病左几日, 尋晚終於做左第一桶包喇,
跟機食譜, 但自己改左少少野, 想少 d 油鹽糖,
高粉 (朋友喺雜貨舖買既) 3杯
240ml 高鈣低脂奶, (後加水, 至差不多300ml 液體)
溶左既牛油 2兩湯匙
鹽 1茶匙
糖 1.5 湯匙
安琪酵母 1又5份一茶匙
放左提子乾 (自動撒料)
見 Tammy 話要比次機會佢自己做, 所以用左用#1 , set 左 700g 既大小,
淺色,
半夜三點几開機,
一搓時, 見佢好乾身, 用刀刮扶佢都係不停咁空轉, 所以少少, 少少咁加水, 約加了15ml,
搓左約10分鐘, 唔掂, 乾到跟本攪唔到, 所以停機, 重set 過部機 #1 , 由新開始,
之後一路攪, 路加水, 所以奶 + 水最後應該差唔多有 300ml
跟住佢醒麵時, 頂唔住, 去訓喇, 訓左一陣聽到 “咔” 一聲, 走去睇下, 原來係加左提子乾入去,
今朝好似聽到部機嘟左聲, 個心囉囉 “聯”,
見個鐘六點九, 心諗應該係整完喇, 但好眼訓, 但又忍唔住起身睇下,
見到佢已經係 keep warm , 所以即攞出嚟, 灘左一陣, 忍唔住, 仲暖暖地切開嚟試下,
個皮好脆, 個心係好軟架, 味道ok ,
(後來 c6佢地去飲茶, (我緊係唔去啦, 好鬼死眼訓, 因為仲病緊, 所以大大個借口唔去)
佢比左 d 堂細佬妹試食, c6 話佢地話好食喎, (唔知真定假)
但c6 平時唔好食就話唔好食既 (對住我), 但佢今晚八點几, 個包出爐左都超過 12 個鐘喇, d 包比剛出爐硬左 d , 冇咁好食, 但佢都話几好喎, 仲話如果加 d 果仁等仲好食喎,
今晚仲問我仲整唔整添, hehe~~
但尋晚得一斤高粉, 已用左超過一半, 個電子磅又借左比朋友, 唔知點量好,
所以同 c6講唔夠粉整包呀, 跟住緊係冇整啦, 因為要上嚟報告下,
整體嚟講, 唔洗自己做, 都算唔錯几好食,
遲 d 買齊 d 野再開功,
首先想問下, 我想買麵棍, 屋企地方細, 我應該買直徑几多呢??
几粗會好用 d呀??
同埋係咪有 d 唔洗用手粉都唔痴棍架??
係咪不繡鋼就唔痴架喇, 定係冇咁既需要呢??
另外成日見話用手粉防痴, 手粉係咪即係用返整包果d 高粉呀??
好喇, 而家睇相先,
不過有 d 係用左傻瓜機影, 因為用手機影得冇咁清楚
用手機影, 比實物淺色好多, 實物 d 色靚好多
3杯粉, 較700g 大小, 出嚟個 size 正常嗎??
是因 發表於 12-1-2 00:53
病左几日, 尋晚終於做左第一桶包喇, 跟機食譜, 但自己改左少少野, 想少 d 油鹽糖, 高粉 (朋友喺雜貨舖買既 ...
首先想問下, 我想買麵棍, 屋企地方細, 我應該買直徑几多呢??
几粗會好用 d呀??
無所謂架, 不過細 / 中型 size 會方便好多, 大既雖然快, 但係如果整小型包, 會幾阻手阻腳吓...不過都睇番妳工作枱面....如果好大好大...咁無所謂啦~
同埋係咪有 d 唔洗用手粉都唔痴棍架??
係咪不繡鋼就唔痴架喇, 定係冇咁既需要呢??
金屬 同 膠 都無咁痴架, 木比較痴.......
另外成日見話用手粉防痴, 手粉係咪即係用返整包果d 高粉呀??
係呀, 用中粉 / 低粉, d粉好多粒粒架...所以盡量唔好用低/中粉做手粉 ....
發表於 
連蘿蔔糕都已經搞掂! 我打算跟你搵食, 向蘿蔔糕挑戰! 
殺呀!!!!!!
返回列表
