吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› del

婆媳關係今日: 0|主題: 27778

收藏本版

發帖

返回列表

跳至頁

樓主: hinhofion

del [複製鏈接]

123 4 5

hinhofion

大宅

積分: 4120

21^#

發表於 08-4-7 14:09 |只看該作者

本帖最後由 hinhofion 於 11-11-24 16:42 編輯

..

私人傳訊

A.C.C.

大宅

積分: 3786

22^#

發表於 08-4-7 15:29 |只看該作者

dhinhofion，我記得你好似有個好麻煩嘅姑仔.....

如果你奶奶已經開口應允咗親家：你老公負責送親家親戚返歸，咁就唔好再同老公因為呢件事勞氣啦，因為以你奶奶嘅脾氣同你老公嘅習慣，你同奶奶硬碰硬都一定係你輸；

既然拗唔贏佢地，就不如就輸得心裡舒服D，依家開始同自己講，你個日係一個人帶囝囝去飲，仲係去D三唔識七疏堂親戚嘅婚禮。

你唔好理你老公點幫手個妹手啦，佢同唔同你返去都無所謂，你奶奶講乜亦都當聽唔到(預咗你奶奶仍然會有野講)......

個日，你同囝囝要著靚靚

，開開心心咁去，新娘靚嘅就LOOK多幾眼，新娘唔靚就當七月提早見鬼

，好好地食完拼盆乳豬魚翅蟹鉗伊麵紅豆沙，拍拍屁股鬆人就可以啦

[ 本文章最後由 A.C.C. 於 08-4-7 15:31 編輯 ]

私人傳訊

hinhofion

大宅

積分: 4120

23^#

發表於 08-4-7 15:50 |只看該作者

本帖最後由 hinhofion 於 11-11-24 16:43 編輯

..

私人傳訊

Melody_Che

大宅

積分: 4192

24^#

發表於 08-4-7 16:02 |只看該作者

你99唔會要你係度幫手散席呀??

私人傳訊

hinhofion

大宅

積分: 4120

25^#

發表於 08-4-7 16:09 |只看該作者

本帖最後由 hinhofion 於 11-11-24 16:43 編輯

..

私人傳訊

wmpl

大宅

積分: 3000

26^#

發表於 08-4-7 18:47 |只看該作者

原文章由 hinhofion 於 08-4-7 16:09 發表

我先至唔會幫個8婆手,佢呀哥幫手就應份,我唔係,佢從來冇叫過我一聲大嫂,有時仲單單打打tim,我就係唸住當係去飲,飲完走人lor,唔知咁做好唔好 ,但我又做唔到企出黎幫個8婆散席woo ...

傻婆,你冇訓過呀?冇精神又要湊仔好辛苦,
冇精神會諗唔到嘢,甘你點同99戰鬥呀?！

私人傳訊

agnesb2008

大宅

積分: 1394

27^#

發表於 08-4-7 19:08 |只看該作者

我覺得大部份99都係好要面子,當年我地結婚佢啲親戚託塔咁早嚟酒樓打牌,唔夠腳,我99居然大大聲叫我老公登腳呀,我當堂O晒咀呀.

私人傳訊

hinhofion

大宅

積分: 4120

28^#

發表於 08-4-7 19:17 |只看該作者

本帖最後由 hinhofion 於 11-11-24 16:43 編輯

..

私人傳訊

hinhofion

大宅

積分: 4120

29^#

發表於 08-4-7 19:20 |只看該作者

本帖最後由 hinhofion 於 11-11-24 16:44 編輯

..

私人傳訊

hinhofion

大宅

積分: 4120

30^#

發表於 08-4-7 19:23 |只看該作者

原文章由 agnesb2008 於 08-4-7 19:08 發表
我覺得大部份99都係好要面子,當年我地結婚佢啲親戚託塔咁早嚟酒樓打牌,唔夠腳,我99居然大大聲叫我老公登腳呀,我當堂O晒咀呀.

都幾似當年我呀仔擺滿月ga時候,我坐月得c6幫我手咋,99冇見過人....滿月個日佢同d朋友開台唔夠腳,佢打黎叫c6去"登腳"

mouth: ,我都o晒咀...我個時都仲未湊得掂呀b,開刀傷口又痛woo,佢都冇為我唸過....好彩c6拒絕左咋

mouth:

私人傳訊

wmpl

大宅

積分: 3000

31^#

發表於 08-4-7 20:08 |只看該作者

原文章由 hinhofion 於 08-4-7 19:20 發表

C6又逃避我la,一提起就又係個句:你唔鍾意就唔好去la....
我投降la ,唔想再為99姑仔而同c6不和 ,我地未去飲荼前仲好甜蜜架

傻婆嚟嘅,我好明白你點解會訓唔着同想投降,
因為我以前都好似你甘,一同c6嗌交,就好多好多嘢諗,
諗到自己訓唔着,諗到自己好慘好唔開心,
諗點解c6甘多年都唔明白自己,諗係咪應該要離開佢,
諗點解為c6付出甘多佢都唔知,次次一講到屋企人就同我嘈,
就算我唔係話佢屋企人有錯有咩唔好,只係分析件事,
c6都會即時起哂槓,塞住隻耳仔唔肯聽我講,
講多兩講仲叫我收聲,講晦氣說話傷害我?
好多唔開心嘅事喺個腦度不停地轉,真係會訓唔到想投降就算,

其實諗深一層,我都傷害緊佢,因為就算無論邊個對錯,
你都係令佢好難做人,所以佢先會傷害番你,
原因其實係好無謂,就係為咗一個蠢賤人,
為咗甘而兩公婆嘈交唔開心真係唔值得,雖然有時確係好難忍,
但為咗夫妻和睦就應酬都要做吓,唔好太計較邊個付出先,

成日計住度住真係好會辛苦,但辛苦只是你個人嘅事,
c6同你99又唔會訓唔着,又唔會食少兩碗飯,
99仲笑你甘易被擊倒,c6喺你側跟訓到扯哂鼻鼾,
你唔會唔會覺得自己甘傷心其實好蠢好戇居?
易地而處,c6成日令你做夾心人,你會點諗?
係咪放過c6同99,你投降認輸就以後都冇問題?
如果係,你又唔係未忍過,但點解你今時今日仲會甘唔開心?

有日我忽然間諗清楚呢一切,
認清楚自己唔係觀世音菩薩,只係一個好普通嘅人,
我知道自己想點同要點做,我就日日好眠,
就算同c6冷戰咗兩個星期仲趕埋佢走,雖然係唔開心,
但我日日都食得,玩得,訓得,頭腦仲好清,
因為我只在乎結果,唔係過程,
我要打勝仗就必須忍耐同保持頭腦清晰,
訓唔着就睇套無厘頭笑片,唔駛用腦諗嘢嗰d,
睇完就去訓,訓飽再諗計！

[ 本文章最後由 wmpl 於 08-4-8 03:18 編輯 ]

私人傳訊

小寶貝兒

珍珠宮

積分: 30295

32^#

發表於 08-4-7 20:41 |只看該作者

hinhofion,
我老公有時都會為左99鬧我, 試過有一次, 佢發火鬧我, 講到我針對99, 又話果面(即6299)對我好差咩, 我咁啄住佢地!

佢係咁鬧, 係咁鬧, 鬧到我發火, 我本來唔出聲, 由佢鬧, 點知佢越鬧越過引, 於是我用好平靜既聲音答佢: "99對我有幾好, 你心照啦! 而我對99有幾好, 我諗唔洗我多講! 佢病左邊個睇佢, 邊個煮野食比佢食? 佢地有事, 一call即到既係邊個? 有事陪出陪入果個又係邊個? 被人罵不還口, 從不發火果個又係邊個? 被99屈但都唔出聲果個又係邊個?! 我自問做人新抱都算係咁, 你自問比我做得更好既, 你鬧我, 我心服口服, 但問題係我對6299做到既野, 你做到嗎? 你做唔到, 反而少少事你就黎鬧我, 話我針對佢地?"

之後老公自承認, 當時火遮眼, 只係諗到我不滿99既地方, 但就冇諗過我為左佢受左幾多怨屈氣!! 冇諗過我只係為人新抱, 但做既野比親生仔女更多!!

男人呀, 都係咁上下! 平時幾有修養都係假!

hinhofion, 我建議你如果想再甜蜜過生活, 就同老公認下低威, 不過認低威之餘絕對要解釋清楚, "當時唔係想令99冇面, 只係太擔心你辛苦左成日, 仲要做埋司機接送, 之後仲要幫手還車, 之後先再搭車返屋企! 而且去飲宴實要幫手頂酒, 之後仲要揸車, 實在太危險啦! 萬一有咩事, 我同仔仔都會好傷心! 我都明白你鍚個妹, 但你都要顧住自己身體呀!!"
之後同佢講話你會自己同仔仔返屋企先, 叮囑佢記得小心揸車!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

evashao

大宅

積分: 2165

33^#

發表於 08-4-7 21:19 |只看該作者

原文章由 hinhofion 於 08-4-7 09:08 發表

我昨日好平靜咁同c6講:飲完咁夜,你放心得我兩仔毑自己搭車走咩?我想飲完散席之後,我地一齊返屋企呀,你一朝早去幫手幫到散席,都盡左人事la,散左席同我兩仔毑返家都唔得?c6就即刻講:咁呀媽話佢地同你搭車返去l呀ma, ...

我睇你老公同我老公都幾似

~~

當我兩公婆有分歧既時候,佢就會好似狂躁症病發咁既樣!堅持己見之餘,講既說話晦氣難聽,仲要講埋好hurt我既說話,唔係果d[唔愛你唔理你]咁普通,而係[如果你要係咁你就唔好xxxx]之類,總之佢就係果d撐到行絕不讓步(鬥毒),反面都係咁話果亭人

! 對朋友對家人如是,真係黐到無朋友?-( !!好多時我都會同佢鬥撐,但我永遠都係首先冷靜落嚟果個,如果我唔停低,唔知佢可以嘈/撐幾耐(未計過

)?我覺得對住佢如果扮軟弱,佢就只會更得寸進尺,而唔係憐香惜玉:-( !佢又係唔識氹人,大家靜落嚟一段時間後,如果佢想講和就會扮無事搵第二d話題撩我講野;而我,就由初初既條氣唔順,到慢慢習慣佢係d見我喊都唔安慰果種人(仲要嘈多兩句:tongue: ),到而家,我已經都對佢無咩期望~

雖然我地轉頭就無事,但一有分歧或者覺得煩佢就會突然發作,搞到平時我都唔多想同佢講野,只係唔想有機會再同佢嘈,因為佢一嘈就六親不認,老婆應該係最愛既人,但嘈上嚟就變左仇家咁(佢既語氣態度)心都淡無可淡lu~唔講野係廢事講多嘈多!

就樓主既case,比著係我,我都唔想老公去做司機!仲要係女家既人去車男家既人,三九唔識七得嚟,我自己就覺得最緊要係有咩理由呢d野係女家做?又唔見男家派人嚟送我地女家既人返屋企?男家唔係應該有呢d風度架咩?99走去應承人做埋d咁既野真係做cheap晒

!不過唔合理還唔合理,如果發生o係我身上,既然我老公自己都唔出聲,我就唔會比意見~佢要做由得佢做!樓主,我係絕對支持你既諗法架:) ~但同樣地我亦都知我老公d脾性,為免火山爆發,我情願佢自己攞嚟辛苦lu

,到時候我仲可以話佢[係你當初唔反對之嘛~]!至於兩仔乸自己返屋企,就算幾唔想都無辦法架啦,唯有自己堅強d!如果係我(囝囝八個月大),我直頭唔駛人陪添呀!老公唔陪你估我好恨你屋企人陪呀?等佢地擔心下都好

!

我同我老公既野其實我想呻好耐,但又唔知由邊度講起好

?今次咁啱比到個位我攝一攝,真係成個人鬆緊d~thx!!

[ 本文章最後由 evashao 於 08-4-7 21:26 編輯 ]

私人傳訊

alik

公爵府

積分: 25507

34^#

發表於 08-4-8 01:27 |只看該作者

我上年結婚果陣, 亞哥都義無反顧咁幫我手做柴可夫, 佢話係個妹既大日子, 唔可以托手踭, 所以任我點安排, 總之事前話清楚俾佢知條route就得喇. 原本佢都淨係負責車我父母家姐去觀禮, 之後車佢地去酒樓就可以去還車(佢要一早由廣州落香港問朋友取車先, 夜晚還完車仲要即日返廣州), 但亞爸就老馮咁叫佢車埋舅父同伯娘一家人, 真係使人唔使本, 所以佢都好辛苦架.

樓主我估你老公咁堅持幫手車人, 除左佢怕得失亞媽之外, 都係好似我大佬咁, 佢同你姑仔咁多年既手兄情, 所以點都要幫手既. 如果掉轉頭, 到我大佬結婚時, 只要有用得著我既地方, 我都會好似佢咁, 一樣幫得就幫. 所以你無謂再同你老公提呢件事, 唔好再叫佢唔好車親戚, 佢咁大個人, 會衡量到自己既能力/體力應唔應付到全日既任務喇.

至於你話晚宴後留唔留低, 如果我係你, 我唔會食完就走, 我會留低送客, 不過我留低唔係因為要幫奶奶手, 而係自己角色係人大嫂(你姑仔當唔當你係都好), 好多人睇呢檯戲(男家親戚都應該好熟你奶奶, 認識佢性格係點, 但始終同你唔熟, 唔知你脾性係點, 無謂令人扣你印象分同你奶奶又有機會趁你唔o係度而加鹽加醋), 我更唔會俾機會人話你落老公面, 唔會俾機會奶奶話自己唔識做人. 企o係度送客都係一陣, 都係行行企企, 唔會多過半個鐘, 咪當睇下佢地點虛偽法囉. 送完客, 咪自己識做d, 大聲問下老公有無其他嘢要幫手, 無就同亞仔走先, 總好過粒聲唔出走左去.

[ 本文章最後由 alik 於 08-4-8 01:31 編輯 ]

私人傳訊

lisamcbee

洋房

積分: 54

35^#

發表於 08-4-8 03:37 |只看該作者

原文章由 hinhofion 於 08-4-7 06:30 發表
昨日好唔開心,夜晚又訓唔到,今朝一起身...終於忍唔住要上黎叫下,因為又唔可以同c6呻 ,屈住好唔開心

昨日99搵呀仔出氣,整喊左呀仔,真係唸唔到佢會咁對呀仔!
早排我仲好開心咁同大家分享,同99關係有好轉 ...

POOR THING!!! I FEEL SOOO SORRY FOR YOU. I THINK YOU REALLY NEED TO SIT DOWN AND HAVE A SERIOUS TALK WITH YOUR C6 AND TELL HIM HE HAS NO RIGHT TO TALK TO YOU LIKE THAT!!

私人傳訊

大豬既老婆

伯爵府

積分: 17545

36^#

發表於 08-4-8 03:59 |只看該作者

其實甘講
我覺得平心講﹐ 你吾想你 C6 甘夜仲要做柴可夫既心態系岩既。但你當面話你 99 我就覺得你處理得吾好﹐ 難怪你 99 發脾氣。你姑仔吾妥你﹐ 無禮貌系距吾岩﹐ 但你就要做比你 C6 睇你系以德報怨既﹐ 吾會斤斤計較既。既然你 C6 答應車距地﹐ 你就無必要再講話其實你想你 C6 同你地一齊返屋企。你可以事後叫你 C6 注意一下﹐ 話下次有差吾多既事你希望距考慮你地 2 母子先﹐ 但你現在叫距本來答應左然後又出爾反爾你 C6 點做得出。

私人傳訊

wmpl

大宅

積分: 3000

37^#

發表於 08-4-8 04:02 |只看該作者

原文章由 alik 於 08-4-8 01:27 發表
我上年結婚果陣, 亞哥都義無反顧咁幫我手做柴可夫, 佢話係個妹既大日子, 唔可以托手踭, 所以任我點安排, 總之事前話清楚俾佢知條route就得喇. 原本佢都淨係負責車我父母家姐去觀禮, 之後車佢地去酒樓就可以去還車(佢 ...

講得好,贊同！

hinhifion:

講真而家你係勢成騎虎,你以前試過俾99搞到抑鬱,
大部份原因都係你c6,所以你係要針對番個問題而做,
記住呀,兩公婆鬥氣鬥得多好傷感情,婚姻生活係自己,
唔好為咗一個針對自己嘅人就一時之氣去破壞呀！

首先你要好似樓上小寶貝兒甘同你c6講,睇吓c6咩反應,
目的唔係要迫你c6今次唔做司機,佢真係肯自己放棄就最好,
其實都唔係甘好,因為佢細妹結婚一生人只得一次,（好彩嘅話！）
一定以後都成日會提住,當時點樣點樣,
我同你講,呢d先係惡夢呀,每次提番起,
你99同姑仔都會明示暗示你唔俾你c6幫手,
就真係成世都有得話你當時唔啱,你同c6又有排嘈la！

所以你做人要睇遠d,唔好一時之氣壞咗大事,
就當辛苦d做一晚戲,以後就樂得耳根清靜,計落係咪有so?
你當晚幫手都唔係完全冇好處,可以建立做大嫂地位,
就算99同姑仔都唔當你係,起碼親朋戚友都知你係邊位,
你做足本份冇人話到你,你唔做就算話俾人聽點解唔做,
外人都只會話你唔識大體。

世界好現實,好多時d人都各家自掃門前雪,
你唔喺班親戚面前確認你新抱地位,他日有咩事發生時,
或你99發難趕你走,冇人知你係邊位,真係會求助無門！

再講,個個都知你已做足本份,你99同姑仔都唔敢太數落你不是。

私人傳訊

alik

公爵府

積分: 25507

38^#

發表於 08-4-8 07:56 |只看該作者

原文章由 wmpl 於 08-4-8 04:02 發表

講得好,贊同！

hinhifion:

講真而家你係勢成騎虎,你以前試過俾99搞到抑鬱,
大部份原因都係你c6,所以你係要針對番個問題而做,
記住呀,兩公婆鬥氣鬥得多好傷感情,婚姻生活係自己,
唔好為咗一個針對自 ...

我覺得就算幫手, 都要做到恰如其分就好好喇, 唔好做到過左火. 我有個朋友結婚, 個大嫂由頭到尾都無出聲話當日會幫手(事前問佢地結婚當日既嘢有無意見, 佢地都從來無提話要幫手, 對新人仲諗住仲好啦, 佢地無意見, 做嘢仲方便). 但到擺酒時, 個大嫂突然間上左身, 衝入新娘房叫個伴娘同姊妹唔使幫手喇, 擺晒款咁話身為大嫂要幫我朋友, 仲叫伴娘同姊妹留在新娘房, 唔好出來, 攪到我朋友, 佢媽咪(當時在補妝)同d姊妹在新娘房喊囉, 之後個大嫂全程夾住我朋友, 但都無計, d姊妹好似俾人禁錮咁.

呢樣嘢係當晚同我朋友食宵夜佢講出黎架, 佢老公仲話佢做乜俾大嫂恰都唔出聲, 等佢出聲同大佬講嘛. 我朋友話佢想幫手唔緊要, 但事前要出聲, 唔好突然出現攪串party嘛.