hikiko999 發表於 14-7-27 05:52 
回覆 ellie79 的帖子
我好鍾意小朋友 (人地嘅)
其實係OK嘅，我得大仔時，我兩公婆都可以有私人時間，
當然平日我返工有我媽幫手湊，我放心好多，一早老公未夠6點出車，
我同仔仔就去我媽度，餵完我仔食完早餐，我去返工，一放工就湊番佢，
我地都算hand on，我仔半人奶，所以老公可以幫手餵B，
係有咗個女至煩D，因為個女全人奶，痴身到爆，連我老公都唔跟，
去邊我都同佢連體嬰咁，但我女好好玩，好sweet，而家都仲係好痴我。
我朋友case係大仔乖到暈，食飽瞓瞓飽食，係人都可以抱，
一上車就瞓，咁佢覺得自己如果湊兩個都應該冇問題，
點知個女完全係一個惡夢嘅開始，佢完全唔可以假手於人，
因為佢係會暴喊，唔係講笑，喊足五六個鐘，中間只有約15分鐘係瞓咗，
仲要係不停推架BB車兜圈，一停就醒，認人認車認carseat認被認屋企....
一次同佢出街冇人再敢約佢，仲要照顧個大仔，我朋友簡直幾乎顛，
點知意外有咗第三個，一樣好似第二個女咁痴身，但冇佢咁麻煩，
而家湊三個更加邊度都唔駛去，好唔好彩佢地兩公婆父母都唔喺身邊，
所以真係焗住頂硬上，計完數點都係自己湊化算，所以有時睇你好唔好彩，
生著個仔女係好湊定唔好湊，我朋友講如果唔係大仔咁mellow咁easy going，
佢一定唔再生第二個，點知人算不如天算，咩都整定。
花旗太太生活在花旗國，留意時差，你問我未必即時答到。
發表於 
返回列表
