少年成長 今日: 1 | 主題: 16103

積分: 7205

21^#

發表於 07-8-8 18:56 |只看該作者

雲妮彭, carriebaby,
教仔真係唔容易, 尤其我嗰個又真係超活躍

雲妮彭, 我同你一樣, 我承認我EQ低, 所以有時都好火, 試過推住車又係比人jit jit聲, 又試過比人話"嘩, 咁大架車呀, 阻住晒" (我架係P3), 又試過係商場好辛苦推開度玻璃門, 諗住推架車入去, 個阿叔/C9就攝咗入去先 (我仲要推一個拖一個, 但係依啲事經常發生), 有時諗點解啲人咁奇怪, 係唔鐘意自己推門架喎, 咁鐘意企定等你開門

依家香港人真係越來越冇愛心, 我唔係話我有小朋友就一定要人讓要人就, 好似大家咁講人地有個咁細既小朋友, 係咪應該忍讓下

有時啲人好似好趕咁, 見住你推住架車向前行, 佢都要打斜行, 或者爬你頭行係你前面, 大佬你突然走出黎, 我點停得切架車呀, 撞到佢又啤住你, 好住係我專登撞佢咁, 依啲人你話我冇禮都好我唔會say sorry, 因為係佢撞埋我架車度

carriebaby講得啱, 就係啲人成日講到其它個個都係衰人咁, 小朋友聽下聽下第日就覺得永遠自己啱晒, 咩事都係其它人錯, 如果個個都係咁諗, 依個世界會變成點

上次我同我mami帶對仔女去mc記, 有個小朋友 (我估2-3yrs左右) 突然走入黎我張枱 (我張枱係門口第一張, 所以我見住佢係出面跑入黎), 佢一入黎就伸身想攞我枱面啲kitty, melody公仔, 不過唔夠手長, 然後佢就企係度唔郁, 我就望出去商場, 又唔見有人搵仔, mc記裡面又唔見有人搵緊, 就問佢"你mami係邊呀? 你自己一個係度既", 佢可能細個又唔應我又唔走開淨係企係枱邊, 過咗2-3分鐘左右, 有個女人入黎 (個樣好細個, 唔拖住個仔以為佢係學生)拖佢走, 我望下佢, 佢就啤住我, 然後一路行一路話"你走入黎做咩呀, 恩住比人打你呀, 佢地有冇蝦你呀?" 救命呀, 咁都得, 我心諗好彩你個仔攞唔到啲玩具啫, 唔係既我想攞番都幾難

點知上星期四飲茶等位, 見到有個mami啤住我, 帶住3個小朋友, 我望下望下覺得好熟口面, 再望下佢個仔, 原來就係mc記嗰個, 原來佢仲有一個哥哥, 一個細佬, 個mami可能佢認得我, 諗住我打過佢個仔卦, 所以啤實我

私人傳訊

積分: 7205

22^#

發表於 07-8-8 19:04 |只看該作者

堅持己見都要付出代價, 因為都幾樣衰

好似尋日我去高登配眼鏡, 我個仔就係裡面"look"地沙, 好彩冇咩人, 又冇整爛嘢咋, 連個驗光師都話"細佬, 你好勁喎, 比阿媽揪你都唔驚既", 你話幾樣衰, 已經打咗佢幾次都係咁 :idea:

其實我諗啲staff都幾驚, 因為我去配眼鏡係因為我嗰個比我個仔扭斷咗個眼鏡肶

原文章由 paltiBB 於 07-8-8 14:56 發表
total agreed. 有時旁人見個b哭哭啼啼, 你唔多理會個b, 以為個忍心父母, 係到指指點點, 有時我都唔理會他們, 堅持已見, 不能因小朋友在公眾地方無理取閙, 而就範

私人傳訊

積分: 7205

23^#

發表於 07-8-8 19:11 |只看該作者

比你笑死

不過我又講唔出口, 其實又唔關佢個仔事, 係個阿媽既問題啫, 過程中對仔女真係冇做錯野架

尋日佢臨走嗰陣話我"我教仔關你咩事呀, 都費事同你地依啲人講, 我係覺得你冇禮貌呀, 咁點呀?"
我就講咗一句"你咁鐘意係人背後話人, 第日你個仔一樣比人係背後鬧架咋"
點知佢話"好呀, 你咪話佢囉, 冇問題架喎"

我都即場捉實個仔架啦, 但係佢話佢見唔到, 淨係見我個仔wer咗兩次, 話唔知我點教仔喎 :-(

原文章由 See 於 07-8-8 18:16 發表
其家歲半重好細，做錯d乜都可以多多包容吧？如果係我，我都會鬧佢！或者我會說：唔好意思，因為仔仔細佢又鐘意同人玩，唔覺意整到哥哥你，痛唔痛呀？不過你又係笨，人地wer你都唔識避，唔怪得你媽話你啦！ ...

[ 本文章最後由 pandacat_bb 於 07-8-8 19:14 編輯 ]

私人傳訊

See

積分: 18774

好媽媽勳章

24^#

發表於 07-8-8 21:30 |只看該作者

我係果稱人不犯我我不犯人的人。不過，如果有人犯我果仔，我d火就可以好勁

。

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

雲妮彭

積分: 19439

好媽媽勳章

25^#

發表於 07-8-9 14:53 |只看該作者

講起呢d事情,真係有好多激氣野.
d人真係無咩愛心,同情心.....唉,
好心淡.

因為我每日都要帶囡囡去姨媽度先返工,
所以日日都要搭西鐡,每日都要同人迫.
返工繁忙時間,經常俾人jit jit聲,催促我地倆母女,
好似我地阻住個地球轉甘,
佢地好似趕去投胎....

入到車廂,有後生女夠膽死同我爭位坐,
(同時間入去,佢就一個pat坐埋去先,激到我啤一聲!不過我係好脂油個隻囉

)

全車d人望住我抱住個女,都唔會讓坐...
唉,點解d人會甘無同情心既,甘冷漠既....
好失望呀!!

私人傳訊

積分: 7205

26^#

發表於 07-8-9 15:50 |只看該作者

係呀, 依家真係冇咩人會讓座, 我都試過比會c9坐咗我個位, 見住我抱住個女行緊埋去, 佢係另一個門口入黎就即刻跑過黎, 冇計, 除非你跑得快過佢

我大肚嗰陣都係一樣冇咩人讓座, 唔知你地係咪都一樣, 我兩胎加埋都唔知夠唔夠10次, 其中一次仲要係我係巴士坐咗大半車程, 我坐嗰個位既c9話"你坐啦, 我下個站落車啦" :tongue: 其實佢唔講依句佢落車個位都係我坐架啦, 講依句我覺得好攪笑

又試過一次係mtr個阿叔同我爭位坐, 點知佢唔夠我快, 比我坐咗, 佢就好唔服氣咁啤住我, 跟住我同我老公講"佢太睇少大肚婆啦, 以為大肚婆唔夠佢快, 我大住個肚都追巴士啦" (因為我以前返工坐巴士, 真係好多時大住個肚追巴士)

我陀第二胎嗰陣, 大住個肚, 抱住個女坐巴士都一樣冇人讓位, 我覺得啲人唔讓冇所謂, 大肚又唔係大晒既, 但最唔鐘意啲人唔讓你坐又要望下你望下你個肚, 你望番佢佢又扮訓覺, 好好笑, 都唔知咩心態 ?-( 我個friend話佢大肚嗰陣, 又係有啲人係咁, 佢話唔知係估下你係真大肚定係肥到見肚喎, 讓錯位驚尷尬

私人傳訊

雲妮彭

積分: 19439

好媽媽勳章

27^#

發表於 07-8-9 16:47 |只看該作者

我呢兩日已經學識左"死心"喇,
搭車唔再期望會有人讓座喇,
讓就係bonus,表示感激,
唔讓都算喇...
費事自己激氣!!

其實之前係對人個種"無情"失望!

私人傳訊

evelynrose

複式洋房

積分: 362

28^#

發表於 07-8-12 17:46 |只看該作者

hi pandacat

其實父母就好似一面鏡子, 小朋友見到同聽到都通通入腦,
你其實好好品, 冇即刻反駁, 我諗你係真係忍無可忍先至出聲,
其實我覺得就算果個太太個仔真係比你個仔"wer"到都唔使咁大反應?"你個仔咁細咪同佢個仔解釋話 "細佬想同你玩" 但個太太就好似生晒"GON"咁話你個仔"wer"人, 佢既心腸真係唔係咁好囉!
一樣米養百樣人, 我係full time maimi 一手一腳自己湊個小朋友, 各位講既遭遇我有都試過, 激氣完咪同自己講, "唔係個個都有同情心去讓你/明白你" 呢個世界咩人都有, 唔使因為呢d人唔開心:mrgreen:

私人傳訊

ltdcorp

大宅

積分: 1523

29^#

發表於 07-8-14 02:40 |只看該作者

看到造件事, 令我想起一件事, 有次我在某地方(好似在商場或是在排隊), 我同仔仔及囡囡一齊, 在我們旁邊有一位媽咪推着一格BB車,BB車在一個歲半的BB, 我仔仔四歲看見BB時, 就同BB say hello, 及同BB握手, 跟着BB的手抻高想同我仔仔握手, 佢地兩隻手已接觸到約兩三秒, BB媽媽立即說:唔好, 唔好敢, 會整親哥哥. 我同仔仔說 : say hello is OK. 但我仔仔仍然想同BB再握手, 佢BB望着我仔仔及抻手想同仔仔握手, 這時候我沒有說話, 但BB媽媽立即再說: 唔好, 會撞倒哥哥, 會撞到哥哥副眼鏡, 會整欄哥哥副眼鏡. 當時我 feel 到BB媽媽唔鍾意我他仔同佢BB有任何接觸, 我就用了另方法引仔仔及家姐注意另一樣事(看下另一面有嘢看), 跟住我仔仔同囡囡同我一齊注意另一樣東西了. 在這時候BB媽媽看着我對我說:怕BB整欄你仔仔副眼鏡, 怕整欄副眼鏡就唔好. 而我只微笑作回答.

其實在我立場, 當時BB完全沒有接觸我仔仔的面, 他們只有接觸手約兩三秒的時間. 我完全不介意仔仔同佢BB的接觸, 我亦沒有擔心過BB會整欄我仔仔的眼鏡, 但可能BB媽媽好介意我仔仔同佢BB有任何接觸和說話, BB媽媽亦好擔心BB會整欄我仔仔的眼鏡. 其實我覺得小朋友見面 say hello 及握手是好平常, 我想如果當時我只說唔好唔好, 對小朋友來說, 佢地會覺得 why大人會這樣說, 令一方面我不想有不必要的說話, 所以當時我就用了引開注意力的方式, 引小朋友做或看另一件事.

又有一次, 2003年沙士時間, 當時我大肚, 我同女女去 supermarket 買東西, 女女當時約三歲, 有一位叔叔四五十歲, 看到我女女時說好可愛, 好靚, 跟着隻手抻出好像想摸我女女的面, 我當時的反應立即拉開女女及說:唔好, 佢立即說: 我不是想摸佢, 唔駛大反應. 我當時回應: 唔好意思, 沙士時期, 是敏感D. 之後我已拉着女女走開. 當時我們有帶口罩, 佢沒有帶口罩.

私人傳訊

TTeresa

子爵府

積分: 11957

30^#

發表於 07-8-14 16:59 |只看該作者

原文章由 pandacat_bb 於 07-8-8 11:37 發表
仲有, 佢臨走話咗我一句"你咁教仔, 我睇你第日點囉!"
激死

我都試過比人咁講...

事原係有人打尖, 我未出聲, 點知原來佢地成十幾人, 有大有細.....
我重比人話何必咁計較, 我個仔得兩歲半都睇唔過眼,見我係咁比3個師奶反擊, 係到話"你做咩話我媽媽" 當時個心好甜. 係咁講, 講到我

佢重小我, 話廢事同我講, 話我個人都無理, 又話佢個仔一早排左係前面都行番去後面啦, 要打我一早打左啦.
我未答, 係呀你個仔剛才唔知點打左係我前面, 係我叫佢唔好打尖去返後面呀, 你重講到你個仔好岩, 打到尖應該叫晒你地行去前面咁, 你咁教個細未唔得law...點知佢一句話, 係你個仔好好. 我未答,起碼我個仔唔會打尖先啦.......跟住佢重唔知話我咩, 之後話唔想同我le d 咁既人講野...

好似le 句話我講就真, 我未回應佢一句, 我都唔想同你地咁無教養既人講落去啦.

最後佢就講, 你先無教養咁未睇你第日你個仔點囉
....之後佢地係咁打尖去前面, 但好奇怪無人出聲.....

不過我有小小精神分裂
又睇唔過眼d 人做d 唔岩既野, 但又唔想比個仔睇到我話人...既火"bao" 樣......

私人傳訊

JNmimi

複式洋房

積分: 169

31^#

發表於 07-8-19 00:26 |只看該作者

好嬲, 尋晚囝囝比人話冇禮貌

嗰次我經歷都好奈:　我在旺角警署附近過馬路，前面有個小朋友，　我想他應該３歲咁，年紀好細下，　我企係佢側邊，　突然佢好似＂發神經＂咁係度跳，一腳踢落我度，跟住佢＂哎吔＂一聲（其實應該係我叫哎吔先啱，而家Ｄ小朋友鞋都好硬淨下），佢＂神勇＂的爸爸立刻＂崛＂住我。。。跟住好似想郁手。。。

我即時好驚下

，　都唔記得我上５吋下５吋有幾痛，但冇理由我係受害者仲要俾佢啤（好似仲有下一著），　我同佢講，　你個仔自己係度跳，　佢仲踢到我，我掂都冇掂過佢。可能佢有判案先例，　都知自己個仔鍾意跳卦，　但都好唔順咁＂Ｈｍｍｍｍ＂我。所以話，唔係ｃ９先至 "long嚟＂，　Ｄ佬都好蠻。

我覺得佢其實應該抱住個小朋友，咁細有時失控係在所難免，放佢係咁繁忙地區，其他人未必可以為意有個小朋友係腳邊，　掂到佢
就真係唔好意思。

私人傳訊

virgobb

大宅

積分: 2240

32^#

發表於 07-8-20 14:16 |只看該作者

pandacat_bb
我路過見到你個 topic. 都有d"登"你嬲,不過唔好嬲 la.
我只係覺得, 果個 mom d 小朋友好可憐, 自己個 mom 比較小家同市井 ... 其實都好瘀 ... 最慘係 d 小朋友日日比阿媽咁嘮叨, 煩c ... 希望佢地大d可以靠自己學好d la, 唔好比媽咪影響 ...
再睇大家 d comment, 其實最同意係身教既重要. 總之要提醒自己, 種下既因就會出d咩既果 ...
我覺得, 唔洗點教小朋友"保護自己",只要媽咪唔好"亂咁"去保護d囝囡, 佢地點都會學識點同人相處.
我知香港係一個好 competitive 既地方, 唔知點解搭mtr就係要爭位坐 ... 可能係個 environment drive us crazy ...
唔想阿b變成爭位坐既人, 做父母我覺得可以就係 ... 唔比佢去接觸果d環境 law, 比佢生活係一個 relax d 既環境 law.
所以我完全贊成"孟母三遷"架. 搬去一個"平均民智"比較高既地方. 我住係西環, d人唔係話有冇$$$, 但我覺得, 係比較有人情味, 我大肚時, 搭 mtr (港島線) 好多時係有人讓位, 男女老幼藍白領都有. 我帶阿b去街, 好多時有人幫我開埋門.
當然, 我可以幫人一把我都會盡量做.
香港咩人都有, 我會索性避開d我唔想見到既人同事, 我完全唔覺有任何損失.

我係清林.歡迎來看看清林誌

私人傳訊

See

積分: 18774

好媽媽勳章

33^#

發表於 07-8-20 15:28 |只看該作者

pandacat,
禽日發生在件事，令我突然想起你...:cry: 星期日去左愉景灣玩，本來都好開心，玩玩下時個仔想vv米帶佢去lo。入到去雖無人排隊但又無位，見個仔開始漏小小尿，又唔知人地幾時出，因為那洗手間在沙灘位有洗澡位，雖然我仔著泳衣但我唔想整濕地(因唔知找誰抹)，所以我123捉了仔仔在去水位vv,雖然好似唔係太好，但至小我可以用水沖乾淨。
有個女人去完vv見我同個仔咁，就好惡鬧我地，話我地無家教，我同佢解釋原因，佢重叫個老公一齊鬧我地。唉，佢老公初時仲以我仔隨處開大添。個女人好似潑婦咁鬧，又生家教又話要報警等...又話自己個仔都唔會咁啦！你仔著泳衣唔怕濕米由佢瀨....等；佢地會重講左d好難聽的說話，我老公忍唔住話你而家係米要報警？我等你！個女人又話你叫我報就報啦！
當時我好嬲，但係我竟然無同佢嘈，雖然我唔覺自己有任何大不對，但是我覺得為呢件事鬧真係好難睇，就算我比個仔在去水道vv不對，我也不認為呢兩公婆口水惡言又好好家教。至少，佢地不會體諒一下我當時的想法。最後我決地唔理呢一家四口，叫老公走唔好同佢地講野，可能個女人以為自己正義得勝，其實我是不想同人潑婦鬧街罷。
其實我為呢件事都好唔開心，見個仔比人鬧我又好心痛，佢得3歲炸，好彩佢當時唔知我地發生乜野事，所以都無乜野。:-(

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 7205

34^#

發表於 07-8-20 19:07 |只看該作者

我試過一次 (應該係年幾前左右lu) 係ocean park比個女人話我冇家教, 事緣係我地係兒童王國排緊木馬, 排到我地嗰陣就冇晒啲相連既馬仔, 因為我地諗住我囡囡坐一隻, 由我係後面扶實佢, 爸爸坐一隻係佢旁邊, 等佢冇咁驚, 所以我老公就抱住囡囡, 我就推住架車企埋一邊, 比後面啲人入, 其實當時都有啲人唔入, 諗住等下一輪, 企係我地後面等 :idea:

就係依個時候, 一行6人就衝上黎企係我地前面, 一個女人, 一個係女人個阿媽, 兩個15-16yrs後生仔女, 兩個8-9yrs既細路女

嗰兩個細路女仲要係咁推人地個門, 係咁叫"快啲啦, 咁耐架" (因為full咗, 佢地衝上黎都入唔到)

我老公就淨係同我講咗一句"嘩, 做咩企晒係前面既", 個女人既反應係估唔到會咁大 ?-( 其實當時我都唔諗住話佢地, 諗住入到去有位就算啦, 點知個女人好惡咁拎轉面, 啤住我老公, 仲要"Q"住双手話"你話緊我地打你尖呀", 當時我心諗即係你知道自己打尖啦

, 跟住我老公見佢咁惡就話佢"咁你事實真係打尖喎, 你唔見個個都係度排隊, 係你地衝上黎咋喎" (好奇怪當時後面一個人都冇出聲, 唉~香港人, 攪到我地好似好小家咁

) 個女人仲要好惡咁話我老公"我點知你排緊呀, 你係排就企前啲啦, 你話你先, 咪讓你先囉, 排隊就排好啲啦" (真係比佢吹到啤啤聲) 跟住我就忍唔住出聲 "依家唔係你比我先, 事實係真係我地先, 入咗黎個個都係排隊架啦, 唔通入黎齋企咩, 你都打咗後面好多人尖架, 不過都係比你先啦, 你地好似趕住去死咁, 冇理由阻住你架", 就係因為依句{好似趕住去死}, 個女人就話我冇家教, 咁我唯有認囉, 我話"係呀, 我係冇家教架, 打人尖嗰啲就有家教囉"

我諗住算啦, 講真排後6個真係唔洗死, 跟住我老公同我打眼色叫我行番佢地前面, 跟住我就拎一拎頭話唔洗, 點知個女人又拎轉頭"Q"住手啤住我地, 咁我咪望住佢, 跟住問我地想點, 我話"我地兩公婆講野, 又關你事, 依家係你啤住我地, 你問我想點, 咁你想點呀", 跟住佢話佢隻眼生得大, 冇啤住我地喎

跟住到個阿媽出聲話我"阿姐, 大家出黎玩, 你唔好嘈啦, 我聽住你話我個女架啦, 都唔知你想點, 收聲啦" 真係有其母必有其女

我老公跟住就話佢"依家係你個女啤住我地, 拎轉頭鬧我地呀, 阿姐"

到入去嗰陣最好笑, 我推住架BB車, 個女人就扭下扭下咁入去, 我架BB車個前"look"就"click"到佢隻腳, 佢話我開車撞佢, 叫我小心啲, 唔好走, 要報警告我開車撞佢喎, 我兩公婆都忍唔住笑, 答佢好啦快啲報啦, 驚你唔敢報咋, 大家唔好玩之嘛, 有咩所謂啫

我都係第一次見到人打尖都咁惡

我最憎人打尖, 最慘係以前就話大陸人鐘意打尖啫, 點知依家連香港人都係咁, 影衰晒 :tongue:

私人傳訊

See

積分: 18774

好媽媽勳章

35^#

發表於 07-8-20 21:28 |只看該作者

而家好多人唔係惡人先告狀就係賴有原則。而家仔仔有時見到人做d唔好的事e.g''沖''紅燈，佢會主動同我講這樣不對，有時佢會講得好大聲，我相信人家一定聽到，我通常會講：你說得對，佢敢樣是不對，不過佢可能一時睇唔到紅燈啦！又或者比人霸尖，我會等一陣睇佢想點，有時人家都會一是攪錯，如果屬實，我會要求佢排返後面。不過，海洋公園人手不足，同佢地嘈都好煩，我都會好你咁，我通當會同自己講：我係瓷器，無謂同d江瓦撞。

原文章由 pandacat_bb 於 07-8-20 19:07 發表
我試過一次 (應該係年幾前左右lu) 係ocean park比個女人話我冇家教, 事緣係我地係兒童王國排緊木馬, 排到我地嗰陣就冇晒啲相連既馬仔, 因為我地諗住我囡囡坐一隻, 由我係後面扶實佢, 爸爸坐一隻係佢 ...

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊