變返林殊。果度導演一叫CUT，胡歌就放開手，仲跳起舞黎。

2、郡主帶宗主去林家舊宅門口，宗主唔肯入去果場。試戲果陣，胡歌又成個細路咁蹲落地，扭計話：“唔要啊，做咩逼人入去嗟！”

3、宗主郡主懷念太奶奶果場，拍攝空擋，2個人就坐起果度，胡歌仲要不停講笑話引劉濤笑到肚痛。

呢3場對手戲，你都知道幾悲噶啦，2個演員D情緒幾到位。但是真是估唔到，拍攝前後居然可以咁放鬆，應該真是演技同心理素質都好好先得。

私人傳訊

積分: 174135

366^#

發表於 15-10-13 00:03 |只看該作者

引用：Quote:rose-mag 發表於 15-10-12 23:17 其

原帖由 hugoma2015 於 15-10-12 發表
我聽劉濤講D花絮，話胡歌可以未埋位之前仲打打鬧鬧成個細路咁，一埋位就梅宗主上身，導演一叫CUT，就繼續打 ...

有人入戲要成日，有人一埋位就情緒到，高低立見，而且有經歷嘅人比平常人更明白當中嘅energy flow點放，只可以話呢d嘢冇得教，只能領悟，胡歌同劉濤自身經歷不一般，佢兩個嘅心理質素應該好強，見佢地兩個平日言行都正面，冇對其他人同事俾負評，兩個人性格都好好，佢地成功係自己積番嚟。

花旗太太生活在花旗國，留意時差，你問我未必即時答到。

私人傳訊

積分: 174135

367^#

發表於 15-10-13 00:20 |只看該作者

引用：Quote:rose-mag 發表於 15-10-12 23:01 發

原帖由 hugoma2015 於 15-10-12 發表
小說裡面郡主變心，佢就連最後一D留戀都無啦。其實小說裡面，水牛得到左江山，郡主得到左愛情，赤焰軍得到 ...

所以話呢個故事係講一個理想，但就而家套劇呢，我覺得宗主真係揀無可揀，靖王對比祈王係那樣遙遙不可及，即使譽王嘅魄力都冇，佢只係一個聽話嘅皇子，皇帝覺得可以接班嘅人，其實只係將佢嘅國運延續，令佢自己千秋萬世，而唔係建立一個好嘅國家，梁帝當年謀反，出師何名？只為權力爭奪？本身究竟有冇治國理想？紀王講得無錯，原來呢個只係梁帝嘅江山，為保自己一己私慾，就算係親骨肉都可以狠心割捨，自己高高在上比親情重要，呢個誠屬可悲。

就電視劇呢度講，林殊心目中係想建立一個理想國，當年祈王就係希望所在，可惜含恨怨死，佢除咗為七萬赤焰軍翻案外，佢係想建立一個當年祈王未能實現嘅清明國度，在選無可選之下，只能扶植靖王，但劇中靖王完全似實習生，到宗主死佢都唔似可以獨當一面，我見到係一個心志未成熟，性格衝動，忐忑不安，又感情用事嘅大男生，唔識人情世故，唔通曉情理，從來帝王路都係寂寞，要身心夠強至做到，人性本無完美，故事只係一個美好理想投射，宗主可以機關算盡，但人心始終難測，未來改變又邊個會知，睇完45同46集，我見到兩個隱憂：庭生同譽王嘅仔，再加埋靖王將來嘅仔，又會否歷史重演？靖王唔見得會識教仔。

花旗太太生活在花旗國，留意時差，你問我未必即時答到。

私人傳訊

積分: 174135

368^#

發表於 15-10-13 02:15 |只看該作者

本帖最後由 rose-mag 於 15-10-12 11:55 編輯

第43集44集看點
補充
（1）CG技巧之妙：成日見人話大陸劇嘅特技不堪入目，那琅琊榜可謂令人眼前一亮，劇中畫面亮麗詩意，43同44集嘅戰爭場面及回憶中嘅當年赤焰軍梅嶺一役確是精彩的特技CG效果，之前官網放過一條CG片出嚟，有講到部份鏡頭如何用CG效果製造。

http://video.weibo.com/show?fid=1034:e6d7c6ff798e1b6105ef181a273aaf53

對比不久之前嘅奇幻片花千骨，網上粉絲講琅琊榜特技質數超高出幾十倍。我個人覺得除咗運用技巧之外，美術取向才是最重要，眼高手低之作唔只陸劇常見，西片中有好技巧但美術指導不濟都對電影有影響。純粹個人喜愛，我超級喜歡古風古韻，片頭一段水墨式片段、劇中無數空鏡意境、人物特寫鏡頭畫面等，我可以將呢套劇一睇再睇數十次都樂此不疲。

（2）劇組對於細節非常認真，日後有機會再講一講人物設定同劇中佈景等。第43集末段靖王帶咗幾個人去請救兵，馬隊最後有幾匹冇人騎嘅馬，官網中有講，有觀察睇到劇組製作之用心，以靖王要連續趕路三日，佢可以隻馬都唔得，所以行軍一般係會帶備多幾匹馬趕路，途中交替不同馬匹，等馬有休息機會，所以馬隊中就有冇人坐嘅馬同行，呢樣係劇組嘅用心，好耐都冇見到咁用心咁認真嘅劇組。

花旗太太生活在花旗國，留意時差，你問我未必即時答到。

私人傳訊

heiheikwok

侯爵府

積分: 22787

BK Milk勳章

369^#

發表於 15-10-13 02:20 |只看該作者

rose-mag 發表於 15-10-13 02:15
第43集44集看點
補充
（1）CG技巧之妙：成日見人話大陸劇嘅特技不堪入目，那琅琊榜可謂令人眼前一亮，劇中 ...

呢套既 CG 好過好多劇，TBB個套簡直係不堪入目

私人傳訊

積分: 174135

370^#

發表於 15-10-13 05:57 |只看該作者

heiheikwok 發表於 15-10-12 10:20
呢套既 CG 好過好多劇，TBB個套簡直係不堪入目

唔好話CG唔掂，睇咗少少新無雙譜，真係攞晒命，個個角色都真係。。。咁嘅款嘅太子。。。段鳳三男不男女不女，男果陣醜樣，女果陣又唔靚，叫做好少少係郭羨妮果一對，香香嘅鯉魚精同司棋姐以前差好遠，D所謂特技。。。以前果套好好多，起碼當時算係好，而且係演員演技好，成班海中生物企喺度都會做游水手勢，絕不欺場，講到桑烈，以前係黃允財做，亦正亦邪，好記得對眼珠會變色架。有時真係冇好嘅演員都係唔好搞D經典劇，而家TBB係劇已經唔掂，演員更係差，好嘅一早離巢去大陸搵真銀，去一去大陸台灣浸幾年，演技好多都進步晒。

花旗太太生活在花旗國，留意時差，你問我未必即時答到。

私人傳訊

積分: 174135

371^#

發表於 15-10-13 07:48 |只看該作者

第45集看點
（1）父子對話
第44集末譽王被擒，困於大籠中，梁帝親自去見譽王，最初梁帝只係一心斥責個仔係逆子，雖然係好嬲，但都唔係太忍心，因為譽王一直都係公認最似佢嘅皇子，點知譽王一再追問有關佢生母玲瓏公主嘅事，梁帝告訴譽王，玲瓏公主機心太深，佢忌憚玲瓏有日會將佢篡位嘅嘢講俾人聽（其實都有不少人知道），所以最好方法就係令滑族同玲瓏喺世上消失，於是派赤焰軍去瀸滅滑族，最後只得璇璣公主同部份滑族人生還，一概困於挻幽庭內。

當譽王問梁帝有冇對玲瓏公主有過愧疚，梁帝話一隻棋子死不足惜，譽王情緒崩潰，因為佢係大棋子所生嘅小棋子，相信梁帝咁多年都係利用佢去制衡太子同靖王，而冇真心考慮過俾佢做儲君。譽王求佢証實自己生母係邊個，梁帝唔肯真話，同譽王講佢係自己嘅第五個仔，滑族早於佢登基前已亡國，祥嬪至係佢嘅生母。譽王至此生無可戀，多年父子情原來都敵唔過權位，情緒爆發幾近瘋狂。

梁帝冇立刻處決佢，只派人看守，唔俾任何人接近佢同佢講嘢，之後再押返金陵。

呢部份係黃維德個人表演，佢嘅譽王成王敗寇，已是強弩之末，最後只想得到一個肯定，佢希望由父王口中知道多年父愛係真實，佢嘅身份係一個那一回事，但最後由父親口中得到可笑嘅答案，佢以為自己只係第二個祈王，我忖度譽王都以為當年祈王真係有謀反，就算冇都係太過鋒芒畢露，引起父王猜忌，想不到自己多年步步為營，小心唔惹父親懷疑，最後都係落得一無所有，釜底抽薪之舉最後都係全輸。由落敗到見到自己父親，以為總有點溫情漫漫，點知聽到嘅事實令人失望痛心，自己在生之價值為何，身世對於佢係最殘忍最不留情，行到今日呢一步究竟係邊步行錯？邊個係最要負責任？黃維德將譽王失落、失望、絕望層層推進，最後一邊拍打木籠一邊失聲大喊聞者傷心聽者流淚，譽王出生帝王家，得不到一般人家孩子嘅親情，活於爭權奪利嘅世界裡面，早於出生已注定係一個悲劇角色。原本一直聽到黃維德呢個名都冇好感，但佢做譽王好稱職，譽王有貴氣有氣魄，如冇他人選，或者德行好D的話，淋帝應一早提拔佢為儲君後補，可惜身在宮闈染缸，浸淫其中難以素淨一身，不染一點顏色，以黃維德演繹，我見到一個渴望父親肯定又好勝嘅譽王。

除咗譽王，做梁帝嘅丁勇岱呢場都好生動，將一個自私又霸道嘅皇帝演活咗，佢嘅梁帝反覆無常，時刻猜忌，佢唔蠢但就係凡事考慮太多，所有嘢佢都要多番琢磨，越想越多，越想越多心，越想越多疑，一生生活喺猜忌之中，對住妻兒，佢都唔知有幾多真心話。梁帝自以為係最聰明嘅人，身為皇帝理所當然要人臣服，年紀老咗之後，佢開始渴望親情，渴望溫情脈脈，可惜佢多年所作所為，冇人敢再同佢講一句真心話，朝廷內外所有人都要猜度佢心中真正想點，身旁只得一個老太監可以講下心底話，但呢個高公公係人精，究竟係驚定傻，時常扮大智若愚。呢場戲丁勇岱表現出一個垂垂老者面對以前自己心狠手辣種下嘅根修成嘅果，心中有苦但因為心已鐵了，再多嘅愛敵唔過對失去權力嘅懼怕，佢有父親心底對兒子不成才嘅痛心，又有對權力嘅戀棧。

花旗太太生活在花旗國，留意時差，你問我未必即時答到。

私人傳訊

積分: 28097

372^#

發表於 15-10-13 09:14 |只看該作者

rose-mag 發表於 15-10-13 00:20
所以話呢個故事係講一個理想，但就而家套劇呢，我覺得宗主真係揀無可揀，靖王對比祈王係那樣遙遙不可及，即 ...

我睇左後面幾集劇透，覺得靖王好似突然間醒左好多，皇帝逼宗主飲毒酒，佢仲識解圍救左宗主。不過呢段是電視劇加上去既，我無法劇透。最後金殿呈冤逼皇帝下令平反之前，佢都識做好準備（確切講喺逼宮既準備），呢段小說就有，不過按照小說入面既靖王，甘樣做唔出奇。他唔蠢噶。不過電視劇入面，我就覺得佢有D唔連貫啦，突然醒左，成熟左咁。可能演員對個角色唔完整咁去理解。如果唔喺從整體去理解，塑造個角色，咁就算佢好努力咁去演好每一場戲，個角色都唔立體噶，只喺一個又一個獨立既平面，彼此之間既唔連貫，又無聯繫。

可以講宗主入金陵之前既大梁已經喺一個爛攤子。太子譽王內耗不止，6部官員結黨營私，軍紀渙散，四鄰虎視眈眈，可謂內憂外患風雨欲來，睇唔到生氣，只有苟延殘喘既死氣沉沉。

宗主輔助靖王做左太子，結束皇室既內耗；將六部大洗牌，為靖王以後既管治清除障礙，仲發掘左一D純臣良臣推薦比靖王。但呢個只喺第一步，後面條路仲好長，都是要靠靖王自己去做。正如宗主所講，人我幫你發掘，但是點樣用，用得好唔好，就睇你自己嘞。甚至到最後，宗主拼埋最後一啖氣，帶病出征抗擊外敵，重塑赤焰軍魂。宗主算喺力挽狂瀾了，但最後喺實現中興，定喺迴光返照，始終就要睇靖王自己了。

我當時睇小說最后一章“風起”，就已經覺得作者暗示緊庭生以後必然喺一個隱患，皇位既爭奪每一代都會發生。宗主臨走前就嚴正提醒過靖王要讓庭生遠離皇室核心。可惜靖王唔聽，仲認佢做契仔。相比起宗主，靖王有時真喺太感情用事，亦缺乏遠見。

私人傳訊

積分: 28097

373^#

發表於 15-10-13 10:05 |只看該作者

本帖最後由 hugoma2015 於 15-10-13 10:08 編輯

睇完47、48集，難得郡主出現，我既注意力都集中喺佢同宗主身上了。其他人就唔講了。

1、女主人。從呢一集睇，郡主真係成日都黎蘇宅了，仲成個女主人咁坐喺宗主身邊。宮羽入黎請纓，要替換夏冬出黎。對話期間，宗主喺先望一下郡主，再同宮羽講野。尤其喺最後，宮羽話“為宗主分憂，唔覺得苦”，宗主馬上一句就劃清界限“冬姐和聶大哥應該謝謝你。”哈哈，意思就是佢地謝謝你，唔喺我，我唔領呢個情。睇宗主對宮羽同郡主既態度就知道愛邊個了。佢從來都唔捨得郡主冒險受苦。另外，郡主氣量真是好，仲關心“情敵”會受苦。

2、郡主終於鼓起勇氣去試探宗主既病情了。不過又俾宗主扶一下手臂，掃一下背就打發過去。

3、火寒奇毒，宗主拆紗布既鏡頭，又震撼到我了！果一刻，胡歌應該代入當年車禍后，拆紗布既感覺吧，睇見佢個眼神都覺得心痛。

4、10年！呢一幕，郡主真是乾脆利落，我唔使聽你解釋，因為我知道你有苦衷，我唔想聽你隱瞞左咩，因為我理解你喺怕我擔心，過去既野我唔想提起，因為我怕回憶令你更痛苦。當郡主問仲有幾耐，宗主抬眼望天，停頓左好耐先答”10年”。其實聰慧如郡主，又點會相信呢？其實無論喺10年，1年，甚至一個月，郡主都決心唔會離開佢，所以見到，郡主擁抱宗主既時候，緊握拳頭。我覺得呢個細節好有意思。

5、對不起靖王。送走郡主之後，宗主就暈倒了。醒來請求藺晨幫佢續命1年，其中一個原因就是“對不起靖王”，點解佢幫靖王做左甘多，扶持佢做左太子，就快可以登基，點解佢會覺得對不起靖王？喺因為佢都覺得靖王唔夠班做皇帝吧？一個唔夠班既人加入權力鬥爭，本身就好危險。出於兒時感情又好，點都好，佢拉住靖王走到呢一步，如果佢死左，靖王衝動翻案，結果可能唔單只失寵，仲會無命，呢樣都是宗主唔希望見到既！

6、託付夏冬。呢一幕喺48集最心痛噶。宗主第一次向其他人坦白佢既病情，亦算喺交代後事了。佢最牽掛既就是靖王同郡主。對靖王多少都牽涉到例如翻案等等其他目的。但是對郡主，佢既愛意就好純粹。我覺得宗主喺愛情上，或者對待郡主方面，一直停留在13年前，2人青梅竹馬果陣。佢一直當郡主喺“佢既小女孩”，好用心咁呵護守護住佢。佢忘記郡主已經長大了，不但唔需要佢照顧，反而更加希望同他分擔。

7、夏江同靜妃勾結呢段是小說無噶，當然今晚對質果段都是電視劇加上去既。好期待宗主同皇帝和夏江呢一場對手戲

私人傳訊

積分: 174135

374^#

發表於 15-10-13 11:24 |只看該作者

第45集看點
（2）皇后自身難補
呢一段好短，交代咗金陵城內已接到消息，譽王一敗塗地，皇后都知道自己末日來到，譽王妃來求言皇后救譽王，可惜皇后都知冇可能，謀反係大罪，何況係譽王親自帶兵，証據確鑿，已冇轉彎餘地，至於王妃以為譽王係梁帝親骨肉，應該至少可以保命，但言皇后講番以前祈王舊景禹又何嘗唔係梁帝親生嫡長子，更係佢寵妃林樂瑤所生，梁帝可以狠心到不理係自己親骨肉都殺。

劇組用心之處呢度可以見到，言皇后同譽王妃嘅衫一個係鳳一個係孔雀，兩個女人所處位置加埋角度睇到就好似鳳凰同孔雀展示絢爛嘅羽毛，可惜加埋地毯上嘅圖案正是兩隻在暗淡餘輝下垂死掙扎嘅觀賞鳥。

花旗太太生活在花旗國，留意時差，你問我未必即時答到。

私人傳訊

積分: 174135

375^#

發表於 15-10-13 12:05 |只看該作者

第45集看點
（3）蒙挈回金陵
梁帝要將所有叛兵斬殺，靖王勸阻，力辯徐安謨偽造兵符便能調兵，本身兵制就有問題，跟隨嘅兵士只係聽令，無辜將兩三萬士兵殺死只會招人話柄，講軍隊非為人蒙騙，而係真心叛變。梁帝覺得有道理恩准，同時覺得金陵可能已為人控制，所以一直未見有傳訊。蒙統領要求親身回金陵收服金陵7千禁軍，佢相信自己訓練出嚟嘅禁軍只係一時受人控制，只要佢親身返京城就能重掌禁軍，於是梁帝讓蒙統領率1萬軍隊先行返去金陵城。

呢幕見到梁帝不仁，只要威脅到佢嘅皇權，人命已變得不值錢，所有公義道理都不需要深究。梁帝情商低智商亦唔見得高，自己而家已冇幾多兵力，內秏太多，練兵唔只要錢，更要時間，因為數人謀反萬人同罪，講出嚟唔只俾人笑咁簡單。內憂外患非常時期，而家斬殺咁多人，軍中士氣一定好低落，加上軍力損耗，強鄰只要睇準時機就能入侵大梁。

靖王始終係軍人，知道軍中問題，亦可憐無辜聽令嘅普通士兵，只要全力追捕有份參與謀反嘅知情逃將就足夠。謀反者一己私慾，萬千無辜者被連累喪命。佢表現軍人鐵血都係好正常，呢度仲帶出靖王都有悲天憫人嘅胸懷。

花旗太太生活在花旗國，留意時差，你問我未必即時答到。

私人傳訊

積分: 174135

376^#

發表於 15-10-13 12:24 |只看該作者

第45集看點：
（3）霓凰醋意大發
霓凰主動同宗主講佢最初接到九安山有叛變時十分擔心，怕宗主有事，可惜宗主冇講任何貼心話，只係話其實此次成敗關鍵不在自己嘅策劃，而係只要靖王可於三日內來回。

霓凰覺得滿不是味兒，問到宮羽傷勢，知道宮羽係長蘇江左盟嘅下屬，霓凰更不悅，話有個女人照顧佢的話，自己應可以放心，不竟甄平同飛流都係男人，辦事還好，照顧料理就唔夠細心。

長蘇知道霓凰誤會咗，急於解釋宮羽偷偷男扮女裝混入禁軍，事前自己並不知情，而宮羽亦只係喺佢營外站崗。霓凰到此醋意大發，表示之後宗主營外站崗護劉就由佢負責。

宗主明顯不解溫柔，人家霓凰長馬趕來解救，即使佢果一千守陵兵可能真係不成氣候，但始終係佢直衝慶曆軍陣中就地將徐安謨斬殺，隨即下令慶曆軍投降。宗主居然一句感激說話都冇，夠膽講關鍵係靖王，係女人都嬲啦。再加埋知道有個情敵出現，唔呻醋都唔係真愛啦，霓凰同宗主愛對方都愛得好苦，呢D小溫馨日子實在太少。

花旗太太生活在花旗國，留意時差，你問我未必即時答到。

私人傳訊

積分: 174135

377^#

發表於 15-10-13 13:54 |只看該作者

第45集看點：
（4）祈王府舊人
靖王睇過夏江口供，所有都為事實，只有一點靖王不解，夏江說長蘇是祈王府舊人，理應夏江不會憑空掐造這個奇怪原因去陷害長蘇。長蘇話係佢自己供應，因為祈王係夏江手中一條刺，佢專登咁講去激夏江，將事實講出，順便拖延時間。靖王有一刻失落，一方面想呢個係事實，長蘇如真係祈王舊人，咁自己一直以來嘅感覺會得到一個好嘅解釋，可惜宗主話只係哄騙夏江嘅謊話。

（5）重遇故人，悲喜交集
靖王手下統領總算捉到之前出沒於京城附近嘅怪獸，怪獸一路追至九安山。宗主聽到怪獸似係一個人，但會咬人，佢心中有疑問，於是決定去查看一下。

籠中困住嘅怪獸全身長滿毛，的確係一個人樣，但不會言語只會嘶叫，宗主見到怪獸手上有赤焰軍手環，佢已知呢個怪獸係赤焰軍舊人，而呢隻怪獸之所以要飲血係因為中咗火寒之毒，宗主要求靖王將怪獸交俾佢照顧，宗主對呢個怪獸嘅關心及堅持，令所有人都好震驚。

後來宗主安慰咗那個看似係怪獸嘅人，備水俾佢沖涼梳洗，更割自己嘅血俾佢飲，後來更將自己嘅藥丹俾佢食。霓凰對發生咗嘅事好擔心，於是乘夜過去探問。

宗主認出呢個人手上有隻赤焰軍手環，佢要求睇下上面刻住嘅名

原來係當年嘅赤焰營其中一名副將聶鋒，亦即夏冬朝思暮想嘅丈夫，宗主同聶鋒相認，呢次係第一次宗主親自承認自己身份，講俾聶鋒聽佢係小殊，之前太皇太后、蒙統領、霓凰同靜妃都係由佢地認出自己，但宗主同佢地相認時係冇正式講佢係林殊，可知聶鋒喺佢心目中嘅地位係有所不同，不竟係軍中兄弟手足情。

胡歌呢場重頭戲又係百份百催淚，感情變化做得好好。籠外認出隻赤焰軍手環，佢已經情緒上擁，頸上面青筋暴現，之後走態令到一眾人都好奇怪點解平日溫文儒雅嘅宗主會咁強硬，甚至話要帶住呢個喺解面紮營，佢一心清楚呢個係中火寒毒嘅病徵，而佢都清楚要飲人血去抑壓火寒毒之痛苦，所以心急要想辦法去救舊赤焰軍人。去到見到手環上聶鋒兩個字，宗主已經忍唔到，因為自己面目全非，而聶鋒又不能言語，宗主自己講係小殊，此時此刻兩人都情緒激動，兩個男人相擁痛哭，自是13年抑壓委屈一時爆發。胡歌面上表情變化，擁抱時拳頭慢慢握實，完全令人感受到果種彷如隔世嘅感覺。

就算係聶鋒都好有戲，不能言語，只可用眼神交代驚、訝、喜，絕非易事。呢場戲第一次睇真係喊到收唔到聲。

花旗太太生活在花旗國，留意時差，你問我未必即時答到。

私人傳訊