＋
Baby Kingdom - 親子王國 香港 討論區 › 首頁 › 夫婦情感› 請紿一點意見。

夫婦情感

收藏本版
發帖
返回列表
跳至頁
請紿一點意見。 [複製鏈接]

首頁
12

尾頁
   0
單親Daddy


民房

積分: 7


1#
發表於 04-4-19 00:22 |只看該作者

請紿一點意見。

我們結左婚四年，個女都三歲，我一直以為我有一個幸福既家庭，我們都要工作，放工最開心係見到個女。誰不知最近我老婆話比我知她這幾年都活在痛苦之中。她唔可以再忍受我同我阿媽。她決定要離開(正確黎講，係只有我被拋棄，因為佢仍然好錫個女)。這幾年，雖然大家有時都會發下對方脾氣，感情的確係越來越淡，包容越來越少，但要到分開既地步卻令我感到有點突然。

近排係網上睇咗好多人地離婚既Case，大部份都係有衰老公搞到要離婚，我自問唔係情聖，但起碼還有責任感，未到衰老公既地步，結果太太都是要跑掉。雖然每天都有想着這事而唔開心，但始終要面對現實，最令我擔心係個女成長既問題。我本身係單親家庭成長(父親早死) ，知道單親家庭的味兒，唔想個女行這條路，但唔係我決定。

這個月來，我試過想「化解」，坐低傾過；又試過係個女面前加多點對話，結果都係被冷淡對待。她沒有回家的晚上就表明了她的決絕。

見到好多Case，都係長痛不如短痛，因為我自己都唔知自己過緊什麼生活，對大家都唔會好，但又唔知個女會變成什麼性格。有沒有「完美」D既安排，請紿一點意見。
:-(
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


2#
發表於 04-4-19 00:34 |只看該作者

Re: 請紿一點意見。

單親Daddy，

你唔好唔開心啦！

你有冇問清楚你太太，問題出於邊到？

單親Daddy 寫道:
我老婆話比我知她這幾年都活在痛苦之中。她唔可以再忍受我同我阿媽。 :-(


你地同埋你媽媽一齊住？係米婆媳之間發生左問題？

我諗最基本要搵出問題o既所在先有辦法解決！
既然你地都咁錫囡囡，嘗試係呢方面同佢傾下，
為左個女，如果大家仲有心，必定能夠搵到解決辦法o既！

唔好灰心呀！
嘗試下同太太傾清楚，如果有問題，
可以搵第三者（相方o既親友，或者社工）幫下手！

Best regards!!
私人傳訊

彤b^^


禁止訪問

積分: 20403


3#
發表於 04-4-19 00:43 |只看該作者

Re: 請紿一點意見。

提示: 作者被禁止或刪除 內容自動屏蔽
私人傳訊

odelia


大宅

積分: 1320


4#
發表於 04-4-19 01:32 |只看該作者

Re: 請紿一點意見。

單親Daddy, 首先好遺憾睇到你而家o既處境！亦請原諒我o既直言，我諗你自己都覺得同太太o既感情係有問題，但一直都用囡囡o黎維繫住。睇你o既描述，一直都係擔心囡囡會點，有冇諗下太太需要D乜？

私人傳訊

單親Daddy


民房

積分: 7


5#
發表於 04-4-19 01:42 |只看該作者

Re: 請紿一點意見。

多謝你地，或者我應該搵社工。

其實我同我阿媽已經分開住，我都好明白喱D婆媳問題，又係好難搞。我阿媽有時D說話又係衰D。唉，但係我係佢地之間都好慘。父親早死，係佢養大我，我都覺得佢好偉大。我地之前都講過這問題，但今次佢話對我無感情，又屈我話我無以前咁愛佢。

我都諗過拖得就拖，佢做乜就做乜，等個女大D再算，但係好煩。我唔知喱個係咪好辦法。

其實我知佢公司有人追佢，但我唔知佢心態係點，不過已經好令我心淡。我好唔明個男人點解重要追佢，喱D係咪我唔在意既Feel。可能我以前老夫老妻既做法，搞到咁。

Odelia, maybe your’re right.可能個女生得早，婚後感情生活末打好基礎。But everything seem too late.
私人傳訊

stkyo


象牙宮

積分: 206249

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


6#
發表於 04-4-19 02:20 |只看該作者

Re: 請紿一點意見。

冰峰三尺，非一日之寒，婆媳關係絕對對兩夫婦感情造成好大影響，久而久之，對你既愛變得淡並唔出奇，我諗你要認真同太太傾傾，了解佢既需要，女人同男人一樣，如果佢個心已變，拖都唔係辦法。
私人傳訊

bandband


子爵府

積分: 11510


7#
發表於 04-4-19 10:53 |只看該作者

Re: 請紿一點意見。

單親爸爸,

我都同意stkyo講法,你真係要多啲同老婆溝通吓,睇吓佢想點,同埋都要佢知道你想點囉,當然大家都唔好鬧住交咁傾,要以個女既將來為大前題,佢都同你一樣咁愛鍚個女,我諗佢應該明白,依家你囡囡幾大個?如果我諗,可唔可以等到個女成年或者獨立啲先至諗分開???講真兩個人起埋一齊都好難得,如果就係因為婆媳關係而離婚,我覺得咁係好唔值得,況且,我又覺得你老婆又有做錯之處,講真,兩公婆最緊要係互相尊重,要坦誠相對,有咩唔滿意同唔開心咪好好同你講囉,為乜要佢自己忍到咁先至一鑊過話俾你聽佢痛苦要離婚???你都要講番你既感受架,佢發你脾氣,你就唔好同佢一樣咁易發脾氣,EQ高俾佢睇,証明你重視佢,想改善大家既關係,點都好,千祈唔好意氣用事,理智啲去處理問題,發脾氣係處理唔到問題架!到老婆都有意想同你重修舊好,大家咪傾吓日後生活點安排囉,例如婆媳關係,唔係要你幫老婆鬧自己亞媽,女人無非都想有個人俾佢呻吓,聽佢傾心事,只要你諒解佢,開解佢,我覺得女人已經覺得好夠!
老公VOICEMAIL 1 2 3
私人傳訊

tsuitung


伯爵府

積分: 18456


8#
發表於 04-4-19 13:32 |只看該作者

Re: 請紿一點意見。

我都想在這裡發表一下這個問題，雖不是我，是我妹妹，由我妹妹決定嫁給老公開始（現已準備離婚），她的前夫是一位孺孝的人，他的家中每一樣事情從不會對我妹妹說（例如開家庭會議），加上她的老爺是一個非常麻煩的老人家，他還說我妹妹嫁入他的家是不幸，我爸爸聽到都無名火起，他甚麼事都要管這管那，甚至乎我妹妹懷孕的期間，他也會對我妹妹說在這個期間，生理上的變化，我妹妹聽完都感到非常愕然，最攪笑的就是連她去街都要管。其實他們結婚後第一個星期，我妹妹也頂唔順她的老爺，連人帶行李回到娘家，我們也感到愕然。我妹妹當時也有輕微的產前產後抑鬱症。

我妹妹當然甚麼都有告訴老公知，但她老公不是不理，只是沒有好好放在心上，我妹妹都好努力做到最好，當然沒有老人家所謂的「初歸新抱，落地孩兒」那樣聽話，而且俗語所謂「冰封三尺，非一日之寒」，當時我妹妹只是不喜歡跟她的老爺一起，但久而久之，就變成她倆公婆的問題，最無辜的就是她的女兒，現在已4歲了，當然她還不知道父母間的問題，只是偶然會問到媽媽為甚麼不回家睡呢？媽媽只答她因工作的關係要在內地工作。

有時看見我的姨生女也很可憐，爸爸也要回內地工作，家中只得麻麻照顧。現在一切都已成定局，當時我都有受到妹妹的影響，對婚姻的觀念也很灰，將來自己會否都行這一條路呢？

唯有坐下來，互相坦白地向對方說出自己的感受，可能會有轉機呢！多溝通是一個好的方法。
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
私人傳訊

SamuelMama


複式洋房

積分: 269


9#
發表於 04-4-19 19:03 |只看該作者

Re: 請紿一點意見。

單親Daddy ,

"她沒有回家的晚上就表明了她的決絕"

如果沒有囡囡,你會點決定呢?
私人傳訊

diana


大宅

積分: 1758

BK Milk勳章


10#
發表於 04-4-19 19:21 |只看該作者

Re: 請紿一點意見。

唉，真係唔知講咩好，我朋友就係因為奶奶問題同個老公離婚，因為講左好多次講頂唔順個奶奶，但老公都不放左心上，結果都係去到離婚這一步，好彩是她沒有小孩，現在她和我講離婚後的感覺好好。沒有行錯，不過她老公就到現在都唔知點解可以因為咁小事就離婚，可能這就是男女想法不同吧。
[img][/img]
私人傳訊

單親Daddy


民房

積分: 7


11#
發表於 04-4-20 00:13 |只看該作者

Re: 請紿一點意見。

如果未有個女，我會決定分開。一來唔需要為個女打算，二來我覺得佢真係幾頂唔順我阿媽。我阿媽當佢係女咁管，又話佢大洗，又話佢成日去街。我同我阿媽都講過，不過老人家改唔到，間中又來一鑊。而家諗番起，我老婆曾經講過話第日離婚都係因為我阿媽。

有時唔係想唔理，唔在意，而係搵唔到解決辦法，無法唔接觸，因為個女係嫲嫲照顧，而我阿媽又係需要人照顧，老婆又要求照顧。有時比屋企三位女仕搞到好煩。佢以前仲安慰番我，話只係同我呻吓。呻吓呻吓就變成活在痛苦之中。

如果婆媳問題會影響夫妻感情咁深，我都會明白D。喱個可能係解決問題既方向，不過唔知可唔可以修補。唔該各位Mummy。

如果我同太太分開咗，但個女日日都見到Daddy Mummy，會唔會對個女影響少D呢？
私人傳訊

POSEMOM


禁止訪問

積分: 1163


12#
發表於 04-4-20 00:33 |只看該作者

Re: 請紿一點意見。

提示: 作者被禁止或刪除 內容自動屏蔽
私人傳訊

單親Daddy


民房

積分: 7


13#
發表於 04-4-20 01:41 |只看該作者

Re: 請紿一點意見。

剛剛再同太太(平和地)傾這個問題，佢再一次話比我知對將來既事無信心。又攞番D舊事出黎講(有次鬧交，我七日無同佢Say Sorry)黎証明我無咁愛佢，責任分工，諸如此類的銷事(我認為係，佢覺得好大見事)。仲講到喊，好似我而家包二奶，對佢唔住咁嚴重。跟住又走咗出去……
CRAZY!!!!!
:-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x
私人傳訊

bandband


子爵府

積分: 11510


14#
發表於 04-4-20 05:49 |只看該作者

Re: 請紿一點意見。

你唔好咁嬲住啦!如果你老婆去意已決,咁可唔可以以個女為大前題,大家傾番啲實際嘢,究竟想個女跟邊個,大家分析吓,講真跟你又得,跟你老婆亦都好,始終由媽咪照顧會好啲,我都係單親環境長大,我係跟老豆,但我老豆唔識同我地溝通,更加唔會教咩儀態啦( 我好MAN架!)!睇你老婆想點,如果佢自問照顧唔到個女,咁梗係你要番個女啦!但都要協議大家分開後雙方都有權見個女,做唔成夫妻都可以做番朋友啫!係咪?總之你咩都要同佢講道理,佢發脾氣唔理智係佢既事,但個女既大前題就唔到佢咁任性去'處理',始終大人既恩怨,唔好報落兒女身上囉!如果你地好似我老豆亞媽咁,我諗到時你囡囡都好似我咁,成個童年無咗,一啲都過得唔快樂....所以你地每行一步都要三思而後行,千祈咪魯莽!
老公VOICEMAIL 1 2 3
私人傳訊

ywpw


男爵府

積分: 6545

好媽媽勳章


15#
發表於 04-4-20 10:47 |只看該作者

Re: 請紿一點意見。

你好單親Daddy :

我睇完你既留言, 只想發表我的意見, 唔好介意.

首先你有問你自己是否仲鍾意你太太嗎?(我覺得你經常只唸囡囡點算,咁你太太呢)
因為我覺得你太太覺得你已不太愛她, 所以對你既容忍相對減少(包括你媽媽)一個女人若覺得你係愛佢的話, 你叫佢忍幾多個媽媽都無問題, 相反就好似你宜家既情況, 講真我有d同情你太太, 因為佢都忍左你媽媽咁耐, 到最後原來換來要離婚, 你仲要只唸囡囡, 你有幫佢唸嗎???一個女人婚已結左囡都生埋, 你叫佢一個女人點算???我絕對相信佢比你更擔心囡囡以後的生活....佢唔會比你好受, 對嗎???如果你仲想和你太太一起的話, 你可以為佢做d野嗎, 例如: 若覺得你媽媽過份左, 幫你太太講說話等等.....有時女人覺得自己係重要的話, 已經足夠.


請勿見怪



私人傳訊

finger


男爵府

積分: 9521

醒目開學勳章 畀面勳章


16#
發表於 04-4-20 10:51 |只看該作者

Re: 請紿一點意見。

單親Daddy : 其實你老婆都好想解決問題, 睇你咁講佢仍然係愛你的, 只不過係你牛皮燈籠, 點極都唔明, 其實你都好清楚除左你呀媽既問題外, 另一個問題就係你, 你唔覺得你老婆成日話你冇以前咁愛佢嗎!!
男人就係咁, 粗心大意, 諗住結左婚就唔再需要拍拖時的甜言密語, 溫馨浪漫, 細心體貼, 只認為努力工作賺錢養家就已經係好老公, 好 daddy, 其實你老婆既心靈好空虛, 好寂寞, 亦都好冇奈, 你應該做 d野出黎証明你仲還愛你老婆, 比你老婆覺得你係重視佢既, eg: 係屋企食燭光晚餐, 送小禮物 , 送下花, or 係沙灘食 pizza 飲香檳, 唔好以為呢 d野點做呀??
我老公就係咁做架啦

雖然未必係好提議(或者你有更好的), 但希望幫到你啦~~

記住, 對老婆既愛意唔可以收埋係心底咁耐架, 要不時 show off 自己比老婆睇, 呢係情趣黎架, 重視個女係岩, 不過都要重視下老婆先得架, 知冇??

祝你好運!!
http://jackylau.com/FreePhoto/PhotoData/U0047102.gif
私人傳訊

SYMAMA


洋房

積分: 503


17#
發表於 04-4-20 12:17 |只看該作者

Re: 請紿一點意見。

Totally agree with finger. I think your wife still love you. She cried and told you what are the problems. It's mean that she care about you and want to let you know what is her feeling. Send her flower and go out for a candle dinner. Tell her your daughter and you are need her. Don't argue and get mad.
私人傳訊

stkyo


象牙宮

積分: 206249

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


18#
發表於 04-4-20 12:33 |只看該作者

Re: 請紿一點意見。

我先前所講，冰峰七呎，非一日之寒，佢攞番D舊野出黎講，即係証明佢忍左好耐，受左好多委屈，只怪你初初無好好處理，如果你而家仲嬲或生氣既話，你老婆唔走就假。

女人係咁架啦！你覺得少事並唔代表每個人都覺得係小事，尤其係婆媳關係......例如：我唔鍾意我奶奶成日用蒸完魚個D油黎勞飯比BB食，我就同我老公講，佢就覺得係小事，我當然覺得好緊要啦！因為唔健康丫嘛！如果你仲care佢，你可唔可以企係佢個邊諗下佢，你要平心靜氣大家傾，否則無人幫到你。

單親Daddy 寫道:
剛剛再同太太(平和地)傾這個問題，佢再一次話比我知對將來既事無信心。又攞番D舊事出黎講(有次鬧交，我七日無同佢Say Sorry)黎証明我無咁愛佢，責任分工，諸如此類的銷事(我認為係，佢覺得好大見事)。仲講到喊，好似我而家包二奶，對佢唔住咁嚴重。跟住又走咗出去……
CRAZY!!!!!
:-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x :-x
私人傳訊

小manman


翡翠宮

積分: 88112


19#
發表於 04-4-20 20:46 |只看該作者

Re: 請紿一點意見。

單親Daddy:
我好同意其他媽咪的講法~
你老婆講得出你無以前咁愛佢,你點解唔檢討下自己呢???你老婆講到咸,你有無好聲好氣安慰下佢???你依架仲話佢carzy呀,你問下你自己對佢仲有無以前咁細心同關心佢???你地以前拍拖個陣,如果你見到佢咸,你會唔會氹番佢開心???幫佢抹下眼淚???
其實,女人就係咁小心眼架喇!!!只要你同以前唔同左,無以前咁關心佢,佢就會覺得你無以前咁愛佢(我都係女人,我好明白,因為我都係咁)
我有時都會覺得我honey無以前咁錫我,咁我扭下佢計,其實只係好小的事都可以諗到好嚴重,例如:佢平時打好多次電話比我,但呢幾日打少左,咁已經覺得佢有d唔同左,咁我的做法就係會問佢囉,其實,我主要係想知道個原因姐,如果佢同我講話呢幾日比較忙,但夜晚都有打比你架!!!咁已經可以無事架喇!!!
你依架成日只係覺得你老婆將d問題小事化大咁,其實,係你長時間以黎都太粗心大意,忽略左佢的感受,既然佢講得出一直以黎的不滿,咁即係佢委屈左好耐喇,亦即係話你長時間以黎都無真正了解過佢的需要同關心佢的感受,所以就搞到今日咁的田地~
以上就係我做女人可以話比你聽大概你老婆的感受,唔啱聽可以唔聽~
私人傳訊

單親Daddy


民房

積分: 7


20#
發表於 04-4-21 00:31 |只看該作者

Re: 請紿一點意見。

昨晚我係好唔開心同不滿，不過唔係係佢面前。我唔係果D火爆既人，有咩事，我極少同佢鬧交，只會唔出聲，第日我就會無事，跟住同佢Say Sorry，因為「一定係我錯」。跟住你地又會話無「正視」問題。唔係每一個問題都係理性的，有原因和答案。唔知你地明唔明。

我而家只係會為個女去諗。個女細，乜都唔知，又無得選擇，對佢好唔公平，大人既事我唔想影嚮佢咁多。一個男人都要諗好多事情，以前會以家行先，然後分紿家人和自己，太太可能唔夠分。

我太太講得無錯，今次無事，唔代表幾年後無事，佢都對自己無信心繼續容忍，我亦無信心可以「晚晚係沙灘食 pizza 飲香檳」(比喻咋，唔好介意) 。可能男同女既愛情觀唔同。無花收無浪漫就令感情轉淡；無忍耐無包容就令感情破裂。剛好我地都決少了一部份。互相關懷唔係無，但要幾多，又比幾多先至夠？每個人都有唔同需要。

同你地傾咗，我比較明白點解佢要走，點解佢咁辛苦。Thanks.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy