眼訓 發表於 15-4-15 18:42 
Harvard，Yale。。。呢d已經講過N次，成績唔代表一切。
一舊GPA 4.0既木頭係唔會入到Harvard架。。。
同人相處唔到，就算叻到識飛天都冇用，除非份工可以一個人搞掂唔駛同人接觸，
但現實係好少好少呢D工種。你講個師姐果類人我都見唔少，
有個已經喺公司做咗三十年嘅同事以前同我講，喺大公司生存，
識做人緊要過識做嘢，當然工作知識要有，但有常識更重要，
唔好太露風頭，又不能冇人識，佢話唔好做成日跳出水面嘅海豚，
因為鋒芒畢露易招人妒忌，專打出頭鳥，要祭旗一定搵D多人識嘅，
但又不能沉底冇人識，因為要炒人時就會揀D業職冇咁好個名冇咁多人識嘅，
要長命D就要做好本份，做人低調得嚟適時有表現有貢獻，
有人要幫主動幫或者有人求救就出手，情緒控制要留意，
唔好心情果日就消失一下，發嬲時唔好回email或者等一陣過咗氣再回，
文字冇感情，想多幾次至好send，有問題打電話好過，起碼聽到對方語氣。
呢個同事（我半個上司）提點過我好多次，佢真係一個好有禮又humble嘅人，
叻得嚟唔show off，分析又中肯又有幽默感，我最記得以前我有好幾個乞人憎上司，
同事叫我hang on there，我會比佢地長命，世事有循環，多行不義必自斃。。。
果然，我做咗咁耐，換過七八個上司。。。唔識做人果D真係風光唔得幾耐就消失。。。
花旗太太生活在花旗國，留意時差，你問我未必即時答到。
發表於 
返回列表
