c.vieri 發表於 17-8-19 09:52 
錦衣夜行男主角張翰4套劇全都被禁，就係因為女主角全部都係韓國女星 之前都仲期待緊呢幾套，E+都 ...
我弟婦話而家追春風十里不如你，但周冬雨、張一山。。。故事千篇一律青春愛情片。。。好悶吓。。。
話說睇完楚喬傳啦，頭半真係好睇，去到陪燕洵坐監到九幽台後就開始悶開始重覆，好不容易捱過，後十集八集我係飛住睇完第一次，文場太多，講多過做，後期頂唔住燕洵成日死魚眼咁睥住楚喬壓低把聲叫阿楚。我飛住睇晒星玥兩個戲份，宇文玥開竅肯認自己鍾意楚喬，次次救佢後都唔出聲，見住俾人誤會咁多都替佢心痛，最後幾集真係睇到好心翳，點解要到最後至知？點解到最後至肯講？
個結局真係爛尾，原本係成本小說好關鍵，變折帶出後部更重要情節，而家咁多人死晒，再拍唔知佢要點改。我為咗知道之後點就去睇小說，叫做睇完正章，有人要江山不要美人，有人為美人捨江山，就係套劇入面插曲因為一個人嘅寫照。我覺得書寫各個角色嘅成長更細緻，不竟計埋番外超過200章回，比起電視劇有更多篇幅可以舖排，電視劇就將部份人物整合咗，改動上我覺得唔係咁好係男主角宇文玥，原小說佢嘅童年成長處境唔係咁尊貴咁開心，所以性格上會顯得冷漠同病態，到後期轉變上會覺得自然D，反而劇裡面交代玥因為三年從軍而改變篇幅少咗D，變成佢改變得好突兀，仲有中間講燕楚好多，差D覺得竇驍至係男一（不過其實書都係有呢個問題）。
劇入面有幾個人物好乞人憎，一個係宇文懷，王彥霖可能係無心顧大人演得太生鬼，楚喬傳入面硬係覺得佢奸得太表面，而且成日笑到歪晒嘴，行路好現代式。另一個就係程鳶，角色同樣都好乞人憎。荊小八下下旨意楚喬，對自己姐姐只有利用，將自己不幸賴落人度。反而最初元淳好煩好嘈好任性，後來因為變故變成偏執，最後佢變得一無所有，成套最可憐係佢。
其實好多個演員都演得好唔古代，手放得唔自然，腳企得好怪，林更新仲要寒背，戲服設計問題，著到林有個肚腩，初初我以為係佢本人問題，但見到有花絮見佢著貼身T恤係幾瘦吓冇腩，即係戲服本身問題，佢其中一幕情不自禁攬住楚喬同另一幕吻戲都唔自然，佢真係要努力磨練下，樣係靚仔，但如果唔提升下演技就好易俾人追過。
我覺得拍續集機會唔係太大，一來趙麗穎冇期，林更新又話過趙唔拍佢都唔拍，都明智架，大女主戲口碑好睇女主撐唔撐到同男女主CP感，而且佢兩個咁多人覺得正，如果真係換個baby真係十分不掂當（好彩baby否認接拍），另外本書未拍嘅得大概三份一，未必拍得出五十幾集，而且情節改咗又咁多角色死咗，到時要拍第二輯就要睇下改到咩樣，唔同軍師聯盟一早拍晒，只係剪成兩輯。珠玉在前，楚喬點埋尾真係好令人懷疑，但唔拍埋佢又浪費咗咁多心機。。。風雲令係咩？楚喬同宇文玥屬於兩個間諜陣營，彼此對立，引出兩人相愛會有好多矛盾出現，小說入面蕭策係一個表面玩世不恭，內裡精明又有情有義嘅人，佢嘅童年唔比宇文玥幸福幾多。
花旗太太生活在花旗國，留意時差，你問我未必即時答到。
發表於 
之前都仲期待緊呢幾套，E+都唔洗望。
咪同羋月傳咁又慢慢成長
返回列表
