心聲留言 今日: 0 | 主題: 17546

積分: 875

361^#

發表於 04-12-1 13:39 |只看該作者

Re: 唉~~~有時真係好似一個透明人囉><

my_tabo,
我都覺得自己今日會黑仔架啦~ 我今日著錯左對鞋, 應該著紅色就著左白色...! ...算啦~ ...希望我個電話可以搵到戶好人家啦~

你呢家剛開始係咁架, 遲d就冇野喇~ 其實我陀bb都好輕鬆, 只係有嘔既現象, 我又唔覺個肚好重~! 都算好彩~! 你去邊度產檢?

Joyce

私人傳訊

kongkong

大宅

積分: 4231

畀面勳章

362^#

發表於 04-12-1 13:50 |只看該作者

Re: 唉~~~有時真係好似一個透明人囉><

joyce:
咁快d 出過部電話啦.

不過而家成日要抱bb真係一唔小心就好易唔見野. 買手袋都唔敢買細細個果d. 買衫唔好話低胸. 最好就係樽領添. (我老公話既).

my_tabo:
唔緊要. 少食多餐啦. 呢d係醫生對孕婦既口頭禪. 我都識 :mrgreen: 慢慢會慣. 幾時同奶奶講呀.?

私人傳訊

積分: 20300

363^#

發表於 04-12-1 14:14 |只看該作者

Re: 唉~~~有時真係好似一個透明人囉><

joyce,

算啦...都總算不幸之中o既大幸o架喇! 你諗o下如果今次唔係跌電話, 而係跌銀包o既話, 咁就仲麻煩, 唯有以後小心d啦!

我聽日一早就會出去做第一次產檢, 約o左10鐘, 我o既婦科醫生o係旺角華僑商業中心。我好想快d到聽日呀!

kongkong,

我都冇打算咁快同奶奶講, 我諗等個胎定晒先啦! 我覺得愈遲比佢知愈好, 反正佢都唔會幫到我d乜, 不過就肯定會問長問短。

私人傳訊

Vin

積分: 10138

364^#

發表於 04-12-1 15:36 |只看該作者

Re: 唉~~~有時真係好似一個透明人囉><

hello呀,各位~~~
我都好似好少入嚟咁添~~
你哋唔會怪我丫嗎?我個女呢幾日都有測驗,聽日又要默中文喇~~
有時真係好似好唔夠時間用咁~~但係諗諗下其實係自己好多時都好似提唔起勁去做嘢咁~
我覺得自己其實都幾懶~~尤其係如果天氣凍~我就會瞓喺張床度唔願郁~
連個女都唔多理架喇~~死啦~~冬天就嚟喇~~~~~~
my_tabo,聽日出去小心啲呀~~旺角任何時候都好多人架~
有冇人陪你去婦科醫生度呀?
其實我都有keep住兩張我女女嘅超聲波相~
我都係睇唔明架~~haha~啲醫生仲可以睇到係男定女~真犀利~~
我由尋日開始轉用咗第2種避孕方法,之前打咗6年幾避孕針~
其實成日都有聽人講打針唔可以長期打,
但係我又覺得呢種係最方便而且有效嘅方法~
所以一路都keep住打~
但係尋日去健康院,啲姑娘又話而家規定打針唔好多過2年~
如果唔係老咗就會大機會啲有骨質疏鬆~~
所以我而家轉咗食避孕丸~~但係我又有啲擔心~~
唔知會唔會食到我肥~或者有其他副作用~
又怕自己會唔記得食藥~~

私人傳訊

積分: 875

365^#

發表於 04-12-1 15:56 |只看該作者

Re: 唉~~~有時真係好似一個透明人囉><

kong kong,
帶BB出街真係好容易唔見野, 今朝我就係揹晴晴響前面, 搭小巴時呢個妹豬又郁黎郁去, 要企響度...落車時, 顧住睇佢都冇睇下張椅...下次我就一定唔會放響褲袋啦~

my_tabo,
我頭先都有咁諗, 跌電話好過跌銀包, 跌銀包大穫好多~ 有咁多銀行card, 身份証, 駕駛執照...最梗要晴晴d相都響銀包嘛!!

係呀~ 旺角多人, 你要小心d呀! 盡量行慢d, 你老公一定會陪你去睇bb啦~ :mrgreen:

Vin,
我今日諗起你, 有d怪你, 開左呢個topic都唔多上黎...!!

其實我都有諗過唔知用乜野避孕, 以前我試過打針, 一個月打一次, 不過我覺得好煩, 我個醫生響cwb, 之後就繼續用condom! 呢家生完囡囡, 我都係用condom, 我見試面上有避孕貼, 唔知work唔work既呢? 我唔想食葯, 因為我係一個超級失魂魚, 我一定會唔記得食既~ 唔好自己嚇自己喇~ 都係用番最原始既方法囉~

Joyce

私人傳訊

積分: 20300

366^#

發表於 04-12-1 16:24 |只看該作者

Re: 唉~~~有時真係好似一個透明人囉><

Vin,

我都好明白你點解咁少上o黎, 一頭家加一個讀緊小學o既囡囡, 真係好多o野要做, 就算一日48小時都唔夠用。即使我而家未使湊bb, d家務都係多到每日做都做唔晒, 不過我而家有o左初期, 都唔係敢做咁多o野, 遲d我生o左bb, 我諗我都冇乜時間上o黎o架喇! 不過我都一定會記得你o地o既!

聽日我老公會陪我去做產檢, 佢話以後每次都會陪我去, 因為佢都好想睇o下小b係點樣。

我o地之前一直都只用避孕套避孕, 因為覺得呢個係最冇副作用o既方法。

我又係天氣一凍就好懶郁, 成日想"喱"o係被竇度, 最好就可以冬眠添! :mrgreen:

joyce,

我平時行得好快, 而家有o左bb要就住行慢d, 真係唔係好慣。通常o係旺角同埋d人多o既地方, 我都會叫我老公幫我拎手袋, 因為搶o野o既人唔係好敢搶男人o野, 所以由老公拎會比較安全d。我老公話如果有人搶我o地o野, 佢追九條街都會追番返o黎喎!

私人傳訊

kongkong

大宅

積分: 4231

畀面勳章

367^#

發表於 04-12-1 17:46 |只看該作者

Re: 唉~~~有時真係好似一個透明人囉><

Vin
我好似joyce一樣. 都怪你開了這個topic. 但又唔成日上黎. 不過冇辦法啦. 有囝有囡係咁樣嫁啦. 所以而家唔怪你啦. 如果唔係你,又點會識到你地幾個呢. 囡囡默書 = 你默書. 將來我都會同一條路. 我地真係好慘呀. :cry:

my_tabo
我曾試過大肚時約7-8個月. 響荃灣MTR內的電話亭前等老公. 見老公咁耐都未黎,於是打電話俾佢. 打完電話隔離企響處個女人竟然問我借電話. 我心諗唔係呀. 後面咪成排電話囉. 於是我即刻話"唔借". 個女人就轉身走左啦. 怪唔怪? 咁大個人, $1都冇? 冇我都可以俾你. 唔至於要問我借. 我諗佢無非都你想攞我個電話. 我7,8個月.點跑都追唔到佢啦. 真係咩野人都有呀.

私人傳訊

積分: 20300

368^#

發表於 04-12-1 17:59 |只看該作者

Re: 唉~~~有時真係好似一個透明人囉><

kongkong,

以下o既經歷, 我之前都o係"自由講場"o個邊貼過, 原來好多人都有試過比人問借電話, 不過為安全計, 都係唔好借喇!

我試過有兩次o係街比人問我借電話o既經歷：

有一次我o係輕鐵站等緊車, 突然間身邊有個講普通話o既中年男人叫我, 我隱約聽到佢話佢冇手提電話, 想叫我幫佢打比一個朋友, 同佢個朋友講佢而家o係邊, 我當時猶疑o左一陣, 個心又覺得驚驚地, 我怕一拎個手提電話出o黎就比去搶o左, 又諗如果我打比佢個朋友, 咁佢就會知我個電話號碼, (o個時我都驚到諗唔到, 我可以先打133), 因為o個個人令我有種好唔安全o既感覺, 所以就用普通話同佢講我冇手提電話。

第二次, o個次係夜晚, 條街冇乜人, 我一個人o係度等緊過馬路, 突然有個男人唔知幾時出現我側邊, 我o個時已經比佢嚇o左一跳, 佢又係同我講普通話, 講o左一大輪, 我唔係好知佢講乜, 之後隱約聽到佢話冇手提電話, 想問我借o黎打比個朋友, 話佢到已經o左香港, 當時得我同佢, 馬路又好多車, 我想過馬路都過唔到, 所以就被迫企o係度聽佢講o野, 我個心又覺得好不安, 都唔知幫佢定唔幫佢好, 我最終都怕佢會搶我個手提電話, 所以又同佢講, 我冇手提電話, 咁o岩o個時轉燈, 我就急急腳過馬路, 唔敢再望番轉頭。

我覺得o係香港, 有時真係覺得好人難做, 幫佢又驚比人呃, 唔幫佢又好似好不近人情, 尤其係而家多o左咁多自由行, 都分唔到佢o地係好人定壞人。

私人傳訊

Vin

積分: 10138

369^#

發表於 04-12-1 19:21 |只看該作者

Re: 唉~~~有時真係好似一個透明人囉><

joyce,
我記得之前bk有個topic入面好多人都話用咗condom都係有咗~~!!
而且我老公唔鍾意用condom架~佢仲成日都想生多一個仔~__~"
但係我哋嘅經濟能力根本就唔許可~佢有時做啲嘢真係唔會諗下後果架~
所以為咗將來又好,為咗保護我自己都好~
我一定要自己主動去避孕囉~

kongkong,
其實我唔介意去陪我女女一齊讀書,去[並肩作戰]~
但係問題係佢好多時都好唔爭氣~
令到我覺得嘥咁多精神都係白費~
但不過我都知道我自己其實都仲未做到最好~
所以我都要時刻去檢討點樣可以教好啲個女~
點樣去真真正正做一個好媽媽~~
不過到而家都係[尚未成功,仍需努力]~
我覺得我最差嘅係成日控制唔到對個女啲脾氣~
有時仲衰到講粗口鬧佢添~__~"
人嘅一生真係要不斷咁去學習唔同嘅嘢~

my_tabo,
就算你唔得閒上嚟嘅時候我都唔會唔記得你架~
啱啱生完真係會好唔得閒架~~
啲bb每隔3小時左右要食一次奶~~
但係好多時都可能會食得好慢~~
再加埋換片,掃風~~~可能要搞成個幾鐘~
然後隔冇幾耐,又到下一餐架喇~
所以我嗰時都係一餵完奶就即刻瞓覺~
休息得幾耐就幾耐~
不過我相信你老公到時一定好樂意幫你分擔湊bb嘅工作~

私人傳訊

積分: 20300

370^#

發表於 04-12-1 23:39 |只看該作者

Re: 唉~~~有時真係好似一個透明人囉><

Vin,

諗起初為人母就有咁多o野要做, 真係唔知我做唔做得來, 我知道日頭無論幾辛苦都只係得我一個人去做, 夜晚老公返o黎, 雖然佢都一定好樂意幫手, 我都唔想佢太過粗勞, 因為我知佢日頭做o野已經好似上戰場咁辛苦, 我希望佢返到屋企可以好好休息一下。佢公事o既o野我幫唔到佢, 我唯一可以做o既, 就係好好打理屋企o既家頭細務同好好照顧我o地o既小朋友。

私人傳訊

kongkong

大宅

積分: 4231

畀面勳章

371^#

發表於 04-12-2 11:17 |只看該作者

Re: 唉~~~有時真係好似一個透明人囉><

Dear all,
我今日下午同聽日放假

私人傳訊

積分: 875

372^#

發表於 04-12-2 12:51 |只看該作者

Re: 唉~~~有時真係好似一個透明人囉><

vin,
用condom都會出事...好恐怖!! 我地用左好耐啦~ 係唔係要睇下用邊隻牌子~?

kongkong,
咁好, 放假同mon mon去邊度玩呀?

Joyce

私人傳訊

Vin

積分: 10138

373^#

發表於 04-12-2 13:20 |只看該作者

Re: 唉~~~有時真係好似一個透明人囉><

my_tabo,
點呀~?今日去檢查點呀?
個醫生好人嗎?夠唔夠細心?
係呢~你想生男仔定係女仔多啲?

kongkong,
咁好有得放假?
有冇諗定咩節目呢?

joyce,
嗰時都見到有幾個人話用"杜x斯"都出咗事架~

私人傳訊

積分: 875

374^#

發表於 04-12-2 14:11 |只看該作者

Re: 唉~~~有時真係好似一個透明人囉><

vin,
好彩我唔係用"杜X斯", 我用綠色果隻虫仔...用左好多年囉~! 食藥我成日都怕有副作用, 癡肥~ ?-(

my_tabo,
見完醫生點呀? ...好似冇咁快知b仔定b女喎!

Joyce

私人傳訊

積分: 20300

375^#

發表於 04-12-2 23:08 |只看該作者

Re: 唉~~~有時真係好似一個透明人囉><

Vin , joyce & kongkong,

我今朝十點二十八分終於見到小b喇! 醫生一開始就話見到我小b o既心跳, 我初時都睇唔清楚, 後來醫生將影像放大, 我就睇隱約見到有一點閃閃o下, o個一刻真係好興奮! 醫生初時話我小b個size細o左一週, 不過跟住我話比佢聽我最後一次mc係10月10日, 但我o既排卵日就遲o左, o係11月3日(因為我用clearplan check到排卵日), 醫生聽我咁講, 就話小b o既size就o岩喇! 我o既預產期大約係7月27日, 比我計算中遲o左。

個醫生態度都幾好, 我都幾滿意。

我就想生仔, 因為我好鍾意大口仔, 所以想生個"大口囝囝"; 不過我老公就想係女, 佢話女仔會乖d。其實生仔生女都冇所謂, 最緊要生出o黎身心都健康就得喇!

私人傳訊

Vin

積分: 10138

376^#

發表於 04-12-3 09:57 |只看該作者

Re: 唉~~~有時真係好似一個透明人囉><

joyce,
咁你嗰時係唔係因為想生個bb而特登唔用condom住?

my_tabo,
下一次要幾時覆診呀?
其實我個女都係7月生日架~^^

私人傳訊

積分: 875

377^#

發表於 04-12-3 10:44 |只看該作者

Re: 唉~~~有時真係好似一個透明人囉><

my_tabo,
你尋日見到阿b啦~ 你有冇想喊既衝動? 阿b既心跳好得意, 係閃下閃下咁, 呢家佢幾大, 幾多cm長?
你想生個"大口仔"? 嘻嘻...!! 之前私家醫生話我呢胎仔囝囝, qe幫我照話係囡囡, 而我心裡都係想囡囡, 囡囡可以幫佢扮靚靚, 又聽話d~ 而我老公就一直都冇所謂~! 結果就生左個晴晴BB女出黎啦~
其實仔女真係冇所謂, 只要BB健康活潑, 聽教聽話就得啦~

vin,
係~! 我係因為想生bb而唔用condom架, 我足足試下半年都冇回音, 之後有朋友介紹我睇中醫, 調理身體, 我第一月去睇中醫時剛剛感冒, 佢幫我調理好身體, 第二個月就幫我check排卵期...又叫我果幾日煲花膠湯飲...結果就果個月bingo左~!! :mrgreen:

Joyce

私人傳訊

積分: 20300

378^#

發表於 04-12-3 13:01 |只看該作者

Re: 唉~~~有時真係好似一個透明人囉><

kongkong,
首先o係度祝你生日快樂、青春常駐!

我相信你今日一定會同囝囝玩得好開心。同埋預祝你囝囝聽日都生日快樂、身體健康、快高長大、聰明伶俐!

Vin,

醫生話如果冇乜特別o野, 就一個月後覆診。
其實我都係7月出世, 原先諗住小b可以同我一樣係巨蟹座(22/6-22/7), 不過昨天醫生話我o既預產期係7月27日, 就會遲o左幾日, 不過如果小b早一星期出世, 咁都仲有機會o既! 如果唔係, 就會同我家姐同爸爸一樣係獅子座lu。

joyce,

昨天我見到小b心跳, 覺得好得意同好有真實感, 不過就冇感動到想喊。小b而家仲係好細, 得0.43cm, 我計過小b由著床到而家都係得大約23日, 所以就仲係咁細囉!

我完全同意!

其實仔女真係冇所謂, 只要BB健康活潑, 聽教聽話就得啦~

私人傳訊

Vin

積分: 10138

379^#

發表於 04-12-4 12:19 |只看該作者

Re: 唉~~~有時真係好似一個透明人囉><

咦~原來kongkong生日?係咪12月3日?[size=x-large]Happy Birthday~~!!

joyce,
睇到你話花膠湯~搞到我又想飲喇~~
其實我都幾鍾意飲湯~不過自己好少煲~因為唔係好識~
我多數都會買嗰啲有哂材料嘅湯包~
但係有時有啲都幾貴~~

my_tabo,
我覺得啲人通常都係預產期之前生嘅~
不過我自己就係遲咗3日~

私人傳訊