大仔大女媽媽會 今日: 0 | 主題: 177860

積分: 2044

21^#

發表於 08-8-2 16:36 |只看該作者

首先你要set好白天既3小時一次俾佢, 如果冇呢個time table, 佢半夜喊就真係因為肚餓, 因為佢生理時鐘都唔定時, 聽你講佢有時會醒兩次添, 咁佢日抖肯定食唔定時, 係咪? 如果佢日抖食奶定時, 咁你就係時候幫佢一把戒夜奶, 有時bb戒唔到, 係因為媽媽冇幫佢一把, 半夜一喊就餵, 咁佢就好難戒

原文章由 ziggy 於 08-8-2 01:28 PM 發表
queeniechan2004
我BB依家11點食完後,多數2-3點起身要食...食完後4-5點又起身...
請問如果11點食完後,BB到2-3點醒左又哭,,,,可以點?

[ 本文章最後由 queeniechan2004 於 08-8-2 16:51 編輯 ]

私人傳訊

積分: 2044

22^#

發表於 08-8-2 16:46 |只看該作者

我個b上星期都仲係成日訓無定時, 夜晚有時十點, 有時12, 有時1點添! 但只要你白天俾到個定時既食奶時間佢, 佢連訓覺都會係定時, 我個b現在晚晚10:30 - 11:00 就會訓著, 朝早around七點會醒食第一餐, 餵食模式同睡眠模式係有關連的, 餵食模式唔定時, 睡眠模式無可能可以定時, 所以你唔洗心急令佢半夜唔起身, 你第一步要做既同叉燒媽一樣, 就係白天set個餵食時間俾佢, 每餐碓保佢飽, 唔準食一半, 慢慢佢就會半夜唔醒架喇, 有咩再問我啦:)

原文章由 snoopymummy 於 08-8-2 01:41 PM 發表
好多謝你的分享,好好好好好呀!
我都好羨慕你做到一個快樂的媽媽,同有一個幸福的寶寶呀!
我好想試下你的方法,不過真係唔知我個c6合唔合作到,因為他係一個極無紀律的人,我大女到依家讀幼稚園都 1am ...

[ 本文章最後由 queeniechan2004 於 08-8-2 16:48 編輯 ]

私人傳訊

積分: 2044

23^#

發表於 08-8-2 17:18 |只看該作者

與大家分享我阿b每天的時間表, 很有用

以下既時間只係大約, 唔洗完全準時, 前後30mins都ok, 媽媽可以隨住唔同需要而決定BB第一餐的時間, 一旦決定左就持之而恆, 唔好亂改
7am - 食奶 (30mins, 再用樽補30cc)
-食完佢會即刻訓番 (我冇話唔洗掃風...)
10am - 食奶 (30mins, 再用樽補60cc)
-同佢抺面, 洗口腔, 抱住佢傾下計, 又放佢係sofa俾佢睇下野, 我就食早餐 (一共1小時)
-放佢上床迫佢訓, 喊都唔理佢, 佢好快會訓著
1pm - 食奶 (30mins, 再用樽補60cc)
-抱一陣, 又放低佢自己玩一陣 (斷斷續續1小時)
-放佢上床迫佢訓, 最好俾佢喊下, 咁佢好快訓著
4pm - 食奶 (30mins, 再用樽補60cc)
-俾佢玩30mins然後沖涼(共一小時)
-放佢上床迫佢訓, 最好俾佢喊下, 咁佢好快訓著
7pm - 食奶 (30mins, 再用樽補60cc)
-家庭時間, 有時可以唔洗俾佢訓直接下一餐, 但佢想訓都可以俾佢訓一陣, 但唔係食完即訓
10pm - 食奶 (30mins, 再用樽補90cc)
-唔洗玩, 直接要佢訓, 但呢餐可以餵多15 - 30cc奶

[ 本文章最後由 queeniechan2004 於 08-8-2 20:05 編輯 ]

私人傳訊

ALICE615

子爵府

積分: 11145

2018復活節勳章好媽媽勳章醒目開學勳章畀面勳章陪月勳章

24^#

發表於 08-8-2 18:42 |只看該作者

我想問下咁bb咪一日得六餐,咁會唔唔夠架,我依家都試緊你所講既方法呀?多謝你既分享呀?唔係我都唔知要點同我個女介呀?

私人傳訊

積分: 2044

25^#

發表於 08-8-2 19:20 |只看該作者

一個月大B一日7-8餐, 兩個月大B一日6-7餐, 三個月開始就4-6餐喇, 夠架喇, 你見佢條條便都有小便即係夠佢成長喇, 同埋一日六餐唔算少, 有D BB兩個月大, 戒埋夜奶, 一日五餐都有

之前我唔識, 係唔係都俾佢埋身啜, 結果佢餐餐都唔夠飽, 一日十幾餐都只係言過其實喳......

原文章由 ALICE615 於 08-8-2 06:42 PM 發表
我想問下咁bb咪一日得六餐,咁會唔唔夠架,我依家都試緊你所講既方法呀?多謝你既分享呀?唔係我都唔知要點同我個女介呀?

[ 本文章最後由 queeniechan2004 於 08-8-2 19:21 編輯 ]

私人傳訊

ALICE615

子爵府

積分: 11145

2018復活節勳章好媽媽勳章醒目開學勳章畀面勳章陪月勳章

26^#

發表於 08-8-2 19:48 |只看該作者

原文章由 queeniechan2004 於 08-8-2 19:20 發表
一個月大B一日7-8餐, 兩個月大B一日6-7餐, 三個月開始就4-6餐喇, 夠架喇, 你見佢條條便都有小便即係夠佢成長喇, 同埋一日六餐唔算少, 有D BB兩個月大, 戒埋夜奶, 一日五餐都有

之前我唔識, 係唔係都俾佢埋身啜, 結 ...

咁即係每餐都比飽佢就可以啦!如果佢埋身食左又唔肯補咁點呀?(知佢未飽既)下一餐早左要食,咁係唔係都等到2.5-3小時先比佢食呀?thx~!!!

私人傳訊

積分: 2044

27^#

發表於 08-8-2 20:10 |只看該作者

如果佢真係未飽又唔肯補(點唔肯??), 咁你就set阿B既time table每2.5小時, 即係7am, 9:30am, 12pm, 2:30pm, 5pm, 7:30pm, 10pm, 唔計夜奶的話就即係一日7餐囉,(呢d時間你可以改, 視乎你想佢第一餐係幾點食, 一旦set左就日日都係呢個鐘數喇) 再大食既b都唔會短過2.5小時就肚餓架, 除非個胃超細果d(唔正常).

原文章由 ALICE615 於 08-8-2 07:48 PM 發表
咁即係每餐都比飽佢就可以啦!如果佢埋身食左又唔肯補咁點呀?(知佢未飽既)下一餐早左要食,咁係唔係都等到2.5-3小時先比佢食呀?thx~!!!

[ 本文章最後由 queeniechan2004 於 08-8-2 20:17 編輯 ]

私人傳訊

ALICE615

子爵府

積分: 11145

2018復活節勳章好媽媽勳章醒目開學勳章畀面勳章陪月勳章

28^#

發表於 08-8-2 20:19 |只看該作者

原文章由 queeniechan2004 於 08-8-2 20:10 發表
如果佢真係未飽又唔肯補(點唔肯??), 咁你就set阿B既time table每2.5小時, 即係7am, 9:30am, 12pm, 2:30pm, 5pm, 7:30pm, 10pm, 唔計夜奶的話就即係一日7餐囉,(呢d時間你可以改, 視乎你想佢第一餐係幾點食, 一旦set左 ...

唔該你呀?我完全明白啦!

私人傳訊

積分: 161

29^#

發表於 08-8-2 20:48 |只看該作者

queeniechan2004,

多謝你的分享啊！我都係用緊你的方法幫仔仔戒夜奶，我都睇左你介紹的書，但我有以下問題，你可否比些意見？（我阿b七星期大，食人奶＋奶粉）

1.食完十點幾餐奶之後，如果半夜都醒要食，係咪照餵？

2.如果七點食第一餐，五點醒左要食咁比唔比？

3.我阿b好長氣，可以勁喊好耐，佢又唔肯自己訓，要人抱睡。咁情況你會唔會抱佢㗎？定由得佢喊到瞓？

4.我阿b食完每餐奶都打c egg，你bb會唔會？如果會你會點處理？

私人傳訊

積分: 2044

30^#

發表於 08-8-2 22:08 |只看該作者

1. 初時我個b半夜3點幾都仲醒, 咁我就照書咁做, 等5-15mins先過去拍下佢, 如果仲喊先餵佢, 我試左幾晚, 佢有一晚就突然訓天光了

2. 本書有講呢樣野, 如果照呢個方法去做, 在bb二, 三個月大時, 大約5am-5:30am會醒來對自己說話大概一小時, 之後通常會再訓大約一小時, 呢個奇怪階段可能持續一週, 如果你次次聽到佢嘈都採取行動, 清晨5點就會養成你bb的起床時間......我個b初時都有5點醒, 但我有照餵佢, 不過佢食少少就訓番, 七點我再整醒佢食奶, 過多兩日佢5點冇醒喇

3. 其實只要佢肯戒夜奶, 抱住佢訓下我都會咁做, 唔洗一定迫佢喊到訓, 因為我阿b都好長氣, 有時我都忍唔住抱佢, 一抱佢就訓著

4. 我阿b好少, 但幾日內都會有一兩次, 你俾佢喊下, 喊兩聲就停打c egg架喇, 萬試萬靈, 但如果係飲緊人奶, 俾佢啜多兩啜都會停, 但原則上你可以由得佢打, 冇害的, 但會影響佢訓唔到覺囉

希望幫到你啦!

原文章由 kybmama 於 08-8-2 08:48 PM 發表

queeniechan2004,

多謝你的分享啊！我都係用緊你的方法幫仔仔戒夜奶，我都睇左你介紹的書，但我有以下問題，你可否比些意見？（我阿b七星期大，食人奶＋奶粉）

1.食完十點幾餐奶之後，如果半夜都醒要食，係咪照餵？

2.如果七點食第一餐，五點醒左要食咁比唔比？

3.我阿b好長氣，可以勁喊好耐，佢又唔肯自己訓，要人抱睡。咁情況你會唔會抱佢㗎？定由得佢喊到瞓？

4.我阿b食完每餐奶都打c egg，你bb會唔會？如果會你會點處理？

私人傳訊

積分: 161

31^#

發表於 08-8-2 22:17 |只看該作者

多謝你的回覆啊！

我阿b依家都喊緊(由9:50pm開始），下餐schedule的時間係10：30pm，咁係咪要等到夠鐘先食？

唉！唔知要試幾多日我阿b先可以好似你bb咁一覺訓天光！

私人傳訊

積分: 2044

32^#

發表於 08-8-2 22:22 |只看該作者

最好等到十點後先最後一餐, 咁你先可以碓保佢7am前唔會起身麻, 如果佢真係喊得勁, 你十點餵佢囉, 食完大約10:30pm, 都好岩時間! 個schedule唔一定3小時, 有時佢特別餓的話2.5小時都ok架

原文章由 kybmama 於 08-8-2 10:17 PM 發表
多謝你的回覆啊！

我阿b依家都喊緊(由9:50pm開始），下餐schedule的時間係10：30pm，咁係咪要等到夠鐘先食？

唉！唔知要試幾多日我阿b先可以好似你bb咁一覺訓天光！ ...

[ 本文章最後由 queeniechan2004 於 08-8-2 22:25 編輯 ]

私人傳訊

積分: 161

33^#

發表於 08-8-2 22:27 |只看該作者

照三個半鐘schedule來說，如果阿b半夜兩點到喊，係咪確定佢唔係濕片的話，就由佢喊五至十分鐘睇下會唔會瞓返，如果唔得就餵佢？

原文章由 queeniechan2004 於 08-8-2 22:22 發表
最好等到十點後先最後一餐, 咁你先可以碓保佢7am前唔會起身麻

私人傳訊

積分: 2044

34^#

發表於 08-8-2 22:36 |只看該作者

5 - 15mins啦, 5 - 10太益阿b喇

其實你呢個問題既答案係好微妙的, 要視乎你忍耐力和bb的韌力, 如果你係忍受唔到bb喊的父母, 你可以餐餐餵佢, 只要你有set schedule俾佢, 佢係一定有訓天光的傾向, 但唔知要等幾耐, 不過都唔會好耐佢就會自動化訓天光, 唔洗你所講果d等佢喊幾多分鐘添! 但如果你想佢勁快學識訓天光, 你可以等佢喊耐d都得, 但等幾耐, 你自己決定啦

原文章由 kybmama 於 08-8-2 10:27 PM 發表
照三個半鐘schedule來說，如果阿b半夜兩點到喊，係咪確定佢唔係濕片的話，就由佢喊五至十分鐘睇下會唔會瞓返，如果唔得就餵佢？

[ 本文章最後由 queeniechan2004 於 08-8-2 22:50 編輯 ]

私人傳訊

積分: 161

35^#

發表於 08-8-3 09:15 |只看該作者

噚晚試左第一晚，阿b食完十點半個餐（食完差不多十一點半），可以頂到四點三，之後由佢喊十分鐘，唔得再食人奶＋奶粉，但食完即刻訓唔返，扭到六點左右自己瞓返。唔知算唔算成功呢？？

但我仍有以下問題：

1.預算七點半起身食奶，但佢真係好sleepy，叫到八點先開始食。咁係咪以後日日都係八點呢？

2.因為阿b太眼訓，一支奶食成個鐘有多。係咪如果食唔完，而下次叫食時間又多個兩半鐘都照俾？咁再下一餐係三個半鐘後，定係等到下個預定時間？（我意思係一餐keep唔到，咁之後餐餐都提早？定係要等夠時間？）

3.到晚上十一點只係得五餐，係咪夠㗎？

各位有甚麼意見？

私人傳訊

eggeggmama

積分: 163

36^#

發表於 08-8-3 09:34 |只看該作者

我阿B個schedule都係3個鐘，但係最困難係要佢45mins食完 (佢最少都食1hr，每餐掃風起碼5次)，要佢全餐食晒我諗要1.5hr。而且好難要佢食完清醒，同佢講極嘢都唔會醒，點算呢?

私人傳訊

積分: 2044

37^#

發表於 08-8-3 11:44 |只看該作者

我覺得你要再俾D耐性, 我都用左差唔多一星期佢先完全半夜唔醒, 但有D阿唔係一唔醒就唔醒, 會慢慢拉長半夜醒既時間, 例如佢尋晚4:15AM, 今晚可能5:15AM, 如此類推, 個個B唔同, 但你同佢係互動的, 你可以推佢一把!

1. 唔係日日都要8點, 如果你堅持想佢日日7:30AM, 你仍可繼續努力令佢7:30AM食第一餐, 食多左佢自然7:30醒(AROUND).
一開始我唸住SET我阿B朝朝7AM, 但佢硬係大約6AM就醒, 咁我就唔理佢一陣, 佢會嘈一陣, 但唔係喊, 跟住佢越來越大聲我就俾奶咀佢, 結果可以拖到7點, 我用左幾日拖延攻勢, 最終佢以後都大約7AM先起身喊食喇, 所以阿B既時間唔係佢定俾你, 係你定俾佢, 冇話唔得架, 你有耐性就OK, 我就係咁樣調到佢7AM, 要付出時間架, 唔係試一日就得左, 起碼幾日

2. 本書教餵B要守時之餘, 亦一定要有一定程度的彈性, 你呢餐遲左(或早左), 你就可以計番預定時間同你遲左(或早左)的中位時間, 例如本來1PM要餵, 但因之前唔飽, 佢12:30PM就要食, 你照俾佢食, 但下一餐你可以3:45PM餵, 如果佢3:30P就嘈, 你可以拖下佢, 俾奶咀來拖延是最好方法(但唔好因為眼訓而俾奶咀安慰, 奶咀係呢度既角式只用於拖延, 而不是安慰佢去做某d野), 咁下一餐你又拖佢15mins, 就可以拖番到7pm, 點解要咁做, 係因為如果你咁做, 咁就不至於因為遲左(或早左)一餐, 而最終改變左佢最後一餐時間結果改變埋睡眠時間, 咁就唔好, 朝早第一餐同最後一餐盡量準時, 有時如果尾二果餐遲左一個鐘(即係8pm), 你到左10pm可以餵佢跟住俾佢訓, 唔洗等到11pm喇, 你明唔明我講乜?

3. 夠唔夠唔係睇餐數, 係睇阿b反應, 你set左個time table俾佢, 而佢又餐餐捱到, 即係佢滿足啦, 但最理性的方法係睇佢條便便, 一日至少有5-6條(當中有一兩條係濕到透)有尿既便便就即係佢夠食喇

希望幫到你啦

原文章由 kybmama 於 08-8-3 09:15 AM 發表

噚晚試左第一晚，阿b食完十點半個餐（食完差不多十一點半），可以頂到四點三，之後由佢喊十分鐘，唔得再食人奶＋奶粉，但食完即刻訓唔返，扭到六點左右自己瞓返。唔知算唔算成功呢？？

但我仍有以下問題：

1.預算七點半起身食奶，但佢真係好sleepy，叫到八點先開始食。咁係咪以後日日都係八點呢？

2.因為阿b太眼訓，一支奶食成個鐘有多。係咪如果食唔完，而下次叫食時間又多個兩半鐘都照俾？咁再下一餐係三個半鐘後，定係等到下個預定時間？（我意思係一餐keep唔到，咁之後餐餐都提早？定係要等夠時間？）

3.到晚上十一點只係得五餐，係咪夠㗎？

各位有甚麼意見？

[ 本文章最後由 queeniechan2004 於 08-8-3 11:48 編輯 ]

私人傳訊

積分: 2044

38^#

發表於 08-8-3 12:02 |只看該作者

我阿b都餐餐食45mins架, 但係由食開始計3個鐘喎, 唔係由食完開始計.
呢本書有多次強調過一點, 就係三個作息的基本活動必需按照次序 ->食奶時間->清醒時間->小睡時間, 你可安排下一餐奶前1-1.5小時係佢小睡時間, 呢個次序好重要, 好多時有d阿b無辦法定時肚餓定時食, 或試好多日都唔成功set time table俾佢, 係因為清醒時間同小睡時間對調左(不過我都知唔係咁易, 但呢part真係要用d時間俾d耐性去堅持, 我阿b開始時都唔肯小睡, 一放佢落床佢就開始喊, 但本書話, 你唔好介意佢喊幾耐, 如果係斷斷續續的喊, 俾佢喊足1.5小時都ok! 佢唔會因此唔開心! 總之可以小睡幾耐, 阿b自己決定, 但一般都唔會喊足1.5小時都唔訓架, 我阿b次次喊得十幾分鐘就會訓, 有時甚至喊30mins, 停下訓下, 跟住又喊下, 喊到下餐, 書話呢種係bb喊既藝術喎, 尤其係喊下停下呢d, 訓醒一樣會笑)

原文章由 eggeggmama 於 08-8-3 09:34 AM 發表
我阿B個schedule都係3個鐘，但係最困難係要佢45mins食完 (佢最少都食1hr，每餐掃風起碼5次)，要佢全餐食晒我諗要1.5hr。而且好難要佢食完清醒，同佢講極嘢都唔會醒，點算呢? ...

[ 本文章最後由 queeniechan2004 於 08-8-3 12:03 編輯 ]

私人傳訊

積分: 161

39^#

發表於 08-8-3 13:38 |只看該作者

Queenie,

多謝你的回覆啊！我會努力再試！

不過，要阿b做到食奶﹣﹣＞清醒﹣﹣＞小睡　呢個pattern真係好難，尤其係要叫醒佢食奶，同埋食完瞓著左叫返醒佢。

希望阿b大啲多啲清醒時間會好返啲啦！

私人傳訊

snoopymummy