吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 請紿一點意見。

夫婦情感今日: 0|主題: 42740

收藏本版

發帖

返回列表

跳至頁

樓主: 單親Daddy

請紿一點意見。 [複製鏈接]

markli

別墅

積分: 734

21^#

發表於 04-4-21 00:57 |只看該作者

Re: 請紿一點意見。

女人諗既野同男人係吾同,我見你話呢幾年認為自己係活在幸福當中,點知太太同妳講佢係活係痛苦之中....我諗你當時一定好難受......
我覺得呢點好重要,起碼你一定係一個顧家既男人,可能你有d野做得吾夠好,但係人又點會完美,一段婚姻係要大家努力.....吾知你太太咁多年來有無表達過佢既不滿?如果有......你呢幾年又如何會.....覺得自己係活在幸福當中?.....你可記得這幾年,她可有表達過什麼不滿.......若記得...試下再努力吧!!!!因為.....父母....對子女始終都很重要的!

私人傳訊

bandband

子爵府

積分: 11510

22^#

發表於 04-4-21 01:11 |只看該作者

Re: 請紿一點意見。

單親Daddy,

咁愛情觀又唔可以用男女嚟分既...其實各位媽咪講既都唔係無道理,女人係鐘意老公仔成日氹,但亦唔代表個個都會將一件小事放到咁大嚟睇囉!

唔好諗到女人個個都咁小器先得架!但有時女人咁樣做,都無非要老公鍚番,只係每個人既表逹方式唔同,如果係我,我係咪都會詐定老公嬌先!始終我同老公都係好唔鐘意嘈交既人,每個人都有一套同人相處既方式,但唔代表唔會變,始終都係睇係對住邊個而改變...我個人都好明白你既難處,講真,比著我如果我氹極我老公,我老公都係同我講埋呢堆'無信心'既說話,我都無哂gas啦!既然佢都講到咁,我只可以講,我仲未搵到同我match到既人囉!既然講極佢都同你講到咁,你依家以你個囡囡為大前題,我真係覺得無錯!你並唔係無努力挽回過,既然努力爭取咗都係咁,惟有同自己講:"係佢無眼光啫!"你同佢都仲咁後生,仲可以俾你遇到個同你match既人!兩公婆做唔成夫妻都可以做番朋友啫,你見狄波拉同謝賢咁,佢地呢pair都係一個活生生既例子啦,合則來不合則去,如果大家走既時候協調得好,大家都係為個囡囡好既,我相信,件事並唔係你想像中一定係咁痛苦,係咪?

唔好再難過喇!重新振作!

老公VOICEMAIL 1 2 3

私人傳訊

小manman

翡翠宮

積分: 85569

23^#

發表於 04-4-21 18:32 |只看該作者

Re: 請紿一點意見。

單親daddy:
我聽你的口氣,你都好似已經對你老婆無乜留戀,你現在關心的只有你囡囡~
你覺得搞到咁的田地係你的責任定你老婆的責任呢???
究竟係你想放棄呢段婚姻定你老婆想放棄呢???
你撫心自問你依架仲想唔想挽救呢段婚姻???你覺得你老婆又想唔想呢???
如果係地大家都覺得分開你最好的解決辦法,咁希望你地大家(包括你地的囡囡)都可以盡量將壞的影響減到最低~

私人傳訊

單親Daddy

民房

積分: 7

24^#

發表於 04-4-21 23:56 |只看該作者

Re: 請紿一點意見。

小manman:

一開始我太太話我地既愛已經流失咗，又話我無以前咁愛佢。我好唔明。我問自己什麼是愛。我同佢之間係有愛存在的，不過可能唔係佢好需要果D。你要一個人為你而痛苦，為你而犧牲，那麼你是愛他嗎？

我每次同佢傾佢都喊，我都唔想見到佢咁。我地有D結自己解唔開。可以解決既問題便是冇問題。去找別人幫忙，會係我最後的賞試。

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

25^#

發表於 04-4-22 00:54 |只看該作者

Re: 請紿一點意見。

你唔明，因為你從來無係佢個邊諗，你一咪就企係你自己既立場去諗，都講咗男同女既思想唔同，需要既嘢都唔同，你一咪就keep住你自己既生活方式去對待你太太，你太太一直都生活係忍受之中，你有無了解過，可能過往當你太太對你講某D事，可能你既回應係"好少事姐....."，兩個人生活唔係咁架，你太太每次同你傾到喊，證明佢都仲愛你，可惜你"牛皮燈爖，點極都唔明"，總知你想補救，就一定要企係對方立場諗諗。

單親Daddy 寫道:
一開始我太太話我地既愛已經流失咗，又話我無以前咁愛佢。我好唔明。我問自己什麼是愛。我同佢之間係有愛存在的，不過可能唔係佢好需要果D。你要一個人為你而痛苦，為你而犧牲，那麼你是愛他嗎？

我每次同佢傾佢都喊，我都唔想見到佢咁。我地有D結自己解唔開。可以解決既問題便是冇問題。去找別人幫忙，會係我最後的賞試。

私人傳訊

markli

別墅

積分: 734

26^#

發表於 04-4-22 11:02 |只看該作者

Re: 請紿一點意見。

單親Daddy 寫道:

一個男人都要諗好多事情，以前會以家行先，然後分紿家人和自己，太太可能唔夠分。

我太太講得無錯，今次無事，唔代表幾年後無事，佢都對自己無信心繼續容忍，我亦無信心可以「晚晚係沙灘食 pizza 飲香檳」(比喻咋，唔好介意) 。可能男同女既愛情觀唔同。無花收無浪漫就令感情轉淡；無忍耐無包容就令感情破裂。剛好我地都決少了一部份。互相關懷唔係無，但要幾多，又比幾多先至夠？每個人都有唔同需要。

同你地傾咗，我比較明白點解佢要走，點解佢咁辛苦。Thanks.

我真係好高興見到你未放棄，容許我比一些感受和意見給你！

呢度好多媽咪同你講，花﹖晚餐﹖禮物﹖沙灘浪步。。。等等！請你千萬不要誤會，這些只是答案的一少部份，並不是不做這些。。。便不是愛！我覺得兩夫婦，最重要係。。。愛護，關懷，包容，忍耐。

我跟太太相識了十七年。。。花，晚餐，禮物，沙灘浪步，呢Ｄ對我黎講己經是好耐之前既時了，依家我同你一樣，我真係無咁多時間，心情，金錢去再做這些事情，我可以做既都是一些小事情。。。

每天我會在返工前到我太太的面前，吻她的咀，然後跟她說一聲(我走了！)，我係屋企有時候會同佢按摩下身體，說一聲(舒服嗎?)，我見她吾開心既時候，我會抱住佢！我見佢辛苦既時候，我會幫佢分擔！
今年我太太生日，我經濟不太好，我無花，無晚餐，無禮物，我只可以靜靜地買了一個半磅重既旦糕，係太太沖涼既時候，我熄了廳既燈，同兩個女點著了生日立觸，當我太太沖完涼出來時，我和兩個女一齊唱生日歌幫佢興祝，我覺得她還是開心的。

我吾知道做呢Ｄ野對婚姻有乜野幫助，我亦吾知道我所做既野足吾足夠，而我做到既亦只能是這些小事情，我希望係我八十歲既時候。。。係我臨走既一刻，她還在我身邊,讓我吻她的咀，然後跟她說一聲(我走了！)

單親爸爸，呢d我生活既一部份，你可以參考一下，你對太太既愛,吾係一定要驚天動地，你試下係日常生活中，做多一些小事情，我相信她還是感受到你對她的愛。。。。你也做多一些小事情，好嗎﹖

私人傳訊

Jsmami

大宅

積分: 4008

27^#

發表於 04-4-22 11:24 |只看該作者

Re: 請紿一點意見。

markli,
你弄到我流淚呢, 好感動啊! 幸好我的丈夫都好似你咁体貼, 昨晚他掃著我的頭髮直至我入睡, 我很喜歡的 (我有時會替他按摩和按臉, 他很喜歡的).

單親Daddy,
我地結婚七年, 恩愛如惜, 兩夫婦相處不在乎物質 (我時常叫老公不用花錢買花), 但溝通好重要, 開心唔開心都要講, 不要放在心上, 不要take for granted, 請開PM.

私人傳訊

elina

大宅

積分: 1015

28^#

發表於 04-4-22 11:52 |只看該作者

Re: 請紿一點意見。

markli

你太太好幸褔呀！女人唔係一定要有物質架，需要gei你已經做到，祝褔你有個美滿家庭。

單親Daddy

相信你之前真係躲在洞穴裡，所以一直都唔知洞穴外發生咩事，而且你也無想過外面gei人需要你去解決問題。

照表面睇，你太太重需要你ga，佢重0係你面前喊，係需要你gei安慰呀，如果當時你將佢攬住，相信你太太就得到佢gei需要，不過男人通常0係呢個時候只會覺得煩，或唔理會，以為等佢冷靜下係好事。

你要知道女人同男人係有分別架，你不如試下去x聯書局買本
『男女大不同』睇la，真係對你有幫助架，起碼等你瞭解太太多d。

Elina

私人傳訊

CarMan

珍珠宮

積分: 33190

29^#

發表於 04-4-22 11:57 |只看該作者

Re: 請紿一點意見。

單親Daddy,

我相信有時2個人係要分開, 問題係一定雙方都有問題之不過係睇那個唔咁心. 你老婆要走, 你留得個人留唔到個心. 因為你老婆可能缺乏左包容和婚姻的責任感.

我講我一個要好既女性朋友個case比你聽下:
我朋友29歲, 結婚+拍拖都有5年幾. 佢仲係好貪玩,好任性好多野都唔咁心. 成日好多野都要作比較. 我朋友結婚時都諗過嫁唔嫁佢老公的, 因佢知道佢其實並不愛他. 但男的是一個好老公, 呢世都搵唔到既好老公. 所以都揀左一齊. 結婚3年, 我朋友仍然有好多野滿住佢老公. 我作為一個朋友已經睇唔過眼. 我朋友要讀書, 佢老公比左幾萬蚊佢讀張, 上年我朋友想轉行, 佢老又比幾萬蚊佢讀美容. 佢直至上年年頭, 我朋友同公司同事扯上關係, 維持左幾個月. 我朋友發覺唔可以再自欺欺人, 當佢攪點晒自己手頭上既債務, 羅晒佢要既文憑. 便要離婚. 佢同佢老公講呢幾年好努力都做唔到愛上佢, 與他做愛, 從未享受過. 呢d說話hurt 得佢老公好深. 佢老公起初都希望我朋友返佢身邊, 但佢又驚我朋友唔知幾時又走. 所以佢決定放手, 宜家仲搵到個女朋友添. 我朋友要搬走. 仲打算要晒成屋傢電添呀.

係呢件事上面. 我接受唔到我朋友既行為和作風, 我已經小左同佢聯絡lu. 一切都覺得係我朋友自作自受.

單親daddy,
我相信錯未必係你度, 但你倆問題非一日之寒, 緣份要完都無辦法. 你老婆都講過今日唔走, 他日都唔知會唔會走.我朋友都講過佢會咁做. 而身邊所有人都知道佢一定會再走.
我都唔希望你倆要分開, 平心靜氣地傾多次, 聽下你老婆需要嘜. 我只需要我老公關心, 企係我個邊諗下我就夠. 我都比緊佢改過, 佢亦都做到. 希望你都得.

私人傳訊

哈哈

複式洋房

積分: 134

30^#

發表於 04-4-22 12:55 |只看該作者

Re: 請紿一點意見。

係呀! 各位媽咪講得好

私人傳訊

jitjitma

男爵府

積分: 6296

31^#

發表於 04-4-22 16:45 |只看該作者

Re: 請紿一點意見。

單親Daddy,
elina講的 “男女大不同” 真係一本好書信。我以前對我老公有好多不滿﹐後來經同事介紹﹐看過呢本書﹐開始對男人有深入認識。我提議你買兩本返黎﹐同你老婆一人一本。如果兩個人一齊決心向住同一個方向進發﹐問題一定可以解決。
其次的係快快找個舍工幫忙。
衷心祝福你能解決問題。

私人傳訊

ywpw

男爵府

積分: 6545

好媽媽勳章

32^#

發表於 04-4-22 17:16 |只看該作者

Re: 請紿一點意見。

單親Daddy:

我相信有咁多媽咪留言比你, 一定覺得如果你地分開係好可惜, 希望大家可以幫到你.

我都有本“男女大不同”(我已睇兩年都未睇完) 真係好大本...不過聽完咁多媽咪話值得睇, 我都快d睇完先...... :-P

私人傳訊

小manman

翡翠宮

積分: 85569

33^#

發表於 04-4-22 19:54 |只看該作者

Re: 請紿一點意見。

markli :
我覺得你太太好幸福呀!!!唔知你太太會唔會都係咁覺得呢???
你簡直講中哂我地女人所需要既野呀~

單親爸爸:
我好認同其他媽咪的講法,希望你會更明白你太太究竟需要既你乜野,有時一個吻,一個深情的擁抱仲勝過千言萬語~

私人傳訊

單親Daddy

民房

積分: 7

34^#

發表於 04-4-23 01:09 |只看該作者

Re: 請紿一點意見。

好多謝大家既關懷。係喱到我得到鼔勵、分享、提點、反省和學習。

我唔係點極都唔明。我地係熱戀中結婚，一年後有咗小朋友，我地既愛或多或少都被分減咗。我承認對太太的確唔夠細心、關懷、體貼，而且還在減少中，又遇上生活不大愉快，因此她對我的容忍度也相對減少，生活上的磨擦自然曾加。我以為我可以遷就她，容忍她，就表示我對佢既愛。始終都會遇上一次半次既大衝突，令我被判為無再咁愛佢；相對地，她的容忍度也大減，就是事無大小都看不過眼。容忍有限；減少；再減少，就係咁，我地拍拖時積存既愛就此耗盡了。為咗減少磨擦及失望，我開始逃避她，將關懷都投放係囡囡身上。小孩子真的有時還能逗人開心，囡囡便堅負起「幸福小家庭」既重擔。

係你地既角度，我唔夠細心體貼，無係太太既角度去諗。我承認這些絕對係我既錯。係你地當中也沒有幾個能了解做丈夫既壓力和責任；有幾多個明白問題唔係一個人可以做成；又有幾多個明白所謂婆媳關係就一定係做奶奶既錯咁單純？又有幾多個睇到其他問題！

今日約咗太太食飯，沒有準備要跟她說什麼，只係想跟她吃一頓飯。佢忍唔住要搬出我地既問題黎傾。整整一個月都未有跟她有如此良好既談話氣氛。我地都講出大家既心底話。最後，我們選擇了分開。飯後，大家都好平和，一直都有傾有講，就好似一如以往既家常便話。

晚上囡囡回到嫲嫲家睡。太太的電話響起：「…係邊？你用緊免提咩？…」然後離開了。

單親Daddy既故事完結了。我地恊議好離婚既時間表，囡囡會同以往一樣得得到父母愛錫，每天都見到父母。

祝大家有一個美滿幸福既家庭。