吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 你地結婚時,媽媽收左男家D咩禮~好煩呀

婆媳關係今日: 3|主題: 27773

收藏本版

發帖

返回列表

跳至頁

樓主: shamapple

你地結婚時,媽媽收左男家D咩禮~好煩呀 [複製鏈接]

123 4 5

Vca

男爵府

積分: 5681

21^#

發表於 08-5-8 08:11 |只看該作者

我絕對係蝕本貨!!! 我媽咪應該蝕到入肉....

mouth:

本來媽咪想要總數20萬，講數後減半收10萬~ 用咗來擺于歸酒~ 不過我唔記得擺咗十幾圍!

餅咭200張，但後尾唔夠要另外再買......過大禮都有，不過從簡~~~

金器加一套鑽石(手鈪 + 戒指)係媽咪一早預備好比我既，所以唔洗買; 爹哋就買咗對新既龍鳳鈪比我; 媽咪另外新買咗一條鑽石頸鍊 + 一套好似龍眼咁大既南洋珍珠頸鍊連耳環比我~ 套珍珠唔知幾多錢，但淨係條鑽石頸鍊都成20萬; 仲有LV 喼一個 (萬幾~) - 媽咪話當係嫁妝既衣箱; 再加隻Rolex 比老公 - 佢地話好意頭"襟撈"喎!

酒席回禮 (扣咗擺酒錢~) 淨收5、6萬~ 媽咪全數比哂我地! 不過我地返英國前62問媽咪搵咗隻金錢龜，咁我媽咪緊係送比62啦.....不過喺回禮度扣~ 隻龜2萬幾...所以得番3萬幾蚊! 不過我+老公唔肯收~ 但媽咪吼我地上機前偷偷地塞咗入我手袋.......

私人傳訊

carly.c

子爵府

積分: 14643

22^#

發表於 08-5-8 10:48 |只看該作者

我媽要左$79999+10圍
不過個10圍D禮金俾返曬我地
仲包我新屋所有傢私

SO~ 我都係蝕本貨

mouth:

可能我媽老土D, 話冇所謂, 最緊要我開心
仲有, 我地女家都會有面D,!
我第時係男家講野都可以大聲D..

(老人公思想)

私人傳訊

shamapple

複式洋房

積分: 377

23^#

發表於 08-5-8 12:18 |只看該作者

我昨晚同呀媽講左我地要求...

30000禮金+200打西餅+唐餅+潮州餅+過大禮+10圍酒(但希望佢比番5圍人情我地找數)...當呀媽聽到之後就係到

,仲講,唔要喇,我地唔係要你好多野.....

呀媽,嚇C我喇,我唔係覺得你好貪心,我其係希望你可以比番5圍人情我找數....呀媽.我都想

,因為我擔心要借$....

呀媽唔好成日聽D三姑六婆講,要呢樣.要個樣,先叫嫁得風光同有面子,實在我唸,"風光"同"面子"點樣衡量....？係未？

呀媽.我明白喇,你第一次嫁女,屋企又係第一次做喜事,我盡可能滿足你喇,你唔好唔開心呀....

私人傳訊

lasalleps

洋房

積分: 335

24^#

發表於 08-5-8 12:36 |只看該作者

你咁孝順你媽下左氣就一定明的。唔好唔開心啦, 結婚要開開心心, 你要做個靚靚新娘呀。

私人傳訊

A.C.C.

大宅

積分: 3786

25^#

發表於 08-5-8 12:44 |只看該作者

傻妹，你可以同媽咪商量，10圍酒席D人情，收個時表面係媽咪袋，等酒席完咗，埋數時先俾番一半你，個時三姑六婆都走晒啦，邊個知D錢點分配喎？

我明白你媽咪想好好睇睇咁將你嫁出去，因為我媽當年都係，佢地老一輩會覺得禮金多D酒席多D，代表個女婿有能力照顧個女，所以好緊張D數目同繁文縟節，樣樣想做足。

但現實係現實，為咗"好睇"而搞到你地要借貸，咁就唔係嫁女嘅真正意思，試試同你媽咪平心靜氣講多次，俾佢睇你地嘅預算。

啱啱結婚嘅小夫妻要俾成15萬出來，其實已經好多啦，儘量慳D，你地先可以快D有自己嘅家庭。

私人傳訊

ac321

侯爵府

積分: 24705

好媽媽勳章

26^#

發表於 08-5-8 14:08 |只看該作者

me too.............

原文章由 Vca 於 08-5-8 08:11 發表
我絕對係蝕本貨!!! 我媽咪應該蝕到入肉....mouth:

私人傳訊

beckytamhk

別墅

積分: 870

27^#

發表於 08-5-8 14:35 |只看該作者

樓主, 我都好明白你既心情, 我個時結婚呢, 我 mammy 就冇講明要幾多禮金呀, 呢樣個樣既, 反而個惡型 99 就又要我地呢邊回乜回物比佢!! >_<!!
但係 c6 就比左2萬幾禮金比 mammy, 同埋 mammy 既親戚同朋友比既禮金就 mammy 自己袋.

樓主, 其實呢, 我想講既係, 父母養育之恩係幾多 $$ 代替唔到. (除左 d 唔理自己仔女既父母) 有能力既, 就滿足佢地. 父母對自己個女出嫁其實都好膽心, 膽心佢地嫁得好唔好, 第日既生活係點, 可以你媽咪而家想係男家囉多少少傍身, touchwood, 如果到時佢地有咩對你唔好, 咁佢都可以比番你, 幫補吓你丫嘛.

私人傳訊

ybym

大宅

積分: 2577

28^#

發表於 08-5-8 14:36 |只看該作者

提示: 作者被禁止或刪除內容自動屏蔽

私人傳訊

happybaby0906

複式洋房

積分: 269

29^#

發表於 08-5-8 15:38 |只看該作者

我同我先生唔太記得詳細....我先生總之負責如下:

1.) 我地女家total 12 圍, (其實多左1~2圍, 不過佢地男家照比). 男家埋單....女家d圍數客人賀禮就我mummy收. 不過我地都唔知有幾多. 因為無問. 所以可以講有1~2圍係62送

2.) 先生另封 3萬8 禮金.

3.) 餅卡唔記得幾多......另加d潮州餅. 我先生比, 佢又唔記得.

4.) 我家姐細妹d衫, 佢比錢. 好似象徵式各一千.

5.)過大禮, 我地兩家都無所謂....好似都係幾樣嘢.

6.) 兄弟利是 - 每人4百. total 2400

7.) 開門利是 - total 好似 around 4000. 因每位姊妹各有多於600.

8.) back job 個位就happy, 因為先生好開心, 佢剛剛收嘢走個時又同我先生恭喜. 我先生叫佢brother比5百.

9.) 其他當日下午飯, 下午荼, 壽司....total around 5,000 ~ 6,000. 好似.

10.) 之後, 散席再k, 4000.

11.) 化妝, set 頭.........TOTAL AROUND 5000.

仲有d唔係先生比,
1.) 酒樓利是 ----- 唔知. 男家派....我62/99, 其他男家人都唔記得.
2.) 埋單total幾多唔知.....因為我62去埋...62只收我先生應承我mummy個12圍錢.
另total 要蝕3萬 (只計男家客人賀禮去男家圍數酒席錢). 我先生話比翻62, 不過佢話唔要.
3.) 酒樓tips - 又係無人記得.
4.) 兩箱藍帶白蘭地. (佢地唔like紅酒, 所以用酒樓個d紅酒)

[ 本文章最後由 happybaby0906 於 08-5-8 15:56 編輯 ]

私人傳訊

Leomummy

男爵府

積分: 7723

30^#

發表於 08-5-8 22:37 |只看該作者

原文章由 ac321 於 08-5-7 18:41 發表
It seems that you are already sell out by your parent!
Then, I think you don't need to give $ to your parent monthly after get married.

私人傳訊

short

大宅

積分: 2440

31^#

發表於 08-5-9 15:46 |只看該作者

我都係蝕本貨, 99話佢無咩親戚,一圍都坐
吾晒,我屋企兄弟姊妹連姪仔外甥全部加埋
有29人,佢剩係比左二圍我其中一圍仲要同
佢兩份分,實際得一圍多D,我亞媽要自己貼
三圍,一圍比我屋企人,一圍兄弟同姊妹另一
圍比我同事連朋友,同埋本來講好禮金連過
大禮,禮餅,乳豬一封利是比女家自己攪,共
6萬元,點知過大禮果日收到封利是係美金
$2000大元約HK$15600, 相差44400,
之後同C6講佢亞媽比小左,佢答我話無睇
過封利是幾錢,要問下佢亞媽, 點知個8婆答
因為無現金做晒定期,剩得美金2000, 無得
比, 明知比吾到就吾好吹甘大,激到我火都
黎埋, 覺得好無面,鬧到C6死, 好彩我亞媽
吾計較,但到99嫁女,99要男家禮金10萬+10圍
話如果無就吾好嫁住,有錢先再結喎,之前又
話無咩親戚,毛喇喇又可以變10圍親戚朋友
出黎,有病

私人傳訊

ac321

侯爵府

積分: 24705

好媽媽勳章

32^#

發表於 08-5-9 15:51 |只看該作者

You mean 佢亞媽 (your 99)比your mother.......?
I think this $ should be paid by you two, not 99!
You are lucky compare with other mother here.

原文章由 short 於 08-5-9 15:46 發表

我都係蝕本貨, 99話佢無咩親戚,一圍都坐
吾晒,我屋企兄弟姊妹連姪仔外甥全部加埋
有29人,佢剩係比左二圍我其中一圍仲要同
佢兩份分,實際得一圍多D,我亞媽要自己貼
三圍,一圍比我屋企人,一圍兄弟同姊妹另一
圍比我同事連朋友,同埋本來講好禮金連過
大禮,禮餅,乳豬一封利是比女家自己攪,共
6萬元,點知過大禮果日收到封利是係美金
$2000大元約HK$15600, 相差44400,
之後同C6講佢亞媽比小左,佢答我話無睇
過封利是幾錢,要問下佢亞媽, 點知個8婆答
因為無現金做晒定期,剩得美金2000, 無得
比, 明知比吾到就吾好吹甘大,激到我火都
黎埋, 覺得好無面,鬧到C6死, 好彩我亞媽
吾計較,但到99嫁女,99要男家禮金10萬+10圍
話如果無就吾好嫁住,有錢先再結喎,之前又
話無咩親戚,毛喇喇又可以變10圍親戚朋友
出黎,有病
...

私人傳訊

short

大宅

積分: 2440

33^#

發表於 08-5-9 16:30 |只看該作者

回覆 #1 ac321 的文章

C6未結婚前出糧比70% 99做家用和幫佢儲錢, 比左成20年,結婚斟茶同我地講而家我已經比番晒D錢你地,(禮金美金2000)已後吾好問佢羅返, 我亞媽買金器同其他都用突晒,擺酒D禮金全部比番晒我地,因為亞媽聽到99敢同我地講驚我地無錢會比佢男家D人蝦,所以叫我地收埋吾好比99知,我亞媽同屋企人都好錫我地,有事一定會幫手,同99借都要計番利息,你話有無攪錯

私人傳訊

ching070707

公爵府

積分: 29915

認識瑞士牛牛第三回

34^#

發表於 08-5-9 21:43 |只看該作者

我阿媽 (100,000)禮金,100張西餅,15張唐餅
過大禮(4支酒,其他雜項)...
我阿媽要8圍,不過係自己被,之後又買左好大隻鐲被我都成30,000...
攪其他野其實佢無收過囉..
樓主:其實你唔可以同你阿媽計咁多架...可能到最後佢都無收過你地任可錢...因為我當時都係咁諗,個時我老公身上只有10萬蚊咋..之後咪問
99借..連影相都係借99架因為我大左肚,為有要結婚...好好彩我擺酒個到為到...之後一次過被返99佢地
((佢重要十月懷胎生你出黎..到你有細路會知囉..點解我會咁講..你之後生左重要搵你阿媽照顧你..唔好叫99照顧呀))
你可以同男家個邊相量...借住先...
到攪掂晒先被返佢地囉

私人傳訊

ka_hei

大宅

積分: 4848

35^#

發表於 08-5-10 01:21 |只看該作者

大約二年前我同老公結婚個陣，我媽咪知道我哋無咩錢所以冇要到禮金只係要咗200張西餅咭加唐餅咭和8圍酒，之後媽咪只係要咗擺酒當日的人情三份一當係禮金大約三萬蚊，但之前媽咪買咗一條條龍鳳頸鍊、一對龍鳳手鐲和一隻紅寶石介指給我，所以我媽咪無錢落過袋，當時都用了大約三十萬攪曬全部，之後我生完BB99話佢要返工所以一定唔會幫我照顧BB，我係媽咪到坐月和現在BB都係我媽咪幫我照顧的，所以我宜家大約每月都比$7000媽咪做家用，一來當係還之前啲禮金錢二來係報答媽咪咁辛苦幫我照顧BB，其實照顧BB都唔係一件容易啲事，所以真的世上只有自己媽媽係最好的，我相信你媽媽都一定會體諒你哋，比一點時間你媽咪吧，加油，一定要開開心心完成婚禮，祝有一個開心完滿的婚禮和家庭！

私人傳訊

我愛Corina

瑪瑙宮

積分: 138384

2025勳章蛇年勳章 2024年龍年勳章好媽媽勳章醒目開學勳章環保接龍勳章

36^#

發表於 08-5-10 01:33 |只看該作者

好奇一問,你地個禮金係咁實數??唔係要9字未ga咩?
我媽咪淨係收左d禮金,同過大禮果d野囉...
但係佢有回禮同比金我...我諗佢冇咩落袋...

私人傳訊

evashao

大宅

積分: 2165

37^#

發表於 08-5-10 01:53 |只看該作者

我結婚既時候除左我老公比左SD$500我媽咪當係買餅卡之外,我媽咪都係咩都無收過~

原來果陣時叔仔老婆都有問過我99有無比禮金我媽咪?我99話:[無呀,阿xx媽咪都無同我傾~],其餘果d繁文縟節(過大禮,回禮...)就更加百無啦,可能係佢地大馬人唔興卦:;pppp:?

由於當年我太無知,以上既野我一d都唔識/唔知,所以媽咪咩都無收過我都無出過聲!如果換轉係而家,我實唔會咁便宜佢地

!

不過唔知係咪正如前面有位媽咪所講,因為我地女家一亳子禮金都無收過,所以有時我o係99面前講野大聲d或者發脾氣,我99都唔會鬧我~

[ 本文章最後由 evashao 於 08-5-10 01:55 編輯 ]

私人傳訊

cherrielovely

男爵府

積分: 6003

好媽媽勳章

38^#

發表於 08-5-10 21:43 |只看該作者

想當初, 我有左bb先結婚, 果時手頭都係剛剛好..

阿媽好好咁話唔會要我地駛好多錢, 又點點點...
仲話唔要禮金... 要我地留返d錢養bb..

最後...
要佐我老公十圍酒席, 五萬禮金, 金器佢只係買左對1萬蚊樓下既龍鳳鈪比我..

仲要結完婚之後成日呻... 話比得小之類....
大佬, 開金礦咩家下....

你地話丫...做女真係慘...

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

39^#

發表於 08-5-10 22:16 |只看該作者

樓主, 15萬真係有d難度....除非真係好細攪, 否則如10圍酒席for 女家 (即收返黎嘅１０圍禮金都係for 女家, 咁攪得10圍女家, 男家都起碼有返咁嘅數, total成２０圍) 真係分分鐘要借錢先攪得掂。要唔蝕太多，唯有多請朋友，　除非親友都出手好高，如果唔係真係入肉．．．

我當時都係２０幾圍，　唔係大攪，　最後成個ｗｅｄｄｉｎｇ埋單比左３０萬．．．　　