吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 售後租回原本單位, 可唔可行呀!

樓市動向今日: 0|主題: 74585

收藏本版

發帖

返回列表

跳至頁

樓主: YnnMa

售後租回原本單位, 可唔可行呀! [複製鏈接]

yau2012

大宅

積分: 2197

21^#

發表於 08-2-4 00:42 |只看該作者

原文章由 HHCC 於 08-2-3 10:07 發表

之前我朋友買樓, 個業主之後都想租多三個月比佢搵樓搬. 但我朋友問過律師意見, 個律師話千其唔好, 因為佢唔係交吉比你, 到時你收番間咩屋都唔知, 有咩問題都無得追究. 所以就拒絕左.

不過而家係業主大哂, 你係 ...

:D 的確係對新買家不利,尤其遇到d立心不良既人

,不過我都有同佢簽返份臨約,但係佢就冇咗驗樓既程序,其實驗樓都係冇セ大用,如果有d小問題都係照成交,通常舊業主對間屋都有d感情,唔會專登破壞既:-P ;依家租管條例下,業主要收樓都易好多:mrgreen: ......
至於鋤價方面,根本無問題

,依家旺市,d買家好就業主,再者,佢唔肯咪next囉,我當時都有2個買家同價,我冇要求佢哋價高者得,但要附加呢個條件,邊個肯就賣比邊個:)
我本身唔介意賣比投資者,因為任何投資都有風險,佢認為有水位咪等佢賺囉,我認為自己個價滿意就ok:loveliness: ,不過我唔會賣比公司,好多用空殼公司做買賣既,輸打贏要,法律上係無問題,但我就覺得好無品又無道義

,如果業主係換樓客,一買一賣比佢甩底,資金唔够就會比佢害死,好冇良心

私人傳訊

YnnMa

大宅

積分: 4688

22^#

發表於 08-2-4 15:19 |只看該作者

Yau2012,

個度係南區既海怡半島。賣價升得快, 但d 租都係12-14K全包左右。

咁如果咁講, 我個FRIEND佢賣比個長線投資客, 而又肯租返比佢, 咁即係賣家有著數?
對賣家來說, 有無乜野地方要留意呀?

私人傳訊

yau2012

大宅

積分: 2197

23^#

發表於 08-2-5 01:45 |只看該作者

:lol: 只要合約訂明係以"不交吉"形式出售就冇セ特別要注意嫁啦!
正常新買家係用家就未必肯,因可能影響上會:tongue: ,但若係投資者應冇問題:) ;多謝你的資料,因我正睇緊租盤,所以先有此一問:-P

私人傳訊

YnnMa

大宅

積分: 4688

24^#

發表於 08-2-5 09:07 |只看該作者

但若果訂明係”不交吉” 咁會唔會到時租完, 個新買家會話間屋有乜野乜野唔妥, 會搞到d 法律問題。
還是會唔會可以收樓(交易完成)前, 請個新買家上來驗收, 不過只係間屋唔係吉屋! 跟住ok的話, 我個friend就繼續係度住。

私人傳訊

yau2012

大宅

積分: 2197

25^#

發表於 08-2-5 14:09 |只看該作者

原文章由 YnnMa 於 08-2-5 09:07 發表
但若果訂明係”不交吉” 咁會唔會到時租完, 個新買家會話間屋有乜野乜野唔妥, 會搞到d 法律問題。
還是會唔會可以收樓(交易完成)前, 請個新買家上來驗收, 不過只係間屋唔係吉屋! 跟住ok的話, 我個friend就繼續係度住 ...

:D 佢鍾意既話當然比佢驗,不過係假如你租完搬吉之後發現有唔妥,佢又可以點

?都完成晒交易咯!你朋友既身份只係租客

......
我同新買家都好求其

,因我會自付差管,所以數都冇對,我繼續比到搬,佢亦冇收我上期垵金,我亦一次過比3個月租佢,費事煩,臨走先一次過計,多除少補,佢重唔駛我通知期tim:loveliness: ......
呢個交易其實對買家比較蝕底,不過只要你朋友唔好立壞心,公公道道,咁都冇問題既

,好似今次個懶地產,d電器都淨係寫牌子,我要騙佢的話,淨係換咗個雪櫃都成2萬蚊啦!但做人要對得住良心,己所不欲,勿施於人,千祈唔好為少少錢出賣自己人格呀:-P

私人傳訊

bbdou

男爵府

積分: 8493

26^#

發表於 08-2-5 19:33 |只看該作者

呢個問題我自己遇到過，不過最後我都冇租返個單位。根據我律師所講，個單位係交易完成之前，買家仍未係單位的業主，因此在交易完成之前佢都冇資格去簽任何租約將個單位租俾人，所以當時我律師叫買家準備一份agreement to lease的文件，內容係話係個單位交易完成的條件之下，將個單位由幾時開始以乜野條件租返俾我，但係呢份文件一定要係簽訂正式買賣合約之前由買賣雙方簽妥，因為一但簽左正式買賣合約，個單位就屬於必買必賣，買賣雙方都冇權再做任何野。

如果買家唔可以係簽訂正式買賣合約之前備妥agreement to lease，咁對於賣家租返個單位就冇任何保障，到時成交後佢唔租返俾賣家，個賣家都冇符。我就係因為個買家整唔切份文件，所以我至放棄租返個單位。

私人傳訊

yau2012

大宅

積分: 2197

27^#

發表於 08-2-6 00:34 |只看該作者

原文章由 bbdou 於 08-2-5 19:33 發表
呢個問題我自己遇到過，不過最後我都冇租返個單位。根據我律師所講，個單位係交易完成之前，買家仍未係單位的業主，因此在交易完成之前佢都冇資格去簽任何租約將個單位租俾人，所以當時我律師叫買家準備一份agreement to lease ...

:D 謝謝你的指導!
想多請教若將呢個附帶條款加喺臨約度,咁律師喺做正式買賣合約時可否加埋落去面無須另出呢份agreement呢

?又或者將份租約簽訂日期定為正式交易日的翌日又是否可行呢

?純粹好奇,如方便請指教

,唔該!
YnnMa,
唔好意思,我只係將自己經驗講出嚟,好彩bbdou提醒,唔係累咗你朋友就弊啦!請勿見怪

私人傳訊

bbdou

男爵府

積分: 8493

28^#

發表於 08-2-6 14:13 |只看該作者

唔好話指導，我自己都唔識，係律師同我講咩，我咪講返出來囉!
至於你話若將呢個附帶條款加喺臨約度,咁律師喺做正式買賣合約時可否加埋落去面無須另出呢份agreement呢個方法，我唔係好清楚，因為我當時係簽完臨約至提出想租返個單位，中間同買家傾租金又傾左一輪，到雙方協議好至叫佢律師做野，然後個買家又唔係好想做份agreement to lease，一味叫我信佢，搞左好耐最後都係冇做到。至於話將份租約簽訂日期定為正式交易日的翌日又是否可行，我諗係唔可行，如果唔係我律師叫左我咁做啦。我記得當時地產都有向我地建議咁樣做，佢話佢地做好多都係咁樣，但係律師話因為買賣交易完成之前，買家冇資格簽租約將單位租俾我，所以即使將租約post date到交易日翌日，份租約都係冇效的。其實post date租約到交易日翌日即係等於佢係交易日翌日至簽份租約，一樣係對賣家租返個單位冇保障。