吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 生左一定要人陪?

婆媳關係今日: 0|主題: 27778

收藏本版

發帖

返回列表

跳至頁

樓主: phoebie

生左一定要人陪? [複製鏈接]

gucci_ha

子爵府

積分: 10098

好媽媽勳章醒目開學勳章

21^#

發表於 08-3-22 03:05 |只看該作者

我又唔覺自己坐月有咩問題wo...

私人傳訊

ching070707

公爵府

積分: 29915

認識瑞士牛牛第三回

22^#

發表於 08-3-22 12:03 |只看該作者

樓主:坐月唔係你諗得咁簡單架...不單只平常初生bb起居飲食啦...你重要考慮你自己情緒...
我個時喂人奶架及阿b有黃.出院都要返佢照燈..第3日到啦..阿b成日喊,,我攪佢唔掂,,老爺又被說話我聽...個時我抱住阿b喊埋一份...好再99個時行幫我手..唔係我會自殺...
重有呀..你本身身體已經唔好...再加上坐月都唔好...第時邊個會可憐你呀...
我同你一樣...阿b黎緊九月會出世..我大女個時得14個月..99一定好辛苦..我會請多個人幫手囉...

有人幫下手搭頭搭尾...都係一個月...忍下啦

私人傳訊

anita_yps

侯爵府

積分: 23771

2024年龍年勳章 BK Milk勳章畀面勳章

23^#

發表於 08-3-22 14:07 |只看該作者

布人幫坐月好好多, 生完盡量唔好沾水, 我生完成半個月先敢用薑水沖涼, 講起都覺得自己污joe。而且我真係一d家務同煮食都冇做過, 連洗奶樽都係我阿爸同我洗, 因為我返左去mami 度坐月。

未生前梗係覺得好易過, 冇問題啦, 要事乎返你生果時個傷口大唔大, 生完個傷口有冇發炎先。我果時連左廿幾3十針, 又發炎, 所以生完真係好辛苦, 好彩有人幫下, 當然有d人生既過程又快, 傷口又唔深, 基本上係頭一2日辛苦d, 不過果時係都係e院未出院啦, 到出左院已經回復返d, 自己一個坐月當然冇問題啦。

仲有, 你話你身體唔太好, 坐月回復未必有人地咁快, 有人幫下, 頭一星期有人幫煮俾你食, 做家務, 幫手餵奶, 真係好好架。

私人傳訊

siusum

伯爵府

積分: 15132

好媽媽勳章醒目開學勳章

24^#

發表於 08-3-27 17:10 |只看該作者

我係自己坐月架...
不過老公好肯幫手, 會係返工前幫我準備定早午餐, 放左工又會幫手湊bb同差唔多做晒所有拖地吸塵嗰d較粗重的家務..., 99都會久不久煮d野食過黎 (魚湯, , 除左帶bb去健康院我真係差唔多成個月冇出過街, 但有掂水, 一出院已經用花灑沖涼, 仲係99面前斷正...
自己一個一定會辛苦d, 唯有bb瞓自已又瞓咁爭取時間休息, 又唔會話搞唔掂

好唔好叫姑奶陪您坐月好視乎佢同您的關係同佢會唔會follow您湊bb個方法...或者講明佢淨係負責您的飲食同幫手做家務, 您主力湊bb咁...

私人傳訊

8C9

大宅

積分: 1078

25^#

發表於 08-3-27 18:02 |只看該作者

其實真係好多你預計唔到既野, 好似bb 會黃啦, 洗臍帶有問題啦(我個時試過), 早產b要留院啦, 自己瞓唔到啦.... 冇事冇幹都唔容易, 有d預計唔到既野時, 真係會好論盡, 到時你先搵又驚搵唔切. 所以而家計劃好個心會定d.

私人傳訊

bebee0526

大宅

積分: 2817

26^#

發表於 08-3-28 09:36 |只看該作者

我都係自己坐月,當時本來我姨媽來幫我坐月ge,點知坐左3日,佢話有份工請佢,所以唔可以幫我,之後咪我一個人搞掂...
係真係好辛苦好攰...
後來c6個老母自己話要過黎煮晚飯比我地,我已經話唔洗,佢又係要上黎,由佢上黎之後,我ge惡夢就開始....
係我難得有少少時間可以訓一陣時,佢永遠都會帶埋一班我完全唔識ge人上黎,都算,仲要叫c6叫我起身去招呼佢地,上黎搞到間屋污jo晒,佢就拍拍個pat走,咪又係要我汁!
好啦,到夜晚,原來,係佢地成家總動員來晒我地度食,仲要係咁食煙...d碗又要我洗,搞到...我都冇眼睇
總之,佢地黎"話"幫手,我仲辛苦過自己坐....仲要受佢地d冷言冷語
我真係寧願佢地唔黎好過黎
所以...辛苦d都係咁話,我寧願自己坐月...
果一個月係我同c6結婚後最辛苦果個月
佢地成家人搞到我有產後抑鬱,有自殺傾向..睇醫生睇左幾個月先好番d.......
唉...............
惡夢...

<b><font color="orange">我的腥架

私人傳訊

OneOneMa

大宅

積分: 1038

27^#

發表於 08-3-28 13:51 |只看該作者

我坐月就有媽咪黎幫我, 佢每日中午過黎煮飯我食, 幫亞B沖涼, 然後響廚房整野, 燉野俾我, 同埋預備定夜晚嗰餐, 我只要洗米再將D餸放入去就得。
如果你老公可以夜晚買定兩日餸返黎就最好啦, 預備定你第二日洗小小米就 OK, 只係要自己幫BB沖涼囉, 打掃方面, 你可以做簡單的, 粗重就唔好勒, 等佢返黎先做, 盡量同BB一齊休息。
如果唔得的話, 咪請個家務助理(或者叫亞媽)一星期黎兩至三日幫你手打掃同埋買定幾日餸俾你。
有時D野真係易請難送, 自己亞媽由細對到大都會有唔順眼的事啦, 更何況係親戚? 到時炒野就大煲... 奶奶有得你門匙你就唔好諗住佢日後唔會自己上黎囉, 到時你喊都冇謂。

私人傳訊

clintonma

別墅

積分: 652

28^#

發表於 08-3-28 15:32 |只看該作者

新手MAMI有人陪好D, 因為真係會LER HEA..

私人傳訊

tanton3399

大宅

積分: 1008

29^#

發表於 08-3-28 17:00 |只看該作者

唔係得唔得, 一定得, 辛苦囉

. 生完身體好虚弱, 仲要落街買野,煮飯俾自己, 又要同BB沖涼, 換片, 餵奶, 洗衫, 熨衫, 洗烚奶樽.... 我唔敢試. 身體個種虚弱, 係你未試過亦係唔明顯既, 因為你行得食得. 但係我陪月幫我日日煲湯, 食薑飯, 薑醋, 飲雞酒, 一星期三至四次進補, 如是者成個幾月, 我都無熱氣跡象, 可想而知個身體幾虚. 吹風, 沾水, 唔夠訓, 發脾氣, 對自己身體都唔好. 所以我唔會博, 自己身體好都係對呀B好既表現, 因為我希望陪佢經歷好多野. 所以我唔會係個個月自己頂, 亦唔會搵氣黎受.