烹飪搵食今日: 0|主題: 139207

收藏本版

發帖

返回列表

跳至頁

樓主: 健朗媽咪

小朋友帶飯, 有乜好提議 [複製鏈接]

方方媽媽

水晶宮

積分: 74328

21^#

發表於 07-7-9 23:40 |只看該作者

1. 蓮偶切薄片(加少少醋防變黑色)+浸發雲耳(去蒂切大朵)+甘筍片+蜜糖豆/荷蘭豆-->炒
2. 冬瓜粒+少少甘筍片+浸發蝦咪+少少金華火腿粒(無都得)+少少鮮蝦仔(最平最細已OK)+少少瘦肉粒醃左先,另加豆腐粒-->油爆薑片,炒炒各材料(冬瓜粒&豆腐不用炒),加滾水,大滾15分鐘,加冬瓜粒,滾多5分鐘,加豆腐粒滾番起即可加鹽調味,上台時加幾滴麻油
3. 蒸肉鬆水蛋(d肉鬆係煲湯豬肉,未煲之前切dd出來,刴碎就夠)
4. 湯料撈起又係一味送
5. 其他菜色選擇:生果入饌,例如士多啤梨鴨,啤梨/奇異果牛柳,檸檬雞,萍果/菠蘿雞柳...等,亦十分適合夏天食.
貼士:
1. 比小朋友食既送,盡量做到七彩顏色,較吸引,營養亦較均衡.
2. 湯與送的材料,某程度上是共通的,較慳,唔洗買咁多野,只要切成唔同形狀,及煮成唔同口感,細路仔係分唔出既.
3. 生果入饌最緊要買d酸酸地既,夠挺身,而且,生果無須煮,只在最後落,tau勻就可上碟,以免炒爤.
4. 我自己就買左幾個用來cup餅仔既金屬模,有熊仔形,有星形,有心形等,我將甘筍切片後,會用模cup出特別形狀用來炒,吸引小孩子進食,餘下的甘筍邊,就會再切碎,用來加落蒸蛋/湯內,無side.
唔知以上建議,合唔合用?