想生BB 今日: 0 | 主題: 109616

積分: 6526

畀面勳章貢獻勳章環保接龍勳章

22^#

發表於 15-8-11 00:06 |只看該作者

本帖最後由 Chocobean 於 15-8-10 09:20 編輯

rebeckywai 發表於 15-8-9 22:54
回覆 Chocobean 的帖子

我反而有興趣想知個過程係點捐?? 捐精就聽得多

過程比想像中長，大概半年。

第一階段係搵人

準父母嘅醫生係唔會幫佢哋搵卵子捐贈或代母嘅，亦唔應該介紹agency。都好嘅，無利益衝突。但就咁於是準父母好迷惘：中國臺灣泰國歐洲澳洲加美墨西哥？我只有接触過澳洲，美國，加拿大與英國。澳洲，英國嘅通常唔會收補償金，於是clinic會好就住確保donor健健康康，通常唔會谷好多卵子，target 8－10粒咁上下大家開心。有聽過得3粒但一擊即中，孖胎。

加拿大我嘅經歷一樣，clinic會好錫住我，從來無俾壓力我話做咩問咁多問題，或做咩得咁少卵泡（13）要谷好多藥，或做咩要同醫生商量咁多一尾聽話就得。我無跟agency所以好自由。都有聽過跟AGENCY嘅加拿大姊妹會覺得公司問得多會唔耐煩或覺得收得錢就要聽話。

但老實講大家都知道無補償金其實好難有人負擔得到，攞半年時間搵自己笨。於是美國最容易搵到人選。美國有超超多agency，好多會喺大學報紙，craigslist，年輕人社區報紙賣廣告，重點係重金回報，無乜講有幾耐或有幾辛苦。聽過幾個姊妹投訴話報完名，做完所有測試，先知到風險幾大等，但到呢個時候back out話唔做，無良agency會要求賠錢，變咗18－19歲妹妹仔好驚或無奈之下繼續。好多谷到30－50粒。agency會讚真係乖，好叻等，下次會多啲補償金等。之但係咁，美國donor討論版三分一人試過有OHSS後遺症，三個人有ovarian torsion，有好幾人入醫院等等。最慘係準父母以為多就好，但咁多，啲蛋嘅質素會差啲，得不嘗失。（有research我可以post出嚟。15粒最理想，15－25 無分別，25打後質素下降。）當然美國咁大，一樣有好好嘅agency。準父母帶眼識人，一樣有好理想嘅結果。寫出嚟係想大家知道一啲pit fall，可以知道點揀agency。

由donor嘅角度睇，agency或自己搵到人之後，就要考慮準父母係唔係自己想捐俾嘅人選。好睇個人要求乜嘢，請準父母唔好投其所好，請誠實回答。有啲donor會要求以後唔好搵佢，亦表明姿態唔想未來子女接觸。咁係叫closed donation 或anonymous donation。之後okay可以接觸嘅叫做known donation或open donation。有啲只會接受結婚多年嘅夫婦。有啲覺得男同志couple，或單身okay。

我嘅唯一條件係，準父母一定要盡快同仔女講自己係由捐卵者卵子受孕嘅。唔一定要提起我，但佢哋要知。唔係為咗我，係為咗佢哋仔女。好多文獻指出一路唔講第日爆煲影響好大。其實細佬仔應該越細個講越好。你就算話佢係石頭爆出嚟，話喺醫院執返嚟，佢一樣會愛護爸爸媽媽。但我都明白喺香港就算仔女接受到，老爺奶奶婆婆公公可能接受唔到。於是我嘅條件唔係個個香港人接受到。（我都知道如果準父母呃我嘅，無諗住講，我都冇計，但希望出發點係為佢哋BB好，對得住良心）

每個donor都應該需要知道捐贈之後，準父母仔女嘅出生日期，地點同性別，避免近親通婚。而準父母亦應該問清楚donor之前有幾多次捐贈，有無其他基因後代，及donor自己有幾多仔女。

第二階段係驗身，大家唔嫌我長氣，如有興趣我再出post

（by the way I LOVE Sailor Venus....my favourite ）

私人傳訊

積分: 6526

畀面勳章貢獻勳章環保接龍勳章

23^#

發表於 15-8-11 01:19 |只看該作者

本帖最後由 Chocobean 於 15-8-10 10:23 編輯

zxzx 發表於 15-8-10 06:07
你打咁多hormones針谷卵不怕嗎？老實講，晤係有問題，我都唔想做ivf, 你又打針又全麻抽卵，最後不是為自己 ...

你打咁多hormones針谷卵不怕嗎？

驚架。好諷刺，我（原本）係好怕打針抽血嘅人嚟。陀B時次次要抽血都會喊成日要老公買貼紙氹返嗰種白痴。

做咗人太太，媽咪之後，要考慮嘅多好多。我亦係父母老年嘅依靠，自己身體唔容易攞嚟較飛。但睇得越多大家嘅故事：一直無辦法懷孕，多次流產，懷唔足月，等等，我知道準父母唔行到最後最後一步，都唔會諗捐贈卵子。佢哋嘅長期傷痛同失望係我冇辦法想像到嘅痛。我自己好感恩，有一次轉避孕藥之間就中咗，順產。但要我自己計劃，我可能都會等到34歲，到時如果已經太遲，走上IVF路嘅就會係我。

驚，於是狂做 research 盡量為自己爭取最最安全，爭取藥最低等等。自己keep住其他身體健康，自己敦雞，放假休息等等。但其實好任性，我知道。感謝老公支持自己夢想。

你做過幾多次？第一次。

不如你提供点令卵子靚同多心得

文獻上咁講，吓。

無論做乜嘢都係後生卵子靚／多過唔後生。病向淺中醫，唔好等，有麻煩即做IVF。基本上每一個研究都會分開年齡組別，年齡係最最大嘅因素。
多唔代表靚，貴珍不貴多，10－15係最理想，只要其中有兩粒靚已經夠。因為probability話15粒裡面有2粒靚嘅機率最大，所以十五。唔多唔好放棄，好多又唔好晒命，唔係多與少，係質素。（http://journals.plos.org/plosone/article?id=10.1371/journal.pone.0056189）多嘅話可能懷孕多，但順產機率一樣，即流產機會反而大咗。

三十五前，唔過瘦或癡肥（36後，sorry，你幾fit都無幫助） (http://humrep.oxfordjournals.org/content/23/8/1835.short)。

卵泡2mm大之前要成半年嚟做，上半年如果你有平日運動，飲食均衡，工作無壓力，卵泡就會多。IVF藥物只可以鼓勵呢D已經用咗半年嚟變2mm大嘅卵泡變熟，所以你AFC卵泡少，谷幾多藥都冇用。 http://europepmc.org/abstract/med/2106451 http://europepmc.org/abstract/med/2106451

食煙要戒。
http://journals.lww.com/greenjournal/Abstract/1996/11000/The_Effects_of_Smoking_on_ovarian_Function_and.9.aspx

男女飲酒都有影響 http://www.sciencedirect.com/sci ... i/S001502820204582X

飲咖啡因飲品有影響。http://aje.oxfordjournals.org/content/145/4/324.short

打針期間你可以做嘅就係.......飲食均衡，無壓力，訓覺。sorry.......中式食療我唔識，我係跟您哋燉雞囉。到尾唔好跑步或大量下身運動，會可能ovarian torsion，卵巢扭轉個種中文係乜？

睇住自己E2：太高（3500+）會可能冇得新鮮放要雪。太多卵泡（15+）一樣，可能冇得新鮮放要雪變咗仲少咗機會。

我從来都唔煙唔酒唔飲咖啡，有跑步，唔肥，係師奶仔無工作壓力，30歲。但咁都得40%機會架咋。希望得啦。

祝好運好孕！！

點評

發表於 15-8-11 11:36

私人傳訊

manlam66

水晶宮

積分: 53671

育兒性格勳章想生BB熱投

24^#

發表於 15-8-11 08:35 |只看該作者

欣賞無私的人，祝你一生幸福。

Have a Prosperous Life!

私人傳訊

積分: 3910

畀面勳章

25^#

發表於 15-8-11 11:19 |只看該作者

回覆 Chocobean 的帖子

我估我身在香港, 應該未必有勇氣去做呢樣野(我暫時只係填左捐贈器官同捐血)不過我覺得你呢個行為我好欣賞好有意義
同埋你的想法好正面

但聽你咁講, 原來係都唔係一個易事
有好多concern, agency 又衰

請你繼續話我知個過程, 我覺得好吸引, 好想知多d

(咁多個之中, 我最鍾意sailor venus

)

私人傳訊

積分: 6526

畀面勳章貢獻勳章環保接龍勳章

26^#

發表於 15-8-11 13:03 |只看該作者

本帖最後由 Chocobean 於 15-8-10 22:03 編輯

manlam66 發表於 15-8-10 17:35
欣賞無私的人，祝你一生幸福。

都祝福你和你一家！thank you !

私人傳訊

積分: 6526

畀面勳章貢獻勳章環保接龍勳章

27^#

發表於 15-8-11 23:12 |只看該作者

rebeckywai 發表於 15-8-10 20:19
回覆 Chocobean 的帖子

我估我身在香港, 應該未必有勇氣去做呢樣野(我暫時只係填左捐贈器官同捐血)不過我 ...

我份人鍾意睇晒所有最負面嘅嘢先，跟住先諗正面。希望寫出嚟大家了解下。後生女決定捐好，但清楚知道前後先捐好過蒙查查然後後悔嘛。
我都係覺得愛神美奈子係最好嘅哈哈哈

第二part係驗嘢同其他手續，今個禮拜好忙預備取卵啦！打緊～

私人傳訊

積分: 3910

畀面勳章

28^#

發表於 15-8-12 08:45 |只看該作者

Chocobean 發表於 15-8-11 23:12
我份人鍾意睇晒所有最負面嘅嘢先，跟住先諗正面。希望寫出嚟大家了解下。後生女決定捐好，但清楚知道前後先 ...

你KEEP 住都有捐?? 加油, 等你答覆!!

私人傳訊

積分: 6526

畀面勳章貢獻勳章環保接龍勳章

29^#

發表於 15-8-21 05:43 |只看該作者

rebeckywai 發表於 15-8-11 17:45
你KEEP 住都有捐?? 加油, 等你答覆!!

捐卵程序2－－－驗嘢--準備
第一PART喺22樓

http://www.baby-kingdom.com/forum.php?mod=viewthread&tid=15770668&page=2#pid238349640

同大家一樣，會驗唔同荷爾蒙／指數例如 FSH E2 LH 嗰啲。
AMH唔一定驗，但可以要求。
再加照超聲睇 AFC 。

唔同嘅係要驗傳染病，性病，如愛滋+肝炎+肺炎等。donor嘅伴侶亦可能被要求檢驗。

另外可以要求驗有冇吸毒，個人覺得十分重要。

再加驗埋基因有冇 recessive gene 加埋爸爸嘅會唔得

抽好多血哦。

由準父母角度睇，可以問攞全身近照睇吓會唔會過肥。要近照先得。唔得嘅叫clinic攞身高體重。

仲有家庭健康記錄。我自己捐嘅時候係填表，話家人無病痛遺傳病等，但無問攞任何證據。

之後就心理審查。睇吓有冇動機唔好或黐黐哋。通常如果donor已婚會叫埋老公。個零鐘傾下偈搞掂。

最後咩都OKAY就搵律師啦。美國有錢收，contract會詳細好多。就算冇錢銀交易都要有agreement，討論問題例如第日donor得咗遺傳病或可好生生CANCER，可以點通知你等等。

準備工夫係咁多。其實好簡單但要夾時間，於是可能搞好耐。

之後就同大家做IVF一樣：避孕藥，等第三日開始打針，取卵。

我搞掂晒喇！結果好理想，取卵一啲都唔辛苦，無OHSS。

整個過程係難忘嘅寶貴經歷，我得益都好多～

私人傳訊

積分: 3910

畀面勳章

30^#

發表於 15-8-21 08:57 |只看該作者

Chocobean 發表於 15-8-21 05:43
捐卵程序2－－－驗嘢--準備
第一PART喺22樓

多謝你的分享~~不過好多TERMS 唔係好明

咁聽落程序和步驟都好似好多, 大約要幾耐先會捐到一次?定係所有前期功夫可以做晒, 等你去捐卵都得丫? 還是最好咩都要最近期做先OK?
(因捐卵又要夾時間, 唔係話捐就捐到, 仲要打針等等)

私人傳訊

小黃太

複式洋房

積分: 461

31^#

發表於 15-8-23 20:53 |只看該作者

欣賞樓主的大愛！

私人傳訊

積分: 6526

畀面勳章貢獻勳章環保接龍勳章

32^#

發表於 15-8-25 06:03 |只看該作者

小黃太發表於 15-8-23 05:53
欣賞樓主的大愛！

Thank you :)
你都可以登記捐骨髓幹細胞架，唔多辛苦快好多，又救到人一命仲有意義過幫忙生仔呢～

私人傳訊

積分: 6526

畀面勳章貢獻勳章環保接龍勳章

33^#

發表於 15-8-25 06:08 |只看該作者

rebeckywai 發表於 15-8-20 17:57
多謝你的分享~~不過好多TERMS 唔係好明

咁聽落程序和步驟都好似好多, 大約要幾耐先會捐到一次? ...

我嘅診所驗血要四個月內先有效，其他地方可能無咁麻煩。美國建議一生人捐最多六次，但有啲人會捐多啲。我個人唔會想捐咁多次。

私人傳訊

積分: 3910

畀面勳章

34^#

發表於 15-8-25 09:26 |只看該作者

回覆 Chocobean 的帖子

係LA~呢D 自願性去做
咁每次捐與捐之間有無話要相隔幾耐??
或者捐...除左體質, 有無話年紀限制?

私人傳訊

積分: 6526

畀面勳章貢獻勳章環保接龍勳章

35^#

發表於 15-8-25 12:32 |只看該作者

rebeckywai 發表於 15-8-24 18:26
回覆 Chocobean 的帖子

係LA~呢D 自願性去做

有啲鬼妹一年三次架。後生打針份量好少，康復亦好快。會睇荷爾蒙架。同埋年齡係卵子質量最好嘅標準，通常三十過後市場就無乜架啦，除非好似我咁係華人，或次次捐都成孕，或父母都金髮藍眼，會受歡迎，可以捐到32～33。

有啲人卵巢好早就老化二十出頭已經唔可以再捐。

私人傳訊

Zitar