夫婦情感 今日: 0 | 主題: 42741

積分: 139

21^#

發表於 07-10-23 12:38 |只看該作者

其實有無兩個好人真係全因為性格不合而離婚的呢?

私人傳訊

積分: 139

22^#

發表於 07-10-23 12:43 |只看該作者

講真, 有邊個結左婚想離婚?
我都唔想離婚~

私人傳訊

SASA滾

禁止訪問

積分: 1687

23^#

發表於 07-10-23 12:45 |只看該作者

提示: 作者被禁止或刪除內容自動屏蔽

私人傳訊

cjessjess

積分: 4512

24^#

發表於 07-10-23 12:58 |只看該作者

lovelife_kar
其實我覺得你老公有D似我老公.....都係好唔識表達and唔識同人溝通
我好明白你感受, 因為我老公都係咁, 三番四次同佢講有咩問題要即刻講, 唔好收埋, 佢咪又係咁, 到佢屈屈埋埋先大發脾氣, 喂大佬咁你唔一早講我知

我真係知道好難頂......重有D男人都係小氣記仇, 有錯又唔肯認, 你講個D佢選擇性失聰添..........我以前都好忟好容易嬲, 但慢慢我開始改變, 就係有D人講既成熟, 多D諗佢好既野, 既然佢唔識用說話表達佢愛你, 咁你讓步囉, 佢有俾錢你, 係咪? 你講你想要花, 咁佢有買係咪? 唔好再要求點解D花次次一樣, 因為有D人真係唔識或者佢覺得送花係唔需要, 邊個女人唔鍾意自己男人緊張佢愛佢? 問題係有D男人真係牛皮燈籠點極都唔明, 仲要話我地D女人唔現實, 咁女人不嬲感情豐富過男人架啦, 我地既構造同價觀唔同架, 唔好執著~
其實樓主係有問題要解決既人, 睇你會去搵婚姻輔導就知, 不過係對方未開'hill', 其實溝通係好重要好重要既一環, 我就咁睇其實你老公唔係唔愛你, 不過係唔識表達同太自以為是, 你唔好咁快放棄, 當日既然你擇左呢個人, 咁佢有咩唔好既改唔到既你都要忍, 仲要忍一世(係大契講架

)忍唔到就讓啦, 當佢呢方面係弱智, 你好好聲氣慢慢講, 你對住個智障兒童會唔會動氣? 你諗下啦, 再搵專家幫手啦, 有時D男人鍾意聽專家話既............我好少打咁大篇野架, 但你個case同我好似, 所以我好肉緊

唔好咁容易放棄, 你地冷靜下再傾聽下啦, 希望有好消息

原文章由 lovelife_kar 於 07-10-23 11:57 發表

我明~
睇下呢度有多人的老公又賭錢、又滾等等.......我都知道佢其實好好, 但唔夾真係唔夾~ "社工"曾經問佢我有咩地方需要改善, 佢話無~ 我同佢傾計講大家之間的問題, 佢唔願講~ 我聽到佢講果句說話先知道原來佢受 ...

我們的相簿

私人傳訊

杏子

積分: 262

好媽媽勳章

25^#

發表於 07-10-23 13:09 |只看該作者

lovelikar:

睇到妳既個案,同我本身個案好似,好感觸.

我好想知,係咪男人都覺得返屋企對住老婆木無表情/唔講野係正常事?

由始至終,我都唔慣. 返到屋企,老公一眼都唔會望, 好似透明人一樣. 咁先係正常? 彼此好似同屋主咁,非必要唔會同對方講野, 係咪男人都係咁呢? 我點都接受唔到,由細到大,我爸爸放工返屋企, 我媽媽都會同佢講下野, 一家一有傾有講, 點解結左婚,就名正言順唔瞅唔睬? 男人仲覺得並無不妥, 返到屋企就係要咁? 呢樣野,我一直鬱結在心, 老公眼中淨係得個女:cry: 我唔知我算係乜.

私人傳訊

cjessjess

積分: 4512

26^#

發表於 07-10-23 13:12 |只看該作者

EVA222
你好幸運同好西利, 23年婚姻唔容易呀~
可以分享下夫妻之道嗎

原文章由 EVA222 於 07-10-23 12:24 發表
呢段婚姻重有得救,你本性比較自我,再有下一段未必一定愉快,可能更不堪.
我同老公性格不合,我自視高和要求高,只是佢年紀比我大九年,較包容體諒,大吵時曾經數我缺點,其實講得好啱,只是自己不察覺.
結婚23年,我初期好多 ...

我們的相簿

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

27^#

發表於 07-10-23 13:37 |只看該作者

因為咁而離婚, 太誇張啦~~
我識我老公到而家都未收過花喎~~
老公返到屋企除0左玩, 就係睇書,
基本上都唔理我同個囡,
但係我覺得好好喎, 唔使俾人煩住晒,
有事叫佢幫手, 佢肯幫就ok~~
當然有時佢會施住唔做同懶想唔做~~
(我覺得係人都會懶, 我自己都係, 所以唔會迫佢)
兩個人唔會同一個性格, 各人各自為政咪幾好~~
如果因為咁而離婚太可惜啦~~
我諗你要永遠架情人唔係老公喎~~

私人傳訊

ringoivy

翡翠宮

積分: 76971

28^#

發表於 07-10-23 13:58 |只看該作者

lovelife_kar,

我睇完你既post, 覺得你應該仲好細過, 除左思想上唔夠成熟之外, 我亦feel唔到你有覺得自己邊方面有錯

我唔知你地頭一年拍拖既情況係點, 但我覺得你應該仲有d野無講比我地聽, 否則你老公唔會同你媽咪講, 層樓我比錢供但只係寫你一個人既名上去, 其實佢唔係介意層樓無佢名, 而係好明顯你仲未知足, 仲有說不完既投訴, 所以佢先會咁講, 其實層樓佢只落你一個人名好明顯在佢心目中你係佔有一個相當重要既地位, 你要明白愛情唔係用錢買返黎, 但起碼可以用錢去睇到你在佢心目中既地位, 咁我都想問你, 你真係仲想佢點呀

你要浪漫

呢家野唔係人人都曉得去形造出黎的, 針無兩頭利

佢搵錢唔多又要供樓咁佢邊有咁多閒錢去同你浪漫呀姐姐

要人送花, 佢都照送, 收到又嚴三嚴四又呢樣又個樣, 你夠膽話你自己知足

我都登你老公辛苦呀對住你

咁我想問你自己又為佢做過d咩呀

最多咪用錢比呢頭家既雜費囉

咁你覺得咁樣就叫做係愛佢呀

個結果咪又係一樣用錢黎衡量緊你地既關係

兩個人在一起既時候有左自己既一頭家, 想個家好個個都要付出架啦

點解你講到好似好偉大咁, 佢搵錢少所以你都唔介意比雜費....:-x 我覺得佢對住你木口木面其中既原因係你太多太多無謂既投訴, 佢做咩你都唔順眼

正如你話齋, 你只識去話人但從來都無自我檢討過一樣:evil: 如果你覺得兩個人性格不合就要離婚的話咁呢個世界唔怪之得離婚數子不斷上升啦

老實講性格不合係用於拍緊拖既人, 不合就分開, 但如果已經有自己既一頭家既時候係好應該學懂包容同體諒, 我同意man4good講, 你根本未係適婚年齡但就夾硬將自己推前一步

攪到今時今日呢個地步, 我覺得你好應該sip高床板諗清楚自己想要d咩先啦

就你所講我覺得個問題係出在你身上, 個男人愛你就唔會去數你, 佢一路選擇包容, 相反你就處處迫人

所以你問佢有咩事, 你叫佢點講呀

佢唯有迫自己做一d佢唔鍾意既野黎迎合你, 遷就你囉

試想想當一個人生活在一個唔開心既家庭裡何以仲可以笑面迎人呀

如果你唔想離婚的話, 首要條件係你要學懂咩叫包容, 處處從另一伴既好處看, 少d投訴咁佢開心左, 就自自然然會笑架啦:)

私人傳訊

積分: 139

29^#

發表於 07-10-23 14:02 |只看該作者

多謝大家嘅肺腑之言呀, 我知道你地都係鄧我肉緊, 其實我好亂~

一方面都覺得我同老公之間並唔係咩野大問題, 例如滾、賭、吸毒、唔返屋企等等, 但另一方面又覺得溝通唔到~ 而家我30歲都未夠, 佢大我8年, 唔通性格不合、溝通唔到、毫無情趣....我繼續等....等到60歲?

我好鍾意講野, 好希望調較到佢都可以熱情一啲, 經過一段日子, 發現真係調較唔到；我自己去改變, 叫自己唔好咁多要求, 佢唔講野就由佢, 我自己主動撩佢講野囉~ 愈來愈無癮, 最終係我被佢調較左, 我變得同佢一樣, 對住佢都木口木面~ 有時佢問我做咩木口木面, 我會"故意"話無野, 然後繼續木口木面, 佢竟然黑面! 佢竟然話我都係木口木面! 其實根本我就係專登學佢, 等佢知道其實我之前都唔好受~ 但佢唔會明白~

我初頭都有同佢傾過, 我話：『你黑口黑面咁嘅, 做咩事呀??』佢話『無呀!』我話：『有野唔開心??』佢話：『唔係呀!』我話：『咁點解你木口木面咁嘅??』佢會話：『唉~~~~~ 咁放工返黎就咁架啦! 會攰架嘛! 你頭痛時都係咁架啦!』
我又無得罪你, 洗唔洗咁呀........... 之後佢可以成晚一粒聲都唔出, 直到訓前, 用眼尾超一超我話：『訓啦~』跟住佢就自己去左訓~

咁樣嘅婚姻生活, 我真係唔想接受, 結左婚只係短短三年就變成咁~ 往後都要繼續咁樣嗎?

我好想大家可以互相遷就、好想大家可以尊重大家原本的習慣、好想大家可以凡事開心見成拎出黎講。我好多野想, 可能好多人會話我自私、話我要求多。但其實佢都有野想, 只係佢唔會講, 收埋哂~ 曾經話過有野就講出黎, 呢頭話好, 果頭又收埋~
就係因為我小小問題都拎出黎講, 就等如我小氣、我執著嗎? 我講出黎, 都係想解決左個小問題, 唔想個小問題變成他日的大問題罷了~ 佢咩都唔講, 到嘈大交先話受夠我, 我連想改的機會都無, 我連自己衰咩都唔知~
兩個人唔係應該凡事坦白嗎?

私人傳訊

積分: 139

30^#

發表於 07-10-23 14:08 |只看該作者

原文章由 ringoivy 於 07-10-23 13:58 發表
.....其實層樓佢只落你一個人名好明顯在佢心目中你係佔有一個相當重要既地位 ......

層樓係我未識老公時已經買左的了~ 唔係佢買左之後淨係寫我一個人名~

私人傳訊

積分: 139

31^#

發表於 07-10-23 14:13 |只看該作者

個個人意見都唔同, 我明白有人支持、有人唔支持, 但用字可唔可以好少少, 有時睇落真係幾.......:tongue:

有人講得岩：
我想要花, 佢都肯去買, 就唔應該再嫌三嫌四.......

但亦有人講錯：
我真係真係真係真係真係有去檢討自己, 反而無去檢討自己果個係佢呢! 你咁樣講, 我覺得好冤枉~
有時錯左, 我都會同佢say sorry, 相反佢一次都無, 從來都只有狡辯, 用一堆歪理去維護自己~:-|

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

32^#

發表於 07-10-23 15:14 |只看該作者

lovelife_kar
唔好意思, 得罪講句, 你心胸太小啦~~
其她人話你都係想你好,
我唔覺佢地語氣重, 你都咁介意,
可想而知你老公都真係幾難頂得你順~~
如果你真係有檢討過, 你唔應該仲咁執著~~
你唔應該將一個人變成你理想架人,
每個人都有自己架自由架,
你咁落去好難再有好架婚姻~~
真係要認真諗清楚,
我怕到時你想返轉頭, 你老公都唔要你咋~~
到時後悔都無用~~
我都係未到三十結婚唔夠二年,
我老公對我都係木口木面,(佢話返工好累, 唔想係屋企咁假)
感情淡如水,(但大家都好關心對方)
但係我好享受咁自由架生活, 真係好正~~

私人傳訊

要自己幸福

民房

積分: 52

33^#

發表於 07-10-23 15:21 |只看該作者

唔甘心的為對方改變, 係會唔成功的。

樓主, 你好像不想離婚似的, 但又不想過這種生活。試探對方結局多數是失望的.....搬走係好hurt 對方的...

私人傳訊

swkmc

積分: 3173

34^#

發表於 07-10-23 15:44 |只看該作者

hm...你老公同我老公都有d似, 不過唔詳講,我想講幾個point,希望有用:
1. 黑口黑面, 我老公都係, 不過, 我而家同佢有問題之後, 我發覺,可能係個樣問題, 我自己呢, 一唔笑, d人就問我係未好嬲, 古埋包 'saui' (有時on 居居時無理由笑ga ma)有d人個樣, 唔笑都好friendly,好似我o甘,明明係想唔笑姐,d人又以為我嬲, 個樣唔得friendly, 做得老婆既, 5可以只睇表面, 你要feel下佢係咪只係無野on 居的表情
而且, 放工攰而唔想講野/有咩表情, 係好正常ga, 或者你自己放工好攰時照下鏡; 可能都係黑面

2. 有d野, 你真係要體諒佢係一個男人, 通常唔會太細心, 你覺得佢唔記得你返學的時間, 又有幾出奇? 佢返shift 既, 連今日係幾多號/星期幾都未知la,我以前返shift都係o甘ga, 你唔可以以你angle去睇件事ga ma

3. 你鐘意浪漫, 想佢tum你, 你識佢時佢係未strong呢樣先, 如果唔係, 你就要accept la, 好啦, 比個好識tum你, 不過只係花花fit fit, or對任何人都係'long'過油既, 你又okay 5 okay 先, 無人真係perfect ga

4.如果你仲愛佢, 試下唔好再想是否對錯, 是否唔夾, 想下有無野你可先行一步去改, 同表達比佢知你想點, 睇下佢可以做到去邊
記唔記得細個阿媽成日要求呢樣, 要求果樣, 我地都會覺得煩?
每個人都想 comfortably be himself/herself, nothing's wrong~ just try to give space to everyone...try walking on one's shoes.

原文章由 lovelife_kar 於 07-10-23 14:13 發表
個個人意見都唔同, 我明白有人支持、有人唔支持, 但用字可唔可以好少少, 有時睇落真係幾.......:tongue:

有人講得岩：
我想要花, 佢都肯去買, 就唔應該再嫌三嫌四.......

但亦有人講錯：
我真係真係真係真係真係有去 ...

私人傳訊

swkmc

積分: 3173

35^#

發表於 07-10-23 15:49 |只看該作者

同埋, 我估男人如果唔係 tum開人果種, 個女人要離婚, 而且執晒野, 佢地覺得個女人黎真, 就唔會tum ga la, 因為佢地個人認真, 覺得你都係黎真, 就做咩都無用gwa~
而且佢都有問過你la, 你無可能expect佢再tum 你ga la

私人傳訊

ShinTung820

別墅

積分: 975

36^#

發表於 07-10-23 16:12 |只看該作者

其實樓主你會唔會係對"婚姻生活"既期望定得太高呢, 所以未能接受一段o甘平淡既婚姻生活.....
你成日都強調你係一個愛浪漫既人, 你老公唔係....
o甘你有無諗返當日點解要同佢一齊? 佢唔會係結完婚先唔浪漫架.
有無諗返當日佢同你拍拖係咪成日木口木面呀? 唔係既, 點解當日會笑, 而家唔笑?
我諗你都知道每個人都有自己性格, 要兩個人相處得好, 唔係夾就得架, 係相處既問題同方法. 下下要夾既, 個個都要離婚啦....
如果你為o左呢d問題就離婚, 實在有點可惜....
當然你有自己的一套, 而你所感受既我們又未能完全了解...
希望你要記住你所做的不要令自己後悔... 你說得對... 路是大家一齊行的, 不要只顧自己的感受, 自己有何要求... ..不要過份執著... 你想想, 你一句要花, 有花, 要拖手, 就拖住你手... 你仲想點?...
同意之前既mami所講, 如你不調校一下你自己既思想態度, 好難會有一段長久既關係囉...
祝你開心快樂!

私人傳訊

積分: 139

37^#

發表於 07-10-23 16:14 |只看該作者

原文章由 ankle 於 07-10-23 15:14 發表
lovelife_kar
唔好意思, 得罪講句, 你心胸太小啦~~
其她人話你都係想你好,
我唔覺佢地語氣重, 你都咁介意,
可想而知你老公都真係幾難頂得你順~~
如果你真係有檢討過, 你唔應該仲咁執著~~
你唔應該將一個人變成你 ...

我上幾個post已經話知道大家都肉緊~ 但我見到呢句：『我都登你老公辛苦呀對住你』我覺得有點........就好似唔開心、好亂, 有人話你五時花六時變、話你老公娶著你真慘一樣~ 個心唔好受~

我係鍾意浪漫, 但我明白唔係攬住就可以一世~ 我唔係要日日都燭光晚餐果種呢~ 兩個人溝通好重要, 我地連野都唔講一句~ 而且, 我地說話上有好多誤會, 就即係我之前所講的溝通唔到~ 有時佢講左d野激嬲我, 佢話佢只係講笑~ 到我講野整鬼佢時, 佢就黑哂面, 我話我都係講笑, 佢就話我唔係講笑~
總之佢講的就岩~

我覺得兩個人一齊生活, 成世流流長, 溝通最重要~

私人傳訊