吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 大家可能都有一日做奶奶或者叫外母

婆媳關係今日: 0|主題: 27778

收藏本版

發帖

返回列表

跳至頁

樓主: kwongmong

大家可能都有一日做奶奶或者叫外母 [複製鏈接]

123 4 5...8

pauline6

大宅

積分: 1904

好媽媽勳章

21^#

發表於 08-3-29 00:19 |只看該作者

同意 point 1 & 2, 我都唔會有婆媳問題,
因為我唔會同99住同埋俾99湊bb....

原文章由 路過的貓 於 08-3-28 17:10 發表
其實我都好有呢d感覺…

1. 有d人同奶奶一齊住，話奶奶點點點…我心諗…如果你奉子，暫時住住先，ok，我理解，但係有d係結婚前明知要一齊住，都仲結婚，結o左婚鬧奶奶...

2. 帶小朋友，我又好好奇，如果你有能力，咪請工人，如果無錢俾奶奶…你應該仲無權出聲喎。如果你覺得你媽帶小朋友好d，你可以俾佢帶o架。個仔/女你o架嘛。

私人傳訊

路過的貓

民房

積分: 20

22^#

發表於 08-3-29 01:26 |只看該作者

我今朝其實都想開個topic，打o左一大段，最後都係無post。所以見到樓主，忍唔住回應。

我都估到有人會話「上o黎呻下唔得咩！」問題係，有d topic(未必指你地果d)，講到又話想奶奶死，又話想奶奶點，奶奶係你長輩呀，我阿媽日哦夜哦朝哦晚哦，我都要頂啦，鬼叫我係幼輩？(兼我係從不上網呻)

我雖然未結婚，但係我完全明白婆媳關係係好難搞。但係問題係，你呻到話人死？

有d人話好難頂乜乜物物，喂，你結婚前唔知要同奶奶住咩？知你仲結？如果係因為奶奶有病而要同住，好啦，我倒番轉，果個係你媽咁點先？又或者你第時老o左有病，你想唔想仔女照顧你先？

你講果d咩病o左唔照顧乜乜物物，我都有受過，咪尤佢囉，我又無乜o野喎，你明知佢係老人家，倒番俾番句你係「佢發洩下遮」，咪一樣，咁你又何須動氣？你地上網發洩，佢老人家識鬼上網？咁梗係同d三姑六婆傾啦。一係你教佢上網啦！不過最心寒係…估唔到有d做人媽媽，用字之狠…我都未睇內文，剩係睇d topic…你敢唔敢話俾你個仔/女聽你打過呢d topic名？

再重申，我唔係話大家唔可以上o黎呻，而係…有時諗清楚如果果個係你阿媽你又會點睇？基本上好多老人家同小朋友一樣，佢駛鬼慎言咩，你如果真係一字一句聽得清清楚楚，我睇你d細胞死晒都未搞得掂。

再者，d人唔係剩係話奶奶，連老公d兄弟姊妹都講埋，我好慶幸我d阿嫂唔係d咁o既人。話人果d記住，你響度記住老公d兄弟姊妹點點點衰，同你奶奶話你有咩分別？本質，完全一樣。

p.s.話奶奶係賤人果d，記住你係嫁o左俾賤人之子。咁你咪賤(人媳)婦？

[ 本文章最後由路過的貓於 08-3-29 01:30 編輯 ]

私人傳訊

lisamcbee

洋房

積分: 54

23^#

發表於 08-3-29 02:00 |只看該作者

COMPLETELY AGREE WITH YOU!!! I DON'T GET ON WELL WITH MY IN-LAW BUT I DO RESPECT HER AS A MOTHER. SHE DID ALL SHE CAN TO BRING UP HER CHILDREN. I THINK RELATIONSHIP CAN BE A LOT BETTER IF ALL OF US KEEP OUR MOUTH SHUT FOR JUST 2 MINS INSTEAD OF FIRING RIGHT AWAY!!!

私人傳訊

angel_cheng

大宅

積分: 2000

24^#

發表於 08-3-29 02:17 |只看該作者

女人其實係口硬心軟嘅動物,就算把口講得幾絕都好
但係十個有九個女人都唔會咁做
早排我入左醫院,同房全部都係老人家
但係探佢地同攞野食俾佢地多數都係女同新抱
咁d仔去左邊呢?都有嘅不過就好小囉
8張床得1張床係兩個仔日日都去探阿媽,仲要話d姑娘好唔同佢阿媽換片,唔餵佢食飯,對老人家粗魯,唔扶佢阿媽去廁所.....等等
當時個病房係爆哂,有d老人家仲要出走廊瞓,1個姑娘要對十幾個病人,而佢阿媽就成日都話人地想整死佢,但係d姑娘只係同佢換片,朝早阿姐見佢唔食野就餵佢,但佢竟然'bum'人地,但同d仔講人地冇俾飯佢食,柯左屎就用手指去掂d屎之後用隻屎手去掂d姑娘阿姐,雖然佢都幾黑人憎,不過我同c6講呢件事大家都有唔同睇法
c6話:佢同佢d仔都咁麻煩,真係有其母必有其子,如果我係佢個仔我真係唔會理佢,佢早d死好過啦
我話:其實可能佢真係需要特別照顧呢?只不過公立醫院係俾唔到呢d服務佢,我都覺得佢真係幾麻煩,不過老人家病都好慘,唔好話人啦...
其實其他病床d老人家都有麻煩事,但我見佢地d女同新抱探佢地時都會帶野食俾佢地,同佢地抹身抹面,但係冇兩句架,可以唸到佢地關係唔係好close,但係一樣會照顧d老人家
所以我好相信bk嘅媽咪只不過係呻下,唔係真係想d老人家死
其實之前有d post都話呢度d mami成日好話個99唔睇下自己,因而發生大罵戰
但我個人睇法係如果有唔開心就要搵個地方發洩下,而三九唔識七都係睇左就算,我本人睇左有時都會一笑置之,就算寫得幾毒都係一時之氣,唔通真係會走去做咩?
到個老人家病左或者有時,我相信呢度曾經話過99不是嘅新抱都會唔忍心見個老人家受苦囉
所以樓主,呢度只不過係俾d mami呻下嘅地方,妳唔好當好似點解呢個世界d人變左咁醜惡先得,有時唸下都得掛?
我就唔信當妳遇到個自己極討厭嘅人時,妳心入面個句唔係粗口囉,起碼我心入面已經少左佢九代啦
但妳會唔會真係咁做,我唸我唔會啦,如果個個仲係我99,我會忍左佢

私人傳訊

kwongmong

民房

積分: 30

25^#

發表於 08-3-29 02:17 |只看該作者

或者，大家都覺得我係冇做過人新抱，我未遇過一d好難相處奶奶。好似，我講緊風涼話，但係正如我一早所講，我媽媽係俾我阿嬤恰到盡的人，我阿嬤有十幾個仔女，我阿爸係唯一一個俾人湊，所以佢唔錫我阿爸，連帶我全家佢都唔中意，過年我地拿的利是係其他孫的三份一，因為佢一份要我三兄弟姐妹分。我媽坐月佢冇理過，我重病佢冇幫過。我所有兄弟姐妹記憶中嬤嬤冇抱過，有時媽媽唔o係屋企，我肚餓要去外婆到搵野食。所有鄉親都認為我嬤嬤刻簿我阿媽，我阿媽都知，我阿爸亦知，我地做仔女都知，我阿媽從來冇叫我爸爸頂撞阿嬤。由細到大，我媽媽都係叫我要孝順老人家，無論嬤嬤點，佢都係養大你阿爸，我必需承認，某程度上我爸爸都好難相處，或者係因為佢由細到大冇母愛。爸爸成日打仔女，我媽媽都阻止唔到，有時老豆火起上來連阿媽都打埋。我地三兄弟姐妹都唔中意爸爸。但係就算係咁，我媽媽都係o個句，無論爸爸係點，佢都係你爸爸，我哥哥細個時，隻手差小小俾老豆斬左落來，依家，我哥哥依然係好孝順我爸爸。我問我哥哥有冇嬲過爸爸，佢話有，但係鬼叫佢係你老豆。我個人認為呢一點完全係因為我媽媽教導有方，今時今日，我地三兄弟仲忍讓我爸爸，某程度都係因為媽媽。
我阿嬤死o個時，佢四五個新抱，得我媽媽流眼淚。
我唔知大家會唔會比我媽媽更慘，但係，我經常問媽媽，其實媽咩你覺唔覺得自己人生好慘，我媽媽成日都答，佢覺得佢好幸福，因為佢d仔女都算孝順。
有時我諗，我地孝順，某程度上係因為阿媽做左一個最好典範，佢成日話，孝順唔係用口講，到有一日，媽媽真係連行路都行唔到，做唔到家務，你唔嫌棄媽媽，咁先係真孝順。如果媽媽大把錢，幫你做奴做婢，你對媽媽好又有幾難? 如果爸爸係好相處，你孝順佢又有幾難，就係爸爸唔好相處，你孝順先難。

私人傳訊

angel_cheng

大宅

積分: 2000

26^#

發表於 08-3-29 02:27 |只看該作者

補充先
我99對我好好架,只係有個句講個句
thanks!!

私人傳訊

angel_cheng

大宅

積分: 2000

27^#

發表於 08-3-29 02:51 |只看該作者

原文章由 kwongmong 於 08-3-29 02:17 發表
或者，大家都覺得我係冇做過人新抱，我未遇過一d好難相處奶奶。好似，我講緊風涼話，但係正如我一早所講，我媽媽係俾我阿嬤恰到盡的人，我阿嬤有十幾個仔女，我阿爸係唯一一個俾人湊，所以佢唔錫我阿爸，連帶我全家佢都唔中意，過年我地 ...

妳媽媽係一個好人,對仔女好,老公好,99好嘅人
我都好敬重佢,因為我mami當年都俾99逼害
而且仲當住我面罵我mami死八婆,快d死....
不過我daddy就係愚孝仔,差d父母要離婚
仲叫我daddy娶第二個女人,唔好要我mami
但係mami因為d仔女而一直忍佢,
到我grandma而家老啦,我mami都好孝順佢
原因:見佢咁老又多病,唔忍心唔理佢,佢始終係我99
不過我mami都唔係死忍架,佢有反抗,佢唔開心會搵朋友訴苦,好似bk嘅mami一樣呻下
我曾經問過,mami妳有冇唸過想grandma死呀,佢話有,不過都係唸下,氣過左之後就唔會,grandma有病時佢都會照顧佢
妳mami有冇試過俾99追住打呀?我mami試過,but而家冇問題
我mami都係好女人,不過我唔會學佢呢d囉,我而家同佢講佢個時好死蠢,佢都話係,但每個人都有自己一套唔同嘅標準
妳唔可以用妳mami個套去套落其他人度
公平d啦,現代人

私人傳訊

kwongmong

民房

積分: 30

28^#

發表於 08-3-29 03:28 |只看該作者

我唔係要大家跟我媽媽做人處事模式
我只係帶出一點
就係我媽媽呢種行為
佢用佢委屈帶出咩叫孝順
佢用佢行為話俾我地知
孝順唔係把口講
孝順唔咁簡單。

私人傳訊

evashao

大宅

積分: 2165

29^#

發表於 08-3-29 08:20 |只看該作者

我覺得99係比我一個借鏡,知道邊d野係應該做,邊d野係唔應該做,所以我唔擔心第時同新抱/女婿相處唔嚟~始終仔女第時都有佢地自己一頭家,做老人家/長輩既,最緊要識做囉!呢d都係人同人溝通既一種,多個新抱/女婿,大家都係一家人,凡事將心比己,見好就收,要融洽相處真係一d都唔難~

私人傳訊

hinhofion

大宅

積分: 4120

30^#

發表於 08-3-29 08:37 |只看該作者

原文章由 kwongmong 於 08-3-29 03:28 發表
我唔係要大家跟我媽媽做人處事模式
我只係帶出一點
就係我媽媽呢種行為
佢用佢委屈帶出咩叫孝順
佢用佢行為話俾我地知
孝順唔係把口講
孝順唔咁簡單。 ...

知你呀媽偉大la
我都好欣賞你呀媽
不過其他人鬧99係人地ga事
睇唔過眼就唔好睇
開個咁ga post出黎仲乜?
人係個體黎,唔會因為三言兩語有所改變
每個家庭,每個人思想都唔同,拗黎仲乜?
咒99又點?鬧99又點?同99好fd又點?
全部都係人地家事,又唔關自己事
放鬆d la香港人

再咁樣講落去,最後只會嘈起上黎
唔好再理人地點講99,只鬧c6家人la
只要你自己堅持將來咁對c6家人就ok
家家有本難唸的經,唔係人人做到你媽媽咁偉大,明ma?

版主呀版主!!!最好關post la,開始有火藥味la

[ 本文章最後由 hinhofion 於 08-3-29 08:41 編輯 ]

私人傳訊

大豬既老婆

伯爵府

積分: 17545

31^#

發表於 08-3-29 08:45 |只看該作者

原文章由 kwongmong 於 08-3-29 03:28 發表
我唔係要大家跟我媽媽做人處事模式
我只係帶出一點
就係我媽媽呢種行為
佢用佢委屈帶出咩叫孝順
佢用佢行為話俾我地知
孝順唔係把口講
孝順唔咁簡單。 ...

講真我吾系好認同
我覺得孝順系美德﹐ 但我吾同意要千般委屈自己去成存所謂孝順。何況﹐ 距系養大距個仔﹐ 養大我個個系我阿媽﹐ 如果你話要做到好似妹仔或者粵語殘片甘任人魚肉﹐ Sorry, 我做吾到。
我同意就算 99 點吾岩都吾應該咒距死﹐ 呢點我好認同。至於你話怕吾怕第時自己仔女都會結婚都會做人 99。我吾會怕。你睇下系呢度 0申既媽咪﹐ 有 D 個 99 真系好變態架窩﹐ 換轉自己系 99 會吾會做埋 D 甘變態既野呢? 如果自己都會做﹐ 甘無辦法。

我覺得做晚輩遷就長輩其實系應份﹐ 但我覺得吾系任距講 lor. 好似有個媽咪話距奶奶叫距如果系女就落左距﹐ 比你你有無甘大方吾生氣呀。

私人傳訊

路過的貓

民房

積分: 20

32^#

發表於 08-3-29 09:30 |只看該作者

我唔敢代樓主講，但係我自己留言，主要睇到部份媳婦，永遠企響自己果點度諗。

舉個例﹕「好似有個媽咪話距奶奶叫距如果系女就落左距﹐ 比你你有無甘大方吾生氣呀。」老實，我真係會唔嬲，有咩好嬲？佢又未捉住我去落仔。又好似有個topic講99鄉下d人，我覺得當係笑話分享無妨，但係如果當係罵99(我唔sure開題者情況)，我又奇，咁人地鄉下係咁，你又唔返去，佢地響上面搞乜，你可以點干涉？

我諗阿kwongmong 講果件事，其中一樣o野想講o既係﹕佢阿媽發生咁多事，佢一句都無呻過，相反，呢度部分新抱，少少事鬼殺咁嘈。

另一件事我睇唔過眼係呢度有部份人(部分咋)，其實都幾霸道，總之有少少唔順心，就係對方錯，但係再睇真d…我又唔覺得對方有咩錯。

我覺得「放鬆d啦香港人」係要俾番呢度部分媳婦。

私人傳訊

driedpork

禁止訪問

積分: 2182

33^#

發表於 08-3-29 09:43 |只看該作者

提示: 作者被禁止或刪除內容自動屏蔽

私人傳訊

hinhofion

大宅

積分: 4120

34^#

發表於 08-3-29 09:54 |只看該作者

原文章由 driedpork 於 08-3-29 09:43 發表
講句公道說話, 呢位c9, 樓主開個topic 咪又係想講下自己的感想, 正如你自己所講, 你睇唔過眼咪鬼睇囉, 做咩要咁樣話樓主呢?
事實就係, 好多人都係只準洲官放火, 唔準百姓點燈, 大家都係討論緊對99的態度, 而你就喺 ...

你睇到邊句說話係我鬧樓主ga?有邊一句係人身攻擊緊樓主呀?我都話好欣賞樓主媽媽ga woo,有邊句火藥味重呀?學返你個句,唔岩睇就唔好睇,係到撩交鬧:;pppp:

[ 本文章最後由 hinhofion 於 08-3-29 10:00 編輯 ]

私人傳訊

bigbigsnake

男爵府

積分: 5567

35^#

發表於 08-3-29 09:58 |只看該作者

大家只是攞個topic 出黎討論下之嘛, 又唔好咁重火藥味...

可能大家對99一樣, 只是一兩句有少少誤解, 自己又想多左D, 就變成咁樣...

我自己都學緊放鬆D, 唔好太上心99所講既野, 自己心胸廣闊D...同最近少D見, 希望關係好D...

私人傳訊

driedpork

禁止訪問

積分: 2182

36^#

發表於 08-3-29 10:09 |只看該作者

提示: 作者被禁止或刪除內容自動屏蔽

私人傳訊

clintonma

別墅

積分: 652

37^#

發表於 08-3-29 10:19 |只看該作者

路過的貓 :
1. 如果老公d兄弟姊妹係有問題, 點解唔可以話埋? 如果係無厘頭野, 咪當d bk mami口痕吹水講是非囉... 但好似我叔仔穿柜桐底呃晒屋企人d錢(包括我同c6), 咁佢做錯事點解唔可以話埋? 親戚大晒么? 你慶幸你大嫂唔係咁既人, 我都希望我老公d親戚好似你(講到)咁正常. 如果我做錯6299話我, 咁老公d親戚做錯我話, 我同意係同6299話我本質上係冇分別, 呢點你邏輯上成立。
2. 如果6299係賤人, 咁我係賤(人媳)婦, 喺字面上呢點你邏輯上成立。但殺人犯同殺人犯之子本質同內容係咪一樣你自己諗下, 你估而家係古時, 賤民身份會世襲? 醒下啦, 現代人
3. 你99叫你落左個女你都冇問題, 我唔surprise, 大把細路女有左就落落完又搞幾十次都係咁... 我相信世界總有人對人命係麻木的. 好多野唔係要到切實發生先hurt到人, 如果有個色魔走出黎話要先姦後殺, 我佢冇真係姦到我都會好驚同心理上受傷, 可能你夠tough handle到, 但好多人都好sensitive, 同叫人落仔真係差d囉

kwongmong :
我好佩服你mama咁好eq, 但孝順唔等於盲目. 我地都係人mama, 對子女好為子女為奴為婢係心甘情願, 唔會因為自己為個仔為奴為婢, 就用呢樣黎迫個心抱同仔都為奴為婢囉.. 愛係付出唔係求回報, 如果99生個仔就為左娶個心抱番黎服侍自己做阿4, 咁就當佢投資錯誤, 因為現在女性我諗冇乜邊個會做得到囉。唔好話心抱, 仔女都係獨立個體, 如果你仔女對你好當然安慰, 但夾埋迫人只會引來反效果.

同意既係, 做人都係積下口德, 咒人死又真係陰質左d... 現實d咁講, 死人又做白事又要做帛金, 都幾煩..

私人傳訊

zone

伯爵府

積分: 15295

畀面勳章

38^#

發表於 08-3-29 10:30 |只看該作者

我覺得最大問題係,現今好多奶奶及婆婆都存在一個古老及守舊的觀念,就係新抱咩都做及聽話,就算個新抱出黎做野都係,但係我又想問吓,點解你個仔唔洗做,好多男人去到女方家都係唔洗做及唔係樣樣都聽話,女人講架野就一定係錯,男人講就一定係啱,我知亦有小部份奶奶唔會係咁,但大多數都係咁,
就好似我,我99同我老公講唔鐘意我去佢屋企食完飯唔幫手清理,黑面我睇,但係奇怪在佢個仔及女無一個人幫手架,咁點解要我幫手呀,呢d咪叫奶奶的傳統觀念,在我們現代女性爭取公平的年代,我諗無咩新抱係心服口服.

私人傳訊

bigbigsnake

男爵府

積分: 5567

39^#

發表於 08-3-29 10:59 |只看該作者

zone, 你講得好好... 以前D女人要睇人面口做人, 多數係男主外, 女主內, 好少出去做野....而家D女人獨立能力強, 又要返工, 打理屋企/管工人,有D仲要管埋小朋友.. 男人冇耐性做的女人通通執手尾...

呢度大家多數數99, C6相對地冇咁多, 除左因為catagory 之外, 係因為D c6於呢D有問題的情況, 佢地唔會覺得係一個問題,又或者手掌又係肉, 手背又係肉..幫唔倒...婆媳問題自故已有..只係有人死忍, 有人出聲...冇對錯之分...

佢地思想故老係因為冇左活到老學到老的觀念..所以希望自己老左去做義工或者再讀書, 唔想同社會咁脫節而變得 "文塞"....

私人傳訊

hinhofion

大宅

積分: 4120

40^#

發表於 08-3-29 11:13 |只看該作者

原文章由 driedpork 於 08-3-29 10:09 發表
"知你呀媽偉大la"
只係第一句說話聽落就有骨啦,

重有"開個咁ga post出黎仲乜?"
唔通人地無自由講想講嘢咩?

重有, 無人要撩交鬧, 嗰句"唔啱睇就唔好睇" 係你講架, 我係copy番你嗰句出嚟, 依家你倒轉頭話係我講, ...

哈哈~真係好笑,你覺得我話樓主?如果樓主親自同我講,話我講ga野比佢聽落有骨好唔舒服,我會同樓主道歉,e+關你乜野事呀?e+邊個撩交鬧呀?我同樓主講野又關你乜事呀?唔係同你講,你又仲乜要企出黎鬧我呀?我得罪左你呀?