心聲留言

收藏本版
發帖
返回列表
跳至頁

首頁
123

尾頁
   0
janet


伯爵府

積分: 15905

hashtag影視迷勳章 大廚勳章 畀面勳章 BK Milk勳章


21#
發表於 04-5-21 13:55 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

請問你囡囡會否都痴爸爸呢??又或者係老公鍾唔鍾意同佢玩呢??你可以試下,叫你老公,每日同佢傾計,睇下佢想點,又叫你老公話佢知,媽咪唔開心,因為你唔食野,媽咪好心痛,我個仔開頭都好似你大女咁架!!佢個時已經六歲架喇!!不過我同佢講,我係兩個都會錫,而家錫妹妹,係因為佢仲好細個,我覺得你大個仔,開始可以照顧自己,最起碼識自己食飯同埋去廁所,同埋你細個時媽咪都一樣咁錫你架,因為你係BB,所以要特別照顧囉!!慢慢佢都冇再唔鍾意個妹,亦都唔再成日黑面同埋做D野引你注意!!我遲D仲要幫我阿嫂揍BB,係初生個隻!!我同我仔講,不如你幫我揍BB啦,我繼續睇住阿妹啦,佢話唔好喇,都係我睇阿妹,你揍BB啦,佢話第一我唔識揍,第二,BB咁細個你要錫佢多D架!!我阿嫂又同佢講,你大個仔喎,如果有人蝦BB你會點呀??佢話我一定唔會俾人咁做架,跟住話咁蝦阿妹呢,佢話梗係唔得啦,阿妹咁細個,要蝦就蝦我啦!!所以你真係唔使唔開心架,呢一個只係過渡期,你可以同佢傾下,有時佢可能會覺得你咁講,係唔想再理佢,咁你就可以搵你老公啦,你媽媽啦,或者係成日都會見面既朋友同埋親戚,真係會有d幫助架,同埋讚下佢好叻好乖,佢都會開心d架!!
眾裡尋他千百度，驀然回首，那人卻在燈火闌珊處!!
生死有命，富貴由天
私人傳訊

JoJo


王國長老

積分: 68775

好媽媽勳章 醒目開學勳章 畀面勳章 王國長老


22#
發表於 04-5-21 13:59 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

marieyuen,
見到你咁樣, 我都戥你難過, 雖然我而家仲係得一個, 不過見到你講你大女既情況, 我想問下係你陀住你細女時, 有冇同你大女講妹妹都好鍚你, 佢出世後你都係仍然咁鍚佢呢..

大女可能覺得分薄左你既愛, 所以做出一d 要令你留意既行為, 如..唔食野, 有d 甚至會做出倒退行為, 如.. 剛戒左片, 又會賴尿啦..

我覺得呢個moment, 你唔好做到好緊張佢唔食野, 而係要比到安全感你大女, 同埋你要比個message佢, 細妹都好錫佢家.. 仲有, 家人都要放一些注意力係大女身上.. 仲有可以既叫大女幫手換下片, 餵奶奶等..

我都知小朋友絶食, 做家長係好難過家.. 仲有你返工既.. 在職媽媽真係好大壓力..

我唔suggest放大女去nursery, 反而我會suggest 放細女去育嬰院到先.. 因為我大女會覺得點解唔要個細妹去而要自已去, 更證明你唔要佢啦.. 你可以隔兩三日至將細女返屋企比工人揍.. 咁可能仲好d.. 讓大女慢慢咁適應細女既存在, 話唔定有日大女仲叫唔好帶妹妹走添..

希望大女既情況快d 好轉, 同埋你既工作壓力快d 得以舒緩..

另PM左一d 資料比你, 希望對你有用啦..
主愛我
生活世上幸福多，樣樣豐富主愛我；
天父造人像首歌，開心音符天天播。
星為我伴奏，風跟我握手；
天地海合奏，都表明主的愛。
私人傳訊

LamLam2002


民房

積分: 33


23#
發表於 04-5-21 14:08 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

..(續) 我個女細七個月大個陣,因為感染左 '輪狀病毒',上吐下瀉,送左入院,見到醫生姑娘係佢隻手仔係咁插,要搵血管插喉,吊葡萄糖水,佢係度喊,我唔敢睇,就係房外喊,之後佢瘦哂,唔肯沖涼,一除衫就喊,維持左幾個月,後尾我同育嬰園內既老師講有咁既情況,佢就話,叫我試下同bb一齊沖涼,一來可以親子,二來等佢可以放心,同媽咪一齊沖,可能佢之前入院有陰影,成日要除庫洗pat pat,咪當晚咪試下囉,bb真係唔喊,到而家一話沖涼就好開心添,所以佢而家痴我多d,一直以來,放工後都係我同老公照顧bb,真係好辛苦, 不過而家見到佢一日一日咁長大,辛苦都係抵既 :-P :-P :-P
私人傳訊

KooKoo


男爵府

積分: 9232

畀面勳章


24#
發表於 04-5-21 14:09 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

LamLam2002 寫道:
我個女而家兩歲零四個月,由5個月大開始放係育嬰園,仲貴過請賓賓,不過都係無辦法,兩公婆都要返工,請賓賓又唔放心,咁細個又唔識講,初時都好擔心,唔知bb點呢,但係見到佢返到屋企,又無異樣,瞓覺又無發惡夢,咁先放心,但話時話,係園內既小朋友真係精靈好多,同埋學到好多野架,細細個集慣左群體生活,起碼見到人唔使縮埋一邊先丫,你都唔使咁擔心,其實你可以帶女女幼兒園參觀下,第一日放低兩個鐘,第二日咪四個鐘囉,逐日加長時間,等佢適應囉,但係你一定要同佢講,話媽咪要返工,放工會去湊返佢,你每做一樣野都要同佢交待清楚,可能佢未必會明, 但起碼知道媽咪唔係唔要佢,同埋你可以帶埋你媽媽去睇,等佢放心,個孫會有人照顧既,唔係就咁放低無人理,等佢安心d


mariayuen, 我好贊同lamlam2002既講法, 另外我想問(請恕我多疑), 你屋企有冇裝cam? 今次唔係話剩睇個工人, 而係睇你個大女係日間做咁乜, 而令佢會有咁既表現, 我自己感覺係, 做大個個即使呷醋, 都應該唔會搞絶食, 佢只得3歲, 以一個3歲小朋友黎講點會識用絶食黎搞對抗, 佢地係捱唔到肚餓, 你有冇同你囡囡傾計咁問佢乜野唔開心而唔食野, 仲一見食物就嘔, sorry, 我咁問都係覺得你囡囡唔係好妥, 如果有講錯請原諒

私人傳訊

LamLam2002


民房

積分: 33


25#
發表於 04-5-21 14:11 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

..(續) 我個女細七個月大個陣,因為感染左 '輪狀病毒',上吐下瀉,送左入院,見到醫生姑娘係佢隻手仔係咁插,要搵血管插喉,吊葡萄糖水,佢係度喊,我唔敢睇,就係房外喊,之後佢瘦哂,唔肯沖涼,一除衫就喊,維持左幾個月,後尾我同育嬰園內既老師講有咁既情況,佢就話,叫我試下同bb一齊沖涼,一來可以親子,二來等佢可以放心,同媽咪一齊沖,可能佢之前入院有陰影,成日要除庫洗pat pat,咪當晚咪試下囉,bb真係唔喊,到而家一話沖涼就好開心添,所以佢而家痴我多d,一直以來,放工後都係我同老公照顧bb,真係好辛苦, 不過而家見到佢一日一日咁長大,辛苦都係抵既 :-P :-P :-P
私人傳訊

LamLam2002


民房

積分: 33


26#
發表於 04-5-21 14:28 |只看該作者

Re: 好唔忍心...但真係要送個女去幼兒園托管先掂....

我 support jojo 講法,你可以放細女入育嬰園,我個女個間而家 每月 $3850, 星期一至五 08:00-1800, (可以延展 07:30-0800, 18:00-1900,每半小為一節 $7), 星期六 08:00-13:00(可以延展 07:30-08:00, 13:00-14:00都係 $7一節), 每月有菜單比你睇,同埋有本手冊仔,係老師同家長既溝通橋樑,可以知道bb每星期既情況,你可以申請學費減免,你可以到http://www.info.gov.hk/sfaa/cn/schemes/kinder.htm瀏覽詳細資料,你放開d啦,如果唔係,你會好辛苦架,如果真係細女入育嬰園既話,你會有多點時間同大女溝通,你真係要嘥時間同佢傾計架, 而家d小朋友好懂事架, 我而家都係成日同個女傾計,佢既問題係重覆又重覆,但我答得幾次,佢又真係記得喎,你唔好怕煩呀
私人傳訊

LamLam2002


民房

積分: 33


27#
發表於 04-5-21 14:28 |只看該作者

Re: 好唔忍心...但真係要送個女去幼兒園托管先掂....

我 support jojo 講法,你可以放細女入育嬰園,我個女個間而家 每月 $3850, 星期一至五 08:00-1800, (可以延展 07:30-0800, 18:00-1900,每半小為一節 $7), 星期六 08:00-13:00(可以延展 07:30-08:00, 13:00-14:00都係 $7一節), 每月有菜單比你睇,同埋有本手冊仔,係老師同家長既溝通橋樑,可以知道bb每星期既情況,你可以申請學費減免,你可以到http://www.info.gov.hk/sfaa/cn/schemes/kinder.htm瀏覽詳細資料,你放開d啦,如果唔係,你會好辛苦架,如果真係細女入育嬰園既話,你會有多點時間同大女溝通,你真係要嘥時間同佢傾計架, 而家d小朋友好懂事架, 我而家都係成日同個女傾計,佢既問題係重覆又重覆,但我答得幾次,佢又真係記得喎,你唔好怕煩呀
私人傳訊

2002


複式洋房

積分: 371


28#
發表於 04-5-21 14:30 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

Marieyuen

好明顯你個囡的反應係來自個細的,我個囡同你個囡一樣,我生個細時,佢好唔開心,比以前更反叛,細佬食手指佢又食手指,目的就係要引我注意,我發覺當我唔得閒時,情況就更壞,後來我給多些時間陪佢,解釋多
私人傳訊

mimimor


民房

積分: 78


29#
發表於 04-5-21 18:16 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

marieyuen,
你個囡囡情況好嚴重, 佢對自己完全失去信心及採取自我毀滅既態度.

我同樣有你這樣的經歷, 你既心情我完全明白. 同時間要照顧兩個孩子, 是好辛苦兼好大壓力. 精神冇咁好時, 遇著囡囡扭計, 自己情緒都難控制, 就會鬧佢, 但係鬧完之後, 自己都好內疚, 覺得好對唔住個女, 唔能夠好好照顧佢. 你諗下, 小朋友原本擁有既, 突然間失去, 地位亦完全被忽略, 所有人既焦點去哂BB度. 向大人既角度, 會覺得自己有花時間睇個大. 其實小朋友會咁諗, 1) BB食奶時間好密, 隔3或4個鐘就食奶, 小朋友覺得媽咪成日抱住個BB. 2)媽咪餵BB食奶時, 會唔理佢. 3)朋友o黎探你時, 話題同焦點梗係BB. 4)出街時, 以前d人會撩個大女, 而家d人只會望個BB, 完全當佢透明. 你話小朋友個心又點會舒服, 比我都唔開心啦.

其實你應該帶個囡囡去托兒所, 而唔係去幼稚園, 托兒所係冇暑假. 等佢知道有另一種生活, 有精神寄托. 話比老師聽囡囡現時既情況, 佢地有經驗幫你. 話比囡囡聽佢只係去同其他小朋友玩, 唔係返學. 現時你唔可以鬧佢, 只可以耐心同佢多d溝通, 問佢做咩唔開心, 試下問佢係唔係唔中意媽咪錫BB唔錫佢, 比機會佢講內心既不滿, 要佢知道BB唔開心等如媽咪唔開心. 試下帶佢中意既地方食野, 如麥當奴, 肯德基…, 雖然冇營養, 好過唔食野. 至於BB, 我諗你真係暫時唔好向個女面前抱佢, 如果真係要, 問左個女好唔好, 起碼小朋友覺得你緊佢多d. 唔好喊呀, 比d耐性呀!
私人傳訊

chuchumui


複式洋房

積分: 498


30#
發表於 04-5-21 18:22 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

覺得這時候你女兒最需要的是你reaffirm你對她的愛，請不要放棄她，這個關口你得倍她一起走過，記有心理學家說過要對治小朋友未能適應有sibling的出現的情況，就是給他跟你獨處的時間，而且你對他解釋你並未忽略他，你就是為他劃出這段只獨於他的時間，他喜歡做甚麼都可以....即是給他更多的愛，還漸漸讓明白，他可以有父母的時間，同樣地sibling亦需要有父母的時間。

如果你給他送去託兒院，情況可能更壞，也可能在他心理造成一生一世的孤離。
私人傳訊

KWT


男爵府

積分: 6355

hashtag影視迷勳章


31#
發表於 04-5-21 18:50 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

Dear Maryyuen,

其實如果經濟許可,有沒有想過暫時放棄工作?你好同意chuchumui講,你大女非常需要你的關心.放在托兒所並不是好辦法,你的女女感情比較敏感,若做得不好,她會以為你不要她.而有些陰影需要用長時間才可除去.時間過去不可以再回頭.最壞可否跟公司拿取多些假期,如無薪等.放假時,全力照顧她,慢慢加強她已經做了姊姊的事實.BB則由仔工人湊,晚上大女睡著時才全心湊BB.還有你們慶祝BB出世,有沒有為大女慶祝她做了姊姊,比方由爸爸媽媽,叔叔等送禮物給她,這樣除了認知姊姊的事實,又覺得你們沒有忽略她及仍然愛她.如沒有做,趕快找藉口做,希望能趕得及,不要進死胡同.
私人傳訊

蜻蜓


大宅

積分: 2310


32#
發表於 04-5-21 21:21 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

marieyuen,

看见你大女儿的情形很心痛:-( ，你打算‘唔再鬧佢’完全正确，同时我也反对特别是在这时候送她到nursery，情绪平复之后另论。

多些拥抱，陪她睡觉直到天明,（如可以）一同冲凉，趁周末抽出一天的时间让和她和你单独旅行，让她独占你一天。。。希望情形会逐渐改善！

with best wishes
私人傳訊

KWT


男爵府

積分: 6355

hashtag影視迷勳章


33#
發表於 04-5-21 21:45 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

Dear Marieyuen,

剛要吃飯,故此現再續.我講講自己的經驗給你參考.我生細仔時,也有同樣情況.不過,大仔將不滿情緒表現出來.起初大仔也不喜歡我時常照顧弟弟,因用人奶餵食,故非常困身.大仔嫌我沒有照顧他,有一天,他說討厭細佬,一邊哭一邊說要擲BB落街不要他.我聽了嚇得一跳,心想若我放完產假(那時我還工作),而菲傭又不能全力照顧他,弟弟豈非十分危險?於是不動聲色,順他意說若哥哥以為媽媽只愛細佬不愛他,那是不對的.若哥哥不喜歡細佬,媽媽就將細佬放在紙皮箱內,放在後樓梯不要他.我又說弟弟是BB只會哭,他不似哥哥識講話,又不懂用手捧奶瓶吃奶,會賴屎尿,不會照顧自己.哥哥跟著問若沒有人發現怎麼辦,不如放在街上等警察叔叔發現他.然後又問若再沒有人發現他,弟弟會不會死?我說會死.不過,哥哥不要BB,媽媽也沒辦法,然後作狀要放BB在紙皮箱.他跟著哭說不要將弟弟送走,他不要弟弟死.經此一事,以後我湊細佬他都沒有不高興.為了安撫他,起初那十數日,除餵奶外,我全部時間都給他.一場風波才平息,真是置之死地而後生.

我想你也要引導你女女將不滿情緒表現出來,見招拆招.不要留下陰影,傷害兄弟姊妹情.
私人傳訊

BB200200


琥珀宮

積分: 150243

畀面勳章 BK Milk勳章


34#
發表於 04-5-21 21:58 |只看該作者

Re: 好唔忍心...但真係要送個女去幼兒園托管先掂....(續)佢愈來愈嚴重，直頭絕食，昨日至今

marieyuen,
不要怪我直言,你有無平心靜氣同個女傾計唔係部佢玩,有時你部佢玩或講故事比佢聽可以引導佢話心中說話,有時你鬧得佢太多，又罰佢,返而傷左兩個感情。
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

oknsca


男爵府

積分: 8428


35#
發表於 04-5-21 22:32 |只看該作者

Re: 好唔忍心...但真係要送個女去幼兒園托管先掂....(續)佢愈來愈嚴重，直頭絕食，昨日至今

marieyuen,

我諗每個BB開始做家姐/哥哥既時候都會有段爭扎期,過左呢段時間你就會無咁辛苦!而家首要既係盡快令你既大女灰愎原狀,妹妹就比人湊先!你唔可以一時之間令佢接受咁就要慢慢黎!買d有關BB既書,VCD令佢鐘意返BB!或者買個玩具洋娃娃同佢一齊玩,解釋做家姐既責任係要愛錫弟妹之類!呢d其實係應該響BB未出世時就要灌輸架喇!而家雖然遲左但係都要盡快做架喇!至於絕食方面我都同意如果佢想食乜就買比佢食囉,麥當當呀果d...有無表哥表妹果d呀？大家一齊玩,一齊食就仲好啦！唔好鬧唔好罰啦,佢都係唔想架,越鬧越反叛...努力加油啦!
私人傳訊

502


男爵府

積分: 5544


36#
發表於 04-5-22 08:37 |只看該作者

Re: 好唔忍心...但真係要送個女去幼兒園托管先掂....(續)佢愈來愈嚴重，直頭絕食，昨日至今

mariayuen,

Similar thing happened to me before. Hope the below help.

try to have more hug with your elder one - body language is something that can help. If possible, let her sleep with you and your husband. A hug in the early morning can be a miracle!

Spend some time with her alone (e.g. late walk in the park or whatever) let her feel that she is still your special one - and will always be.

Maybe get your husband to set up some alliance with your daughter. This worked for me although mummy became the bad guy.

really understand how bad you feel - :-x BK moms are all here to support u!

502
:-D :-D :-D :-D
私人傳訊

marieyuen


別墅

積分: 816


37#
發表於 04-5-22 10:07 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

LamLam2002：
好多謝你比o甘多寶貴意見我，及同我分享你的經驗，我覺得你說得都好o岩，我會這兩日找找有無幼兒園，因為我帶佢落去公園同其他小朋友玩，佢都唔係好識跟住人玩，成日自己走開。
我都有試過同佢一齊沖涼，但唔係成日，聽完你講我都會試下多o的同佢一齊沖涼，聽落重可以慳埋自己沖涼的時間o忝！

janet：
聽你講完後，我都覺得我個女同爸爸係比較距離遠，我昨晚已同老公講，叫佢試下每日都同Phoebe傾下計，等佢的注意力唔好只係集中在我身上。不過其實在大肚時，已經做了好多關於心理準備的輔導功夫，所以佢現在都好錫細妹，唔會話唔鍾意佢，但係佢就將自己的唔適應同唔開心投射在食o野上面，真係用自虐來發洩！ :-(

jojo：
我大肚時已經開始用好多方法輔導Phoebe，專登買左一個好真的Bb公仔，比佢湊，等佢學下照顧妹妹，說話方面都好小心，一定唔會話『你小心整親妹妹』『你唔好嘈到妹妹』之類，只會轉做『你小心跌親自己』『你大聲講o野把聲會唔好聽，唔似白雪公主』之類....
不過你講得好o岩，我真係唔可以太集中佢食o野方面，這會令佢好大壓力。佢見到o羊o野食都喊，我個心真係好痛，以前好鐘意食的o野都係撩兩撩就唔食，好似o的人有厭食証，似無o西食慾....
但係其實我細女好好湊，餐餐5oz奶，成日訓，夜晚九點幾十點o個餐識得自己要飲成7oz，跟住一訓就5,6個鐘，就算夜晚補奶都係合埋眼飲，飲完唔洗掃風又再訓到第二朝。佢差不多一月時已經係o甘樣o架啦，所以我其實好少湊佢，每日放工一回家就係陪phoebe真至佢十點幾訓，我先有番時間去沖涼同上網。

KooKoo：
我屋企無裝cam，因為日頭我番了工，我呀媽九點左右就會過來一齊幫手看Bb，所以都有人睇住。而且我放緊產假o個陣都知道Phoebe日常的活動，佢在妹妹一出世已經開始係o甘，只係愈來愈嚴重。不過我聽完你講後，我立即打電話比我呀嫂(二哥個老婆)，佢係社工來，重讀過遊戲治療，我話o左比佢知，請佢幫我同Phoebe傾下計，佢昨晚放o左工就即找我，晚上同Phoebe玩左一陣，佢話玩下先，唔可以一開始就講講講。

2002：
我昨日同佢去看了醫生了。
因為前日佢一食o野就玩嘔，我好嬲，覺得好特登嘔，罰了佢，又打過佢，o羊都唔比佢食；昨日我聽完呀媽個電話，在BKpost完，就即趕番屋企，同佢出去佢平時最鐘意o個間魚蛋粉度食魚蛋紛，希望出街行下會好o的，但佢昨日出度去一見到o野食就掩住個咀，話喉嚨痛、咳同肚痛，又話要睇醫生，o甘我就帶o左佢去看醫生。
醫生話喉嚨痛係真o既，但係未發到出來，如木打得底o的菌唔會發燒，但咳同肚痛係假o既。我同醫生o講佢的情況，問醫生可唔可以比o的開胃藥。佢話如果開始靠藥物係唔明智，佢分折我o地的情況唔係因為有細妹出世而對佢疏忽，而係剛剛相反，比得太多attention，所以佢會玩o野，而且太集中注意力在佢食o野方面，好大壓力，每日一起身就好似要講食，要為o左食而生存，食得好先有得玩，食得快媽媽先錫，食得乖先可以去公園，食得多先可以玩玩具.....
佢叫我o地放佢鐘意的食物在台面，話比佢聽鐘意時就去食，佢唔食、食幾多又唔好理佢，佢走埋去食又扮看唔到，到時到候就話比佢聽媽媽要拿走o的食物了，因為放得太耐。再過幾個鐘又拿另外一些佢喜歡的食物出來，等佢對『食』的抗拒細o的先再慢慢教佢要食得有規矩。
我昨日試了尋生的方法，都幾好，肯自己放o野落個口(要等到晚上成十點)不過後來晚上食藥(喉嚨痛藥)又嘔番o西出來。不過我都開心o的了，因為見佢肯放o野落個咀.... :cry: 我真係驚佢o羊食慾都無呀！:cry::cry::cry:

mimimor：
好多謝你享同意見，我老公同你講的一樣，話如果佢肯食，就算餐餐麥當勞或KFC都帶佢去食，唔好再理佢食得有無規矩有無營養了！

KWT：
我都有想過放棄工作，但係如果無o左工作，無工人幫，其實都一樣係好辛苦，再加上經濟的壓力，我驚我會重脾氣差。細妹出世時，我o地為了慶祝佢做家姐，而經慶祝了好多好多次，在妹妹出院日，又買了一份好大的禮物比佢話係妹妹送比佢，又比了o的小禮物佢送比妹妹..做了好多好多之類的事，可能佢性格係唔可以承受太大壓力，由於佢現在識看鐘，試過放個鐘在台面，同佢講答半就要食o西o的o野，如果唔係就無得食(這正是好多人都教的方法)，但係佢一聽到就好似好大壓力o甘，望住個鐘係o甘喊『點解要答半呀？點解呀？...嗚嗚....鳴鳴..』喊到跟本食唔到，要我拿開個鐘，話唔再講時間佢先可以收到聲！
不過都好多謝你支持同鼓勵！

BB200200：
我都有同佢傾計，同佢講o羊佢都識聽，都知點答，但係真係食o野時就次次都好差，令我覺得佢明知故犯，所以更加嬲！
不過我都覺得打佢係傷o左感情，但係我又成日都好有陰影，覺得唔可以放過一次，如果放過一次，佢就會越來越學壞，我比自己都好高要求，驚自己縱容左佢，第時要教番好就難，點知搞到這個田地，現在佢肯放o野入口就好了，就算出到街比人笑(昨日食魚蛋粉時對面個師奶問佢幾歲，話做o羊佢食o野o甘食法，我都只係笑下，我心o念，佢就來絕食啦，點食法都好啦！)，我都無所謂了，反正規矩可以慢慢教，但唔食野是會死的！！！ :-x

oknsca：
好多謝你關心，我個女係兩個家庭.(我老公o個邊同我o個邊)中唯一的小朋友(在妹妹未出世前)，所以無表哥袞妹或堂哥堂妹之類，所以比較難搞，我現在下定決心唔會鬧同罰o架啦！

502：
好多謝你支持呀！我會多o的用身體語言來錫佢的，不過講真佢已經成日好似膏藥架啦，我想唔痴住佢都好難o架，我成日重抱佢架，好彩佢得24磅，所以都重可以抱。


[size=x-large]總之好多謝你o地這裡每一位！
私人傳訊

BB200200


琥珀宮

積分: 150243

畀面勳章 BK Milk勳章


38#
發表於 04-5-22 11:15 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

marieyuen,
見到你小朋友食野都好開心,我覺得你小朋友係咪內向性格,你得閒帶佢去幼稚園睇下D小朋友情況,問佢想唔想入去讀,等你幫佢搵到幼稚園唔會以為你唔要佢,或者你要搵D活動比佢"交際"下。我個女個時比我奶奶湊唔多同我傾計,但上左幼稚園每日都好多野講,另外我有個提義:獎勵計劃,如果佢達到某程度比一粒星星(包括食野,平日行為),集到某個程度獎佢禮物,因為我都係甘對個女,個女為左要某禮物特別乖。 :-P :-P :-P
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

chuchumui


複式洋房

積分: 498


39#
發表於 04-5-23 22:49 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

marieyuen,
你的痛我感同身受，人生如何難過都可以過的，努力吧！
衷心祝福你。。。
私人傳訊

鯨魚媽媽


洋房

積分: 129


40#
發表於 04-5-23 23:15 |只看該作者

Re: 好唔忍心...但真係要送個女去幼兒園托管先掂....

marieyuen
我的兩個孩子大的三歲四個月, 小的一歲半, 大的已經在上學了, 我這個大的也是常很"樓"計, 很多事也只肯要我幫他, 但是他還算很疼弟弟, 因為我每天都不斷的灌輸他們兄弟兩要相親相愛的觀念, 弟弟有什麼需要時就要大的去幫他, 如果他撞到或跌倒或在哭也要哥哥去"錫返"佢, 同樣的, 哥哥如果有什麼不舒服就要弟弟同樣的做法, 不一定只要把所有時間全都只花在大的身上, 要告訴他弟弟還小需要照顧, 要他一起照顧, 告訴他那是為了他才有弟弟的, 是他一個人的弟弟, 別人想要還沒有.
這是我的做法, 所以我的兩個孩子都會"錫"對方, 會照顧對方, 你試看看, 要每天都不斷的在你女兒身邊洗腦, 慢慢地, 一定可以看到成果, 加油!
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy