Elefant老婆 寫道:
我選擇全人奶（亞Ｂ由出世到依家一啖奶粉都未食過）係因為我知道人奶對ＢＢ既好處。亞仔由我個肚入面開始﹐就已經吸收我身體提供既營養﹐有乜理由﹐佢出佐世之後要食工廠乳牛既奶呢﹖不如由一開始就穩隻牛黎幫我馱ＢＢ好過啦。
另外﹐我覺得牛奶原本係一種唔錯既飲品﹐有營養又唔貴﹐但係現今既乳牛﹐係一排排o甘企晌工廠到﹐俾人日又pump夜又pump。萬一有病都無得休息﹐淨係俾見錢開眼既商人大量餵食抗生素。如果唔夠奶﹐又俾人餵大量既賀爾蒙黎谷奶。
雖然呢個世界係越黎越污染﹐避都無得避﹐但係唔代表我唔可以為我ＢＢ出少少力﹐餵人奶o甘小既事唔通我地都唔俾ＢＢ咩﹖況且人奶贏奶粉成條街﹐唔餵就真係走寶啦。
發表於 
返回列表
