情敵篇（一）
Batman最大既敵人係邊個？命中既剋星係邊個？應該係Joker。我家Bruce Wayne，佢認為佢人生中都有個佢覺得非常之乞人憎既敵人Joker。
我地結婚前後，我身邊都有追求者，但我會好快感覺到，好快就一下block左人繼續追求，寧願做普通朋友，佢地通常好快被我擊退。我會同Bruce講，有人約我出街追我wor，你怕唔怕有人橫刀奪愛呢？佢一臉不屑咁話：「超，則管試下囉，追到咪追囉，我唔信世界上有人好得過我囉。」
婚後，我繼續工作，因工作關係我認識左一個人，稱他為Joker吧。佢係我其中一個客，加拿大回流既香港人，某美資公司既CFO，待人接物溫文有禮，風度翩翩，外型不錯，老老實實，非常斯文大方有教養，無爛gag但都有幽默感，同Bruce既粗枝大葉性格完全相反。
Joker開頭約我食lunch，同客食飯係好普通既事，當然要去。開頭係傾公事，後來佢開始講私事，佢都知我結左婚。
有一日，Joker又約我食lunch，去一間日本餐廳。我準時去到，唔見人，坐低先。無耐後佢出現，拿住一盤魚生、壽司出來，好似侍應咁。Joker話，佢工餘時間跟緊呢個日本師傅學整壽司，希望有一日自己開壽司店，呢盤魚生、壽司係佢親手整既。當時我都好impressed，因為佢身為一個CFO，竟然有咁既passion。
我返屋企同Bruce講，有個客親手整魚生、壽司比我食，好有誠意，佢話：「我夠整cod puddling比你食啦！」但真係好難食，唔係好口岩香港人口味。
之後，因公事成日要接觸Joker，有時佢會來我公司同我地開會，佢成日都約D會約到好遲，開完會都係收工時間，佢會叫我地一齊去飲杯野happy hour，有次其他同事都有約走先，得返我同佢兩個。佢問我同Bruce既感情如何，我話我地好好，乘機讚下自己老公。
佢話：「你真係幸運，我就無你咁好彩，我之前結過婚，離左婚，已經唔係好相信婚姻。」
我無問佢原因係乜，佢話：「如果你未結婚就好喇，可能所有野都唔一樣，你唔好誤會，我唔係想破壞你地，不過我覺得，凡事都要盡力試過咁先無憾，可能我都會繼續追你。」可能佢飲到有少少醉，我無理佢。
返去屋企我同Bruce講，我話，呢個人真係好直接，好坦白，佢明知我結左婚都要追我wor，而我因工作關係無得避佢，咁點算呢？Bruce聽完之後問：「佢真係咁同你講？」我話係呀，佢親口講架。
然後Bruce黑口黑面，話：「比佢個地址我，等我去放火燒佢間屋。」咁就開始左佢既呷醋日子。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
你兩公婆真係好鬼搞笑!!!
如果聽到老公講 "等我放火燒佢間屋", 都覺得幾冧
返回列表
