Baby Kingdom - 親子王國 香港 討論區 › 首頁 › 夫婦情感› 你地會選擇離婚嗎？

夫婦情感

收藏本版
發帖
返回列表
跳至頁

首頁
12

尾頁
   0
~仔仔媽咪~


水晶宮

積分: 51912


21#
發表於 08-3-22 02:31 |只看該作者
係啦,你會唔會前科令到佢對你咁無安全感呀???如果係,呢d好惡搞喎!

如果你無前科係佢根本本身係咁既款,呢d人無得改架喇!講真,所有男人都會對在職既女友/老婆會有少少無安全感,但去到咁嚴重,又check你d野,又兇你,我覺得唔可以咁囉!

你係行錯咗第一步,唔應該專登開個email專for男同事,比着任何人都覺你有野啦!莫講話係老公...之後你老公審你,你又認低威求佢原諒,呢個更加錯啦!一黎正如其他媽咪所講,你變相响你老公面前食左呢隻死貓,二黎,佢發癲啫,佢憑咩要你好似隻死狗咁求佢仲要好似玩你咁要求你去檢討???係我實執野走!都唔會縱容呢條友仔响樹發癲!咁唔信個老婆咪唔好要囉!咁佢娶你黎做乜呢?

我老友以前有個男友同你老公一樣咁惡,可能仲嚴重,因為我老友呢個ex仲係係咁响我老友面前數臭哂我老友身邊所有朋友,叫我老友唔好再同我地來往,結果我老友有次俾呢條茂利打爆個咀!結果分咗手...到我老友識咗另一個男友時,呢條茂利又黎求復合,我老友有d迷惘,竟然同我講:"佢係大男人咗d,只不過佢好鍚我好識得照顧我喎!" 頂!!!咁佢下次又再打你又點先...我同我老友講:"你要諗吓,你再要番呢條友,你呢世就無哂朋友,因為俾佢趕走哂囉!"結果我老友都無再食回頭草!

唔知你明唔明我講咩呢...你要諗清楚大家既關係係點囉!如果下下因為你出面識既有男性而搞到佢成日發癲,你又搞唔掂你老公呢個特性,你擺平咗呢一鑊,唔代表以後一天都光哂囉!佢只會索性將呢單野當成係真,覺得你有負過佢,佢至係受害人,咁你點同佢相處呢.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy