吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 如有好工人, 你地會懷疑佢嗎﹖

論盡家傭今日: 9|主題: 134059

收藏本版

發帖

返回列表

跳至頁

樓主: 等待BB的小貓

如有好工人, 你地會懷疑佢嗎﹖ [複製鏈接]

123

cameo

子爵府

積分: 10555

21^#

發表於 07-5-29 03:04 |只看該作者

Re: 如有好工人, 你地會懷疑佢嗎﹖

我工人只係嚟左無幾耐,不過我呢幾個月晚晚都上嚟呢版睇野,學野!
我工人到左後,老實講,暫时我都覺得佢無一野樣需要我話佢!其一我早早將呢版天書入面全部野"mic"晒,按自己要求加減後print好,貼左做一本記事簿俾工人!第一日已清楚表明自己要求,亦同時我每日都keep住有同工人傾偈(真係傾偈,唔係訓話),眼見工人到步至今,只有進步!
其實我睇呢版幾個月,發現好多工人都係有一個共通點去保護自己,就係做錯任何事都唔認就好似過左骨,所以我覺得將來都唔會俾機會個工人咁樣,嚟到幾日佢整爛左我個擺設,其實好耐之前個女整爛左,只係老公用AA膠痴番(好易再爛),工人唔知情以為係自己整爛,我一起身就同我自首,我係即時講佢知個事實,亦同時話佢知我好開心,我無諗到自己可以請到一個咁誠實o既工人!應讚得讚,我發自內心之餘亦要俾佢知我有幾開心!
佢嚟到真係唔太耐,同我個女玩就一定夾得嚟,但要個女同佢獨處時我知個女唔自律,雖然工人say sorry,但我亦表明佢無做錯,但仍需付出更多去同小朋友相處,及教佢點去同我女相處o既方法!
其實若工人喺自己眼中已好好,唔好再刻意諗佢d缺點令自己唔開心,我地可以做o既係協助工人做得更好,靜觀其變~
正如煲粥落糖一事,當然做媽咪知道一定會嬲,但若真係證實落左糖係咪即時炒佢呢????而問左又已經唔認嘞!比著係我,即使佢認與唔認都好,就不如再善意地再教佢點煲粥俾BB吧!
我睇左好多bk媽咪對工人o既事,亦見身邊家人請工人經驗,屋企人都曾請過bad maid,最終用盡方法都教唔嚟要炒,可能真係本質問題吧,但其後請o既good maid,佢地一嚟到都未必做到完全合乎要求,但一個本質好o既工人,喺employer善意教導下,其實真係可以越做越好~

私人傳訊

winnie_sh

子爵府

積分: 10622

醒目開學勳章

22^#

發表於 07-5-29 03:31 |只看該作者

Re: 如有好工人, 你地會懷疑佢嗎﹖

cameo

好同意你所講方式，我都係咁做，最搞鬼係...

我上來家傭版年幾，上年中我先請外傭，天書都係工人來到後整理完D資料，呀Fa諗計仔整個網址來儲存資料一齊用，你諗下當時家傭版D case都係走佬、虐待小朋友，係一片灰色地帶裡面，我都要不斷提醒自己新工人來到，唔可以亂來，要提升自己EQ，最後證明我係C好命，請到個純品o既工人，結果係度變成經常性哂命

[img align=left]http://pics.taobao.com/wangwang/058.gif[/img]你多D上來哂下命啦！呢度唔介意o架，大家一齊哂，因為唔知以後o既工人質數仲有無得哂，有得哂唔哂，好浪費！
[img align=left]http://smileys.smileycentral.com/cat/28/28_1_7v.gif[/img]

我o既願望係人人有好工人、外傭政策照顧下香港僱主！[img align=left]http://www.hk-laufamily.com/_312.gif[/img]

私人傳訊

Eclipse_2006

大宅

積分: 3126

23^#

發表於 07-5-29 15:44 |只看該作者

Re: 如有好工人, 你地會懷疑佢嗎﹖

唔好怪我直言, 你既要求都好高. 一個工人能有"真情假意"都唔錯. 想想自己返工, 我都無咁多"真情假意"比公司. 人與人之間能夠表面上客客氣氣共處, 無黑面已經非常好.

2. 我睇佢既舉動唔似佢所講話當bb係佢囡咁湊, 我真係好mind佢講呢句, 我知冇可能亦都唔會信佢真係可以做到, 好似琴晚咁, 我同bb係梳化玩, 佢可以同我講早抖, 但一眼都冇望過bb就走左去瞓, 又例如我地同枱食飯, 佢只顧食飯又唔望下bb, 到我同老公同阿囡有d好笑野時佢先好似應酬咁話bb而家好得意.

其實計落佢都好多優點, 但我始終都有一條剌咁, 就係成日諗佢對bb既真情假意,.....

我時刻都記掛著我那未能來到世上的bb, 他永遠在我心裡某個角落.

私人傳訊

Eclipse_2006

大宅

積分: 3126

24^#

發表於 07-5-29 15:56 |只看該作者

Re: 如有好工人, 你地會懷疑佢嗎﹖

唔好咁快嬲住. 可能佢order時想像中既麵, 同做出來既麵唔同, 所以唔係太想食?

我試過同工人出街食飯. 我由得佢揀, 佢居然叫了炒麵 (係油麵). 我同佢相處一段時間, 我估佢唔會鍾意油麵. 不過我都照落order. 到佢碟麵出來時, 我見佢表情就知佢好失望. 我問佢係咪唔鍾意呢隻麵, 佢話係. 於是我同佢share食, 我食左一半佢既麵, 佢食左一半我既飯. (其實我都唔鍾意食炒麵.)

你工人未必有心浪費你既錢, 佢只係唔太識人情世故. 比著係我工人, 佢幾唔鍾意碟麵, 我估佢都會食去一半, 唔會一d都唔食.

講開就講丫, 我個工人成日唔肯放假, 咁我怕佢悶咪個個禮拜帶埋佢食早餐囉, 近排我好慶呀, 叫早餐時又係佢話叫果d, 竟然碟牛肉面一啖面都唔食凈食晒d牛肉(我心諗好心像雷霹, 你估我大富人家呀, 做咩個個禮拜side $20比你食早餐, 我只係想佢唔好咁悶一切出去行下街食下野), 我咪即刻話佢你做咩咁side野, 你咁樣side晒我d錢, 佢之後求其食兩啖就算

我時刻都記掛著我那未能來到世上的bb, 他永遠在我心裡某個角落.

私人傳訊

OscarCheng

民房

積分: 14

25^#

發表於 07-5-29 16:27 |只看該作者

Re: 如有好工人, 你地會懷疑佢嗎﹖

Hi, how are you? I saw your blog and would like to ask if you mind sending me your criteria notebook for the maid? My e-mail address is [email protected]. Many thanks.
My maid will come on July and this is the first time I hire maid. Therefore, I have no idea how to train them. Thank you for sharing.

私人傳訊

等待BB的小貓

大宅

積分: 1628

26^#

發表於 07-5-30 00:03 |只看該作者

Re: 如有好工人, 你地會懷疑佢嗎﹖

Eclipse_2006,

其實我都好睇諒佢架, 佢呢個餐唔係第一次食架, 佢次次都食到津津有味, 差唔連湯都飲埋, 其實平時佢如果食左少少野佢會同我地講跟住我地叫d唔跟面既餐佢食, 但上次無喇喇唔解釋唔剩咁, 最嬲就係佢扮野食多兩啖當交差, 佢咁樣side左d野一d悔意都冇, 仲要玩鬥氣.

有時可能自己真係要求高左喇, 包容性又唔夠喇, 但有時我苦口婆心解釋佢做錯咩有咩不良效果, 佢初時會好聽咁, 但佢話多幾次都錯我再話佢, 佢好似當聽唔到咁唔望我又唔睬我, 但我就一定會問到佢答我為止, 呢d基本尊重我一定要佢服從, 況且係佢錯我先話佢啫, 我成日同佢講, 你想我話你定唔話你你自己揀, 我唔話你既話你一錯再錯我唯有炒你, 但如果我話你你至少知我唔中意你做錯咩, 可以改善, 我話有好多工人比人炒左都分分鐘唔知自己衰咩架, 佢又好似好buy咁, 可能我工人既死穴係小氣喇, 唔中意人成日話住佢, 但我唔可以因為佢小氣佢做錯野我忍佢就佢唔話佢, 可能女人係記仇既動物, 我話佢佢記埋收係心入面.

至於湊bb我真係唔明佢講到自己幾咁中意bb, 自己又幾咁受小朋友歡迎, 但佢係cam既表現又一d都唔似中意bb, 但佢就基本需要佢一定可以提供到比bb, 而我最睇唔開佢冇heart同bb玩, 其實好多人都話你工人做足佢既本份, 問我仲想點喎, 但呢d係針唔拮到肉唔知痛, 屋企家務我諗佢每日加埋只做3個鐘, 其餘時間佢又唔會煲電話粥, 又唔會睇電視, 零願對住個window發呆都唔同我個女玩, 呢樣野我都覺得佢好奇怪, 呢d表現我真係好難說服到自己佢係一個好工人.

講下講下都唔知自己想表逹d咩, 但而家不如講返粥入面加糖, 上次我曾經提過佢唔可以加任何調味入粥入面, 但當日都發覺糖匙郁過, 但第日既粥又唔覺有甜味, 老公話睇定d可能工人為吃偷食沙糖哩, 但呢兩日又煲返平時食開既大眼雞我試過味又好似冇左果種甜味, 但好明顯bb冇咁中意食, 但就唔知關唔關幾日bb病左既關係所以冇胃口, 再觀察多幾日我打算作故仔話有朋友個工人就係因為加糖比炒魷, 仲差d要報驚嚇下佢先, 其實加糖一事, 我覺得有機會係工人覺得咁樣bb中意食d, 可以快d餵完粥仔唔洗煩, 但我同佢解釋過話咁對bb唔好, 我希望佢會聽喇, 係kitchen裝針孔攝錄機又好似有d難度喎, 究竟個真相係點呢﹖ 希望係我怨枉/ 諗錯佢喇﹗

私人傳訊

cameo

子爵府

積分: 10555

27^#

發表於 07-5-30 02:30 |只看該作者

Re: 如有好工人, 你地會懷疑佢嗎﹖

winnie,
我都覺得自己好好彩o架!其實唔係我同你,我自己屋企人都有一個勁好o既印,做左6年,我家姐係嚴重傷殘,呢6年嚟有wati(印印)細心照顧,wati除左照顧我家姐,重有全屋家務,佢做得到o既好多人都未必做得嚟,物理治療同拍痰都識,佢唔止係good maid,我覺得係super maid~
等待BB的小貓,
我覺得你真係要學到"放鬆"一d,講真,教自己仔女我必會堅持,即使個女幾難教,我自己幾臭脾氣,我都要學識點去教好個女,我唔可以容許自己教仔女時係"隻眼開隻眼閉"~
但工人就係工人,我可以當佢係我家庭一份子,但唔需要佢做到完美,對工人真係凡事求結果好了,唔好太在意前因呢,就如煲粥仔一事,若已肯定佢而家無落糖已足夠,再追查前因,我相信辛苦o既係你自己,諗太多真係會令自己唔開心o架!

私人傳訊

piyopiyo

大宅

積分: 4822

28^#

發表於 07-5-30 08:23 |只看該作者

Re: 如有好工人, 你地會懷疑佢嗎﹖

ｅ＋呢個已經係我第四個工人了。

第一個工人，因為我地係第一次用工人，
所以，成日本住：
”人地離鄉別井來香港打工，應該對佢好似
一家人咁，您好我好啫”
這樣的心態，而我地對佢就真係好過屋企人，
例如：

－我地唔要的衫褲鞋襪連新的內衣褲，玩具，
用壓縮袋壓縮後，合共５０ｋｇ，都照樣幫佢一
齊搬去郵局寄返家鄉。包郵費！
（諗住當佢係屋企人，不計較啦）

－她說不想放假，想要＄，比足HK$150/日，
有多無少。
（諗住當佢係屋企人，不計較啦）

－唔放假，咁逢週末我地去邊度威，佢就跟埋
我地去邊度威，我地吃乜佢就吃乜。日本菜，
意大利菜，佢食唔少。
（諗住當佢係屋企人，不計較啦）

－去超級市場，經過印尼店，定必任佢買佢
喜歡的食物，零食。日用品，長途電話費，
什麼都照付錢，最緊要佢開心。
（諗住當佢係屋企人，不計較啦）

－佢話想拍照寄回家鄉，要我幫佢揸機，在
我們的　３２”　LCD　面前擺ｐｏｓｔ，唔靚就影
到靚，晒相後再幫佢寄返家鄉，包郵費。
（諗住當佢係屋企人，不計較啦）

－等等等等....................

咁原來對人咁好，結果係點呢。

－妹仔大過主人婆，唔再識得分莊閒
－諗住ｂｂ係佢手上，我地冇佢符
－以為佢打理得頭家，頭頭是道，冇左佢我地會死
－開始思覺失調，成日希望可以在香港結識到
好男人，ｃ６係佢第一個ｔａｒｇｅｔ

佢睇住ｂｂ出世，同埋佢有照顧ｂｂ（初生）的經驗，
其實真係唔錯，但係亦因為咁樣，佢的態度係好
明顯咁話比我聴，”您咩都唔識，就唔好咁多事
啦”　　

例子：　我仲坐緊月，ｂｂ晚上哭，我起身正想
抱ｂｂ，佢搶先抱左，然後佢眼望著ｄ奶樽，用個頭
”愕”左一下，意指叫我去開奶，我火都來埋，搶返
個ｂｂ後，佢就死死地氣去開，到左第二次，依然
唔改。呢ｄ就下平日”遷就”得佢太緊要的惡果。

到後來，已經完全不懂”服從”係咩，同佢講：
”同ｂｂ落公園玩，一定要報告”，結果，次次都係
看更報告返比我地聴，話佢又帶住ｂｂ　落去吹風
同人吹水１頭半個鐘。完全視我們的說話為廢話。

自出自入我地間房，門都唔洗敲。早上我地趕返工，
佢就係我地唔趕果時就唔用廁所，完全冇晒規矩。

還有太多，已經不能盡錄。

咁，如果您係我，你會點對以後的工人呢？

私人傳訊

momama

大宅

積分: 1720

29^#

發表於 07-5-30 09:08 |只看該作者

Re: 如有好工人, 你地會懷疑佢嗎﹖

piyopiyo

老實講, 我待工人如家人, 但我從來唔縱容家人

私人傳訊

Eclipse_2006

大宅

積分: 3126

30^#

發表於 07-5-30 09:25 |只看該作者

Re: 如有好工人, 你地會懷疑佢嗎﹖

等待BB的小貓,

唔好因為工人而搞到自己唔開心, 有物野緊要過自己健康同情緒.

你個工人唔鍾意人話佢, 咁你咪唔好成日話佢, 有d唔係太重要既事情, 就唔好太介意工人既表現. 留番係同bb有關, 且好重要既問題上先話佢. 不過若你覺得唔可以, 就不如換過一個唔介意你話佢既工人. 相處係雙方既事, 其中一方覺得唔可行, 都唔會有好結果.

可能我比較懶, 平時都唔多理工人做物. 我只要求個屋企整整齊齊, 每餐有啖好食, d衫有人洗就ok, 至於佢用物野方法去做, 我都唔多理佢, 佢係我屋企有好大自由度去做. (我都幾好彩, 我個工人好自律) 有時我見bb出世後, 多左bb衫比佢洗, 我就叫佢可以洗toilet唔駛太密, 有d野可以做少d都ok. 我唔知佢有無做少到, 但係so far我仲覺得所有野既清潔度同以前差唔多. 反而我老公有時會話個sink 盆唔夠乾淨, d晚飯菜式開始重覆. 我會話我老公, 個sink 盆唔係你每次用之前清潔, 到你用時已經有人用過, 唔會係一塵不染. 邊個負責煮飯, d菜式都會有時重覆. 我老公比我講究, 連張被點摺都有意見, 我就覺得工人用A摺法定用B摺法有物所謂. 老公唔喜歡我比工人揸主意煮物野菜, 我就唔想傷腦筋每日唸煮物菜式. 所以我處理我老公既投訢係多過話個工人.

我原本無打算比個工人掂個bb, 但係佢又好主動去做. 開頭係烚bb奶樽, 跟住係分奶粉到奶粉格, bb喊時佢走去安撫佢, 到最後佢抱埋bb, (仲抱得好過我). 我見佢做得ok, 就由得佢做.

相處合作好多時係要人夾人. 我係一個唔多理事既人, 好彩撞到一個好喜歡自己安排工作又有主見既工人. (如果個工人係物都要問過我呢樣點做好, 果樣點至合我心意, 我反而會覺得好煩.) 有時我個工人既建議同選擇未必係我既首選, 若果唔係太差, 我都會基於尊重佢既前提下唔反對.

人無十全十美, 只要佢既長處係你所需, 短處你可容忍, 咁已經好好. 若果係相反, 咁點做都無可能開心相處下去.

希望你可以同而家個工人相處得好, 或換個可以相處愉快既工人.

我時刻都記掛著我那未能來到世上的bb, 他永遠在我心裡某個角落.

私人傳訊

mymelody2003

男爵府

積分: 8643

31^#

發表於 07-5-30 09:55 |只看該作者

Re: 如有好工人, 你地會懷疑佢嗎﹖

等待BB的小貓:
這工人是第一個工人嗎? 可能你換多幾個工人時你巳經無咁緊張了, 工人的本質好緊要, 佢係好的一定可以長時間地保持佢地的工人表現; 所以我覺得你好難教得好個工人, 一定不會是你的問題, 而是個工人唔聽教, 仲要越教越嘔血:tongue:
仲有工人始終係工人, 好難當bb係自己個女咁, 平常心啦

私人傳訊

cat_house

大宅

積分: 4108

32^#

發表於 07-5-30 10:49 |只看該作者

Re: 如有好工人, 你地會懷疑佢嗎﹖

等待BB的小貓,
我可以話我唔會待薄工人﹐我唔會要佢食我地口水尾﹐唔會要佢工作24小時﹐唔會唔俾溫飽佢﹐唔會無事找事俾佢做務求做死佢。但埋白講﹐我唔可以話當工人係自己屋企人(起碼到現在為止﹐d工人都未可以令我這樣放心)。佢地唔似我阿媽﹐唔會無條件﹐不計較地去為個家去想。佢地來打工只係為$。做做下﹐佢地必然懶散﹐做錯事不認....

其實﹐我們作為僱主﹐係唔係應該清醒d呢。如果你認為帶佢去吃早餐係獎勵佢﹐我覺得你係一霜情願。我覺得如果你需要佢幫你照顧小朋友而帶佢去吃早餐﹐係唔係會好d呢？

我工人都係同你個一樣﹐做野ok架﹐跟bb野都足﹐bb早起/半夜嘈都會起床唔計較﹐但係日間睇佢表現唔係好似喜歡bb﹐唔識亦唔太願意同bb玩﹐同bb刷牙﹐洗澡好似機械人咁﹐一d fun都無.... 但係﹐我會諗﹐佢只係一個工人﹐不能要求太多了。

私人傳訊

sailow

禁止訪問

積分: 13734

33^#

發表於 07-5-30 11:00 |只看該作者

Re: 如有好工人, 你地會懷疑佢嗎﹖

提示: 作者被禁止或刪除內容自動屏蔽

私人傳訊

Froggy_joe

珍珠宮

積分: 48472

34^#

發表於 07-5-30 11:03 |只看該作者

Re: 如有好工人, 你地會懷疑佢嗎﹖

等待BB的小貓:
我都覺得唔好對工人咁大期望，有無heart同小朋友玩，真係要睇個工人喜唔喜歡小朋友，佢對小朋友無惡意，照顧妥當，做好本份已經好好，如果工人同BB玩得投入，呢個係Bonus。
另外，如果你工人係咁，我建議你早d安排BB讀n1，咁佢可以接觸多d唔同既小朋友，多d人同佢玩。

私人傳訊

momama

大宅

積分: 1720

35^#

發表於 07-5-30 12:08 |只看該作者

Re: 如有好工人, 你地會懷疑佢嗎﹖

agree.

even some parents do not know how to play with babies, such as my husband.

may be she knows how to play with kids

if you feel safe when the maid is taking care of your babies, you are already lucky !!!

私人傳訊

mtqueenie

大宅

積分: 1482

好媽媽勳章

36^#

發表於 07-5-30 15:06 |只看該作者

Re: 如有好工人, 你地會懷疑佢嗎﹖

工人係冇十全十美，睇吓你自已最想佢做到Ｄ乜law，我果個以前比我知道佢講大話，有時又揸把掃把响死角位發夢，聽到我開門先立即扮掃地，初初到香港兩個月己經同我講用$17買３個西蘭花，又唔係去Great買，有冇咁貴呀？Ｃ虾又當生虾，成$48斤Ｃ虾？你話佢哋日日打幾多錢"苦"頭吖！成日黑口黑面，我哋自問出嚟做嘢，都冇可能咁對公司啦！炒又唔係，補乜補乜都要成萬蚊呀！唔想俾咪日日睇佢地面色law!有時見Ｄ餸有少少唔妥都唔咁食呀！佢重比冷飯我食，自己食新鮮飯呀！不過無計啦，唔請工人又冇人凑女，只有响佢未比屎比尿我食之前繼續用啦，請過個咪又係好似買大細咁！

私人傳訊

covermark

大宅

積分: 2910

37^#

發表於 07-5-30 16:41 |只看該作者

Re: 如有好工人, 你地會懷疑佢嗎﹖

其實點樣既工人先叫做好？點先叫做唔好？我自已都好困惑。

好似我個工人咁，佢做左11個月，最初我都覺得佢幾好，個人有耐性，幾有禮貌，無mud脾氣，服從…但隨後，佢既缺點就一一浮現：

* 唔明又扮明，成鬼日哦哦哦，到錯左就講『對唔住雅太太，我唔知丫馬…』

* 無手尾到cc下，成日抹完野留底d紙巾呀，布呀咁

* 無記性到不得了，佢話佢生左2個就係咁，佢都唔想，我話我阿grandma生左4個，咪底褲都唔記得穿？好似無腦咁！唉！總之吃死人啦！

* 做野勁慢，洗碗+奶樽要1-1.5個鐘，吸塵抹地要2個鐘

* 破壞力驚人，攪拌機比佢用到over heat ，刀葉都變形(部機只係買左3個月)，toilet個水制比佢抹到甩晒雅

* 以前唔覺佢有脾氣，而家佢會黑面咪住個嘴唔出聲，同佢講野佢唔望我，唔答我

* 一煮飯就攪到個廚房7角咁亂，d碗永遠鐘意儲埋一大盤先洗

* 有體味…m 來都有味

佢有mud好呢？

起碼有脾氣都唔會玩頑強對抗，唔會故意發出聲響比你知佢發老脾。

對我個女都算幾好，睇得出佢鐘意小朋友

依然服從

都勤力既…係慢d

唔八卦

咁我呢個工人好唔好？

私人傳訊

等待BB的小貓

大宅

積分: 1628

38^#

發表於 07-5-30 21:41 |只看該作者

Re: 如有好工人, 你地會懷疑佢嗎﹖

其實我出呢個post我都會驚你地鬧我架, 不但冇鬧我仲反而個個d意見都好友善好值得參考呀, 我睇完個心都舒服好多呀﹗

如來第一次請工人個適應期真係都幾長下, 到而家成11個月都仲係坦剔不安, 可能又第一次做媽媽, 都好想幫bb搵個好工人對bb好一點, 自己返工冇時間同bb玩, 都想有個工人比我更錫bb, 但無奈工人做唔到, 老公岩岩先講咁都可能係好事, 等bb更加珍惜爸媽既愛, bb由6個月度已經好肯跟返我地, 而家bb10個月呢方面更加明顯, 好似我地係屋企, bb幾咁眼瞓都唔肯瞓要同我地玩, 全日都只瞓半個至一個鐘日覺, 但如果我地一去左街佢就會乖乖自己瞓床仔唔洗人氹, 亦都唔會扭工人抱, 所以有9成幾時間bb都唔扭計, 工人就由佢自己玩足一整天, 我返工係cam度見到真係好心痛架, 無奈我要返工唯有假手於人, 學人話齋知道工人唔蝦bb其實都飲得杯落喇.

私人傳訊

060228

男爵府

積分: 5817

39^#

發表於 07-5-31 15:41 |只看該作者

Re: 如有好工人, 你地會懷疑佢嗎﹖

等待BB的小貓,

只要你係一個好僱主,我地呢班僱主係同一陣線架,就算話你都只係想妳好,無惡意,總之好師奶甘~~

自己覺得本身「又揍好BB仔又能做好家務」算係高難度工作,(因家下大家要求都好高下,尤其我老公,我諗俾個三萬蚊護士佢,佢都會嫌人地呢樣個樣,0甘.....緊張就係甘架啦。)

話說,我工人未來之前,我自己做到半死,日日一個死樣對住BB,我無對BB笑架,我邊有心情呀,我幾辛苦呀,我衰公仲怪我無同BB玩....真係火都黎埋呀~~~

well.....工人只係來打工,一般打工心態,大家都應該明架。將此代入落工人既角色到你就明架啦。工人仲要係第三世界黎, 都係RELAX D,平常心D好。

為左滿足我老公既高要求,我自己轉半職,工人做助手,保母就睇BB,又教下工人,甘誇既組合,當然好美滿啦。(所以老公養家呀,唔該) 我工人真係會同BB玩,教BB野,諗下我兩公婆鐘意食乜.....但佢幾閒至得架。所以,平心以論,作為一份工,你工人可能已做足本份, RELAX

執著帶來痛苦、學習放下煩惱