我今次選用咗 7-11 聯合csl 推出的 7-CONNECT 亞太漫遊數據儲值卡 HK$198, 8個亞太地區適用 (中國、澳門、日本、南韓、馬來西亞、新加坡、台灣和泰國);
5日500MB漫遊流動數據 (沒有通話用量), 可以在以上 8 個國家或地區跨區使用。500MB 的容量如果不夠使用的話，可以按需求以 HK$40 購買 100MB 的容量。
根據包裝上指引, set-up 都好易! 如買記得睇清楚自己電話係用咩咭, 我係用iphone 6, 所以要提店員要nano sim card.
有少少插曲: 我一落機已換上此數據卡, 跟指示set 完已收到sms 通知已開通此卡, 但都上唔到網……..試咗幾次開機閂機都用唔到; 最後就用機場wifi 聯絡jason 先取門票; 到上車去legoland 途中再不停嘗試, sms 通知停值卡餘額$0.
我以為自己中伏, 已放棄此咭><…………….第二晚因為legoland 酒店wifi connect 唔到, 所以我又再嘗試閂機再開睇下得唔得, 點知張咭又用到流動數據了!!!
用咗3日張卡接收都ok, 我都係一般what’s app, facebook 咁. 對於慣性要上網ge 人值得一試. 唔使新加坡/ 馬來西亞都要買咭.
其實我住三間酒店都有wifi, 接收都ok, 新加坡機場又有wifi; 睇自己係咪真係需要流動數據卡. 因為我2家人去, 有d 時間會分開玩, 所以我就覺得買卡方便聯絡好d.
發表於 
返回列表
