hello, cathy
我好少過黎呢面睇, 因為最近都係睇樓市動向呀...咁, 因無地方住, 要搵地方 + 搵傢俬(平 or 免費的).....
我廢話少講喇....
我睇完兩頁, 覺得你好左好多, 恭喜晒, 但真係要上多d黎, 呢度真係有好多好媽咪會支持你.
講真, 生完BB都真係幾大壓力, 情緒又唔穩定, 加上生完既荷爾蒙變化, 都真係唔得了, 我果陣係人都炳(主要係工人受多)....又要揍仔, 又要返工, 我既情緒都要好耐先好番DD(雖然唔叫有產後抑鬱), 不過我老公就話我好恐怖. 而家囝囝又開始大喇, 又開始曳喇(其實唔係真係曳, 係佢仲學緊表達 + 適應世界), 我都好憫, 所以你都要有心理準備呀, 有咩都好, 上黎呢度.
至於財政方面, 你地都係未有好好既計劃就有左囡囡, 一時唔知點唶. 我唔太清楚你地要還幾多錢又或者本身搵幾多, 所以都比唔到意見你, 不過我睇得出, 你兩個都好好, 肯負責任, 又想比囡囡好既家庭生活, 你地努力得喇, 大家有傾有講, 記住男女大不同, 唔好迫大家, 最緊要好好計劃將來, 為你, 為他, 為囡囡, ok.
有一點係好重要既......係開源節流, 開源我都唔係好掂(我都想), 但節流呢, 我就有我一套.....我買野, 會問自己好多次, 呢樣野係咩黎既, 我係咪真係需要, 係必需品, 我先買, 唔係我唔買....因為唔係真正既必需品, 你唔買唔買, 最後唔買又會無乜野既, 就係咁, 我買少好多野, 好水成屋都係野又唔用, 幾好架.
我都唔知我講咩, 不過呢d係我既感受, 希望你唔好介意我咁多野講, 祝你一家幸福快樂.
記住
~ 開心唔係錢可以買到
~ 小朋友既快樂, 一定唔係用錢買既
請大家留意, 曾經有人係facebook開左我係bk個名既 a/c (Nopan Ma), 當然人人都可以叫nopan, 但此人仲偷埋我囡囡bk張相開fb, 有問題, 大家小心
發表於 
傾點解會欠下一屁股債定係傾日後錢銀既安排先
攞黎傾盞佢覺得你數佢多d囉
返回列表
