fiona, 小 b 大食, 係值得開心的事啊, 我地好多媽咪為左小 b 無胃口、唔食奶, 不知幾傷神、又傷心! 你泵到 2-4 安係勁0力! 我果陣當個胸係「窄汁機」, 逐滴擠, 都只係擠到 1-2 安0乍!
你做得好0岩, 每餐先埋身 (一邊), 埋身食清曬小 b 仲喊就補奶粉, 下餐就埋身另一邊, 食完唔喊就由佢, 喊就補奶粉。最緊要係每次食清後, bb肯的話, 由佢再啜多10-15min, 咁你應該會再有一次 let down, 就算無, 身體都會接收到「仍然未夠」的訊息, 下次就會造多些奶。如果bb 無奶就唔肯啜, 咁, 你就叫老公/家人幫你補奶粉先, 你自己就用泵再泵下無曬奶果邊, 目的一樣, 就係話俾身體知「bb唔夠食」。
慢慢, 身體就會造更多奶, bb埋身就會越食得飽, 咁, 你就會發現你補的奶粉 bb 慢慢會越食越少, 即係話, 你的人奶開始夠 bb 食。再慢慢, 就可以唔駛補奶粉0架啦!!
唔好心急, 俾一個目標自己, 譬如話, 「餵人奶到滿月」, 咁, 到左 bb 滿月, 你又再衡量一下仲餵唔餵, 如果餵, 又再定一個目標, 譬如話, 「餵人奶到bb一百日大」。咁樣一個一個短期目標去睇, 就可以無咁辛苦0架啦~ 又或者, 響日曆度 tick, 每成功堅持 5 日就送一份小禮物俾自己, 獎勵一下自己~
總之, 加油啊, 有咩就上黎呻, 我地支持你0架!!!!!!!
原文章由 fionakwok 於 08-2-29 20:57 發表 
我小b今天剛好 2weeks. 開刀之後在e院幾天都有埋身, 但啜 10 mins (每邊) 之後補奶. 回 home 後都係埋身唔夠 10次. 初初流血, 所以休息了 2天. 這兩天都開始 pump 了. 試過有近 4oz, 但這兩天每次只有 2~3oz (兩邊加埋), 是否不正常呢? 小b好大食, 已經要食近 4oz 才停, 我一直邊人奶邊補奶. 是否不好呢?
人人都話人奶好. 但係好磨人, 冇奶好 down, 好似對唔住小b gum. 點解人地得我唔得. 我本身有 depression, 好辛苦, 唔知點算. 開始怕抱小b, 咩都唔想做... 抱佢時一d開心的 feeling 都冇....:cry: 究竟我可以點做.
@ 如果有錢有社會地位先至會被人喜愛，呢個世界就太可悲了 @
發表於 
返回列表
