吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 仔仔有ADHD, 發現手肌不緩慢，影响扣衫紐，寫字 ...

自由講場今日: 1127|主題: 1359028

收藏本版

發帖

返回列表

跳至頁

樓主: SAMLAU

仔仔有ADHD, 發現手肌不緩慢，影响扣衫紐，寫字 [複製鏈接]

channba31

禁止訪問

積分: 42056

21^#

發表於 15-1-13 14:17 |只看該作者

引用：Quote:channba31 發表於 15-1-13 13:35 吓

提示: 作者被禁止或刪除內容自動屏蔽

私人傳訊

SAMLAU

伯爵府

積分: 18886

22^#

發表於 15-1-13 15:49 |只看該作者

引用：Quote:原帖由 SAMLAU 於 15-01-13 發表仔仔

原帖由 Anpanmama 於 15-01-13 發表
本帖最後由 Anpanmama 於 15-1-13 13:48 編輯

仔仔3月返醫院覆診，醫生可否寫信比學校手肌問題可以調適，學生老師有提議我試下問醫生証明信，咁樣就唔使等學校評估，有無人試過咁樣可以吖！謝謝

私人傳訊

yoma1975

珍珠宮

積分: 30287

開心吸收勳章認識瑞士牛牛第一回畀面勳章 2011至尊種植勳章環保接龍勳章

23^#

發表於 15-1-13 20:11 |只看該作者

SAMLAU 發表於 15-1-13 08:51
仔仔有ADHD小三有食藥，近小二開始發現每次考試做卷不夠時間，每次都有7-8題無時間做，復卷時間都唔會有， ...

你可以叫醫生寫係因為ADHD專注力方面影響做卷要加時.唔好寫手的問題要加時,咁就可即時拿到醫生紙叫學校開會加時比你,跟敎育署定最多有25%時間,大約有8-10分鐘.

但手部照排做評估.但應不用比錢拿報告,因為做完係有張紙比返你,或叫你簽紙醫院直接比報告學校.

我囡都因為手部有問題,升小一前係粉嶺評估中心做了話寫比囡加15分鐘,但我當初唔知學校要加時一定要物理治療師寫落紙,唔想一開始就加比囡,無叫寫落表.

攪到囡上年及今年都做不完卷.今年囡終於得到評估,我上個月覆診時問醫生因為囡手部問題要加時,醫生話手部佢寫不到比我,如要等再一次手部評估寫,起碼要最少等兩年,所以同我寫了專注力問題要加時比囡.叫我同學校講返,睇下學校開會比幾多加時.

私人傳訊

SAMLAU

伯爵府

積分: 18886

24^#

發表於 15-1-13 21:29 |只看該作者

引用：Quote:SAMLAU 發表於 15-1-13 08:51 仔仔有

原帖由 yoma1975 於 15-01-13 發表
你可以叫醫生寫係因為ADHD專注力方面影響做卷要加時.唔好寫手的問題要加時,咁就可即時拿到醫生紙叫學校開會 ...

多謝你議見，3月仔覆診我嘗試問醫生，可否就專注力問題加時寫信，我都有睇協康會青葱計劃，小學生書寫評估，不過都貴，而家治療師寫報告比醫生排寫字評論，睇下要等幾耐，如果要2年真喺未必等，小五呈分試吖！真的謝謝你寶貴議見。

私人傳訊

~仔仔媽咪~

水晶宮

積分: 51912

25^#

發表於 15-1-13 21:55 |只看該作者

回覆：仔仔有ADHD, 發現手肌不緩慢，影响扣衫紐，寫字

其實自己訓練個囝都得架！
出面一係要排一係好貴，
媽咪親自操刀教無疑係辛苦啲，
但只要堅持同用心去教，
效果真係好樣過出面啲人教囉！
我以前都有上門教番我地呢類型既小朋友，
如果有需要，您可以同我傾，
睇下我啲方法可唔可以幫到您囝囝，
放心，我只係獻計，做都係媽媽您親自訓練阿囝，所以絕對係免費！唔駛擔心！

同埋順便講番，千祈唔好俾太多學校調適個囝，除咗考試答卷時間可以照俾學校加長15分鐘外，功課同學習上課模式都唔好【懶係】就佢能力而大幅度調低，因為咁樣唔係幫佢，反而拖慢佢進步，始終小朋友能力去到邊，並唔係單靠評估同學校分數而預算到，

好似我囝咁，明明幾經辛苦，訓練到佢高小已經可以寫字快靚正又能夠正常應付中英文背默仲要次次九十幾分，點知一升到中學，老師根本未清楚我囝就一野由零開始，默書走嚟淨係要我囝填窿窿，即係幼稚園嗰啲，

結果我囝明顯寫字退步咗，成日都唔駛我囝寫字，我囝初中呢3年，中文由我囝強項變成弱項，寫字出奇地慢醜同吃力，係今年中三開始俾番我囝玩番正常版，唔係簡易版，我囝呢兩個月至明顯好番好多，所以至話就佢唔係亂咁就，有啲真係要刻苦鍛鍊至練到番嚟。正如我依家打開字，您突然要我手寫，我絕對慢過我囝寫字。

如果需要傾下，可以pm我，

我地可以wtp傾，到時我又可以俾我囝手怪獸字過您睇睇

私人傳訊

~仔仔媽咪~

水晶宮

積分: 51912

26^#

發表於 15-1-13 21:58 |只看該作者

回覆：仔仔有ADHD, 發現手肌不緩慢，影响扣衫紐，寫字

總之排期照排，方法照揾，但唔好淨係等，响等方法等訓練時，自己主動出手諗多啲方法去親自訓練阿囝，因為時間真係唔夠用架，要好好把握。

私人傳訊

SAMLAU

伯爵府

積分: 18886

27^#

發表於 15-1-13 22:07 |只看該作者

引用：總之排期照排，方法照揾，但唔好淨係等，响

原帖由 ~仔仔媽咪~ 於 15-01-13 發表
總之排期照排，方法照揾，但唔好淨係等，响等方法等訓練時，自己主動出手諗多啲方法去親自訓練阿囝，因為時 ...

謝謝你寶貴議見，請問你點樣幫仔仔訓練手肌，我好想幫仔仔，我會堅去做，我真喺唔想浪費時間去等。手肌訓練照排，等政府，但調適時間要報告我可能愠協康做。謝謝你吖

私人傳訊

yoma1975

珍珠宮

積分: 30287

開心吸收勳章認識瑞士牛牛第一回畀面勳章 2011至尊種植勳章環保接龍勳章

28^#

發表於 15-1-13 22:30 |只看該作者

SAMLAU 發表於 15-1-13 22:07
謝謝你寶貴議見，請問你點樣幫仔仔訓練手肌，我好想幫仔仔，我會堅去做，我真喺唔想浪費時間去等。手肌訓練 ...

唔好等政府,我等了兩年先有得去醫院物理治療,結果係得10堂,每次一小時,只係同佢電手,電完就夾夾仔,夾完就走得.

私人傳訊

~仔仔媽咪~

水晶宮

積分: 51912

29^#

發表於 15-1-13 22:39 |只看該作者

SAMLAU 發表於 15-1-13 22:07
謝謝你寶貴議見，請問你點樣幫仔仔訓練手肌，我好想幫仔仔，我會堅去做，我真喺唔想浪費時間去等。手肌訓練 ...

您先要留意番囝囝認字(中英文字,尤其中文字)有冇困難,
我囝本身認字都麻麻,以前我會先唔駛佢寫字,先教佢認咗個字係咩樣,俾番啲想像力佢,好似圖畫咁教佢記中文字,
然後叫佢用食指大大隻响張紙度畫隻字出嚟.嗰時我有print out啲字俾佢畫,一張A4紙可以印到兩隻中文大字,
但要逐隻字俾佢睇同認,不能貪心一鑊過俾佢同時間認兩隻字,逐隻字俾佢去熟識,好似識朋友認住朋友個樣同特徵咁.

筆順呢樣又係幾難教,一定要靠佢成日寫同練,寫慣咗自然會習慣筆順既次序,如果佢都係認唔到啲筆劃,寫大字嗰陣,可以用唔同顏色畫唔到部首同筆順,顏色次次都係順序落,咁樣佢會好記啲.

COPY BOOK話雖老土,但其實佢地好需要,係辛苦死抄爛抄架,但真係要佢地練同習慣成日落手寫,進步咗少少或者佢肯寫多幾隻字都要讚佢,等佢個心都有番啲衝勁同動機去繼續努力嘛!佢寫得慢同醜千祈咪責怪佢,因佢都唔想,佢地寫字係好吃力同好容易攰同手痛架!

至於改善佢地執筆姿勢同用力方法,您嘗試用個大BOX FILE俾佢墊住嚟做功課同寫字,甚至練寫字可以貼張紙响牆度寫,等佢改番個用力方法,留意番佢執筆嗰啲手指正唔正確,如果佢仲係好似BB咁幾乎成個拳頭捉實支筆,咁即係佢用錯力用錯姿勢,結果發唔到力去拎實支筆寫字,如果係,您可以zip舊擦膠响佢掌心,用無名指&尾指夾住舊擦膠响掌心,前面嗰三隻手指就拎筆,呢樣又係可以改善佢執筆既情況.

除咗拎筆寫字嚟訓練佢外,俾佢每日做運動,落公園周圍爬一個鐘,玩下掌上壓,呢樣又可以鍛鍊番佢上肢既肌肉同力度,對佢寫字同ADHD症狀有莫大幫助,真係要每日俾佢多啲郁動下用下力喎,否則,一嚟佢練唔到力去寫字,二嚟佢啲精力發唔哂出嚟,佢永遠都好難有專注力去做任何事,嗰時我囝個心理學家都建議,係咪都俾我囝跑一個鐘,跑完至番嚟做功課,佢真係明顯容易專注到同做到功課,個人定好多唔會咁成日好似屁股俾蟻咬咁周圍郁架!

我又千字文,噴住咁多口水先...^^"