方麗娟，咁咪好囉多咗奶。我用Medela Pump In Style Advance 電泵, 未用過手泵，一來電泵隻手冇咁累，二來電泵泵得快，不過人人唔同，有啲阿媽話用手仲得，三來個泵係我姑仔俾，唔駛錢，要買就好貴。我想手泵嘈係個手柄磨擦聲, 都冇辦法，我個電泵都好嘈，我係廳泵，唔嘈住老公同兩個b。
埋身餵nipple最初係好痛,慢慢慣咗你會好enjoy，係好難得嘅 bonding。一半埋身一半餵奶粉or泵人奶係可以，但你要慢慢加多埋身餵，唔係好難全人奶。如果你目標係全人奶，一定要多埋身，上奶會快啲，否則，一定要三個鐘泵一次。另外，一半埋身一半餵奶樽最初bb好易混淆，更難埋身啜。好多醫生話最好一至兩個月後至餵樽比較好。
點可以keep住bb 3-4小時一餐奶, 每餐埋身餵 / 我泵得出人奶, 而bb又夠飽呢? 定係冇咁快可以咁? 你個bb得幾日人仔，上奶快慢人人唔同，我第二胎都要成10幾日先可以全人奶，最初埋身餵完要用泵泵清，如是者會慢慢會多奶，我次次都泵兩邊，如果bb食一邊，一方面泵清食完個邊，又泵埋未食個邊，等身體以為要造多啲奶（我個泵係雙泵，冇計）。你可以儲倒奶，用嚟補奶或者做後備。到你多咗奶夠bb食，就可以偷下懶泵得少次啲。
我依家埋身5－6次，bb食唔清先泵，night-time bb 可以瞓6－7個鐘，我就中間起身泵一次，我係等谷奶自然醒（冇法唔起身泵，實在谷得太痛，唔泵頂唔住，仲會濕晒成個乳墊）。好眼瞓啦，老公催我瞓，下次傾。
[ 本文章最後由 rose-mag 於 07-11-24 16:43 編輯 ]
花旗太太生活在花旗國，留意時差，你問我未必即時答到。
我想要9999呀...
發表於 
返回列表
