國家地區媽媽會 今日: 0 | 主題: 20263

積分: 4853

21^#

發表於 15-10-4 11:49 |只看該作者

本帖最後由 palala 於 15-10-4 11:50 編輯

我都係係住 Illinois , 不過近 St Louis 多D，距離芝加哥四個鐘車程

如果要考Illinois 車牌,就算你有HK license 都要再考過筆試及路試，因為佢地唔認可香港牌，除非你一直用international license , 但國際牌都只得一年期，我個時就搵driving school補兩個鐘就考，主要熟悉路牌同上落斜泊車D steps

其實芝加哥都好多唐人超市，唐人街又有茶飲同茶餐廳
Asian supermarket , 有 mitsuwa 日式市場同 H mart , (韓國超市），如果識煮飯唔難適應

不過冬天真係好涷，經常落雪同好大風

私人傳訊

vxmanman

複式洋房

積分: 376

22^#

發表於 15-10-5 13:21 |只看該作者

CK_Kukky 發表於 15-10-3 00:17
如果你husband works from home，你地可以選擇嘅地方就flexible 好多。我就鍾意住City，方便，出街買野帶 ...

我地巳買左2月中過來既機票了. 無辦法. 我跟我老公而家係HK仲返緊工...我打算做到1月尾...開支大所以要搵多D儲備. 而家都係靠下D WEBSITE睇下樓..搵多D參考下. 到時再預約下D 學校做VISIT望下囉..預左那個PRE-TRIP一定周圍走...

CITY & SUBURBS而家我地都會考慮. 都係睇小朋友學校....而我學車...慢慢來啦...我都想搵個華人師傅教.

如果我真係打算在CITY, 你有無一D 比較好既學校可以介紹下..我們暫時都想入PUBLIC SHCOOL......我都有參考你比我地既LINK...好多資料好好用呢.....只係我地有點無從入手. 因為只睇數字有點難做決定呢....

私人傳訊

vxmanman

複式洋房

積分: 376

23^#

發表於 15-10-5 13:38 |只看該作者

palala 發表於 15-10-4 11:49
我都係係住 Illinois , 不過近 St Louis 多D，距離芝加哥四個鐘車程

如果要考Illinois 車牌,就算你有HK l ...

未住過..真係唔知大風雪會係點.....有D驚....
但知道芝加哥都有好多唐人超市之類..感覺上都好D....希望到時去到美國..都可以識返D HK朋友仔啦.....

我未車牌架....因為係HK.. 真係坐車方便D..而家HK人多車多..真係無咩信心自己可以揸到車...但個個都話係美國唔難架....我D信心先多返D咋...希望我可以成功啦...

私人傳訊

palala

積分: 4853

24^#

發表於 15-10-6 12:45 |只看該作者

回覆 vxmanman 的帖子

初時落雪覺得好新奇好靚，對多左就覺得無咩特別～住 House 要drive way 鏟雪都幾辛苦幾攰，除非你有鏟雪機

落雪記得著對防水防滑嘅鞋lor ;)

仲有有時太大雪會突然多左日假，停課唔駛返工

私人傳訊

積分: 1212

25^#

發表於 15-10-6 12:56 |只看該作者

回覆 vxmanman 的帖子

以我所知，Skinner（有North分校同West 分校），Lenart，Lincoln Park，Ogden，Keller 都係區內好學校，ranking 高，學生好diverse，而比較多華人子女就讀的就有Haines，Mark Sheridan，都OK架。

私人傳訊

積分: 1212

26^#

發表於 15-10-6 13:15 |只看該作者

回覆 vxmanman 的帖子

即係咁，你要有心理準備，芝加哥嘅唐人街其實唔係好大，亦無乜香港feel，同紐約或三藩市唐人街個規模相差頗大。我親耳聽過有國內同胞大大聲講：“乜呢度咁落後！落後過國內好多！”

私人傳訊

vxmanman

複式洋房

積分: 376

27^#

發表於 15-10-26 13:14 |只看該作者

芝加哥媽媽們..

我想問問芝加哥多唔多識中文既醫生呢.

因為我擔心初到埗.有咩唔舒服要睇醫生都識講.....

私人傳訊

積分: 1212

28^#

發表於 15-10-27 11:49 |只看該作者

本帖最後由 CK_Kukky 於 15-10-27 12:14 編輯

回覆 vxmanman 的帖子

芝加哥唐人街有中國人醫生開嘅診所，唔係好多，來來去去都係個幾位，會講廣東話，我知suburbs都有唐人醫生，不過點搵就唔知。聽聞唐人街口碑比較好的唐人醫生只有兩三個，睇親都要等好耐。美國睇醫生一定要先check清楚該醫生或clinic是否自己insurance network 內的，如果唔係保險network內的可能唔包，或只cover部分。

私人傳訊

積分: 9675

29^#

發表於 15-11-7 23:20 |只看該作者

Hi, 我都住係芝加哥. 以前都曾經係度開過芝加哥嘅topic，但真係好少人回應, 因為好少jm住呢度, 見到你地係度咁多討論, 真係覺得好親切。

好似CK_Kukky講, 呢度唐人街都有好幾個講廣東話嘅醫生, 但好多都要預約..我自己好好彩睇開嘅醫生係可以walk-in, 但walk-in 好多時都要等兩三個鐘, 但已好過無得睇, 因為有時小朋友會病得好急. 我係呢度係跟先生工作的保險plan，通常分PPO, 通常保費最貴，可以自由㨂任何醫生, HMO, 保險公司規定只可睇某個醫生, 政府醫療咭, 無錯嘅話應該係低收入家庭或老人家才可享有, 最後一個方法就係俾現金, 通常睇普通傷風感冒咳約80-100美金.

不過要有心理準備, 呢度睇醫生通常都唔會開藥, 通常醫生會check過唒無任何炎症，都唔會隨便開藥, 會叫你休息多D自己好, 最盡都係開紓緩嘅藥.

私人傳訊

積分: 9675

30^#

發表於 15-11-8 01:14 |只看該作者

芝加哥嘅學校學校 (school district 299) 大概分3個入讀嘅方𣳇:

1. Neighborhood School, 即你住那個區的範圍, 就可以入讀的學校
2. Lottery, 即抽中才可入讀, 每年可在芝加哥市內, 自己根據人種, 遠近或學校教學特色等最多選擇20間, 如不嫌遠接送, 抽中就可入讀.
3. Selective Enrollment School, 即考試才可進入, 在芝加哥大概20多間這類型學校.

以今年為例, lottery 和Selective Enrollment School嘅報名時間係由10/1-12/11，係申請下年9月開學的年度.

CK_Cukky提到嘅skinner north， Lenart， Keller 都係SES， Lincoln Park and Ogden係好好嘅neighborhood school, Mark Shedrian 就係lottery school. 但又有一樣好得意就係, 有d學校可以包含唒這3種入讀方法, 即有住個區,抽獎和考試方法, 每種方法都有一定學額, 就好似CK_Cukky提到嘅Skinner West。那時, 我幫我仔選學校, 最初都睇到一頭霧水, 現在才稍為暸解. 近唐人街附近嘅範圍, 有幾間都幾好學校, 包括Healy, James Ward, Haines (Neigborhood School), 最少有50-60%嘅中國人, 多中國人嘅缺點就係無咁diverse同相對較多功課. 而Mark Sheridan (Lottery School)就有3x% Asian，但抽獎真係好講運氣, 當年我仔仔waiting list 排到90幾.

芝加哥教育局網頁: www.cps.edu

私人傳訊

積分: 9675

31^#

發表於 15-11-8 01:41 |只看該作者

芝加哥嘅唐人街, 最開頭黎到嘅時候, 真係有時光倒流30年嘅感覺, :sweating，好細和唔會有香港feel，但而家睇慣左就還可以。唔講外表, 其實唐人食物, 都算好齊備。所以不用擔心。

至於出外用饍, 這裡都有好幾間不錯的茶餐廳和酒樓, 有親人和朋友黎過, 都説不比香港差, 但最初黎到, 一定會時時計住價錢, 轉返港紙覺得貴, 同埋呢到買野有差不多10% 銷售稅，出外用饍要俾15%貼士。不過, 呢度搵呢度駛, 慢慢就習慣。

私人傳訊

積分: 1212

32^#

發表於 15-11-8 14:25 |只看該作者

回覆 CarterBB0811 的帖子

Hi CarterBB0811,

好開心見到有住芝加哥的jm！好難得遇到。我之前在BK見過有jm住Schaumburg ，住Chicago 的真係好少。多謝你分享的學校資料，好詳細同有用。我都學緊點樣幫仔仔報學校，身邊所認識有仔女的大部分已經讀緊high schools，只係有幾個讀緊elementary schools，來來去去都係Skinner，Ogden，St Therese。Haines 同Healy真係好多唐人！James Ward 我都係最近先認識。聽聞有間新開叫S.T.E.M.什麼的，在UIC附近，唔知好唔好？

親友都話試下考Selective Enrollment Schools，話Skinner 同Lenart好好，但聽講好難考，同埋考D乜？Skinner 功課好多，識得有人仔女讀緊，晚晚做功課做到十點幾十一點。聽講St Therese唔錯，但都係多功課。感覺好似香港學校......

私人傳訊

積分: 1212

33^#

發表於 15-11-8 14:35 |只看該作者

本帖最後由 CK_Kukky 於 15-11-8 14:37 編輯

回覆 CarterBB0811 的帖子

芝加哥唐人街市面真係冇外表可言..... 不過正在逐漸改變中，個新圖書館係個大突破，不過我昨日第一次帶個仔去，入到個兒童圖書館..... 真係呆左，嘈吵混亂不堪，搞到好似室內遊樂場咁，完全唔似個圖書館。

唐人街有部分酒樓開始走高檔路線，我上個月見到有一間在Millennium Park 開分店。

私人傳訊

積分: 9675

34^#

發表於 15-11-9 12:31 |只看該作者

回覆 CK_Kukky 的帖子

我也很高興認識你, 因為係bk搵到係芝加哥嘅jm真係幾難。

S.T.E.M. 是11年才開的lottery school。聽聞校長非常進取, 所以學校的成績相當不俗。曽經見過佢地kindergarten的project，只是instruction都已經係好多張密密麻麻的紙 (我都明會expect家長一齊做), 那時我心想若有幸抽中, 我也不知道我是否應付得了。我幫仔仔報kindergarten之前那年, 有朋友仔仔抽中左Mark Sheridan, 那時我想總會抽中一間。之後個年到自己, 結果全部都係waiting list, 由幾十至到幾百, 我才知道原來朋友係好好運。
係呀, 唐人來來去去都係個幾間, 哈哈。 St. Therese是不錯的, 要著校服和紀律較嚴, 但始終要交學費好金, 仲有每年都有加幅, 還要加上其他雜費，獎卷和annual dinner籌款等等....當小朋友再大D, 有其他興趣班如學琴或運動, 就會好重皮。

你朋友的仔女, 是否在Skinner West 讀到高年級, 做功課做到十一幾十二點, 同香港都差無幾。前兩年, 因為太多人搬入West Loop, 佢地neighborhood program要開到4班KG, 所以學校變得非常擠迫。而classical program原本有兩班, 現在只剩一班, 所以考試入的競爭變得更為激烈。 Skinner North 09 年開校時據聞係超多功課, 但經過家長的反映, 功課量才有所改善。但他們一年會有4個project，基本上家長係要一齊做。

Lenart有朋友仔女讀過, 但最終都quit左, 因為每朝6:15就要行去等校車, 冬天真係好辛苦, 放學要差不多4點才回到家。因為學校在88街(57 highway 向南)，自己接送比較難。

Selective Enrollment School考試每年大概係10-12月報名。 Kindergarten考試會test for both classical school and Regional Gifted Center. 每個小朋友都會單對單考試, 內容應該會包括一D Sight word 和math word problem 文字題, 仲有無其他就不太肯定。

私人傳訊

積分: 1212

35^#

發表於 15-11-9 23:08 |只看該作者

本帖最後由 CK_Kukky 於 15-11-10 03:27 編輯

回覆 CarterBB0811 的帖子

哈哈！可以同你傾到D比較 local嘅話題，感覺好親切！

原來S.T.E.M. 咁新，仲係lottery school，如果一間學校有可以lottery，又可以selective enrollment，同時又係neighborhood school，咁學生程度會唔會差異好大？如果有D要好叻好辛苦先考入一間學校，但其他學生係lottery或neighborhood school咁入，間學校點樣keep住個standard同校風？我有時想，今時今日個州政府同市政府都狂cut funding，好嘅public schools 有無受影響？

我親戚的仔女三兄妹全部讀Skinner West，最大的前年升左去Whitney Young，宜家兩個細讀緊5th grade 同3rd grade，5th grade 個已經話晚晚做功課做到十點幾十一點，個細路已經係好乖好叻，一返屋企即刻做功課，都要做到咁夜。佢D仔女係由St Therese 考入Skinner，佢話入左Skinner，D細路要學識fight for themselves，

禮貌紀律尊師重道各方面就真係無St Therese咁好。但我唔了解public schools，好似Skinner West咁，係唔係只狂谷學生考試分數，其他方面係點？係呢，你仔仔宜家幾大？我個4歲，仲有一個歲半。

唔知點解個post background變左深綠色... 唔識搞返正常。

私人傳訊

積分: 9675

36^#

發表於 15-11-10 04:27 |只看該作者

回覆 CK_Kukky 的帖子

我仔仔差不多7歲了。

無論係抽獎或考試都是同一時間內報名, 只不過分開兩張form填, lottery可以任揀20間學校(其實填幾多間係隨意), 無分先後次序, SES就從所有classical school 和Regional Gifted Center 中由自己最心儀那間開始排, 最多可以揀6間。而放榜那張成績單會有兩個分數, 一個係考classical school嘅分數(分左reading&math兩個分), 另外一個就系RGC嘅分數。 CPS會分兩封信 ,一封係抽獎, 另一封係考試成績單同offer letter (如有)。
Neigborhood class和lottery入嘅應該會一齊分班, 而classical program係獨立自己一班 (即成班都係考入的), 但係CPS網頁show嘅學校成績其實會全部一齊計, 唔會分開兩個成績。之前認識一個Skinner West嘅媽咪, 據她説其實全部班都是用同一set materials，因為佢試過做volunteer幫手影印。

越上高grade功課無可避免會越深越多, 朋友妺妹入左Payton, 又係晚晚做到十一二點, 無諗過美國嘅學校都咁誇張。 Public School同有宗教背景學校已經截然不同, 仲要St. Therese出名好嚴, 識裡面的家長有D直情覺得嚴得滯, 小朋友性格會較死版.... 真係有辣有唔辣。我覺得public school都好depends on 自己班嘅老師對小朋友紀律有無要求, 不過始終相對寛鬆。呢度嘅學校我覺得比較少谷學生, 只是程度較好和接受能力高嘅學生, 學校會比佢地比較challenging 嘅課程。

私人傳訊

積分: 1212

37^#

發表於 15-11-10 11:47 |只看該作者

回覆 CarterBB0811 的帖子

多謝你俾左咁多資料！好有用。

聽你咁講，一係要好叻，一係要好彩，先入得到心儀公立學校。否則，可能硬著頭皮都要送仔女去讀private schools。St Therese 已經大部分係唐人，仲要咁嚴，唔死板就假，我覺得嚮美國讀書工作，性格死板會好蝕底。我睇過其他私校，好似Lab School，Latin School，同埋一D Montessori Schools，睇落學校好好，不過學費勁貴，如果申請得到financial aid 都好，無就真係諗都唔洗諗。

Payton 係頂級學校，要好叻先入到。我聽過有人講，其實連好多有錢人，politicians等都係俾仔女去考好嘅public schools，考到就讀，入唔到先送去D勁貴嘅私校。所以有時D 好貴嘅私校未必好的過top ranking 嘅公校。

私人傳訊

積分: 9675

38^#

發表於 15-11-11 02:55 |只看該作者

本帖最後由 CarterBB0811 於 15-11-11 03:11 編輯

回覆 CK_Kukky 的帖子

私人傳訊