吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好想呻下..生唔生bb ge 問題

夫婦情感今日: 0|主題: 42710

收藏本版

發帖

返回列表

跳至頁

樓主: Vanessa_818

好想呻下..生唔生bb ge 問題 [複製鏈接]

123 4

MC陳師奶

大宅

積分: 2381

好媽媽勳章

21^#

發表於 07-12-10 17:58 |只看該作者

你個女好得意呀！
我都相信你，每日見到佢既笑容，乜都值得乜都克服到！

原文章由 ac321 於 07-12-10 17:33 發表
係呀，我重老過妳呀！
我生個大仔時都好似樓主禁唸 He is 2 year and 9 months old now......但結果係:生活變得好開心！
結果好快又生左個細女！She is 1year and 3 months old now.

...

http://hk.myblog.yahoo.com/mickjunior318

私人傳訊

onon1022

子爵府

積分: 12589

好媽媽勳章

22^#

發表於 07-12-10 18:36 |只看該作者

其實人人諗法唔同...唔係人人一出世就含住金鎖匙出世...有高低...有起跌...有錢有有錢既煩惱...無錢有無錢既煩惱...生同唔生...係你同你老公既問題...最重要你同你老公既諗法...

[url=http://lilypie.com][img]

私人傳訊

timing

男爵府

積分: 8459

23^#

發表於 07-12-10 19:19 |只看該作者

一句到尾，你唔生，第日你老公一定會怪你。到時后悔都遲:-( :-( :-( :-(

私人傳訊

mrs_chan

大宅

積分: 3544

24^#

發表於 07-12-10 19:52 |只看該作者

唔好諗咁多, 生左先算...
生左自然有辦法去養......
唔好諗太多.....

私人傳訊

wlk168win

大宅

積分: 1289

25^#

發表於 07-12-10 20:17 |只看該作者

原文章由 Vanessa_818 於 07-12-10 16:28 發表
我真係唔知點樣可以平養到, 平極都要錢ga? 我有認真計過ga, 真係唔得呀... 我知我老公好, 我好愛佢ga, 我唔想佢第時養唔掂先後悔, 先知辛苦, 攪到要無尊嚴咁做人. :-( :-( ...

人生的所有野其實都係天註定, 每件事最終結果係無人預知到, 你自己兩公婆既"前景"同將來亦無人知,
呢個世界既然咁多野係"人"預測唔到既,
點解你會"預測"到咁多負面既野呢?

我唔知你搵幾多錢, 可能係兩餐, 可能兩餐 + 假日消費, 可能係可以豪少少洗....

我只知, 就算攞綜緩既都唔止生一個;
就算到你第日有多左錢(以你既"標準????), 你想生,
都未必有得生! 生仔係睇天意同緣份既!

做男人, 做女人, 做人老婆, 最痛苦莫過於 --- 想生時無得生!
真係有錢都無用!

你老公宜家其實可能係唔開心, 只係仲好尊重你,
既然佢知自己咩環境, 都唔怕困難, 點解你唔把握時間?
你宜家好幸福, 你點知多左一個寶寶唔會更幸福?
至少係你老公要求, 至少你倆都喜歡小孩!

有的女人生左, 而個男人根本唔鍾意, 唔愛惜.....
你已經好幸福, 你寶寶有個好爸爸愛錫!!
我怕佢第日老左真係恨到發燒既時侯....無得選擇...去搵第二個女人生(我朋友真實個案, 男既係"已退休人士"添!!!)

好話唔好聽, 生左出黎, 第日你老左, 有咩事, 起碼仲有個仔睇住你, 就算無左老公都係咁話!

不如一切交比主啦, 你地宜家開始各方面既努力,
或者明年中開工, 到時中就中, 唔中就唔中, 睇天意啦~

一個月支出: 奶粉, 尿片, 醫生費(一次220蚊) = 約700/800蚊
其餘湊仔費另計, 你自己計吓得唔得??
只要教養好, 三餐溫飽, 一家人開開心心, 大家攞個"心"出黎,
有咩唔得?? 男主人話得, 點個話唔得??

生理方面另計....

**長洲租屋: 2500蚊一個月, 通行都係呢個價架喇, 如果請工人, 加埋都係6500蚊倒, 一層樓, 幾OK架!! 係咪平過你宜家呢!!

Goodluck!!

[ 本文章最後由 wlk168win 於 07-12-10 20:27 編輯 ]

私人傳訊

吹吹水

禁止訪問

積分: 2329

26^#

發表於 07-12-10 22:18 |只看該作者

提示: 作者被禁止或刪除內容自動屏蔽

私人傳訊

Vanessa_818

男爵府

積分: 8503

27^#

發表於 07-12-10 23:30 |只看該作者

點解de男人咁衰咁可恨, 佢地自己都無本事, 咩能力都無只係得生育能力, 就夾硬要生. 個女人為個家著想, 唔想大又辛苦細又辛苦, 唔生就係女人既罪過! :-( :-( :-( 仲可以用呢個藉口去拋棄糟糠, 去搵第二個女人生?
我估我老公唔會咁樣, 咁可恨, 如果佢有朝因為我無生而恨我, 要離開我, 大概我應該慶幸我無同佢生一個. 因為咁無情既人, 就算我真係生左, 佢都可以有千千萬萬個理由去埋怨我, 甚至埋怨個細路連累佢, 然後拋棄我同個細路!
今日我既老公仲好愛我, 但我真係應該送一個bb 俾佢做禮物? 然後呢個bb 帶來一大堆憂慮重擔, 然後有一日我老公人到中年, 細路仲要供書教學, 佢要好似我識既爸爸朋友咁去倒垃圾, 好似我識既媽媽朋友咁朝七晚十咁做酒樓, 將de細路拉扯帶大?
其實我都好多謝大家既意見, 我都開始覺得或者, 或者我都可以有能力養一個小朋友. 不過我真係唔希望, 個決定係因為我想縛住呢個老公, 咁樣真係對我, 對佢, 對個bb 好唔公平, 亦好唔理智...

私人傳訊

m9394pp

大宅

積分: 1876

28^#

發表於 07-12-11 00:04 |只看該作者

原文章由 吹吹水 於 07-12-10 22:18 發表
我有個朋友同你一樣,佢c6最後係出面找女人同佢生左個女不得止,把所有責任係曬我朋友身上,佢男家d人仲話,你唔生佢咪找人同佢生,係你逼佢,你一手做造,佢c6係d朋友到扮可憐話娶個老婆返來做乜,連佢d朋友都幫佢c6,最慘佢 ...

我老公個同事都係咁, 我老公問我去唔去飲滿月酒,
我奇怪問話乜佢老婆終於肯生咩, 原來佢搵左第二個生,
我話咁都得, 我老公話個老婆唔肯生, 而個老公又好鍾意
小朋友, 最後咪搵過個老婆lor

私人傳訊

芒

大宅

積分: 3610

29^#

發表於 07-12-11 00:21 |只看該作者

原文章由 m9394pp 於 07-12-11 00:04 發表

我老公個同事都係咁, 我老公問我去唔去飲滿月酒,
我奇怪問話乜佢老婆終於肯生咩, 原來佢搵左第二個生,
我話咁都得, 我老公話個老婆唔肯生, 而個老公又好鍾意
小朋友, 最後咪搵過個老婆lor ...

結婚之前冇傾過架咩?bb係2個人既結晶品,點解講到好似係令人離婚既導火線

我有bb果時大家都冇積蓄,但都結咗婚,宜家咪一樣生活到,初為人母既喜悅,真係冇生過bb既人係唔會知道,我仲覺得唔生真係一世既遺憾黎架

私人傳訊

simb

別墅

積分: 733

30^#

發表於 07-12-11 02:12 |只看該作者

我都係唔想生ＢＢ,結婚都成2年多,我都係唔知點樣令我老公明白我既唸法.我都係儘量唔提,希望５至６年之後佢會忘記再提起

私人傳訊

大豬既老婆

伯爵府

積分: 17545

31^#

發表於 07-12-11 02:37 |只看該作者

其實你會吾會把負面既情況無限甘放大左? 就算生活艱難﹐ 都未至於生個 BB 等於拉住老公隻手跳樓吧? 拿政府錢個 D 養 2﹐ 3個都系甘拉。

其實好多媽咪都有問過呢個問題﹐ 就系其實你既經濟情況究竟系吾系甘差呀? 如果你地 2 個人都有返工﹐ 2 個人都起碼做左 5﹐ 6 年野﹐ 甘人工當你吾高﹐ 都起碼 1萬一個人拉﹐ 甘 2 個人都 2 萬拉。好多家庭都系搵緊 2 萬架咋窩。。。
既然你同你老公好幸福﹐ 你老公愛惜你 ﹐ 你同距生個 BB﹐ 距一樣都會好錫個小朋友架姐。我覺得如果你系中意小朋友既﹐ 趁仲可以生既時候生返個拉﹐ 吾系到你 40yrs old, 有所謂既經濟基礎既時候﹐ 想生都無就悲哀了。

私人傳訊

蜜棗

子爵府

積分: 11426

睛靈勳章畀面勳章 BK Milk勳章

32^#

發表於 07-12-11 03:19 |只看該作者

樓主~~~其實睇倒你咁為你老公.個心都覺得你真係好愛好愛你老公.但好似???papamama 講咁啦!其實近呢一兩年我先真正體會到呢個問題.我一直都覺得通街都係人,邊會有咁多人不育.但的確莫講話呢度(想生BB)個度!或者其他網站都睇倒好多CASE.係個女人想要但都係每一次每一次失望.而我經歷過兩次小產.宜家又有咗14W!每日都會驚BB會唔要我.失望箇然知係好慘.但失去比失望更難受.我有咗,都好多謝上天.

我同我老公都真係冇咩事,爭人錢就有.但既然有咗.我們會盡力.世間無話用咩嚟厘定養BB係好定唔好.冇話有錢一定好.有錢但冇家庭溫暖都係冇意思.雖然你冇表示過你收入係幾多,但你自己心中都會真真正正計算同埋計劃過.

記得我有咗之後,我同個好好好朋友講,但佢嘅反應都有小小讓我感失望.比佢好話我有咗,又講到我會冇錢養仔咁.(佢係嗰種要有四百萬先肯生bb嘅人....)嗰次我好嬲.因為我今次係第三次有咗,估唔到我咁高興同佢講,佢連恭喜都唔講句.但我嗰刻都平心靜氣咁同佢講:『年紀愈大生,要承受嘅風險就愈大.你嘅角度往往用錢嚟衡量應唔應該生bb,你有冇諗過如果touch wood你生咗一個有唐氏嘅bb出嚟~』我都唔想講到咁.但因為佢嘅說話都hurt倒我.所以我先咁樣去講.但不竟呢個都係一個事實,風險隨年紀增長~~!
樓主,試吓計一計吧!

爆愛車縫作

私人傳訊

雲妮彭

伯爵府

積分: 19437

好媽媽勳章

33^#

發表於 07-12-11 10:33 |只看該作者

講真,唔生育其實唔係咩大件事,大把人選擇唔生.佢地選擇唔生是因為兩公婆傾好左,一致同意唔生.但你既CASE係,你同老公都鐘意BB,只係因為你個人認為"養唔起"同一大堆負面理由而唔想生.可能係你自細既觀念影響吧,可能改變唔到...但你甘樣其實會唔會自私左D呢?
除非你可以說服到老公同意唔生,否則佢一定有遺憾.日後就算唔會有第三者,但佢會帶住遺憾過世囉.除非佢有朝一日諗通左.....又如果你地既感情開始有問題時,又或者吵架時,"無BB"呢個事實一定會加深你地既婚姻裂口.當然,無人要你甘委屈,甘偉大為左你老公,勉強自己生BB....不過你可以嘗試用對老公既"愛"去為佢生,甘樣諗你會舒服D.....
唉,講來講去,生出黎係你地自己養既,我地只係路人甲,一切都係你地自己決定的.

原文章由 Vanessa_818 於 07-12-10 23:30 發表
點解de男人咁衰咁可恨, 佢地自己都無本事, 咩能力都無只係得生育能力, 就夾硬要生. 個女人為個家著想, 唔想大又辛苦細又辛苦, 唔生就係女人既罪過! :-( :-( :-( 仲可以用呢個藉口去拋棄糟糠, 去搵第二個女人生?
...

私人傳訊

yau_grace

子爵府

積分: 14680

34^#

發表於 07-12-11 10:45 |只看該作者

我覺得, 唔好諗住用 bb 黎留住老公, 亦唔係一禮物.
而家, 據你表達, 我覺得你主要都係擔心經濟的問題0者.

今日有錢, 唔代表聽日會有.
今日在生, 亦唔代表聽日仍在.
但, 唔係話因為咁我地就一切變 '灰'. (當然, 你可以咁諗)
另一個層面, 可以叫我地珍惜現在, 努力面對將來.
雨天, 總有機會變晴~

我好同意一句說話: 你的日子如何, 你的力量也必如何!

生左 bb, 你的愛會多左, 你的忍耐力又會多左,
你訓覺的時間好似少左, 但身體又會健康左.
你會自然地自己使少左, 變左 bb 可用的錢又會多左 .........

其實, 可能你地的生活 '質量' 係不變的.
變, 只係你地的心.
(正如有人好鍾意 bb, 有人可以好討厭 bb)

家中多個小朋友, 真係可以開心好多的.
每個人成長, 都有佢地背後的父母的辛勞架~
但, 如果當年佢地父母唔願意付出 , 今日, 又點會有咁多週遭的人? 又或者點會有你同我呢?

一個 bb 的開支, 真係可以好平的.
唔好比 '物質化的生活模式' 影響自己啊~

私人傳訊

charlotteling

男爵府

積分: 9113

35^#

發表於 07-12-11 11:57 |只看該作者

我都想講下, 我都是過來人, 我同我老公都經歷過呢個階段, 生定唔生好. 唔生又好驚會後悔, 生左又會好擔心"錢"的問題, 唔知點教同點養, 或者更後悔.

但有時生小朋友都是一種緣份, 不是你想要就有, 有左你便會有辨法養, 不用擔心太多, 小朋友來到這個世界和你們的家都會帶給我們很多, 如歡樂, 希望, 理想, 目標......

現在我的小朋友, 今年3.5yrs, 現在我從來沒有擔心過, 之前擔心過私問題, 反而現在比以前更樂觀, 開朗, 積極, 生活更愉快和充實

有時不踏出第一步, 又怎知不可以呢 ???

Welcome to Oscar's World

私人傳訊

rean_chau

公爵府

積分: 28591

36^#

發表於 07-12-11 17:19 |只看該作者

早幾年, 我不斷被家人催生bb. 我真係好驚,因為真係計唔掂數,好想儲多兩年錢先. 到左今年九月,我bb終於出世啦!!!先發覺真係太多憂慮啦,諗得太多,早知係咁樣既話,早多兩年生好過啦.所有野係順其自然就得架.
同埋bb出左世之後係駛多左錢係佢身上,但你自己會好自然咁駛少左好多錢.因為每日都要湊bb,你根本唔會有太多時間去行街消費.(其實呢條數先係最襟計丫)
所以直都現在為止,我真係唔覺得係壓力.同埋我地兩公婆都唔係揾得多,加埋岩岩好兩萬.真係平有平養,貴有貴養. 點先叫比最好既野佢--一個快樂的家庭,兩公婆一條心教以身教好下一代, 就係最好!!

私人傳訊

Vanessa_818

男爵府

積分: 8503

37^#

發表於 07-12-11 20:07 |只看該作者

多謝你地呀, 尤其一班過來人媽媽們, 你地真係俾到信心我 :loveliness:
其實我真係一個好容易憂慮既人黎ga, 成日都會將事情想到最差果面. 個天直到宜家為止其實都對我好好 -- 希望下一步, 個天唔好玩鬼我....

私人傳訊

小寶貝兒

珍珠宮

積分: 30295

38^#

發表於 07-12-11 20:20 |只看該作者

我都覺得, 錢唔係養bb最重要的條件, 最重要既係, 你有冇心比一個和諧溫馨既家比佢, 你有冇信心你會用你最大既愛去愛佢?

我細個時, 屋企窮, 得老豆一個人做野, 日做3份工, 阿媽要攞d野返黎做, 但我地一家過得好開心, 冇錢買barbe咩, 咪攞d幾蚊既公仔當係囉! 冇錢買遊戲機咩? 咪用紙皮箱, 再發揮創意, 玩呢d好過玩wii!! 行街驚小朋友累買野? 我媽咪好醒, 一開始講定比我地聽冇錢, 睇埋銀包得100, 細路仔有返咁上下會識諗, 行下睇下野已經好開心, 其實根本唔須要真係買到玩具, 最重要係一家人去行街睇野, 相處果種氣氛已經好開心!! (到最後去左食野, 我地仲擔心冇錢找數點算, 後尾原來我媽咪同我地開玩笑, 收埋500蚊係褲袋!

)其實我地都係一個月先會去行一次百貨公司, 平時去玩都係去沙灘, 去公園, 去行山, 全部都係免費!
讀書時想學d咩興趣班, 一係跟學校d課外活動, 一係去仁愛堂學d平既活動~ 都一樣咁開心, 唔洗下下上d幾百蚊堂既活動先會開心既!!

而家, 我結左婚2年, 今年27, 從婚後開始我就冇避孕, 我同老公都好想好想要bb, 呢2年剩係睇醫生搵出問題已經洗左成萬幾蚊!!

當然啦, 我只係路人, 你既決定如何同我冇乜關係, 但我覺得, 既然你2公婆都鐘意小朋友, 點解要用錢限制住自己呢? (尤其是果個400萬廣告, 真係害人不淺!! 如果要儲夠400萬先可以生, 我同老公唔食唔洗, 賣埋層樓都仲要儲廿年先夠, 到時我都47啦, 仲生乜鬼丫!!)

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

hk08348

複式洋房

積分: 194

39^#

發表於 07-12-11 20:39 |只看該作者

原文章由 Vanessa_818 於 07-12-11 08:07 PM 發表
多謝你地呀, 尤其一班過來人媽媽們, 你地真係俾到信心我 :loveliness:
其實我真係一個好容易憂慮既人黎ga, 成日都會將事情想到最差果面. 個天直到宜家為止其實都對我好好 -- 希望下一步, 個天唔好玩鬼我.... ...

個天第日點對你, 無人會知, 正如我地都唔知自己會點架!
最緊要你地兩公婆一條心, 教好個寶寶,
成個家庭....溫暖晒!

我驚你第日爭住湊, 唔肯比你老公抱添呀!