回覆樓主:
你之前出咁多帖，曾經好多好心人過來人同路人回過你，要知道要人關心嘅同時自己都要自愛，否則就浪費咗佢地嘅好意。你都識講，學校有老師關心你有社工幫你，但你唔俾人幫，自暴自棄，成日做一d明知會令人失望難過嘅行動，你想佢地點？要幫嘅幫咗，要做嘅做咗，要講嘅講咗，但睇唔到你有進步的話，仲可以做d咩？情緒病發自內心，即使有外在因素，最終只有你自己可以走出陰霾，旁人極其量只可以鼓勵下你，你跌倒扶起你，你要以死去引人注意，一次兩次三次。。。可以拉得你幾多次，又或者成為狼來了嘅故事，唯一可以救得番你就係你自己唔當係一個可以選擇嘅方法。
未知生，焉知死？16年你見到幾多嘢，人生美好陰暗面你了解幾多？或者有更好嘅日子喺前面，而家就賭負面的話，之後發現揀錯就笨啦。
網上世界真假難分，網友留言冇人控制到，你咁耐以嚟收到幾多鼓勵留言幾多攻擊性留言？你知嗎，最初好多人勸你鼓勵你，有人話你膠都俾人鬧，但當你出咁多膠帖又作故仔，最初信你都變成懷疑，由一早就懷疑你嘅變成更加可以肆意鬧你，去到近期直情開帖指名道姓諷刺你，你覺得呢d就係你要嘅所謂關心嗎？最唔應該就係鼓勵你幫你講好說話嘅會員俾人話蠢話發姣話春心蕩漾話護航，你叫幫你嘅人情何以堪？人人都要為自己言行負責，你而家有病我唔怪你，但只怕你好番後會自己怪自己啫。希望你真係有心自救，機會俾完一次兩次唔會有第三次，好自為之。要開帖揾人傾計可以，但膠帖唔該真係要戒，唔好逼人趕你走。
花旗太太生活在花旗國，留意時差，你問我未必即時答到。
發表於 
睇完只會更加唔開心
返回列表
