mizuho 發表於 24-2-5 04:56 
我印象中你絕對唔係小氣嗰種
繼續回來大家一起討論，無視那些無聊人和話，時間和精神應該用係自己 ...
近來都多新劇，在暴雪時份改編自墨寶非寶同名小說，墨寶之前嘅親愛的熱愛的收得，令現男友紅咗，但之後嘅續篇我的時代你的時代就唔多掂，周生如故好掂，一生一世好唔掂，最近很想很想你同在暴雪時份都係男女主顏值高，暴雪仲要男女主都有演技，我得閒少少會開睇。
張天愛套阿麥從軍無聲無息開播，張小姐個性比較剛烈，口沒遮攔，據說得罪咗唔少人。
白敬亭、丁勇岱、金晨、劉冠麟《南來北往》今日開播，呢套投資方背景有中央電視台、愛奇藝、劇行天下、百納千成、萬達電視劇、公安部新聞傳媒中心，劇本講新老兩代鐵路刑警由不相看對眼到默契配合，講人生百態，人情冷暖，革新與發展，演員班底穩陣，有收視保証。
今晚又有一套《大唐狄公案》，主演周一圍、王麗坤、鍾楚曦、張嘉益、張若昀，單元演出演員包括尤勇、姬他、凌孜、李晨、李乃文、楊、杨雪、陳都靈、王勁松、蔣毅、印小天等，通過九個單元17個案件組成故事，講狄仁傑拜官之初，履職各地屢破奇案，同時破解自己身世之謎。睇咗片花同宣傳片，又一套服化道已經非常落本嘅製作，同之前黑馬爆紅嘅唐朝詭事錄差不多背景，令人有期待。呢套得意在改編自荷蘭作家高羅佩的同名小說，所以會有荷蘭話版本，亦會有英文版。
《喜卷長樂城》好勉強捱完第一集，真係頂女主唔順，佢個樣同之前二十不惑同旗袍美探唔同，根本認唔出，而且個古裝扮相超級醜樣，佢自創鄉音自己配音難聽到一個點，同人家繁花上海話版差幾個級數，難為馬天宇個男主角度仲要對佢花痴，真係見到佢塊膠面加大眼袋同金魚突眼已經想死，點可能演得出花痴，令我不自覺想起金瀚，彭小冉同李一桐分別兩套劇都對佢發花痴，真係當觀眾白痴。劇本身去到後面係OK嘅，隨住男女二三上線，女主戲份冇咁重後，基本都有笑點，我唔慣FF，但呢套真係要飛晒女主至可以睇。
花旗太太生活在花旗國，留意時差，你問我未必即時答到。
發表於 
其實啲自以為是嘅人真係唔駛理，等我都開與鳳行嚟睇下先
返回列表
