吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唔夠二星期又吵野

夫婦情感今日: 2|主題: 42773

收藏本版

發帖

返回列表

跳至頁

樓主: jaodhan26

唔夠二星期又吵野 [複製鏈接]

123

小manman

翡翠宮

積分: 86449

21^#

發表於 14-8-26 16:13 |只看該作者

引用：回覆小manman 的帖子我真的好同意你講的！

原帖由 maomamapapa 於 14-08-26 發表
回覆小manman 的帖子

我真的好同意你講的！我老公又是一個99寵壞的細佬，我現在懷孕八個多月，冷戰五天， ...

係，我曾經都好後悔點解要結婚，點解要同呢個男人生bb，我都覺得佢帶比我好大壓力，我都曾經覺得佢唔係屋企，我有一身鬆哂的感覺，我都想過無數次離婚，但直至對上個次我趕左佢走，我唔比佢返黎，個2星期我竟然只得頭2日有自由自在的感覺，但到左第3日我開始覺得有少少唔慣，唔慣在無人幫我煲水、攞高的野、換燈膽、買餸、買日用品……，由於我湊住小朋友，好少落街買野，所以買餸、買日用品、買bb的奶粉、尿片……都係我老公一手包辦，無左佢，我用完的野無人幫我買，而且佢走左之後都有問我夠唔夠錢用，都有問阿b點，有返黎陪阿b去健康院，到我下左啖氣之後，我竟然又覺得佢好似唔係差都要我同佢離婚的地步，每次鬧交其實佢都無真真正正鬧過我，更無講難聽、侮辱的說話，更加唔會講粗口同對我動手，同埋我有少少掛住佢，咁即係我應該仲愛佢吧！！

私人傳訊

小manman

翡翠宮

積分: 86449

22^#

發表於 14-8-26 16:22 |只看該作者

回覆：唔夠二星期又吵野

不過，我對付我老公呢種自我中心的人時，我唯有用「以其人之道還自其人之身」的方法，我用左呢個方法之後，佢就開始察覺同醒覺到自己的問題～

如：佢有野要買，唔方便帶埋個女去，於是我就留係屋企湊女，佢就自己1個去買，返黎佢會表現好累好累，就咁擺低買的野，自己就入房休息，我好似老馮要幫佢執手尾，相反我出街買野，返黎佢又覺得自己係屋企湊女好累，想第一時間比番個女我湊番，我好似係唔需求休息咁，於是我同佢講「點解你出完街返黎就好累，我出完街就唔會累??點解你係匯企湊女就好累，我係匯企湊以就唔累??你有無發覺無論你做乜野都總覺得自己係最辛苦果個，而我做番同你一樣的野時，你就唔會覺得我辛苦同累，點解呢??」佢答我唔到囉！！

點評

rachel_ching Good 發表於 14-9-5 21:08

fifihon Good! 發表於 14-9-1 17:47

私人傳訊

小manman

翡翠宮

積分: 86449

23^#

發表於 14-8-26 16:29 |只看該作者

回覆：唔夠二星期又吵野

於是，我同佢講「我買完野返黎，無論我幾累，我麵會即時執好自己買的野，如何我好似你咁，就咁擺係度唔執，你會點??你一定會話我喇，咁點解你唔執就好似理所當然咁，我唔執就係我唔啱呢??」

自此，佢買完野返黎，我都要佢擺好自己的野休息，唔可以就咁擺係度，試過我話佢，佢話佢好累遲d執，咁的情況我會攞哂d野擺係佢電腦枱同椅上，佢要用電腦就一定要執好自己的野，佢試過話我做乜唔順手幫佢執，我話我唔得閒/唔知佢d野擺邊……近期我直頭唔再搵藉口，直接同佢講點解我要幫佢執??點解你唔自己執，你會累我夠會累喇，不如你幫我執埋我的野喇，我都想休息下，而且，我係要訓練你有手尾，自己的事自己做，我要湊女好忙，唔得閒好似以前咁幫你～

私人傳訊

bonbon_eis

大宅

積分: 1486

24^#

發表於 14-8-26 17:20 |只看該作者

我用嘅方法同小manman好似, 我亦都會同老公講要有手尾, 做個好傍樣俾阿仔, 為咗阿仔, 佢都作出改變.......不過對男人真係要D耐性....

私人傳訊

maomamapapa

複式洋房

積分: 118

25^#

發表於 14-8-26 17:46 |只看該作者

回覆小manman 的帖子

真係好多謝你的分享，有時我會回想拍拖，求婚，結婚。。。的日子，一路走來都係緣分，只是，總是覺得開心越來越少，傷心越來越多，或者，是因為兩個人走得太近，越來越多看到對方的缺點，越來越放任自己的缺點，才會覺得相處的日子越來越難。氣頭上時，我會關閉自己不理他，嘗試去適應返一個人的生活，不停告訴自己要快樂，要獨立，但是，心情卻怎麽都不夠靚，還會一整天都低效率返工做事。

不過我覺得你的方法真是好好，引導他去體驗你的辛苦，設身處地的試過，矛盾自然減少，我也應該想想，如何去做。婚姻真是一個好複雜的事情，我相信有好多couple都在經歷這樣的階段，或許並不是大家的感情不好了，而是還未懂得去經營一個家庭。

私人傳訊

小manman

翡翠宮

積分: 86449

26^#

發表於 14-8-26 17:46 |只看該作者

引用：我用嘅方法同小manman好似, 我亦都會同老公

原帖由 bonbon_eis 於 14-08-26 發表
我用嘅方法同小manman好似, 我亦都會同老公講要有手尾, 做個好傍樣俾阿仔, 為咗阿仔, 佢都作出改變....... ...

我覺得唔係要d耐性，係要好大的耐性，仲難教過小朋友～

坦白講，如果我老公唔係擺出一副事事老馮的姿態，我都唔會咁唔妥佢，幫佢做左咁多野，唔該一聲都無，佢肯賣下口乖，講句「唔該哂，辛苦老婆」，我都會好樂意幫佢做，但我老公就係唔識做呢門面野，覺得一家人唔使講客氣說話，但我覺得唔該係基本禮貌，難度一家人就唔使講禮貌嗎??

而且，佢係比阿媽寵到，覺得人地幫佢對佢好係理所當然既，唔幫佢就係我唔啱，但佢呢??幫左少少就講到自己幫左好多咁～

私人傳訊

小manman

翡翠宮

積分: 86449

27^#

發表於 14-8-26 17:53 |只看該作者

引用：回覆小manman 的帖子真係好多謝你的分享，

原帖由 maomamapapa 於 14-08-26 發表
回覆小manman 的帖子

真係好多謝你的分享，有時我會回想拍拖，求婚，結婚。。。的日子，一路走來都係緣分 ...

我老公仲係一個唔會檢討自己的人，永遠覺得問題係人地度～

我試過比佢做番同我一樣做緊的野，佢做時遇到困難，佢唔會覺得「我做一次都咁辛苦，難為我老婆日日做，原來佢好辛苦呢！！」，佢反而係埋怨，埋怨我做乜要佢做，如果我唔係要佢做，佢就唔會咁辛苦，我當時真係omg，呢個究竟係乜野人黎架??

我老公簡直唔可以用常理去對佢，所以我用過好多好多唔同的方法，結果我係要乜都講出口，我要話「係囉，你做一日都覺辛苦，難為我日日做都未有呻過半句，你仲好意思講??你有覺得我辛苦嗎??或者你做得唔夠，做多d做慣左就唔覺辛苦架喇！！」

私人傳訊

ac320

男爵府

積分: 7324

育兒性格勳章

28^#

發表於 14-8-26 18:03 |只看該作者

ISABELKWOK 發表於 14-8-26 11:20
但多口一講, 妳2個已經存在左解決不了既問題, 為何仲要帶多個小生命到此家, 咁樣係未對大家都唔係一件好事 ...

Agree

私人傳訊

小manman

翡翠宮

積分: 86449

29^#

發表於 14-8-26 18:06 |只看該作者

回覆：唔夠二星期又吵野

好似我地之前，成日為左湊女問題吵架，佢幫手少批評多，成日唔認同我的教法，但又無好的建議同方法，重點係佢自己都搞唔掂，又唔諗辦法，又唔睇育兒資訊，我唔知佢憑乜野批評我，佢成日話我對個女惡，但佢明知係自己個女唔乖，我先會惡，咁點解佢唔係話個女唔乖激親媽媽，反而走黎話我呢??

到佢睇個女時，其實佢自己都係不停咁鬧，我終於忍唔住同佢講「你呢d係咪叫識話人唔識話自己呀??我係廚房整餸咁耐，我就聽到你鬧咁耐，咁你知個女幾唔乖喇，你知點解我平時一日湊佢，有時會咁惡喇，佢周圍搞野的原因係你都無陪佢玩，無陪佢傾偈，你有你玩手機，咁佢悶咪搞野囉」，佢話佢有睇住個女，我話「係囉，淨係用對眼睇住囉，咁你有無陪佢睇圖書??有無講故事比佢聽??有無陪佢唱下歌仔??玩下玩具……??」

私人傳訊

selinako^^

珊瑚宮

積分: 100602

2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章親子王國15週年勳章

30^#

發表於 14-8-26 19:08 |只看該作者

jaodhan26 發表於 14-8-26 01:57
我之前同另一半冷戰左二個月（個時已經話要分開）。但我又唔想二個小朋友咁細就冇左完整既家庭（一個2y。一 ...

我之前同另一半冷戰左二個月（個時已經話要分開）。但我又唔想二個小朋友咁細就冇左完整既家庭（一個2y。一個係肚入面6個月）。但好番唔夠三個星期。佢為左今晚一餐飯冇佢想食既野，而同的嘈。佢五點幾先話想食咩，我去到街市已經冇晒豬肉賣。咁我可以點。又錯呀。

點解係另一半, 唔係C6 既

私人傳訊

karz

子爵府

積分: 10318

畀面勳章 BK Milk勳章 hashtag影視迷勳章

31^#

發表於 14-8-26 19:56 |只看該作者

回覆：唔夠二星期又吵野

不如分開下la，我e+係你老公個個角色，我真係好5想見到佢，所以無理取鬧，我唸你有心理準備

私人傳訊

AKI_hisashi

男爵府

積分: 6101

32^#

發表於 14-8-26 21:59 |只看該作者

回覆：唔夠二星期又吵野

點解唔去超市?

私人傳訊

wahiuma

翡翠宮

積分: 94880

33^#

發表於 14-8-27 17:15 |只看該作者

renewdanny 發表於 14-8-26 15:23
係LU, 有冇同佢事先講左買唔到呢.

可以同佢講下次早D打電話返嚟，有時買送嘅嘢唔係咁容易買到

私人傳訊

jaodhan26

複式洋房

積分: 355

34^#

發表於 14-8-31 22:50 |只看該作者

其實，我地2個鬧。通常都係為教仔方法唔一樣.同有時大家諗既野睇既野方法都唔同。佢永遠都覺得佢自己諗既野係啱。我既係錯。但我覺得冇啱同錯只係睇你用咩方式去睇。我同佢性格都好似。二個都好硬頸。同好易就比對方激嬲。發脾氣。就會變鬧交。有邊個家庭係唔鬧交架。唔緊張唔在乎就唔會鬧交。雖然，我肚入面有bb女。有個2y仔仔。我肯去維持大家關係。重點唔係因為有2個小朋友。而係我唔想因為我二個都係硬頸而攪到大家唔開心。我讓步唔代表我覺得自己有錯。而係我珍惜大家既關係。我成日都覺得。如果二個大人係唔開心。就算為左2個小朋友而一齊。2個小朋友都唔會開心成長。