影視娛樂 今日: 3 | 主題: 16155

積分: 28097

3881^#

發表於 18-11-7 21:30 |只看該作者

rose-mag 發表於 18-11-7 09:35
唔只套劇，劇情又迷姦又未婚有孕又無血嫁兄妹。。。老套過粤語長片，我睇過原著少少(頂唔住), 以為睇緊三 ...

涼生原著70萬字，當時話70集，我都覺得誇張。琅琊榜100萬字54集（其實都加左d無謂的後宮戲）。涼生去到盡35集，夠有突！

原著唯一討好就係涼生呢個角色。姜生左右搖擺，天佑霸道總裁（講真，我一向唔中意呢種人設）。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

3882^#

發表於 18-11-7 23:31 |只看該作者

hugoma2015 發表於 18-11-7 21:30
涼生原著70萬字，當時話70集，我都覺得誇張。琅琊榜100萬字54集（其實都加左d無謂的後宮戲）。涼生去到盡3 ...

霸道總裁都要合情合理，好多設定根本好夾硬，總裁唔駛返工咩？邊得咁多時間呢樣果樣，而且女主角色左摇右擺，改完仲似痴線，點收科？而家d劇吓吓都70集，水份多過內容，唔跳船有鬼。

花旗太太生活在花旗國，留意時差，你問我未必即時答到。

私人傳訊

積分: 28097

3883^#

發表於 18-11-8 04:45 |只看該作者

魚尾紋都出黎了，仲唔抓緊時間拍多d戲就老了

私人傳訊

積分: 28097

3884^#

發表於 18-11-8 05:01 |只看該作者

rose-mag 發表於 18-11-7 23:31
霸道總裁都要合情合理，好多設定根本好夾硬，總裁唔駛返工咩？邊得咁多時間呢樣果樣，而且女主角色左摇右 ...

一般越多大牌演員，越多集數。只要注水多幾集，就可以補返d片酬成本。但涼生，有鬼大牌咩。講真，佢幾踩我底線！坑男女主（改劇情），坑觀眾（狂注水）。

次次某人d戲都出d新花臣，上次就摳圖，呢次就改劇情注水。仲要自己公司負責製作。真係有d“末日狂歡”的感覺。有d野最怕知得多。

私人傳訊

積分: 174325

3885^#

發表於 18-11-8 14:33 |只看該作者

hugoma2015 發表於 18-11-7 13:01
一般越多大牌演員，越多集數。只要注水多幾集，就可以補返d片酬成本。但涼生，有鬼大牌咩。講真，佢幾踩我 ...

套嘢嘅收視係咁跌，鬼咩，拖到咁！我再搜尋一下涼生，可憐馬變成男二，排位、熱度以至見報率全部欠奉，而家只提鍾，甚至孫小姐都冇影，有人可能計錯數，而家套劇收視同口碑都有D賴嘢，作為「男二」嘅馬應該唔係原凶啩，咪話因為佢演得差而拖累套劇喎，佢戲份咁少。講慘阿四哥都陰公，俾D粉黑話佢老過男一，唔係啩，于得30，細一個圈有多。

花旗太太生活在花旗國，留意時差，你問我未必即時答到。

私人傳訊

積分: 174325

3886^#

發表於 18-11-8 14:37 |只看該作者

hugoma2015 發表於 18-10-28 17:22
【八卦】明星以為搞d咩應援活動，粉絲就會買買買？商家以為搵個“最紅”的明星做代言，就可以賣賣賣？

流 ...

講番呢單，鄧倫的確而家幾紅下，呢度都好多人鍾意，佢唔係靚仔果批，但算係廿幾歲呢班有D型格，不過身高就差D，所以配孫怡就好襯，高D嘅差少少。但鄧倫粉應該有D係比較細個，消費力有限，流量唔計假唔假，但消費力冇得假，佢形象上未可以同一線果班比到。

花旗太太生活在花旗國，留意時差，你問我未必即時答到。

私人傳訊

積分: 28097

3887^#

發表於 18-11-8 16:40 |只看該作者

rose-mag 發表於 18-11-8 14:33
套嘢嘅收視係咁跌，鬼咩，拖到咁！我再搜尋一下涼生，可憐馬變成男二，排位、熱度以至見報率全部欠奉，而 ...

馬仔啱啱提名百花獎最佳男配。演技方面終於有d資本可以吹下。其實佢最近2套戲潛龍在淵同涼生都演得唔錯，所以後續發展值得期待。已經有3套在手，而且題材角色都唔同。胡歌坤哥改拍電影的時候，馬仔的電視劇可以滿足下我呢個顏控。

阿四哥係邊個？于朦朧？佢同馬仔相對於某人，簡直嫩到出水喇！點可能老10歲！

私人傳訊

積分: 28097

3888^#

發表於 18-11-8 22:42 |只看該作者

rose-mag 發表於 18-11-8 14:37
講番呢單，鄧倫的確而家幾紅下，呢度都好多人鍾意，佢唔係靚仔果批，但算係廿幾歲呢班有D型格，不過身高就 ...

而家粉絲最買得的，應該係蔡徐坤果班選秀出黎的，果班人就係靠粉絲“買路”。

講起呢d，最近吳亦凡霸榜事件，都認真羞家。

私人傳訊

積分: 174325

3889^#

發表於 18-11-8 23:06 |只看該作者

hugoma2015 發表於 18-11-8 16:40
馬仔啱啱提名百花獎最佳男配。演技方面終於有d資本可以吹下。其實佢最近2套戲潛龍在淵同涼生都演得唔錯， ...

于朦朧喺三生三世做楊冪四哥白真，顏值喺入面堪稱四海八荒第一，今年至30歲，點可能老過個四十幾，講完笑死人，佢係選秀出身，歌唱得唔錯，個樣應該有整過，但整得咁靚又唔膠喎，仲要生得高。

男配都好，馬生就算攞唔到都起碼有認同，最理想就係得獎啦，佢不至於有演戲天份，但做得到角式要求咪得囉，唔駛下下要咩演技爆炸。

花旗太太生活在花旗國，留意時差，你問我未必即時答到。

私人傳訊

積分: 28097

3890^#

發表於 18-11-8 23:40 |只看該作者

rose-mag 發表於 18-11-8 23:06
于朦朧喺三生三世做楊冪四哥白真，顏值喺入面堪稱四海八荒第一，今年至30歲，點可能老過個四十幾，講完笑 ...

馬仔幾慘，呢段戲又係播出街果陣改晒台詞，浪費2位演員的演技。所以官博放呢一段花絮出黎之後，馬粉鬧官博。

http://krcom.cn/5887009359/episodes/2358773:4303813772027192

睇左一下馬粉d反應，都係快d播完就算，唔宣傳呢套戲。所以你都唔需要擔心馬仔無存在感。反而係人地粉絲唔想俾熱度佢。

所以話有人計錯數。唔止得罪馬粉，仲得罪書粉，書粉肯定中意原著涼生喇，因為天佑原著咁壞。相當於琅琊榜換成靖王做男主，書粉肯定無高興。仲不如拍過套新戲。

私人傳訊

積分: 174325

3891^#

發表於 18-11-9 04:48 |只看該作者

hugoma2015 發表於 18-11-8 23:40
馬仔幾慘，呢段戲又係播出街果陣改晒台詞，浪費2位演員的演技。所以官博放呢一段花絮出黎之後，馬粉鬧官博 ...

本帖最後由 rose-mag 於 18-11-9 04:56 編輯

我覺得呢單因禍得福，70集估都估到會拖，而家大量注水，搞到觀眾冇晒癮，幾甜寵幾cp都好，會厭架大佬，好似之前一千零一夜，後期劇情拖到悶，幾甜都係假，仲要製造一次又一次嘅誤會同埳阱，慶幸係演員顏值高，靚人靚衫都夠睇

而家馬生唔宣傳唔高調唔爭仲好，爛劇由得其他人扛吧，唔好再上返隻賊船。

睇你段花絮，想起竇驍，有次有個女主持問佢，演楚喬傳時講佢父母兄姐被害，佢情緒失控果幕，佢話佢係代入燕洵去演，傷心係真為家人流淚，如果好似有種演技只求有眼淚，用其他假設情緒代入，佢話係欺騙觀眾。正如如懿傳，周迅果種淡然同霍建華果種渣男都係代入角色情感嘅演法。

私人傳訊

積分: 28097

3892^#

發表於 18-11-9 10:39 |只看該作者

rose-mag 發表於 18-11-9 04:48
本帖最後由 rose-mag 於 18-11-9 04:56 編輯

我覺得呢單因禍得福，70集估都估到會拖，而家大量注水，搞 ...

呢種演法會唔會幾傷身？好似馬生因為涼生都睇左幾次心理醫生。

私人傳訊

積分: 174325

3893^#

發表於 18-11-9 11:10 |只看該作者

hugoma2015 發表於 18-11-9 10:39
呢種演法會唔會幾傷身？好似馬生因為涼生都睇左幾次心理醫生。

點會唔傷？模擬經歷咁多情緒起伏變化，感情越豐富就投入得越好，演得越真，但同樣道理，個心會傷得越勁，越難抽離，當然演員可以快快放得下就係好事。

霍建華之前受訪問都話演如懿好攰，佢要時間至抽離到，因為覺得自己好衰，又覺得如懿好可憐。。。不過如果演員冇感情，自己都感動唔到的話，就難以感動到觀眾。

花旗太太生活在花旗國，留意時差，你問我未必即時答到。

私人傳訊

積分: 28097

3894^#

發表於 18-11-9 12:52 |只看該作者

rose-mag 發表於 18-11-9 11:10
點會唔傷？模擬經歷咁多情緒起伏變化，感情越豐富就投入得越好，演得越真，但同樣道理，個心會傷得越勁， ...

可能性格唔同，更難代入。例如本來我覺得“涼生”呢個角色同佢身世接近，佢更容易代入。結果原來唔系，因為涼生處理感情磨磨唧唧，馬生話自己演到想打自己幾巴掌……正如霍建華覺得自己好衰。

講返《涼生》套戲，本身原著就狗尾續貂。個作者為左迎合讀者口味不斷添食。開頭涼生呢種悲情溫柔男主受歡迎，就寫姜生同涼生，又車禍又失憶又癌症，搏命淋狗血。明明佢寫到第三部就可以ENDING，結果見到流行霸道總裁，又寫多兩部，將姜生改過去配天佑。所以“姜生”被譽為“最作女主”。講真3個角色都唔算好。姜生唔討好，幾難演的。通常呢D三角戀，女主處理得唔好，就會俾人鬧得好慘。涼生就優柔寡斷，天佑就橫刀奪愛。總之呢套野，我覺得感情線好似《風中奇緣》，不過狗血10倍！

而家套戲口碑咁差，變相救左原著添。書粉、馬粉、孫怡粉都鬧編劇、鬧套劇，製作方孭咗飛，唔知仲以為原著好好添。

粉圈有一句話“小紅靠捧，大紅靠命，強捧遭天譴”。我希望佢地可以吸收下《涼生》的教訓咯。其實真係要成套戲好，各個演員先會好噶。

私人傳訊

積分: 174325

3895^#

發表於 18-11-9 13:46 |只看該作者

hugoma2015 發表於 18-11-8 20:52
可能性格唔同，更難代入。例如本來我覺得“涼生”呢個角色同佢身世接近，佢更容易代入。結果原來唔系，因為 ...

經歷可以代入，正如個個話胡歌演宗主駕輕就熟，因為經歷類似，但性格唔同，違和感大就未必可以有共鳴，反而未必可以演得好。馬同霍兩個都係同角色性格唔一樣，演來冇咩著數，反而自己先要說服自己，代入角色想法，否則演到個形演唔到個神。

孫怡我反而幾怕，佢演嘅角色都比較煩，好多都歇斯底里，又喊又叫，呢套涼生好D，冇點著短褲，果套同鄧倫演嘅因為遇見你，對腳好得人驚，又瘦又曲，偏偏造型大部份都係超短褲加D好醜樣嘅衫，完全暴露晒佢瘦到紙板人咁嘅缺點。

花旗太太生活在花旗國，留意時差，你問我未必即時答到。

私人傳訊

積分: 28097

3896^#

發表於 18-11-9 17:51 |只看該作者

rose-mag 發表於 18-11-9 13:46
經歷可以代入，正如個個話胡歌演宗主駕輕就熟，因為經歷類似，但性格唔同，違和感大就未必可以有共鳴，反 ...

孫怡25歲，出道4年，已婚已育，樣唔夠靚，身材唔正，可以接到《涼生》呢套大IP（號稱“慈文”2018年劇王），好大程度上系靠佢家婆王京花，中國第一經紀人。不過諗唔到呢次都俾人坑咗了。

“姜生”本身就容易兩邊不討好，而家就更加神經質。

呢套戲搞到甘重頭，講真孫同馬真係未夠班擔正，我都理解製作方搵個更大牌的壓場。甘樣賣片都有保證D。但如果唔系甘貪心，按照青春偶像劇的規模，跟翻原著的設定，壓縮D水分拍30幾集，孫同馬就夠曬啦。我覺得甘仲好睇。而家拖70幾集，睇佢響2個男主之間左右搖擺，簡直浪費觀眾時間！

私人傳訊

積分: 28097

3897^#

發表於 18-11-9 21:22 |只看該作者

好似評價唔錯

私人傳訊

積分: 174325

3898^#

發表於 18-11-10 01:04 |只看該作者

hugoma2015 發表於 18-11-9 17:51
孫怡25歲，出道4年，已婚已育，樣唔夠靚，身材唔正，可以接到《涼生》呢套大IP（號稱“慈文”2018年劇王） ...

孫怡嘅外型演小品偶像劇愛情劇係ok嘅，太複雜嘅戲佢力不從心，樣佢幾cute, 但甜得嚟唔夠單純，可能係一早已婚生子，再演少女戲覺得佢太世故，有種早熟嘅味道，但佢偏偏得25歲，樣又細，未可以演到成熟嘅角色，而且演技都係太嫩，雖然比果d淨係吹鬚look眼嘅好，但內心戲都係表面咗少少。唔好話身材，直情係差，太瘦太骨慘慘，要用形象設計去幫佢遮至得。

花旗太太生活在花旗國，留意時差，你問我未必即時答到。

私人傳訊

積分: 28097

3899^#

發表於 18-11-10 08:05 |只看該作者

rose-mag 發表於 18-11-10 01:04
孫怡嘅外型演小品偶像劇愛情劇係ok嘅，太複雜嘅戲佢力不從心，樣佢幾cute, 但甜得嚟唔夠單純，可能係一早 ...

呢頭話唔好理套戲，唔好上返賊船，果頭佢又忍唔住diss自己角色。對角色態度前後反差，更說明佢當初演的同而家播的係兩回事

拍果陣就兩情相悅，播果陣就變死纏爛打，仲要破壞人地感情，大婆變小三。

我都係第一次見通過配音改台詞，將成件事反轉。第一次見用回憶“注水”。以後d明星接戲要注意呢個製作公司先得。呢套戲姜生涼生都食左啞巴虧。難怪連孫怡微博都無關注某人。睇d花絮，明顯孫怡對2人態度好唔同。同馬玩得埋好多。

孫怡有家婆罩著，大把機會的。佢個樣基本上都叫順眼。佢要嚴格選劇本咯，感情戲1對1簡單d，會好d。講真，我厭倦果d三角戀好耐了！

私人傳訊