心聲留言

跳至

首頁

尾頁
   0


別墅

積分: 816


發表於 04-5-12 09:35 |顯示全部帖子

佢愈來愈嚴重,直頭絕食.......(續)多謝關心!佢情況已經好轉!

生左細女之後,個大女日日扭到暈。
以前佢真係好乖,成日都話餓,食o野又食得快,跌親都唔會點喊,日日都好開心,又唱歌講o野引你笑...
但係細女出o左世3個月後,佢日日玩絕食,餐餐起碼喊兩至三次,食個幾兩個鐘,餵左落個口都吐番出來;又無禮貌,又好唔聽話...整到個工人都無心機湊,我呀媽又激嬲埋....
我番番工三個星期,公司o的o野做唔掂,放o左工又即趕番屋企睇佢乖唔乖 ,就算用好多時間倍佢,教佢,又"tump"佢,都好似無用,日日番到公司又驚比老細話,好大壓力,但回到家,顧個大又顧個細,晚晚等個細沖完涼,再飲埋最後餐奶都已經十二點幾,第二日六點幾又要起身番工,晚晚都要o念今晚訓唔訓好,訓幾多個鐘好.......
再係o甘真係驚會痴線,可能真係要擺個女去托管,雖然覺得好慘,但係可以朝八晚六有人看住佢,一於見唔到就當唔知,希望可以專心做番公司o的o野先算........
個心好唔安落,好似對唔住個女 ,唔理佢o甘........
但係又真係無辦法............. :-( :-( :-(


男爵府

積分: 5119


發表於 04-5-12 09:39 |顯示全部帖子

Re: 好唔忍心...但真係要送個女去幼兒園托管先掂....

hi ~!
oh ~! too naughty monkey ~! :-P
but i also agree your suggest .like my baby ,now she studying ,just 1 week.but she very love it la.cos have many children ma.and she have something to learn back.then she feel herself smart ka.Heee~~~

but you know the first week ,she must cry ,and not want to go to there ka.cos haven't mun and all she don't know ma.but after that,you don't worry ,she must feel happy ka.


大宅

積分: 4362


發表於 04-5-12 09:55 |顯示全部帖子

Re: 好唔忍心...但真係要送個女去幼兒園托管先掂....

我同你情況差不多,有兩個小朋友,大的3歲,細的歲半,我日頭要返工,平時送佢地返幼兒園,果度有人照顧,又有野學,咁我可以安心返工,不過時間就趕D咯,放工仲要返去煮飯做家務,朝早我都要6點幾起身,夜晚十一二點先有得訓,唯有自己心情放鬆D,唔好心急慢慢黎,要段時間適應下,做在職媽咪係辛苦D啦!


瑪瑙宮

積分: 147374

畀面勳章 BK Milk勳章


發表於 04-5-12 10:02 |顯示全部帖子

Re: 好唔忍心...但真係要送個女去幼兒園托管先掂....

marieyuen,
會唔會你放太多時間響個細身上,甘個大女覺得你唔理佢,不如你試下同佢講你而家甘辛苦,個細妹又未識得照顧自己,不如叫佢試下自己照顧自己,得佢覺得你係"石"佢。你大女幾大??

我相信,真正在乎我的人,是不會被別人搶走的。無論是友情,還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。


大宅

積分: 2157


發表於 04-5-12 10:11 |顯示全部帖子

Re: 好唔忍心...但真係要送個女去幼兒園托管先掂....

其實會唔會係你個大女覺得你要妹妹而唔要佢, 所以佢先至有反常既行為出現 ? 放佢係托兒所, 無錯你係可以唔駛見到佢扭計同聽唔到佢既喊聲, 但係問題究竟係邊度 ? 無啦啦一個好乖既小朋友又點會變得突然甘曳 ?

如果我係你個大女, 當我其實唔開心而扭計, 媽媽就將我送走, 我諗我都會非常非常之唔開心, 仲會好驚........

其實我諗你個女係好愛你架, 佢可能覺得妹妹出左世之後, 佢就失去左你, 覺得好似無人再錫佢.....
我唔知你係咪一放工返去就睇個細女先, 如果係的話, 不如你試下改一改個注意力去返個大女度先, 例如係上班期間, 抽小小午飯時間打返屋企同個大女傾下計, 話俾佢知你掛住佢...; 放工返屋企既使既累都攬下佢 ....; 如果情況有改善, 再慢慢解釋俾佢聽做左大姐姐之後佢要點點點....

希望佢會慢慢明白, 你都唔好太急要一個小朋友甘快接受家裡多左一個新成員, 而呢個新成員又係會威脅到佢係你地心目中既地位....


大宅

積分: 2900


發表於 04-5-12 10:16 |顯示全部帖子

Re: 好唔忍心...但真係要送個女去幼兒園托管先掂....

marieyuen,

Hi !

您大囡現時幾大呀 ! 您有冇唸過搵保母湊細囡囡呀 (過夜嗰種呀) ! 細囡依家仲咁細, 因照顧佢而忽略個大囡, 是在所難免的事, 唔好唸咁多呀 ! 您會攪到自己好大壓力o架 ! 如果, 您又有什麼"頭暈身興"咁咪仲慘 !

我本身有兩個囝囝 (大囝囝 : 3 歲 3 個月 / 細囝囝 : 1 歲 半), 由他們滿月開始, 都係由保母湊兩個嘅, 到大仔兩歲半要返 nursery 時, 我就將佢接回家住, 請菲傭照顧佢, 細仔仍舊放在保母家 (因保母及她家中各人都非常疼愛他們, 所以我好放心), 起初, 我都擔心他們分開住, 兄弟感情會冇咁深 (同之前我放個囝囝喺保母家一樣, 驚佢哋會唔跟我咁), 其實, 係錯嘅, 佢哋不知幾好感情, 兩個囝囝又好跟我, 自己又舒服d, 有時真係, 分配資源係好重要的.

您大囡為了引起您嘅關注, 佢一定會繼續做一些事嚟引起您及家人注意, 佢唔識分件事, 係好定壞, 佢只會知道, 可以引起您注意(不管您開心或唔開心也好), 佢就成功, 您又唔可以唔埋佢喎 ! 可能, 當佢唔見妹妹時, 又會好掛住佢, 到其時, 等佢慢慢大之後, 再教佢都未遲啦 ! 您"tump"得一時, 都"tump"唔到一世啦 ! 等佢慢慢領會及接受, 做咗姐姐之後, 佢係有責任照顧及保護妹妹, 要與妹妹分享一齊 (包括玩具及家人), 潛移默化, 都要俾時間佢適應家中多了一個新成員先得嘅, 話俾佢知, 您生咗個妹妹俾佢嚟陪佢玩, 唔係同佢爭玩具嘅.

* 以上純粹個人意見, 參考吓啦 ! *


大宅

積分: 2900


發表於 04-5-12 10:39 |顯示全部帖子

Re: 好唔忍心...但真係要送個女去幼兒園托管先掂....

marieyuen,

Hi !

您大囡現時幾大呀 ! 您有冇唸過搵保母湊細囡囡呀 (過夜嗰種呀) ! 細囡依家仲咁細, 因照顧佢而忽略個大囡, 是在所難免的事, 唔好唸咁多呀 ! 您會攪到自己好大壓力o架 ! 如果, 您又有什麼"頭暈身興"咁咪仲慘 !

我本身有兩個囝囝 (大囝囝 : 3 歲 3 個月 / 細囝囝 : 1 歲 半), 由他們滿月開始, 都係由保母湊兩個嘅, 到大仔兩歲半要返 nursery 時, 我就將佢接回家住, 請菲傭照顧佢, 細仔仍舊放在保母家 (因保母及她家中各人都非常疼愛他們, 所以我好放心), 起初, 我都擔心他們分開住, 兄弟感情會冇咁深 (同之前我放個囝囝喺保母家一樣, 驚佢哋會唔跟我咁), 其實, 係錯嘅, 佢哋不知幾好感情, 兩個囝囝又好跟我, 自己又舒服d, 有時真係, 分配資源係好重要的.

您大囡為了引起您嘅關注, 佢一定會繼續做一些事嚟引起您及家人注意, 佢唔識分件事, 係好定壞, 佢只會知道, 可以引起您注意(不管您開心或唔開心也好), 佢就成功, 您又唔可以唔埋佢喎 ! 可能, 當佢唔見妹妹時, 又會好掛住佢, 到其時, 等佢慢慢大之後, 再教佢都未遲啦 ! 您"tump"得一時, 都"tump"唔到一世啦 ! 等佢慢慢領會及接受, 做咗姐姐之後, 佢係有責任照顧及保護妹妹, 要與妹妹分享一齊 (包括玩具及家人), 潛移默化, 都要俾時間佢適應家中多了一個新成員先得嘅, 話俾佢知, 您生咗個妹妹俾佢嚟陪佢玩, 唔係同佢爭玩具嘅.

* 以上純粹個人意見, 參考吓啦 ! *


複式洋房

積分: 222


發表於 04-5-12 11:23 |顯示全部帖子

Re: 好唔忍心...但真係要送個女去幼兒園托管先掂....

marieyuen 寫道:
生左細女之後,個大女日日扭到暈。
以前佢真係好乖,成日都話餓,食o野又食得快,跌親都唔會點喊,日日都好開心,又唱歌講o野引你笑...
但係細女出o左世3個月後,佢日日玩絕食,餐餐起碼喊兩至三次,食個幾兩個鐘,餵左落個口都吐番出來;又無禮貌,又好唔聽話...整到個工人都無心機湊,我呀媽又激嬲埋....
我番番工三個星期,公司o的o野做唔掂,放o左工又即趕番屋企睇佢乖唔乖 ,就算用好多時間倍佢,教佢,又"tump"佢,都好似無用,日日番到公司又驚比老細話,好大壓力,但回到家,顧個大又顧個細,晚晚等個細沖完涼,再飲埋最後餐奶都已經十二點幾,第二日六點幾又要起身番工,晚晚都要o念今晚訓唔訓好,訓幾多個鐘好.......
再係o甘真係驚會痴線,可能真係要擺個女去托管,雖然覺得好慘,但係可以朝八晚六有人看住佢,一於見唔到就當唔知,希望可以專心做番公司o的o野先算........
個心好唔安落,好似對唔住個女 ,唔理佢o甘........
但係又真係無辦法............. :-( :-( :-(


Marie Yuen,

我同你一樣有2個囡囡,大5 1/2, 細2歲,2個都係入讀幼兒院都幾好o家, 你唔好覺得好慘,佢地都唔知幾開心有o野學有o野玩,仲可以學埋點同小朋友相處tim,
話說回頭,你想大囡入幼兒院係想逃避(難湊),還是真係想佢學o野先(佢到適學年齡未呀?)????諗清楚喎!
你大囡幾大呀? 我又無你既情形出現,大囡不知幾錫妹妹,乜都讓比妹妹!而佢自己呢就無乜大變化只係成日扮大個囡,出街番學成日話比人聽呢個係佢妹妹


版主

積分: 52091

2019新春慶豚圓 好媽媽勳章 醒目開學勳章 畀面勳章 版主 大廚勳章 BK猜猜猜慶中秋 15週年勳章 親子王國15週年勳章 親子王國15週年勳章


發表於 04-5-12 11:36 |顯示全部帖子

Re: 好唔忍心...但真係要送個女去幼兒園托管先掂....

marieyuen,

唔知你大女幾歲,其實帶佢返幼兒班都唔錯,有小朋友同佢玩,又有野學,可能會分散佢注意力,唔會成日諗媽咪唔理佢。但係你處理既時候要小心D,最好令大女多D認識返幼兒班好處,希望佢係"願意"之下返得開開心心,唔好太強迫,否則佢可能會覺得媽咪唔要佢!


大宅

積分: 1562


發表於 04-5-12 11:51 |顯示全部帖子

Re: 好唔忍心...但真係要送個女去幼兒園托管先掂....

marieyuen:

我個人認為幼兒院對小朋友可能仲好過搵人湊,起碼佢地有尊業智識,同埋佢地有好多人手,而且又有好多小朋友陪住佢玩,總好過留坐家中單打獨鬥。


別墅

積分: 816


發表於 04-5-12 12:34 |顯示全部帖子

Re: 好唔忍心...但真係要送個女去幼兒園托管先掂....

好多謝你o地o甘多人回應我呀!
我個大女剛3歲,本來報o左九月開學,但係重有成差不多半年先到九月,我三個星期都頂唔順啦!
我都有o念過托管可能都唔係唔好,都係又有小朋友玩,又有o野學,但係好似florence話o甘,我都驚個女會以為我唔想要佢,造成心理陰影?!
其實我已經好少理細o個個,因為o念住細o個個重係未識o野,我放底比工人湊多,一回家,如果大女訓緊,先會湊下個細,如果大女起身,就全程湊佢。講故事、唱歌,去公園、去買"食送",總之好似膏藥,我呀媽呀爸(住得好近)有時想湊開下佢,等我休息下,佢都唔肯去,一定要我去佢先肯去,所以我都同意florence話佢係好愛我(連去廁所都只係可以比我一個人同佢善後)。所以好似心奸寶貝話:我想佢真係好想引我注意,就算我好嬲,打佢,佢都要痴住我?!

總之好多謝你o地的意見,唔知講o羊,可能真係大家都要多o的時間適應! :-(


子爵府

積分: 10635


發表於 04-5-12 13:24 |顯示全部帖子

Re: 好唔忍心...但真係要送個女去幼兒園托管先掂....

marieyuen,

My case is similar to you...my elder girl is now 5 and her younger brother is 2.5 now.

I absolutely agreed your saying that "可能真係大家都要多o的時間適應!" Sure there is a transitional period, see how short and long it is. Not only the parents, but also the kid needs time to adapt.

How does the elder kid think? suddenly there is a little baby & all visitors are interested to it. Mummy, Daddy, grandmom & grandad like to look at this BB. The maid who plays with me before, now always taking care of BB. Come on, why mummy now complaints on me all the times, about eating, playing, learning.......I want to be a BB.

Being parent, we know the situation in advance but for a 3 yrs old kid, no matter how many times she reads a book re a new member in the family in the book, she only realises the worse situation when the BB really backs to home from hospital & attracts everyone attention.

Personally, I don't recommend you to send your elder girl to anywhere else especially when she is so attention seeking & down now. She needs triple attention. Perhaps you can invite her to involve in taking care of her younger sister, getting the diapers, singing a song with the BB, testing the temp. of the milk. If possible, ask your friends (those closed one) to bring a little present to your elder girl as gift of being an "elder sister" & congratulate her for her new position when they take a visit. Give more praise to your elder one. If you really is tired, ask help from your hubby who will be the best one to release the sticking of your girl. If you have tried all methods, then all you can do is keep going on & accepting that your girl needs longer time to adapt.

Anyway, time flies quickly. Just try your best to pass this difficult moment with your hubby & your kids together.

Add oil la.


大宅

積分: 2157


發表於 04-5-12 13:35 |顯示全部帖子

Re: 好唔忍心...但真係要送個女去幼兒園托管先掂....

marieyuen 寫道:
我呀媽呀爸(住得好近)有時想湊開下佢,等我休息下,佢都唔肯去,一定要我去佢先肯去! :-(


我覺得佢無安全感, 好驚失去你........

小女都仲有兩個月就三歲了, 我係屋企既時候, 佢都要我全天候照顧, 唔俾姐姐掂佢, 但係我都要返工的, 有時返到屋企好
累想姐姐幫佢沖涼, 佢都唔肯, 喊晒口"樓"晒計, 最後都要我同佢沖涼....
每天晚上, 我同佢會傾一輪枕頭計, 問番佢點解要唔聽話同埋唔俾姐姐幫佢沖涼, 佢答我: "因為我好掛住你lor, 我想你幫我沖涼lor, 我鍾意媽咪幫我沖涼, 我訓係青娃櫈櫈洗頭果陣時可以望住你lor...."

佢地好純真, "樓"計背後一定有原因, 試下俾d耐性了解佢, 叫佢講出黎俾你知, 之後再幫佢解決(心理)問題, 睇下有無幫助....

有時我覺得做爸爸會舒服過媽咪好多, 自己又要返工, 又要做家裡既管家, 安排仔女事宜, 了解仔女所需, 請工人, 教工人, 應付家中大小事務....等等; 好煩好煩, 不過煩極既問題都要你去應付, 無得避.....無計啦, 唯有樂觀d鬆容d去面對, 晴天好快就會到, 話唔定, 第時你個大女會好錫你個細女, 兩姊妹會好好感情, 不過呢d收成, 要靠你今天既播種了.....


yuetmama,

完全同意 !!


大宅

積分: 3502


發表於 04-5-12 14:09 |顯示全部帖子

Re: 好唔忍心...但真係要送個女去幼兒園托管先掂....

唔會慘架
仲會好開心的!! 加上姑娘又係專業!! 你有呢個問題, 仲可以請教姑娘/主任返到家點樣改善個情況忝.

好明顯佢既問題.. 就好似其他媽咪所講, 佢驚失去你, 因為以前係佢完全擁有你嘛. 相信你可能做左d野令到姐姐產生妒嫉.

記住問主任意見呀.




:-P :-P


大宅

積分: 2602


發表於 04-5-12 16:39 |顯示全部帖子

Re: 好唔忍心...但真係要送個女去幼兒園托管先掂....

My son is 2, he is very happy at the day nursery. They can play with all other kids everyday and has a daily routine schedule.

My son used to be a terrible eater, after he starts going to daycare, he eats & sleeps much better than before. He always tell me, "I like the new school." They have all kind of activities in the school, my son learns reading Chinese in one month! It is amazing. He sings many songs which he learns in the school.

In general, they will cry when the time you drop-him off, for only for a while. Once you walk away, the kid will stop crying.


珍珠宮

積分: 34287

好媽媽勳章


發表於 04-5-12 17:37 |顯示全部帖子

Re: 好唔忍心...但真係要送個女去幼兒園托管先掂....

marieyuen

睇到你的情況, 我自己都有d擔心, 因我的大女現在3.5歲, 妹妹將於6月出生.

我的大女現在是返幼兒園, 約返到七月尾便放暑假, 我都驚到時handle唔到, 雖然有工人, 但我是一個緊張的人, 如果將個細比工人照顧, 又驚工人唔掂, 如果我照顧個細, 又驚個大女'摟計'.

我個大女即使現在, 吃飯都起碼吃半小時, 有時開奶都指定要我開, 唔比姐姐開.

我上次放完產假, 返到公司又改組, 又轉system, 有個下屬身體唔好(腎病)又要離職, 當時我奶奶每天來我家照顧女兒, (佢話自己可應付, 唔比我們請工人) 到晚上我或老公回家, 我奶奶便回家, 我們才自己煮飯, 洗奶瓶, 打掃, 很夜才睡覺.

很辛苦到囡囡約10個月, 我奶奶終於頂唔順(其實佢已經over 70歲), 先比我


別墅

積分: 522


發表於 04-5-13 11:11 |顯示全部帖子

Re: 好唔忍心...但真係要送個女去幼兒園托管先掂....

I suggest to let the elder daughter to 幼兒園, she can learn a lot of think and be more co-operation.
Angela


別墅

積分: 816


發表於 04-5-21 13:30 |顯示全部帖子

(續)佢愈來愈嚴重,直頭絕食,昨日至今日只飲了3oz奶!

好多謝你o地o甘多個媽媽的意見,我真係好感激! :-(
但係我呀媽唔讚成,話驚佢好似覺得媽媽唔要佢o甘....我都係有這個擔心,而且番學番到7月又放假,9月又番另一學校,驚佢唔適應..
不過佢絕食得愈來愈嚴重!一見到o野食就掩住個口,再話下佢重喊o忝!!!
可能我係鬧得佢太多,又罰佢,佢驚左食o野啦 :cry: :cry:
好難搞,而家連飲奶都唔係好願飲。
人地成日話餓下佢,餓佢兩日睇下佢食唔食,佢就係唔食,肚餓就攬住張被,只係話肚痛。
昨日差不多全日無食o野,佢肚餓(痛)到訓唔到,比支奶佢都係只肯飲幾啖,差不多3oz,今日問佢想食o羊o野,佢話想食蠔油麵,煮o左出來,佢一見到又喊....
點解會o甘o架?! :cry: :cry:
我真係頂唔順,番工聽到呀媽個電話都喊了出來....
我已經打算唔再鬧佢,希望改下方法會好o的.....
:cry: :cry: :cry: :cry: :cry:


民房

積分: 33


發表於 04-5-21 13:49 |顯示全部帖子

Re: (續)佢愈來愈嚴重,直頭絕食,昨日至今日只飲了3oz奶!

我個女而家兩歲零四個月,由5個月大開始放係育嬰園,仲貴過請賓賓,不過都係無辦法,兩公婆都要返工,請賓賓又唔放心,咁細個又唔識講,初時都好擔心,唔知bb點呢,但係見到佢返到屋企,又無異樣,瞓覺又無發惡夢,咁先放心,但話時話,係園內既小朋友真係精靈好多,同埋學到好多野架,細細個集慣左群體生活,起碼見到人唔使縮埋一邊先丫,你都唔使咁擔心,其實你可以帶女女幼兒園參觀下,第一日放低兩個鐘,第二日咪四個鐘囉,逐日加長時間,等佢適應囉,但係你一定要同佢講,話媽咪要返工,放工會去湊返佢,你每做一樣野都要同佢交待清楚,可能佢未必會明, 但起碼知道媽咪唔係唔要佢,同埋你可以帶埋你媽媽去睇,等佢放心,個孫會有人照顧既,唔係就咁放低無人理,等佢安心d


大宅

積分: 4533


發表於 04-5-21 13:55 |顯示全部帖子

Re: (續)佢愈來愈嚴重,直頭絕食,昨日至今日只飲了3oz奶!

LamLam2002 寫道:
我個女而家兩歲零四個月,由5個月大開始放係育嬰園,仲貴過請賓賓,不過都係無辦法,兩公婆都要返工,請賓賓又唔放心,咁細個又唔識講,初時都好擔心,唔知bb點呢,但係見到佢返到屋企,又無異樣,瞓覺又無發惡夢,咁先放心,但話時話,係園內既小朋友真係精靈好多,同埋學到好多野架,細細個集慣左群體生活,起碼見到人唔使縮埋一邊先丫,你都唔使咁擔心,其實你可以帶女女幼兒園參觀下,第一日放低兩個鐘,第二日咪四個鐘囉,逐日加長時間,等佢適應囉,但係你一定要同佢講,話媽咪要返工,放工會去湊返佢,你每做一樣野都要同佢交待清楚,可能佢未必會明, 但起碼知道媽咪唔係唔要佢,同埋你可以帶埋你媽媽去睇,等佢放心,個孫會有人照顧既,唔係就咁放低無人理,等佢安心d

我想問下一個月大約係幾$,我問過社處果d有兩種,1:日間托兒所,2:托一星期,星期六日回家~
我都係心大心細考慮中!

首頁

尾頁

跳至