5. 捕捉機會
12/2015 首次正式跟足紅d去捕捉機會，但發現因一直唔知自己深色可以是幾深，
所以早左。果晚，仲要不太順利，可能太着緊是否會中了......第二朝老公
捉返我轉頭......
所以諗住都有機嫁，不過後來見到跌溫，都知無望。
我諗住4月都無消息，看專科啦。年紀唔細。
1/2016 就係最凍果幾日 .....咁凍，我都唔想動啦，何況丁丁，慢一點有何出奇，
而且有晚「捕捉」前，老公提一些好煩惱既野，搞到情緒唔好，我仲同
佢講，明知今晚重要，做乜今晚提d咁既野 。
應是在排卵前後一日(22/1,24/1)都交功課。完左都冇去洗，學jm墊高腳。
小總結: -都係放鬆好，就算生左小朋友，最重要的仍是夫妻關係!
6.禱告交上
呢一樣，其實應該是最早，可是又是中途才調整心態。和老公應10/2015開始正
式為新成員加入禱告，回想，10月至12月中，的確是有種，怕老公失望，唔想
佢傷心的心態，也怕再過時間，年紀太大。12月誤以為有機後，我有反省:
生命從來不到我們掌握 !有或冇，都不代表你準備好做人父母未。我見過很喜歡
而且很受小孩歡迎的姐妹，6年都未有所出，難度佢未準備好?失敗? 絕對不是!
我仍見到她很喜樂，生活有方向有目標。有諗過，萬一冇，咪領養。我人生的
貢獻和價值不止由小孩來定義。
而且，小孩從來不是我的，也不是我們的，他的人生是獨立，是上主交付我們的
，我們只是管家去管理。上主不交給我去管，或者有其他野俾我去管。
當然，我仍是想有小孩，但反省後，輕鬆左。
現在BINGO左，另一挑戰，就是唔好成日諗佢係咪仲成長緊，萬一天父接佢返去，我只是遲點見到佢，唔係冇得見。
7. 回想check 到bingo前的徵狀
因為12月誤以為有機，當時有腰痛，所以放鬆後，都冇乜把那些情況入心，
所以都是回想''應該係''的徵狀
28/1/2016 有點感冒症狀 ，好累，我的工作需要站的，但我頂唔住，真係要坐。
果下諗，唔係弱成咁呀...痰痴喉，小小喉痛，去左飲涼茶，仲要飲左
兩枝..........
30/1/2016 去厠所發現有小小血絲，之前未試過。之後果日有問中醫，佢話有時
經期間有都好正常，我冇事。
同時陰部有少許痕。以前都試過，幾日後自己好，所以諗住一直係咁
先算。心諗，可能交完功課冇去洗掛。過左一星期又冇事。
4/2/2016 去左郊遊，背個大背包行足半日。個人好想訓。好易肚餓，好想食野。
5/2/016 被迫對住一堆唔想食既野，食唔到，肚脹脹，飲左幾啖酒(不時唔飲
嫁......)。返到家，有少肚瀉，但想來想去也想不到我食錯了什麼。
6-8/2016 都係好想訓。好易肚餓，好想食野。
未完待續
8. 其他相關
9/2015 我一直有做運動，和老公在此月開始一星期跑一次步。更嚴格執行兩個星期只 食一次冷野既規定。
9. bingo 後感冒/中西醫叮囑我的事
Check到bingo後，感冒 ....鼻塞，咳，諗住試下訓多點自己好，唔得，都係去看返
醫師。醫師叫我唔好咁擔心，小病是福，冇野既! 佢冇再針灸，以指代針。開的中
藥既對bb好又醫我感冒。
醫師叮囑我，白菜、芽菜、白蘿蔔、菠蘿，涼既野，千萬不要食。我問佢，在網
上人地話唔好答搏頭係咪真，佢話係，因兩肩果個位是引發宮縮的，即是說唔好
背背句，手拿包好了。問過可中藥同時食維他命，我自己就隔三個鐘先食。
樓下診所醫生叫我唔好再食megawomen, 開左葉酸，b6,b12俾我。
婦產醫生話食惠氏ok，再加開葉酸，需要時食止暈止嘔丸。鈣片不用食住。
西醫護士就叫多飲水，多訓覺，因一天體溫跌0.3，撞巧護士打來，我問佢，佢話，
你係驗到有左啦嘛(都照到心跳了)，我個人提議就唔好再check啦，自己嚇自己。
咁，我看到話如果跌溫，有可能先兆流產...結果體溫兩日後去返36.8。
10.現在我做的準備功夫
食:係佔最大部份既。所有有添加劑，防腐既野唔食或儘避，即是什麼薯片，
汽水，盒裝飲品，即食 ，都唔碰。check到bingo前買左啫喱諗住新年食，
都冇食啦.......
涼既野，中醫話唔食既當然唔食，看上網話意米，木瓜，蟹唔好食，
都唔碰。
儘量健康飲食，食生果、果仁、五谷餅乾、蜜糖水、牛奶。蔬果會浸專用
的清潔劑，浸水後再食。食惠氏和葉酸。
舊樓怕有鉛水，現買蒸餾水飲用。放定在溫水樽，涼水不碰。
起居:有得訓就訓，行路要慢慢，一行太快想嘔。小小暈車浪，故坐巴士要下層中
間。重野老公拿，買餸需要時分兩次。
衫: 要買過bra，無鋼圈的。雖肚未太大，但有扣的褲食野後坐下頂住，所以
着leggings，有些緊身衫都頂住，在普通衫店買左件鬆身裙，諗住生前後
都可着。
同佢講下野: 我知佢未聽到啦，是訓練定老公到時要講多d野俾bb聽。佢真係唔叫唔
講野既人。我話，你唔講，bb點學講野，及點知你邊位?咁細個，好多
野要講埋出口先得，唔係一個動作就夠嫁。訓練定差唔多既啦。
禱告 :照到有心跳係好開心，同時又擔心會唔會突然停。唯有禱告交上，我組了
一個四人whatsapp gp ，都是媽媽級，專為我、bb、老公禱告。有她們真係
好好!!
找唔到人既可以參考呢個:
http://www.do-this-prayer.org/prayer_handbook/book/God_gift/content.html
我個人認為詳細得過份，但順道認識胎兒發育過程又幾好。
以下呢個都有逐星期講胎兒成長，更有講準爸爸注意事項，我覺得好好啊，因好多資料都係得媽媽和BB,有一部份是俾爸爸看的都唔知幾好。
http://www.babyclub.com.tw/category/pregnancy/second_month
發表於 
返回列表
